Ai do të vazhdojë të jetë pjesë e stafit teknik, ndërsa “Dragonjtë e Oportos” kanë zgjedhur t’i besojnë portën anglezit Xho Hart. Mirror raporton se negociatat me portierin e Bërnleit kanë nisur.

32-vjeçari numëron 75 ndeshje të zhvilluara me kombëtaren angleze dhe Porto beson fort tek eksperienca e tij. Pas aktivizimit në Serie A me Torinon, kjo di të ishte aventura e dytë jashtë Anglisë për portierin e njohur.

Sipas medies franceze “telefoot”, Brahimi ka pranuar ofertën e ekipit nga Katari, Al Rajan. Milionat nga sheikët e shtetit në Lindjen e Mesme kanë qenë të mjaftueshme që Brahimi të refuzojë oferta të ndryshme nga klube evropiane.

Në pesë sezonet e fundit, Brahimi ishte pjesë e Portos, ku u shpall  dy herë lojtari më i mirë i kampionatit portugez.

?? @IkerCasillas fará parte do staff diretivo da equipa de futebol, enquanto recupera do problema de saúde.
? “Vou fazer a ligação entre a equipa e o clube.”
? “Que todos juntos possamos fazer uma grande época”
Notícia completa? https://t.co/3yJTdPS57b#FCPorto pic.twitter.com/0NUWqxR5E8

— FC Porto (@FCPorto) July 15, 2019

Problemet për Kasijas filluan në muajin maj, kur “gardiani” pësoi një atak kardiak gjatë një seance stërvitore. Ndërhyrja e shpejtë e mjekëve bën që 38-vjeçari ta merrte me shpejtësi veten.

Pavarësisht ngjarjes së ndodhur, Kasijas nuk është frikësuar dhe beson se mund t’ia dalë të rikthehet në portë edhe për disa ndeshje të fundit në të ardhmen e afërt.

Futbollisti 24-vjeçar është një produkt i Atletiko Madrid, por prej tre sezonesh luan në Portugali me Porton. Për të shkëputur Torres nga portugezët, Sevijës i është dashur të paguajë 12 milion euro.

Torres po kryen vizitat mjekësore në këto momente dhe zyrtarizimi është vetëm çështje orësh. Kontrata e 24-vjeçarit me Sevijën është e vlefshme për pesë sezone.

Hapësirat e pakta e kanë detyruar 32-vjeçarin të rikthehet në Portugali. Markano ka arritur akordin me Porton, që pagoi 3 milionë euro në arkat e klubit kryeqytetas, dhe ka firmosur për katër sezonet e ardhshme. “Dragonjtë e Oportos” kanë zyrtarizuar rikthimin e mbrojtësit në faqen zyrtare të klubit.

Markano u transferuar për herë të parë te Porto në vitin 2014, ku vendosi të largohet nga Rubin Kazani. Tani është gati për aventurën e dytë luzitane.

??? #FCPorto #BemVindoMarcano pic.twitter.com/usazZmZcy6

— FC Porto (@FCPorto) July 11, 2019

Pinto Da Kosta lëshoi akuza të forta kundrejt arbitrave, të cilët i cilësoi si kundërshtarë të veshur me të zeza, që ecin me bilbil në gojë ose qëndrojnë ulur përpara ekraneve televizive.

Këshilli i Arbitrazhit të futbollit luzitan denoncoi  81-vjeçarin, ndaj të cilit u morën masa. Da Kosta është pezulluar me 90 ditë dhe është gjobitur me 11.480 euro gjobë për deklaratat e bëra.

Ai mban rolin e presidentit të Portos prej vitit 1982 dhe numëron mbi 60 trofe të fituar, duke qenë presidenti më fitues në Evropë në aktivitet. Da Kosta njihet si një personazh kontrovers. Kjo nuk është hera e parë që dënohet. Në vitin 2008 u përfshi në afera korruptive dhe u dënua me dy vjet pezullim dhe 10 mijë euro gjobë.

Gjithsesi, dëshira e gardianit është të mos largohet nga Serie A. Në Itali për të interesohen Milani dhe Fiorentina. Kuqezinjtë mbeten një mundësi shumë e mirë. Donaruma shihet çdo ditë e më larg, me PSG që ka hapur thesin për ta blerë. Perin do ishte një zgjedhje e mirë dhe mjaft ekonomike.

Sigurisht, nuk mund të mendohet një rikthim i menjërhershëm në fushat e lojës. Me shumë mundësi Iker do i nënshtrohet seancave të gjata testuese dhe stërvitore në mënyrë individuale. Megjithëse, mbetet e paqartë nëse Kasijas do zbresë në fushë, me postimin e fundit na tregon se ai po bën maksimumin për t’u rikthyer.

Kontrata e tij me portugezët përfundon verën e ardhme dhe akoma nuk mendohet ndërprerja e saj. Në ditët në vijim do të kemi një panoramë më të qartë të asaj çka do ndodhë me jetën profesionale të një prej legjendave të futbollit botëror.

Vuelta al trabajo. Primer día. ? @FCPorto pic.twitter.com/7NkmLRTfwz

— Iker Casillas (@IkerCasillas) July 1, 2019

Gjithsesi, duket se zyrtarizimi i afrimit të parë është çështje kohe, pasi Jasin Brahimi ka gjetur akordin me londinezët dhe do të kalojë në Emirates me parametra zero.

Algjeriani do të jetë lojtar i lirë me 1 korrik, pasi kontrata e tij me Porton përfundon. Kështu, Arsenali bën një goditje mjaft të zgjuar, teksa afron një lojtar mjaft të vlefshëm si Brahimi duke mos paguar asgjë.

Para 5 vitesh, Zhoao Feliks ishte vetëm 14-vjeç dhe përfaqësuesit e tij menduan ta dergonin te akademia e Portos. Pasi qëndroi rreth 2 javë te akademia e “Dragonjve”, vëzhguesit teknik i thanë të bënte gati valixhet dhe të largohej, pasi fiziku i tij ishte shumë i vogël.

Feliks vendosi që t’i bashkohej akademisë së Benfikës në moshën 15-vjeçare dhe aty e pranuan, duke e rritur si futbollist dhe duke i dhënë mundësinë që të luajë me ekipin B që në moshën 16-vjeçare. Vetëm 1 sezon e gjysmë me Benfikën B dhe Feliks kaloi te ekipi A, ku tregoi paraqitje të shkëlqyera. Sezoni i shkuar, ishte shpërthimi i yllit portugez, i cili shënoi 15 gola dhe siguroi një kalim te Atletiko Madrid… për plot 126 milionë euro. Një tjetër gabim trashanik i Portos.

“Ka shumë vite që e them: Futbolli nuk është investim me shumë të çmendura, të shpenzosh miliona euro që të fitosh trofe. Investimi më i madh është të mbash lojtarët që ke në skuadër dhe të krijosh një grup të fortë. Atë bëra dhe unë me Porton në sezonin 2003-04. Manish, Paulo Ferrera, Deko e shumë të tjerë ishin shumë pranë largimit, por ju premtova trofe dhe ia dolëm.

E mbaj mend shumë mirë atë finale (Champions League, 2004). Ishte një nga arritjet e mia më të mëdha në karrierë. Nuk kishim buxhetin e shumë skuadrave që ishin në atë kompeticion, por kishim një qytet të tërë me vete dhe një dëshirë të madhe për të qenë të suksesshëm. Ishte e vështirë për të kaluar nga Europa League në Champions League, skuadra duhet të rritej shumë. Por ne ia dolëm, skuadra që kisha ishte gati për të luajtur në Champions.

Bëmë ndeshje të mëdha kundër Real Madridit në grupe, pastaj kundër Mançester Junajtid. Mposhtëm Lacion dhe Selltikun, duke e ditur që nuk jemi skuadra më e fortë, por që duhet të luftonim shumë. Shumë njerëz mendojnë se talenti të fiton ndeshje, por strategjia është kryesore.

Një natë para finales, isha në hotel në Mançester, agjenti më telefonoi dhe më tha që duhet të flisja me drejtuesit e një skuadre të madhe angleze. Jo Çelsi, një skuadër tjetër. Në atë kohë, Premier League kishte vetëm dy trajnerë të huaj, Benitez dhe Venger.

Edhe pse e kisha vendin e punës gati, objektivi im kryesor dhe i vetëm ishte triumfi në finale. Skuadra ia doli, morëm fitoren më të madhe në historinë e klubit. Krenar për arritjet e mia me Porton, ndoshta një ditë kur të mos jem më pjesë e futbollit, do t’i tregoj të gjitha”, përfundoi Murinjo.

Si destinacion të ardhshme për 41-vjeçarin janë përfolur shumë ekipe si Atalanta, Parma apo edhe Porto. Në një rrëfim për “Gazzetta dello Sport”, legjenda italiane ka treguar se është në kërkim të emocioneve, si dhe ka zbuluar largimin nga PSG.

“Këto ditë kam lexuar një frazë që më ka pëlqyer shumë. Françesko Guidolin u pyet nëse do të ishte i lumtur me rikthimin te Verona dhe ai u përgjigj: ‘Janë emocionet që po kërkoj.’ Të them të vërtetën edhe unë gjithashtu jam në kërkim të emocioneve.

Prej pesë muajsh PSG më kishte komunikuar se në sezonin e ardhshëm do të isha portieri i dytë. Kisha kohën e mjaftueshme për ta menduar dhe për të vendosur. Dola në konkluzionin që nuk ishte për mua diçka e tillë, kështu që u largova duke hequr dorë nga shumë para dhe nga kontrata për një tjetër vit.

Dua të jem i qartë, eksperienca në Paris ishte e jashtëzakonshme në çdo mënyrë, por kishte vetëm diçka negative: Më mori shumë kohë nga gruaja dhe fëmijët dhe nuk kam qëndruar shumë me ta. Gjithsesi, do të kem mundësi ta korigjoj këtë gjë.”

38-vjeçari e ka ndarë mendjen dhe portugezja “O Jogo” zbulon zgjedhjen e gardianit. Kasijas nuk do të rikthehet më në fushat e blerta. Merr fund kështu karriera brilante e një prej portierëve më të mirë në histori, i cili fitoi gjithçka dhe numëron 23 trofe të fituar me Realin, Spanjën dhe Porton.

Presidenti i Portos i ka ofruar një rol në stafin teknik gjatë një mbrëmje, ndërsa në të ardhmen mund të bëjë rolin e drejtuesit. Klubi portugez ka zgjedhur edhe pasardhësin e tij. Porto synon një tjetër legjendë dhe ka nisur negociatat me Xhixhi Bufon, i cili mund të zëvendësojë mikun e tij të ngushtë tek ekipi luzitan.

Kontrata nuk iu rinovua dhe Bufon është një lojtar i lirë. Ekipi që po interesohet për shërbimet e tij, është Porto. “Dragonjtë” nuk do të kenë më në portën e tyre Iker Kasijasin, i cili e mbylli me futbollin e luajtur në moshën 38-vjeçare, pas një problemi shëndetësor.

Si pasojë, Porto po mendon të marrë një tjetër portier me eksperiencë dhe ka zgjedhur Bufon. Gardiani italian po mendohet për këtë ofertë, teksa Portugalia e tundon shumë. Mbetet për t’u parë nëse Xhixhi do të zgjedhë Porton për të vazhduar karrierën e tij.

Ai ndjen se mund të luajë akoma në nivele të larta dhe klubi portugez është një destinacion shumë i mirë. Marrëveshja pritet të mbyllet në ditët në vijim. Kujtojmë që Bufon ka ndërprerë marrëveshjen me PSG vetëm para pak ditësh.

Gjithsesi, drejtuesit e “Los Colchoneros” nuk kanë humbur kohë dhe kanë zyrtarizuar në orët e vona të mbrëmjes së kaluar transferimin e parë, që shihet edhe si zëvendësuesi ideal për uruguajanin. Ai është mbrojtësi brazilian Felipe, i cili është blerë nga Porto për plot 20 milionë euro.
Një transferim i tillë po përflitej prej kohësh, por vetëm një natë më parë ka ardhur zyrtarizimi, ku me një komunikatë publike, Porto ka njoftuar shitjen e mbrojtësit 28-vjeçar tek Atletiko Madrid për shumën e 20 milionë eurove. Detajet e kontratës pritet të zbulohen në prezantimin e Felipes.

Koha e rregullt u mbyll me rezultatin 1 – 1, ndërsa në shtesë Sportingu gjeti avantazhn me Bas Dost. Në sekondat e fundit Porto barazon me anë të brazilianit Filipe dhe më pas fillon lotaria e penalltive.

Autori i golit Bas Dost tregohet i pasaktë, por të njëjtin gjë bëjnë lojtarët e Portos me Pepen dhe Fernandon që gabojnë në goditjet e tyre.  Braziliani  i Sportingut, Felipe gjuan penalltinë e pestë dhe bën që të fillojë festa e skuadrës së tij.

FINALJA E KUPËS SW PORTUGALISW
SPORTING 2 – 2 PORTO
Shënues: Fernandes 45′, Bas Dost 101’/ Soares 41′, 120+1′
(4 – 3 11-metërshat)

A TAÇA É NOSSA!!!!! ?

Conseguimos!!! Vencemos a 17.ª Taça de Portugal da nossa história!!! Foi nas grandes penalidades!! Foi #AtéAoFim!! ? #SportingCP #DiaDeSporting pic.twitter.com/hZk56hNE12

— Sporting CP (@SportingCP) May 25, 2019

Protagonisti e këtij sezonit te Benfika ishin padyshim trajneri Bruno Lage, i cili u emërua në këtë post gjatë muajit janar, kur Benfika ndodhej në vendin e katërt, shtatë pikë larg kryesuesve të Portos.
Në fushë, “aktori” kryesor ishte padyshim talenti Zhoao Feliks, 19-vjeçari ka mahnitur gjithë Europën me paraqitjet e tij në kampionat, ku ka regjistruar 20 dhe 11 asiste. Ky ishte triumfi i pestë i Benfikës në kampionat.

Gjithsesi në Portugali nuk mund të ketë harmoni midis rivalëve. Tifozët e Portos i dedikuan një koreografi “ironizuese” triumfit të Benfikës, ku në vend të fytyrat të lojtarëve kishin vendosur portretet e arbitrave me shkrimin shoqërues “kampionët kombëtarë2018/2019”.

Super Dragoes tifo – faces of Benfica players replaced with league referees. pic.twitter.com/bMyxBKnGoM

— Portista (@FCPortoGlobal) May 18, 2019

“Do të vijë dita që do të tërhiqem. Më lini ta shpall vetë lajmin kur të vijë momenti. Për momentin, qetësi. Dje kisha një konsultë me Dr. Felipe Macedon. Gjithçka shkoi shkëlqyeshëm. Ky është lajmi i madh që doja të ndaja me të gjithë ju”, shkruan portieri i Portos, duke bërë të qartë faktin se do të vazhdojë të veshë dorezat e portierit.

Buenas a tod@s:
Retirarme, habrá un día que me tenga que retirar. Déjenme anunciar dicha noticia cuando llegue ese momento. Por ahora tranquilidad. Ayer tuve revisión con el Dr.Filipe Macedo. Todo muy bien. Eso sí que es una gran noticia que quería compartir con todos! ???

— Iker Casillas (@IkerCasillas) May 17, 2019

Menjëherë u vu në dyshim e ardhmja e tij dhe fakti nëse mund të zbriste përsëri në fushë. Mjekët ishin të ndarë dhe vendimi iu la në dorë futbollistit iberik. Kontrata e tij me ekipin portugez, të cilën e rinovoi në mars, përfundon në verën e vitit 2020, por gardiani i famshëm mund t’i japë fund me futbollin e luajtur.

Sipas raportimeve të portugezes “O Jogo”, Kasijas ka vendosur të mos rrezikojë dhe ta mbyllë karrierën e tij të lavdishme, në të cilën numëron 27 trofe të fituara dhe mbi 1 mijë ndeshje zyrtare të zhvilluara.

He’s the most capped Spaniard ever.

He’s played 1,000+ professional matches.

Most appearances by a goalkeeper in the FIFPro World XI.

The first player in UCL history to play in 20 different seasons.

27 career titles.

Iker Casillas has announced his retirement from football. pic.twitter.com/cGs7mUyyiR

— FourFourTweet (@FourFourTweet) May 17, 2019

Antoni Lopez pritet të jetë portieri, që do të ketë nderin të zëvendësojë një nga emblemat e historisë. Portugezi aktivizohet me Olimpikun e Lionit dhe vazhdimisht po tregon siguri dhe pjekuri mes katërkëndëshit të francezëve. Porto do të hidhet në sulm për shërbimet e 28-vjeçarit. Vlera e tij në merkato është rreth 30 milionë euro. Shifër që “Dragonjtë” e Portos nuk do ta kenë problem ta derdhin në arkat e Lionit.

Atletikos do i duhet të ndërhyjë shpejt për të plotësuar mbrojtjen. Objektivat për të zëvendësuar dyshen e krahut vijnë nga Portugalia. Felipe dhe Aleks Tejes të Portos do të synohen në merkato. Blerja e tyre pritet t’i kushtojë Atletikos rreth 50 milionë euro.

Dy mbrojtësit do e pëlqenin një transferim në Madrid, duke parë që nuk do ta kenë shumë të vështirë të zënë vendin e titullarit. Të dy lojtarët janë brazilianë. Felipe është 29 vjeç dhe Tejes mban 26 vite mbi supe.

Portieri i Portos ra pa ndenja gjatë një seance stërvitore dhe u shoqërua me urgjencë në spital ku iu nënshtrua një ndërhyrje kirurgjikale që i shpëtoi jetën.

Pas një ngjarje kaq të rëndë shumë vetë menduan se “gardiani” spanjoll do të njoftonte dorëheqjen nga sporti, por nuk ka ndodhur kështu, siç duket për të marrë këtë vendim do i duhet pak kohë.

Në fjalët e para të tij para gazetarëve, Kasijas shpjegoi se problemi ne zëmër është zgjidhur, por e ardhmja mbetet një enigmë: “Nuk e di ccdo të ndodhë në të ardhmen. Si fillim do të duhet të pushoj për disa javë”, tha 37-vjeçari

Pafund i kanë shkruar për t’i shfaqur dashurinë që kanë për të dhe për t’i dhënë kurajo për të vazhduar përpara. Sara Karbonero ka vetëm falënderime nga zemra për të gjithë.

Gruaja e 38-vjeçarit dhe njëkohësisht gazetare e njohur në vendin iberik ka shkruar në rrjetet sociale, ndërsa tregon fjalët e vërteta që i ka thënë një mikeshë e mirë e saj gjatë këtyre momenteve të frikshme.

“Për fat të mirë, gjithçka u zgjidh me një frikë të madhe. Ju falënderojmë të gjithëve për shfaqjen e dashurisë dhe shqetësimit tuaj. Siç ma kujtoi sot një mike e mirë, jeta ka këtë mënyrë të çuditshme për të na kujtuar se duhet të festojmë çdo rrahje zemre”, përfundon Sara.

Tashmë të gjithë po mundohen t’i përgjigjen pyetjes nëse spanjolli mund të zbresë sërish në fushë apo jo. Të ndarë janë mjekët, disa shpresojnë akoma, ndërsa një tjetër tregohet kategorik dhe mohon çdo mundësi rikthimi.

38-vjeçari (i mbush me 20 maj) ka një kontratë deri në fund të sezonit të ardhshëm me portugezët e Portos, ekip me të cilin aktivizohet që nga vera e vitit 2015.

“Iker mund ta kalojë atakun kardiak pa pasoja, por është shumë herët për të folur për të ardhmen e tij futbollistike. Gjithçka do të varet nga faza e rikuperimit dhe dëshira e tij. Nevojitet një qetësi e madhe për të vendosur nëse do të vazhdojë apo jo”, komenton Nelson Puga, shefi i stafit mjekësor të Portos.

Ndryshe mendon Huan Antonio Korbalan. Dikur ka luajtur basketboll, ndërsa sot është një nga kardiologët më të mirë në botë. “Jo, Kasijas nuk mund të luajë më futboll. E pamundur që një futbollist të luajë me një stent koronar, aq më tepër një portier. Iker mund të vazhdojë një jetesë normale, por nuk do të praktikojë me sporte profesioniste.”

37-vjeccari iu nënshtrua një operacioni dhe tashmë është jashtë rrezikut për jetën. Në lidhje me këtë ccështje ka reaguar edhe klubi ku Kasijas u shndërrua në një legjendë, pra Reali i Madridit. Në një komunikatë zyrtare, klubi madrilen shprehu të gjithë mbështetjen për ish-kapitenin e tyre.

“Reali i Madridit dëshiron të ofrojë mbështetje të plotë për kapitenin tonë të dashur Iker Kasijas.

Iker Kasijas na ka treguar se si t’i kalojmë sfidat më të pabesueshme gjatë karrierës së tij profesionale, duke shtuar në mënyrë të konsiderueshme sukseset e klubit tonë. Na ka treguar se heqja dorë nuk ka vend në mënyrën tonë të jetës dhe demonstroi herë pas here se të qëndrosh i fortë gjatë sfidave më të vështira është rruga e vetme për fitore.

Real Madrid dhe të gjithë madrilenët presim me padurim që kapiteni ynë legjendar të kthehet i shëndetshëm sa më shpejt që të jetë e mundur dhe i dërgojmë të gjithë inkurajimin e Botës.”

Ekipi portugez mundi në finale Çelsin me rezultatin 3 – 1. Ky është triumfi i parë një skuadra nga Portugalia në këtë trofe, ku Benfika ia kishte dalë të shkonte dy herë në finale pa mundur të ngrinte trofeun.

Në krahun tjetër dëshpërimi te Çelsi është shumë i madh, pasi blutë e Londrës humbasin finalen e dytë radhazi.

?#FCPorto #UYL #FCPortoSub19 #sub19 pic.twitter.com/JTnhAMCMzQ

— FC Porto (@FCPorto) April 29, 2019

Momento pesado em que a equipa do Porto encara os adeptos após o empate com o Rio Ave. pic.twitter.com/j1HBf933U7

— B24 (@B24PT) April 27, 2019

Ashtu siç pritej ekipi vendas e filloi vrullshëm takimin, por një Liverpuli ndëshkoi i parë me Mane, goli i të cilit u akordua falë ndërhyrjes së sistemit “VAR”. Në pjesën e dytë Porto u hodh e gjitha në sulm, duke lënë shumë hapësira në mbrojtje, që u shfrytëzuan mjaft mirë nga “The Reds”, të cilët gjetën golin e dytë me Salah. Në listën e shënuesve vunë emrin e tyre dhe Firmino e Van Dijk, ndërsa goli i nderit për Porton u shënua nga mbrojtësi i ardhshëm i Realit, Eder Militao.

Në gjysmëfinale Liverpuli do të gjejë Barcelonën e Lionel Mesit, me të cilët nuk ndeshen në Champions prej më shumë se një dekade.

CHAMPIONS LEAGUE/GJYSMËFINALE

Porto – Liverpul      1-4
Shënues: Militao 69’ / Mane 26’, Salah 65’, Firmino 77’, Van Dijk 84’

Liverpuli ia arriti të shënonte një gol “nokauti” me anë të Mane në minutën e 26-të. Fillimisht arbitri anësor ngriti flamurin për një pozicion të parregullt, por konsultimi me sistemin “VAR” vuri drejtësinë në vend.

“Kur mendoj se si duhet të luhet futbolli dhe se si futbolli duhet të shprehet para syve të tifozëve dhe të gjithë botës, vetëm një klub më vjen në mendje: Liverpuli. Me një tifozeri të veçantë, me një stil loje të jashtëzakonshëm, me një dëshirë për të fituar çdo takim.

Për mua, janë pasqyrimi i futbollit të vërtetë. Kështu dua që edhe unë ta kem skuadrën time, të shprehemi dhe ne në fushë, pasi kemi shumë kualitet. Në Champions League, gjithçka mund të ndodhë, ne besojmë. Nuk e dimë ende se si do të shkojë takimi, thjesht ne jemi aty për të luftuar deri në sekondat e fundit”.

Keita shënoi që në minutat e para të sfidës. Mesfushorit iu deshën vetëm 5 minuta që të gjente rrugën e rrjetës, duke i dhënë avantazhin Liverpulit. Mendohej se do të ishte një mbrëmje shumë e gjatë për Porton, sidomos pas golit të dytë të shënuar në minutën e 26’ nga Firminjo.

Megjithatë, “Dragonjtë” nuk pësuan më dhe u ndëshkuan vetëm dy herë. Me këtë rezultat, Liverpuli është dukshëm favorit për të kaluar në gjysmëfinalet e Ligës së Kampionëve, por Porto është ende në lojë për të bërë surprizën e madhe.

Liverpul – Porto  2-0
Keita 5’, Firminjo 26′

26′ – Goli i Firminjos

5′ – Goli i Keita (Liverpul)

GOAL #LIVERPOOL! #KEITA HAS IN SECOND IN TWO MATCHES! ??

? 1-0 ? #LIVPOR

??: @UnivisionSports pic.twitter.com/OxMpZ34YTb

— SiriusXM FC 157 ??? (@SiriusXMFC) April 9, 2019

Ish-mbrojtësi i Interit ishte protagonist në ndeshjen kundër Bragas, fituar 3-2 në transfertë. Me rezultatin 2-1 për Bragan, Porto e përmbysi ndeshjen me 2 penallti në pjesën e dytë.

Penalltia e para u gjuajt nga Tejesh, i cili shënoi, por humbi ekuilibrin dhe pësoi një tërheqje serioze, çka e detyroi të zëvendësohej.

Një dëmtim shqetësues për klubin, sepse Tejesh është ndër lojtarët më të mirë këtë sezon, ku Porto po lufton me Benfikën për titull, ndërsa po shkëlqen edhe në Champions League.

https://twitter.com/CimbomTV_/status/1112096320376975360?s=19

Brazilianit iu deshën vetëm pesë muaj për të bindur drejtuesit e Real Madrid për të bërë investimin madhor. Megjithatë, 21-vjeçari nuk është një futbollist pa të meta.

Ashtu si një pjesë e madhe e futbollistëve nga Amerika e Jugut, Militao është një frekuentues i rregullt i klubeve të natës, madje një muaj më parë ka qenë protagonist i një incidenti që solli përjashtimin e tij nga skuadra e Portos për një ndeshje.

Një ditë para ndeshjes me Tondelën në muajn shkurt, Militao qëndroi duke festuar në një klub nate në Porto deri në orët e para të mëngjesit. Sapo e morën vesh këtë lajm drejtuesit e Portos e pezulluan me një ndeshje.

Eder Militao është zyrtarisht një lojtar i Realit të Madridit. Braziliani do të transferohet verën e këtij viti në “Bernabeu”, me madrilenët që paguajnë plot 50 milionë euro te Porto. Mbrojtësi ka rënë dakord për një kontratë 6-vjeçare.

Gjithashtu, nga ky transferim përfiton dhe Sao Paolo, pasi 3.5% e shumës, nga rregullat e FIFA-s i kalojnë klubi ku është formuar. Brazilianët gjithashtu kishin mbajtur dhe 10% të kartonit dhe tashmë ata do të përfitojnë gati 7 milionë euro, me përfitimet e tjera që kalojnë te Porto.

JNë përfundim të takimit kapiteni i Romës, Daniele De Rosi, u shpreh se skuadra e tij nuk e meritonte të eliminohej në këtë lloj mënyre.

“E tmerrshme të eliminohesh në këtë mënyrë. Nuk arritëm të bënim një ndeshje perfekte, por pashë një grup burrash që u përpoqën shumë dhe nuk e meritonin këktë gjë. Duhet ta fitonim ndeshjen e parë me rezultatin 2 – 0. Mendoj se duhet të kishim marrë më shumë për 120 minuta e lojës që kryem. Jam krenar për këta lojtarë”

VAR – “Nuk e kam parë ende rastin e penalltisë, por dikush më tha që Manolas mund të ishte në faj”.

E ARDHMJA E DI FRANÇESKOS – “Për këtë vendosin drejtuesit e klubit”.

Vendasit e nisën mjaft mirë ndeshjen, teksa që në minutat e para ushtruan presion në zonën e Romës. Në minutën e 26-të erdhi dhe zhbllokimi i rezultatit, ku shënoi Tikinjo Soares, i cili u asistua nga Marega.

Gjithsesi, verdhkuqtë arritën të reagonin dhe në minutën e 37-të baraspeshuan gjithçka. Një faull në zonë i Eder Militaos, ndaj Diego Perrotit, detyroi arbitrin të akordoi 11-metërsh në favor të Romës. Te pika e bardhë u paraqit kapiteni De Rosi, i cili u tregua i saktë.

Pjesa e parë u mbyll në barazim, 1-1, ndërsa e dyta nisi menjëherë e vrullshme. Ishin sërisht vendasit e Portos, të cilët shënuan me anë të Maregës, me këtë të fundit që shfrytëzoi në maksimum një krosim të Koronës, për të çuar në festë tifozët e tij.

“Gabimet individuale me Lacion, a do ketë ndryshime? Të flasësh për emra të përveçëm është gabim i madh, është grupi që ka bërë një ndeshje të keqe. Duhet të mendojmë për ndeshjen e nesërme, përtej asaj se kush do të luajë apo jo në krahasim me derbin kundër Lacios. Ka shumë aspekte te një futbollist, nuk është vetëm ai fizik. Është edhe ai psikologjik dhe ka shumë rëndësi që të futemi të qetë në fushën e blertë”.

“Florenci në krahun e djathtë? Gjithçka është e mundur dhe djemtë duhet të jenë të përgatitur. Djemtë nuk dinë asgjë rreth formacionit. Dua t’i shoh në fytyrë lojtarët dhe t’i analizoj ata që më bindin”.

“A keni mbështetje? Derbi ka bërë që të ketë shumë fjalë, por ne duhet të mendojmë për ndeshjen me Porton. Mbështetja është themelore, por nesër do të jetë më e rëndësishme që lojtarët që do të hedh në fushë të bëjnë një paraqitje të jashtëzakonshme, si ato që kemi bërë vjet, veçanërisht në Champions”.

“A do iu dukej e papërshtatshme prania e Paulo Souzës në stadium nesër? Absolutisht jo, një gjë janë deklaratat, tjetër është të shkosh të shohësh ndeshjet. Mund të më ndodhë edhe mua në të ardhmen. Pse, do jetë në stadium Paulo Souza?”, u shpreh Di Françesko.

Një fitore e madhe, me përmbysje, në një ndeshje vendimtare ndoshta për titullin kampion, sepse Porto kryesonte dhe me një fitore arratisej sërish.

Kur Adrian shënoi për Porton në minutën e 18-të, u duk se sërish titulli do të merrte rrugën për në Porto, por Shqiponjat e Benfikës treguan se jo rastësisht i kanë fituar 8 ndeshjet e fundit në kampionat, duke siguruar edhe të nëntën me golat nga supertalenti Zhoao Feliks në minutën e 26-të dhe Rafa Silva në të 52-tën.

João Félix last six Liga NOS games for @SLBenfica:

vs Boavista ????
vs Sporting CP ??
vs Nacional ????
vs Aves ??
vs Chaves ??
vs FC Porto ??

Amazing player. One of the best teenagers in world football. ?? pic.twitter.com/yvTAZK5JKI

— FootballTalentScout (@FTalentScout) March 2, 2019

Më pas sulme pa fund nga Porto, me Benfikën që mbeti me 10 lojtarë prej minutës së 77-të, kur Gabriel humbi toruan dhe kreu një faull absurd në mesfushë. Megjithatë, asnjë gol, edhe për faktin se portieri grek Odiseas Vlahodhimos ishte spektakolar me pritjet e tij.

Dhjetë javë nga fundi i kampionatit, Benfika kalon +2 nga Porto dhe tashmë shpreson të fitojë titullin dhe Europa League, sepse është në formë të pabesueshme, sinjal i qartë se trajneri i emëruar në janar Bruno Lage ishte ai që i duhej një skuadre plot talente.

Mjafton të përmendim që kjo ka qenë një ndër ndeshjet më lehta të Xhanluixhi Bufon, për të përshkruar dominancën e PSG-së. Portieri 41-vjeçar u testua vetëm në një rast në ndeshjen e sotme. Një moment pakujdesie zhbllokoi takimin me Kimpembe që i shpëtoi markimit të anglezëve dhe shënoi pak metra larg portës së Junajtid në minutën e 53-të. Shtatë minuta më vonë Mbape ndëshoi sërish Junajtid me një asist të shkëlqyer “ish”-i i “djajve të kuq” Angel Di Maria

Mançester Junajtid 0 – 2 PSG
Shënues: Kimpembe 53’, Mbape 60’

Roma dhe Porto zhvilluan një ndeshje shumë të fortë në “Olimpico”, por ekipi italian ia doli të fitonte duelin e parë. Djemtë e Spaletit fituan me rezultatin 2-1, ndërsa kualifikimi do të vendoset në Poortugali.

Nikolo Zaniolo ishte heroi i vendasve me dy golat e shënuar, ndërsa goli i spanjollit Adrian mban gjallë shpresat e Portos për të avancuar më tej në Champions.

Pjesa e parë nuk dhuroi gola, me Edin Xhekon që goditi shtyllën. Pjesa e dytë ishte më e bukur dhe mjaftuan 9 minuta që ndeshja të shpërthente. Zaniolo kaloi Romën në avantazh në minutën e 70-të. 19-vjeçari mori një asist në zonë nga Xheko dhe lëshoi një diagonale të pakapshme me të djathtën.

Zaniolo nuk u ndal dhe dyfishoi shifrat pas gjashtë minutash. Kundërsulm i shpejtë i Romës, me Xhekon që goditi drejt portës, Topi u përplas në shtyllë dhe Zaniolo, i cili bëri një sprint fantastik, nuk e pati të vështirë të tundë rrjetën për herë të dytë. Një rekord për talentin e Romës, i cili bëhet futbollisti më i ri italian në histori që shënon dy gola në Champions Ligë.

Porto nuk u dorëzua dhe arriti të gjente golin e shumëkërkuar në minutën e 79-të.  Adrian shfrytëzoi një asist të Soares dhe shkurtoi diferencën, duke vendosur heshtjen në “Olimpico”. Takimi nuk pati më gola dhe të dy ekipet do të zhvillojnë duelin e dytë dhe atë deçiziv mes tyre pas dy javësh.

Roma-Porto 2-1
(Zaniolo 70’, 76’ / Adrian 79’)