Vetëm pesë ditë te Kukësi, shtohen problemet për Duron

Sport Ekspres — Tue, 30 Jul 2019 16:48:26 +0000

Shpëtim Duro u zyrtarizua si trajneri i ri i Kukësit me datë 25 korrik dhe vetëm pesë ditë pas emërimit të tij, i duhet të shqetësohet për shumë gjëra. Senatorët e ekipit nuk u paraqitën në seancën e parë stërvitore, ndërsa mbrëmë, u largua përfundimisht dhe portieri Stivi Frashëri.

Përveç problemeve me kontratat e futbollistëve, të cilët nuk janë ulur ende për të biseduar për rinovim ose ndërprerje, Duro shqetësohet edhe për faktin se nuk ka ende një portier cilësor në ekip. Avdyli, i ardhur këtë merkato, nuk ka besimin e trajnerit, ndërsa i riu Basha, ka mungesë eksperience.

Flitej për një akord me ish-portierin e Flamurtarit, Ena Koliçit, por 33-vjeçari duket më pranë firmës me Dinamon. Porta mbetet ende “bosh” në këtë fazë të merkatos dhe me shumë gjasa, drejtuesit verilindorë do të studiojnë disa alternativa nga IPKO Superliga.

Sezoni për t’u harruar i De Geas, edhe Karius më mirë

Sport Ekspres — Wed, 01 May 2019 15:34:14 +0000

David De Gea është në qendër të vëmendjes së mediave britanike, jo vetëm për kontratën e tij që skadon këtë verë dhe rinovimi po mungon, por dhe për ndeshjet shumë të dobëta që ka bërë. Portieri spanjoll ka bërë shumë gabime këtë sezon, që i kanë kushtuar pikë të rëndësishme Mançester Junajtid.

Në statistikat e këtij sezoni, De Gea është më dobët se edhe portieri famëkeq, Loris Karius. Spanjolli i “Djajve të Kuq” ka pësuar 53 gola në kampionat, ndërsa Karius 39. Mesatarja e notës së De Geas gjatë këtij sezoni është 6.46, ndërsa e Karius 6.70. De Gea ka bërë katër gabime që janë penalizuar me gol, ndërsa gjermani i Beshiktas asnjë gabim.

De Gea ka pësuar 1.4 gola për ndeshje, ndërsa Karius 1.2. Gjithashtu, Karius ka pritur dhe një penallti, ndërsa Karius asnjë. Njëri cilësohet portieri më i mirë në botë, tjetri u largua si i paaftë nga Liverpuli…

portieret

Vetëm pesë ditë te Kukësi, shtohen problemet për Duron

Sezoni për t’u harruar i De Geas, edhe Karius më mirë