Toronto nuk përmbahet, sukses dhe për Spurs e Houston

Sport Ekspres — Wed, 12 Dec 2018 10:17:17 +0000

Toronto ka regjistruar suksesin e 22-të këtë edicion duke triumfuar ndaj Los Angeles Clippers në transfertë me shifrat 99 – 123. Që në fillim miqtë bënë më mirë, duke fituar në periodën e parë me 13 pikë epërsi. Në periodën e dytë u mendua se situata mund të ndryshonte dhe Clippers mund të tentonin përmbysjen, pasi në fund të dyja skuadrat kishin marrë të njëjtën sasi pikësh,

Gjithsesi, Toronto i vuri vulën suksesit në periodën e tretë duke triumfuar me rezultatin e thellë 17-33. Edhe pse vendasit patën sukses në 10 minuta e fundit nuk mjaftuan që të rivalizonin në këtë takim.

Një fitore të vuajtur dhe me përmbysje ka marrë skuadra e Houston Rockets, pasi dy periodat e para folën për Portland Trail Blazer , por vendasit gjetën forcat që në gjysmën e dytë të lojës të përmbysnin rezultatin. Një fitore të lehtë ka regjistruar skuadra e San Antonio Spurs, e cila ka triumfuar ndaj Phoenix Suns në shifrat 111 – 86.

Rezultatet

Houston Rockets 111 – 103 Portland Trail Blazer

San Antonio Spurs 111 – 86 Phoenix Suns

Los Angeles Clippers 99 – 123 Toronto Raptors

Houston Rockets mbetet në krizë, suksesi i lehtë për Celtic e Portland

Sport Ekspres — Fri, 07 Dec 2018 08:50:39 +0000

Boston Celtic ka arritur që të marrë një fitore pa shumë vuajtje ndaj New York Knicks, duke triumfuar në shifrat 128-100. Vendasit ishin dominues në të katër periodat, edhe pse mysafirët tentuan që të përmirësonin diçka në periodën e dytë dhe të tretë.

Portland gjithashtu nuk kishte probleme me Phoenix Sun. Ishte një dominim i Portland që në fill9im me periodën e parë që u mbyll me rezultatin e thellë 34-9. Ishte shumë e vështirë më pas për Phoenix Sun që të përmbyste rezultatin, pasi vendasit marshuan gjatë gjithë lojës të qetë.

Houston Rocket është mundur në transfertë nga skuadra e Utah Jazz, me një rezultat deri diku surprizë 118-91. Miqtë pësuan humbjen e 13-të këtë edicion dhe konsiderohen si një prej zhgënjimeve më të mëdha të sezonit.

REZULTATET

Boston Celtic 128 – 100 New York Knicks

Portland Trail Blazer 108-86 Phoenix Sun

Utah Jazz 118–91 Houston Rocket