Frashëri iu ka komunikuar shokëve të skuadrës largimin e tij nga Kukësi, skuadër me të cilën i ka mbaruar kontrata. Flitej dhe për një rinovim të Frashërit, por dyja palët vendosën të mos e vazhdonin bashkëpunimin.

28-vjeçari ka luajtur 2 sezone me Kukësin në Superiore, ku është aktivizuar në 41 ndeshje. Ndërsa në Kupën e Shqipërisë, gardiani numëron 14 ndeshje me fanellën e verilindorëve.

 

View this post on Instagram

 

Pershendetje te gjitheve. Dua t’ju njoftoj qe aventures time të mrekullueshme te ekipi i Lacit i erdhi fundi. Kam kaluar 4 sezone te mrekullueshme ne kete klub. I jam mirnjohes dhe e falenderoj presidentin Pashk Laska, i cili ishte i pari qe besoi te une ne moshen 17 vjecare duke me dhene mundesine te mbroja porten e ekipit. Falenderoj zv.presidentin @kleolaska , drejtorat Naim Halili dhe @dario.pali Falenderoj shume te gjithe trajnerat duke filluar nga i pari Armando Cungu,Stavri Nica,Marcelo Troisi, Ylber Zani, Bledar Sinella,Gentian Mezani, @saimirxhetani ,Besnik Prenga,Artan Mergjyshi,Migen Memelli @klevis_hima dhe se fundmi Prof. Sulejman Staroven. Falenderoj te gjithe trajnerat e portierave me te cilet kam punuar ne klub;Kastriot Ramen,Astrit Nallbanin, dhe profe @kujtim_shtama Nje falenderim per punetoret e klubit, nga shoferi dhe puntoret e fushes deri tek i fundit. Ju jam mirenjohes per gjithcka. FALEMINDERIT #paralaci

A post shared by Gentian Selmani (@gentian_selmani) on Jul 26, 2019 at 12:10pm PDT

 

View this post on Instagram

 

Gjithashtu nuk mund te le pa falenderu te gjithe bashklojtaret qe kam luajtur gjat ketyre 4 viteve. Ishte krenari te luftoja krah jush. Keni qen djem te mrekullueshem dhe sdo tju harroj kurre. Kemi derdh djers,gjak kemi dhen maksimumin per kete fanell, kemi pas momentet tona te veshtira por gjithmon kemi ditur tja dalim, duke pas suksese ne kampionat dhe europa league qe askusht nuk i kishte menduar. Keni qen familja ime e dyt dhe jam krenar qe isha pjes e juaja. Ju uroj gjithe te mirat dhe ishalla kampion, do vazhdoj ti ndjek ndeshjet dhe do jem tifozi juaj nr 1. Suksese #paralaci

A post shared by Gentian Selmani (@gentian_selmani) on Jul 26, 2019 at 12:24pm PDT

 

View this post on Instagram

 

Gjithashtu nje Falenderim i vecant shkon edhe per tifozet dhe qytetaret e Lacit. Keni qen nje mbeshtetje e madhe dhe nje motivim i madh sidomos @ultras_divas540 Kam dhen gjithmon maksimumin per sa koh kam qen pjes e ekipit shpresoj tju kem ber krenar me sukseset e arritura. Ju faleminderit #paraLaci

A post shared by Gentian Selmani (@gentian_selmani) on Jul 26, 2019 at 12:32pm PDT

Hidi iu bashkua Teutës në fillim të sezonit të shkuar dhe ishte një nga pikat kyçe të skuadrës në arritjen e vendit të tretë, që i çoi dhe në Kupat e Europës. 38-vjeçari luajti 33 ndeshje në Superiore.

Një portier me shumë eksperiencë, tashmë Hidi është në pritje të ndonjë oferte të re. Ndërsa Teuta pritet të hidhet në sulm këtë merkato për të afruar ndonjë portier të ri, por deri më tani, vetëm Çeleski është në kampin durrsak.

Lajmin e bëri të ditur vetë klubi kryeqytetas nëpërmjet rrjeteve sociale. Qirko ka nënshkruar një kontratë afatgjatë. Ai do të jetë i veshur me ngjyrat bardheblu për tre vitet e ardhshme. Edhe këtë sezon porta pritet t’i besohet Ilion Likës, që tregoi një formë spektakolare në fund të sezonit të kaluar.

Megjithatë, Mema ka treguar se edhe porta nuk është një pozicion “fiks” dhe mund të ketë rotacione. Qirko nëse i plotëson pritshmëritë, pritet të marrë frenat e katërkëndëshit të Tiranës, duke parë moshën e Likës. Ai është një fryt i akademisë së Flamurtarit, ekip ku është promovuar edhe si profesionist.

 

View this post on Instagram

 

?? Edvan Bakaj rikthehet ne shtepi. Portieri 31-vjecar do te jete serish pjese e Tiranes. Sot ka nenshkruar zyrtarisht marreveshjen e re per nje vit. ?? Bakaj ka luajtur si bardheblu per tre vite dhe vjen serish si nje perforcim me vlera per porten. Ne sezonin e fundit ishte pjese e Luftetarit. #welcomeBakaj

A post shared by K.F.Tirana (@kftirana.al) on Jul 10, 2019 at 7:56am PDT

Si Ter Shtegen, ashtu dhe bukuroshja Daniela, kanë uruar njëri-tjetrin për këtë ditë të shënuar në rrjetet sociale. Daniela Jehle nuk privohet asnjëherë të publikojë foto të nxehta në profilet e saj sociale, sidomos në Instagram, ku ndiqet nga më shumë se 300 mijë fansa.

Daniela është një nga femrat më seksi në botën e futbollit dhe Ter Shtegen është padiskutim me fat.

Hapi i parë, duket se është mbajtja e Federiko Kiezas në skuadër. Talenti italian shihet si e ardhmja e klubit, por jo talenti tjetër, Alban Lafont. Portieri francez premton për të ardhmen, por presidenti Komiso kërkon sukses që tani dhe ka vendosur ta shesë gardianin e portës, te skuadra e Nantes në Ligue 1.

“Fiorentina komunikon se kemi arritur marrëveshje me klubin e Nantes për transferimin e Alban Lafont. Portieri do të transferohet te skuadra franceze, por klubi ynë ka te drejtën e riblerjes për një shumë të paracaktuar deri më 30 qershor, 2021”, shkroi klubi i Fiorentinës në një komunikatë zyrtare.

Pak ditë më parë, Mançester Siti vendosi të huazojë portierin e Kosovës, Arijanet Muriç, për të marrë një portier më me eksperiencë dhe me cilësi më të mira në rast se numri 1 Ederson dëmtohet. Por Pep ka habitur të gjithë, pasi ka zgjedhur veteranin e Eibar.

Për ta bindur trajnerin spanjoll, ka ndërhyrë trajneri aktual i portierëve të Maçester Sitit, Asnier Mansidor, një mik shumë i mirë i Riesgos. Dyshja kanë punuar më parë së bashku dhe siç raporton Marca, ka qenë Mansidor ai që ka insistuar për të marrë Riesgon në “Etihad Stadium”.

Pritet që portieri 35-vjeçar të nënshkruajë një kontratë 1-vjeçare me Mançester Sitin, për të kaluar më pas si trajner i dytë i portierëve. Le të shpresojmë që Ederson të mos dëmtohet, pasi Guardiolës do t’i duhet t’i besojë Riesgos për të luajtur në kampionatin më të fortë në botë.

Me Pitër Çeh që u tërhoq nga futbolli, Arsenali është në kërkim të një portieri të ri dhe Strakosha shihet si njeriu i duhur për të qenë numri 1. Por nuk janë vetëm “Topçinjtë” e Londrës ata që kërkojnë shërbimet e gardianit kuqezi.

Edhe ekipi tjetër londinez, Totenhemi është vënë në ndjekje të kartonit të 24-vjeçarit, madje thuhet se “Gjelat” janë favoritët për firmën e tij. Megjithatë, Lacio nuk ka ndërmend të privohet nga shërbimet e Strakoshës.

Drejtuesit lacialë i kanë vendosur një çmim të kripur portierit shqiptar. Në rast se skuadrat londineze duan shërbimet e tij, duhet të paguajnë minimalisht 30 milionë euro, një shumë që si Arsenali, ashtu dhe Totenhemi, e konsiderojnë të lartë.

Kur kishte presionin e dy futbollistëve, Nojer nuk u shqetësua aspak, dribloi të dy (madje duke e rrëzuar njërin në tokë) dhe më pas pasoi saktë te shokët e skuadrës.

Video e tij po bën xhiron në rrjet dhe gardiani i Bajernit vazhdon të tregojë se nuk është i aftë vetëm me duar…

Manuel Neuer ? pic.twitter.com/NTMclNwsvw

— Florian Hollenbach (@fhollenbach) June 8, 2019

“Nuk pranova të rinovoj, pasi jam gati për një eksperiencë të re personale dhe profesionale”, tha Bufon për zgjedhjen e tij. Gjithashtu, gardiani shkroi dhe një letër për të gjithë tifozët e PSG-së, presidencën dhe shokët e skuadrës:

“Faleminderit të gjithëve që më dhatë mundësinë për të jetuar në Paris. Falëminderit për emocionet që kaluam së bashku. 12 muaj më parë, unë erdha në Paris plot me entuziazëm dhe u mirëprita nga të gjithë tifozët. Faleminderit, përsëri, me gjithë zemrën time. Unë jam i lumtur që kam jetuar këtë përvojë. Sot përfundon aventura ime e parë jashtë Italisë.

Dua ta falënderoj presidentin Naser Al-Khelaifi, të gjithë klubin dhe shokët e mi të ekipit. Ju uroj gjithë të mirat, të bindur se të gjithë do të shkruani së bashku faqet e një historie madhështore. Ernest Heminguej shkroi se ka vetëm dy vende në botë ku mund të jetosh i lumtur: në shtëpi dhe në Paris. Që nga sot, do të jetë me vlerë edhe për mua: Parisi gjithmonë do të jetë shtëpi e vogël për mua”.

Njoftimi i klubit të Luftëtarit:

Zyrtare!

Futboll Klub Luftëtari njofton mbylljen e bashkëpunimit me Shkëlzen Ruçi. Ekipi nuk do të ketë shërbimet e portierit Shkëlzen Ruçi për sezonin e ardhshëm. Ai ishte nën kontratë me klubin deri në qershor të vitit 2020, por portieri 26 vjeçar dhe drejtuesit e Klubit kanë rënë dakord dhe kanë ndërprerë marrëveshjen mes tyre me konsensus, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në verën e vitit 2016, duke kaluar 3 vite me ekipin tonë, regjistroi 28 aktivizime në Kategorinë Superiore dhe 3 aktivizime në Kupën e Shqipërisë për sezonin 2018-2019. Gjithashtu Ruçi u aktivizua edhe në 1 ndeshje kundër Ventspils në Uefa Europa League. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë!

 

View this post on Instagram

 

Zyrtare! Futboll Klub Luftëtari njofton mbylljen e bashkëpunimit me Shkëlzen Ruçi. Ekipi nuk do të ketë shërbimet e portierit Shkëlzen Ruçi për sezonin e ardhshëm. Ai ishte nën kontratë me klubin deri në qershor të vitit 2020, por portieri 26 vjeçar dhe drejtuesit e Klubit kanë rënë dakord dhe kanë ndërprerë marrëveshjen mes tyre me konsensus, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në verën e vitit 2016, duke kaluar 3 vite me ekipin tonë, regjistroi 28 aktivizime në Kategorinë Superiore dhe 3 aktivizime në Kupën e Shqipërisë për sezonin 2018-2019. Gjithashtu Ruçi u aktivizua edhe në 1 ndeshje kundër Ventspils në Uefa Europa League. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë! ©?FC Luftëtari!

A post shared by KS Luftëtari Gjirokastër (@fc_luftetari) on Jun 1, 2019 at 8:48am PDT

Me datë 29 maj, Çeh dhe Çelsi do të jenë rivalë në fushën e lojës, por disa ditë më vonë, portieri do të firmosë për herë të dytë me skuadrën londineze, kësaj radhe me një rol drejtuesi. Çeh ka luajtur për plot 11 vite, ku ka fituar trofe të shumtë, përfshirë katër Premier League dhe 1 Champions League.

36-vjeçari është një nga njerëzit më të kompletuar në futboll, pasi di plot 7 gjuhë të ndryshme, ka kontakte me shumë drejtues të skuadrave më të mëdha në botë dhe konsiderohet si një “sy i mprehtë” për zbulimin e talenteve.

“Falënderoj Zotin që jam mirë fizikisht. Grumbullimi me kombëtaren më ka dhënë një moral tjetër, një moral që të punoj më fort dhe të stërvitem më mirë, të jap maksimumin për ekipin tim. Shpresoj të vazhdojë kjo periudhë negative.

Nuk e kisha studiuar Bregun, u mundova ta çorientoj me fjalë. Pastaj, është punë fati, unë u hodha nga krahu i majtë dhe e prita”.

Ne për Europën luftojmë. Sot ishte një ndeshje shumë e fortë, dhamë maksimumin dhe morëm tri pikët përballë një rivali direkt. Do të vazhdojmë të japim maksimumin kundrejt çdo kundërshtari dhe të marrim pikët e nevojshme”.

Në këto 90 minuta, treguam se jemi një ekip me karakter, jo se bëmë një lojë të bukur. Në pjesën e parë dominuam, në pjesën e dytë Skënderbeu luajti më mirë. Në 10 ndeshjet e para të kampionatit, ku nuk pësuam asnjë humbje, ishte periudha më e mirë për ne”.

Partizani? Shpresoj që të kem punë dhe kundër atyre dhe të bëj një paraqitje të tillë”, përfundoi Selmani.

Ylli argjentinas, Rodrigo De Paul, merr përsipër përgjegjësinë për të ekzekutuar penalltinë, por përballë ka gardianin kuqezi, Thomas Strakosha, i cili i kupton krahun dhe bën një pritje fantastike, duke mbajtur rrjetën e paprekur.

Në Uruguaj ka ndodhur një episod shumë i bukur dhe paksa ndryshe. Luhej ndeshja Plaza-Penarol. Një gol i kapitenit Pereira në minutat shtesë të pjesës së parë i dhuroi fitoren miqve.

Kur arbitri sinjalizoi fundin e takimit dhe lojtarët e dy ekipeve po kryenin ritualet e zakonshme të përshëndetjes, një tifoz vendas futet në fushë. Lukasi i vogël vuan nga Sindroma Down dhe zemra e tij rreh fort për Plazën. Djaloshi shkon menjëherë drejt portierit mik të Penarolit, të cilit i kërkon të gjuajë një penallti.

U tha, u bë! Të dy nisen drejt portës. Aty afrohet edhe arbitri për ta bërë sa më “serioz” këtë moment. Djaloshi puth topin, gjuan bukur, shënon dhe niset i lumtur drejt flamurit të kornes. Duartrokitje në stadium nga tifozët që nuk kishin ikur akoma, ndërsa Lukasi ndihet në qiellin e shtatë.

Ai rikthehet përsëri te portieri kundërshtar, i dhuron një përqafim të ngrohtë dhe del jashtë fushe krenar për golin e shënuar dhe emocionet e provuara.

El gestazo del fin de semana. El arquero de Peñarol con este hincha de Plaza Colonia. pic.twitter.com/Y3GjoBBEtf

— El Número Diez (@numerodiezco) April 15, 2019

“Ajo që ka rëndësi është fitorja. Unë kam dalë shumë herë këtu dhe kam thënë gjithmonë që nuk është merita vetëm e imja. Falënderoj profesoj Dajën që tha fjalët më të mira për mua.

Financat? Nuk duhet të flasim, është një temë që na vret të gjithëve. Por çunat janë të gjithë bashkë, ky është çelësi i suksesit. Kam 20 vite që luaj futboll, por si ky grup nuk kam parë asnjëherë. Të gjithë e duan dhe e shijojnë futbollin.

Dita e hënë? Atë po presim dhe ne. Kemi dëgjuar shumë të hëna, por këtë javë morëm garanci dhe nga presidenti. Shpresojmë që të hënën, të martën, pak rëndësi ka, të marrim rrogat dhe të kalojmë dhe këtë ngërç që ka ekipi.

Jo vetëm kur mbaroi loja më ngacmuan lojtarët e Kukësit, por dhe gjatë saj. I kam të gjithë miq, por në futboll më i miri fiton. Rrumbullaku, Musolli e të tjerë më kanë ngacmuar (qesh)”, përfundoi Koliçi.

Më i prekuri në këtë debat është padyshim Keilor Navas. Portieri i Kosta Rikës humbi vendin e titullarin në fillim të sezonit, pas ardhjes nga Çelsi të Kortuas. Navas ka arritur të kontribojë për madrilenët në katër Champions të fituara brenda pesë viteve duke mos shfaqur asnjë dobësi.
Gjithsesi, nuk ishin të këtij mendimi madrilenët duke dashur një emër të madh në mes të katërkëndëshit.

I pyetur nga mediat e huaja, Navas deklaron se do të ishte i gatshëm të largohej nga Madridi vetëm nëse Zidan do ja kërkonte një gjë të tillë. Ai shton se nëse nuk ndodh diçka e tillë do të respektojë kontratën deri në fund.

“Nëse trajneri më kërkon të largohem, unë do ta bëj. Kam një kontratë me Real Madrid. Kam dhënë gjithmonë më të mirën për këtë klub. Do të shohim se çfarë do të ndodhë. Fillimisht duhet të fokusohemi tek tetë ndeshjet e mbetura për të mbajtur lart nderin e ekipit.”, përfundon deklaratën Navas, që shton edhe më shumë dyshimet për mundësinë e largimit nga mbretërit në fuqi të Europës.

“Falënderoj çdo tifoz që ishte duke na mbështetur në stadium ditën e djeshme. Kemi dhënë maksimumin për t’ju bërë krenarë, por pa fat dhe me gabimet e pafalshme të atyre që drejtuan dje ndeshjen, duke mos akorduar dy penallti ‘sade’ në favorin tonë. Këto gabime vendimtare nuk na lejuan të bënim përmbysjen e madhe. Gjithsesi, loja e djeshme na jep shpresë që të vazhdojmë me rezultate pozitive që ditën e shtunë me ndeshjen kundër Teutës.

Prandaj prania juaj në stadium është një bonus i madh për ekipin tonë. Ju jeni lojtari i 12. Duhet të jemi të bashkuar dhe të luftojmë së bashku ndaj gjithë atyre që po na sulmojnë meditiakisht dhe sportivisht. Ne kurrë nuk dorëzohemi, por do të mbajmë kokën lart për të marrë maksimumin në ndeshjet e ardhshme. Duartrokitjet e djeshme në fundin e ndeshjes iu takojnë juve. Sa bashku ja dalim. Falëminderit! Krenar me ju”, shkroi Selmani.

“Nuk diskutohet që për mua është një sfidë më e veçantë sesa lojtarët e tjerë. Unë jam i gëzuar që rezultati ishte ky. Pas ardhjes së trajnerit, kanë ndryshuar shumë gjëra. Lojtarët e rinj që kanë ardhur këtu kanë bërë mirë. Për mua, më e rëndësishme është të qëndrojmë në Superligë, por do provojmë të dyja.

E vështirë është mbijetesa, pasi janë dhe 9 ndeshje. Nuk mund të bëjmë parashikime, është shumë e vështirë. Para ndeshjes me Partizanin, i thashe Ruçit qëndro i qetë se do të të çoj deri në finale dhe në finale do të luash ti, ndoshta kundër Tiranës (qesh).

Nuk fola me njeri pas ndeshjes, por dëgjova te dhomat e zhveshjes lojtarët e Partizanit që thanë se ishalla nuk luaj unë ndeshjen në kampionat se do të humbasin sërish (qesh)” tha Bakaj.

Shtatlarti është kritikuar shumë nga tifozët e “Los Blancos” për paraqitjet e tij dhe shumë e konsiderojnë atë si fajtorin për sezonin e dështuar të “Galaktikëve”. Kurtua vetë ka pranuar se ky është një nga sezonet e tij më të vështira në karrierë.

Përveç paraqitjeve aspak pozitive, Kurtua ka pësuar edhe një dëmtim. Me anë të një njoftimi zyrtar, Reali i Madridit ka konfirmuar se Kurtua ka dëmtuar pulpën e tij të djathtë dhe po trajtohet, por ende nuk ka një datë zyrtare për rikthimin e tij në fushat e lojës. Fanella e titullarit do t’i besohet sërish Kejlor Navasit.

Në takimin e djeshëm kundër Rusisë, 26-vjeçari e nisi nga minuta e parë, por bëri një gafë të pafalshme. Sapo Belgjika kaloi në avantazh me anë të Tielemans, Kurtua i fal golin e barazimit rusëve, duke mos arritur të largojë një top dhe duke ia dorëzuar Çerishev, që me portën e boshatisur riktheu baraspeshën.

Pavarësisht kësaj gafe, Kurtua doli të mbrojë veten, duke thënë se është ende një nga portierët më të mirë në botë: “Jam një nga më të mirët në botë, por mediat spanjolle duan të më vrasin. Ndihem shumë i fortë, jam i qetë sepse e di potencialin tij. Stërvitem mirë dhe luaj mirë”, tha Kurtua për Mundo Deportivo.

Edhe në Turqi, Karius ka bërë shumë gafa dhe ka pësuar plot 37 gola në takimet që ka luajtur. Në takimin kundër Koniaspor, Karius pësoi dy gola, madje bëri dhe një gafë, por fatmirësisht skuadra e Beshiktashit ia doli të triumfojë 3-2. Pas ndeshjes, trajneri Senol Gynesh e ka kriktikuar paraqitjen e 25-vjeçarit gjerman.

“Ishte faji i tij që pësoi golin e parë. Ishte jo i qartë në atë që bëri, jo i përqëndruar. Nuk e di çfarë ka këto kohë, por nuk më duket vetvetja. I ka humbur dëshira, motivimi, entuziazmi për futbollin. Nuk më duket se është më pjesë e ekipit”, përfundoi Gynesh.

Sot, në stërvitjen e klubit, Muriç ka qëndruar më shumë se lojtarët e tjerë në fushat e blerta, ku bëri “sulmuesin” me disa nga trajnerët e tij. Portieri shqiptar asistonte me krosime trajnerët e tij, të cilët u vunë kundër njëri-tjetrit për të shënuar. Muriç nuk është i saktë vetëm me duar, por dhe pasimet e tij duken të shkëlqyera…

VITI HISTORIK – “Në fakt, 100 vjetori është një datë historike për Vllazninë. Është ekipi më i vjetër në Shqipëri, më me shumë histori dhe askush nuk mundet ta hedh poshtë këtë gjë. Jam shumë i lumtur që jam pjesë e Vllaznisë në këtë vit të shënuar, por nuk më vjen mirë që ndodhemi në këtë kategori”. 

VLLAZNIA – “Ëndrra e çdo fëmije shkodran është që të luajë me Vllazninë. Që kur isha fëmijë doja të luaja me Vllazninë dhe e vlerësoj shumë faktin që arrita këtu. Për mua është ekipi më i mirë në Shqipëri dhe nuk mendoj asnjë gjë tjetër”.

SITUATA – “Vllaznia është në rrugën e duhur për t’u rikthyer në Superligë. Punët kanë ecur mirë dhe jemi 10 pikë larg vendit të dytë. Kemi krijuar një shkëputje të kënaqshme, por nuk duket të mjaftohemi me kaq, por të arrijmë sa më shpejt edhe matematikisht titullin kampion”.

ATMOSFERA BRENDA GRUPIT – “Sigurisht, për ne çdo ndeshje është e rëndësishme për ne dhe kur atmosfera është e mirë në skuadër, mund t’ia dalim. Kampionati ka treguar se nuk ka ekipe të dobëta dhe të gjitha skuadrat duan të mundin Vllazninë”.

STËRVITJA – “Për mua, asnjë ditë e stërvitjes nuk më mërzit. Ne kemi fatin e mirë që e kemi punë një pasion që kemi dhe kjo është gjëja që na motivon më shumë. Në futboll, motivimi më i madh është që të arrijmë sa më shumë dhe të shkojmë sa më lart”.

FILLIMI – “E kam nis futbollin krejt rastësisht. Shkova për të parë vëllanë në stërvitje dhe atë ditë, mungoi një portier. U futa unë në portë dhe rastësisht, kundërshtari nuk më bëri asnjë gol. Trajneri më kërkoi që të shkoja të nesërmen sërish në një ndeshje dhe gjithçka shkoi mirë. Trajneri vendosi të më mbajë dhe aty filloi gjithçka. Isha vetëm 10-vjeç kur kam filluar stërvitjen”.

RRUGËTIMI – “Ka qenë një rrugë shumë e vështirë, sidomos në vitet e para. Kam bërë shumë sakrifica dhe kjo është diçka që një sportist e bën edhe më të fortë. Shkodra ka shumë talente dhe kryesorja është të mos ndalosh asnjëherë së punuari”.

DYSHIMET – “Në fakt, çdo gjë ka ulje-ngritjet e veta. Kur kam pasur uljet më të mëdha, kam pasur disa dyshime nëse do t’ia dal apo jo dhe kam menduar edhe të ndaloj. Por familja ka qenë shtysa ime më e madhe dhe gjithmonë kur shkoja në shtëpi, të gjithë familjarët më mbështesnin që të vazhdoja sërish”.

MARRËDHËNIA ME TIFOZËT – “Shkodra ka edhe shumë tifoze… (qesh). Më vjen mirë që në Shkodër ka shumë tifozë dhe janë një shtysë shumë e madhe për ne. Edhe kur ekipi është në momente të vështira, tifozët na kanë mbështetur. Nuk e di çfarë mendojnë tifozët për mua, por mund të them se gjithçka është mirë deri më tani. Duhet të bashkohemi të gjithë së bashku që të arrijmë qëllimet tona”. 

HUMBJET – “Kur humbasin ndonjë ndeshje, dita më pas është më e vështira. Duket sikur s’ke motivim dhe asgjë s’ia vlen. Gjithsesi, gjithmonë i lëmë pas dhe punojmë më shumë. Në Shkodër, është e vështirë që të kalosh në rrugë dhe të mos hasësh tifozë, prandaj humbjet duhen anashkaluar (qesh)”.

NDESHJA MË E MIRË – “Ndeshjen e parë timen e kujtoj shumë mirë. Ka qenë një derbi me Tiranën dhe ka qenë një ndër derbit më të bukur në Shqipëri. Ajo ndeshje do të mbahet mend gjatë. Ndërsa ndeshja më e mirë ka qenë një fitore që morëm kundër Skënderbeut në Shkodër, pasi i gjithë ekipi ishte perfekt”.

IDHULLI – “Për mua influenca më e madhe është Iker Kasijas. Edhe Nojer është një portier i madh, por më duhet të them Kasijas”- përfundoi Sherri.

Paraqitjet e tij fantastik bënë që Liverpuli të paguante shifra të çmendura, duke e bërë brazilianin një nga portierët më të shtrenjtë në historinë e futbollit. Edhe pse pritej shumë nga Alison, statistikat e tij nuk kanë qenë shumë të mira.

Pas një nisjeje sezoni në mënyrë perfekte, forma e Alison erdhi në rënie dhe në fillimin e vitit 2019, ka një statistikë shumë negative: 7 gola të pësuar në vetëm 11 gjuajtje drejt kuadratit të tij. Kjo statistikë ka filluar të shqetësojë edhe teknikun Klop, i cili duket “i mallkuar” me portierët që drejton.

Forma e shkëlqyer e Strakoshës në dy sezonet e fundit ka bërë që tifozët e kaltër ta admirojnë, por dhe mediat kryeqytetase, që e vlerësojnë shumë gardianin 23-vjeçar.

“Lazziali.net” ka bërë një speciale shumë të gjatë për portierin kuqezi, ku në çdo fjali shprehin admirimin për numrin një të portës. Fillimet e karrierës, shpërthimi te Lacio, interesimi nga Liverpuli dhe mahnitja që po i bën Italisë: Strakosha është “muri” i Lacios! 

“Një shpëtimtar i ardhur nga Zoti!”, kështu është titulli i speciales së shkruar nga “Lazziali.net”, që tregon qartë se besimi te Strakosha është shumë i madh dhe që në moshë të re, gardiani kuqezi mund të konsiderohet si lideri i të kaltërve.

Goli i Kahejon ishte në shtyllë të parë dhe të gjithë prisnin më shumë nga Strakosha, por te goli i Milik, të gjithë ishin të shtangur. Strakosha bëri dhe disa pritje spektakolar, ku bie në sy ajo e minutave të para ndaj sulmuesit Milik. Gjithsesi, kjo ndeshje me ulje-ngritje nuk iu ka pëlqyer aspak mediave italiane, të cilat duken të zhgënjyera me paraqitjen e një prej portierëve më të mirë në Serie A.

Ai është portieri Lopis (mund të ngatërrohet lehtë me Loris), por në sytë e tifozëve katalanas është i paharrueshëm. Huan Bautista Lopis është 102-vjeç sot dhe është njeriu më i vjetër që ka veshur fanellën e Barcelonës gjatë karrierës së tij si futbollist.

Lopis ka luajtur gjatë sezoneve 1941-’43 me uniformën e katalanasve dhe ndeshjen e fundit për gjigantët spanjollë, e ka luajtur plot 76 vite më parë. Sot, ish-portieri është ftuar në ambientet e stadiumit “Camp Nou”, ku e kanë prezantuar me çdo cep të ambienteve. Për fat të mirë, legjendës së katalanasve nuk i nevojitej një karrocë invalidi dhe insistoi që të lëvizte me këmbët e tij në stadiumin ku u bë i famshëm.

Bëhet fjalë për ish-portierin e Kamzës, Mario Kirev. Burime të “sportekspres.com” pranë klubit të Dritës, konfirmojnë transferimin e portierit bullgar në Kosovë. 29-vjeçari u transferua në fillim të sezonit te skuadra e Kamzës, por nuk arriti të fitojë një vend në formacion, kjo dhe për shkak të formës së shkëlqyer të Avdylit.

Kirev luajti vetëm një ndeshje në Superiore me ekipin e Kamzës dhe nuk arriti të gjejë më shumë hapësira. Bullgari do të vazhdojë karrierën e tij te Drita dhe do të jetë nën urdhrat e trajnerit shqiptar, Shpëtim Duro për gjysmën e dytë të sezonit.

Sot, gardiani i portës së Kamzës ka folur për “RTSH Sport”, ku foli për largimin e portierin Kirev, konkurrencën në skuadër, objektivin mbijetësë dhe ndryshimin mes Gjokës dhe Duros.

Mes të tjerash, Avdyli tha: “Ky do të jetë një kampionat më i vështirë se sezoni i shkuar, por ne jemi të bindur se do të marrim pikët e mjaftueshme dhe do të arrijmë objektivin mbijetesë.

Gjoka dallon nga metoda të cilën e ka kërkuar Duro, pasi janë shumë të ndryshëm. Duro ka qenë mesfushor fantazist dhe e ka kërkuar lojën e bukur, ndërsa me Gjokën kemi gjetur lojën agresive dhe kemi marrë pikët që na duhen për të qenë stabël dhe për të luftuar për mbijetesë.

Konkurrenca është e shëndoshë dhe ndihmon secilin. Me Kirevin kam kaluar 6 muaj shumë pozitivë, pasi ishte një djalë shumë i mirë. Nëse vjen një portier ose ikën një tjetër, për mua nuk ka problem, unë fokusohem te loja ime dhe dua të jap maksimumin”,- përfundoi Avdyli.

Një nga ta ka qenë dhe portieri i Trepçës, Teo Foxho Lali, kamerunasi i cili po bën bujë në mediat kosovare. “Gazeta Olle” ka ndjekur me interes situatën e portierit, i cili është filmuar e fotografuar duke punuar në ndërtim, për të fituar sadopak para që të plotësojë nevojat e jetesës.

Gazetarët e “Gazeta Olle” kanë kontaktuar me vetë lojtarin, i cili nuk ka pranuar të flasë në lidhje me situatën e tij, duke thënë: “Mund të flas vetëm sa i takon aspektit sportiv, pasi nuk më lejohet të flas për menaxhimin e klubit.”

Numri 1 i portës laçiane ka pasur oferta edhe nga kampionate jashtë Shqipërisë dhe e ardhmja e tij mbetet një mister. Gjithsesi, momentalisht është lojtari i Laçit dhe për “Sport News”, iu është përgjigjur shumë zërave që qarkullojnë rreth tij.

Selmani u shpreh: “Po, kemi bërë një fazë të mirë. Po bëjmë një stërvitje cilësore, me dy seanca në ditë dhe besoj jemi gati për gjysmën e dytë. E gjithë skuadra duhet të stërvitet akoma më shumë, pasi të gjithë duhet të ndihmojnë ekipin, jo vetëm një ose dy individë.

Unë nuk po mendoj për oferta, për momentin jam pjesë e Laçit. Konkurrenca? Është e mirë për çdo futbollist. Unë nuk e kam frikën e konkurrencës, por e respektoj dhe do të jap më të mirën time.

Objektivat? Ne si synim kemi vendosur se ndeshja e radhës është më e rëndësishme. Jemi ende në garë për Kupën dhe “Europa League”, ndaj them se jemi në rrugën e duhur”,- përfundoi gardiani 20-vjeçar.

Gardiani zgjodhi të përfaqësojë Kosovën dhe ishte titullar në takimin më të rëndësishëm të “Dardanëve” në Ligën e Kombeve, ai përballë Azerbajxhanit, ku arriti të mbajë dhe rrjetën e paprekur.

Muriç shihet si e ardhmja e futbollit kosovar, por dhe si e ardhmja e portës së Mançester Sitit, një nga skuadrat më të mëdha në Evropë. Në gjysmëfinalen e Kupës së Anglisë përballë Bërton, Muriç ishte spektator, por pasimet e tij të sakta me këmbë mjaftuan që mediat britanike ta vlerësonin me notën 7.

Po ashtu, tifozët e “Qytetarëve” besojnë shumë të aftësitë e Muriç dhe në rrjetet sociale, kanë shprehur shpeshherë simpatinë që kanë ndaj portierit kosovar, duke e konsideruar dhe si pasuesin e denjë të brazilianit Ederson.

Kur mori drejtimin e Sitit, Guardiola vuajti shumë që të gjejë portierin e duhur. Pasi largoi anglezin Xho Hart, spanjolli shpenzoi 35 milionë euro për Klaudio Bravon, por “ish”-i i Barcelonës e zhgënjeu.

Pep shpenzoi sërish shifra të frikshme për t’i marrë Benfikës portierin Ederson, që deri më tani ka qenë një sukses. Gjithsesi, duke marrë parasysh që Muriç nuk i ka kushtuar asnjë qindarkë Mançester Sitit, promovimi i tij në ekipin e parë, padiskutim që mund të quhet “blerja më e goditur”.

Fatkeqësisht, Musard nuk ka mundur të bëjë një paraqitje të mirë, pasi skuadra e tij është mundur 3-0 dhe një ndër golat ishte një autogol nga vetë ai.

Portieri i PAOK-ut, Aleksandros Paskalatis sapo ka bërë një gabim trashanik, i denjë për të sfiduar gafat e Karius dhe Ulrajsh si budallallëku i vitit në futboll. Portieri i ekipit grek në përpjekje për të shmangur një korne për Benfikën ia dha topin sulmuesit të portugezëve dhe si për ta bërë akoma më të rëndë situatën shkaktoi dhe një penallti në panik e sipër. Argjentinasi Salvio realizoi penalltinë dhe çoi shifrat në 1-2 për Benfikën, më pas Pizi thelloi diferencën në 1-3 pak minuta para mbylljes së pjesës së parë. Mund të themi se gjithçka ka mbaruar tashmë për PAOK, pasi skuadrës nga Selaniku i duhen 4 gola për t’u kualifikuar në fazën e grupeve të Champions-it.

Transferta e gardianit 25-vjeçar është më shtrenjta në historinë e Liverpulit si dhe rekordi i ri për transferimin e një portieri, duke thyer atë të Bufonit, i cili u transferua 17 vite më parë nga Parma te Juventusi për shifrën e 52 milionë eurove.

Prezantimi zyrtar i Alisonit do të bëhet mbasi ai të kalojë testet mjekësore ditën e nesërme. Fansat e Liverpulit po fillojnë të besojnë gjithnjë e më shumë se pritja e tyre 28-vjeçare për një titull kampion është drejt fundit.

Një tjetër lojtar titullar i skuadrës së Erzenit do i bashkëngjitet kampionatit gjerman pas Emiljano Lundraxhiut. Bëhet fjalë për portierin Sulejman Hoxha, i cili ka një karrierë të gjatë në futbollin shqiptar, madje edhe në elitë. Hoxha ishte pjesë e Erzenit, prej dy sezoneve. Më parë, portieri shijakas ka luajtur me Partizanin, Dinamon, Pogradecin, Teutën, Apoloninë. Por ai ka ekspeirnecë edhe jashtë vendit, si: me ekipin grek të Panilialos si edhe ekipin slloven të Dubnica. Gjithashtu, portieri Hoxha ka qenë pjesë e kombëtares U-21 teksa në atë periudhë mbronte portën e Erzenit. Nga sa bëhet e ditur, Hoxha ka kaluar me sukses provën me skuadrën e Hamburgut B që luan në Ligën rajonale të Gjermanisë, pjesë e së cilës do të jetë në vazhdim. “Gardiani” 27 vjeçar, siç ka pohuar edhe vetë ka firmosur një kontratë të kënaqshme dhe synon që në të ardhmen të luaj edhe me skuadrën e parë edhe pse konkurrenca është shumë e madhe.

LARGIMET – Sulejman Hoxha pason Myslim Rramillin, Eljon Tepshin dhe Armando Dollanin nga në numrin e të larguarve nga Erzeni. Siç edhe më parë “Sport Ekspres” ka zbuluar Erzeni është në bisedime me 4 futbollistë shqiptar dhe dy afrikan. Tashmë, shijakasit duhet të hidhen në sulm për një portier i cili më shumë mundësi mund të jetë Andi Xhixha i Burrelit. Edhe Xhixha është një portier shumë cilësor dhe me eksperiencë, madje ka provuar që të luaj edhe me Teutën, Tomorin dhe Apoloninë në elitë.