Bëhet fjalë për Pordenonen, klub modest nga Seria C italiane, që u bë i famshëm në dhjetor 2017, kur pas një ecurie të shkëlqyer në kupë sfidoi Interin në San Siro dhe u eliminua vetëm nga penalltitë, duke fituar simpatinë e gjithë Italisë, edhe për faktin se në rrjetet sociale klubi është fantastik, me postime plot humor e ironi.

Tani Pordenone ka realizuar ëndrrën, është ngjitur në Serinë B italiane për të parën herë në histori.

Për ta bërë edhe më të bukur këtë festë, një rekord unik: asnjë humbje jashtë fushe këtë sezon, në 17 transferta! Skuadra e drejtuar nga Atilio Teser ka fituar 8 herë e barazuar 11 herë jashtë fushe, asnjë klub në vendet e mëdha në Europë nuk ia ka dalë mbanë, në të gjitha nivelet profesioniste (Angli, Spanjë, Itali apo Francë).

Deri tani Pordenone mburrej me një slogan autoironik: “Nuk kemi qenë kurrë në B!”, por tani doli tjetri: “Nuk jemi mundur kurrë jashtë fushe!”.

Fjalët e merkatos flasin për një interesim të Monzës për brazilianin Kaka, ndërsa klubi i Pordenones ka dashur të bëjë pak humor dhe ka prezantuar në “Twitter” blerjen e re.

Nuk bëhet fjalë për një futbollist dosido, por për Ronaldinjon. “Monza telefonpn Kaka, Pordenone përgjigjet me Ronaldinjon”, komenton klubi friulan në rrjetet sociale.

E gjitha një shaka, ndërsa pritet nëntori, kur Monza dhe Pordinone do të përballen në fushën e blertë dhe do të tregojnë se kush është ekipi më i fortë.

Monza chiama (@KAKA) ?
Pordenone risponde ?#ForzaRamarri #Monza pic.twitter.com/ieQofvZFVu

— Pordenone Calcio (@PordenoneCalcio) September 28, 2018