Politano

Zyrtare, Interi vendos për kartonin e Politanos

Sport Ekspres — Wed, 19 Jun 2019 19:58:29 +0000

Më në fund nuk ka dyshime: Interi ka blerë kartonin e plotë të Mateo Politano. Sulmuesi anësor ishte i huazuar nga skuadra e Sasuolos, me opsionin për t’u blerë dhe pikërisht këtë gjë ka bërë Interi, duke aktivizuar këtë klauzolë dhe duke paguar për shërbimet e mëngjarashit.

Politano bëri një sezon shumë të mirë me fanellë zikaltër, ku në 36 ndeshje në Seria A, shënoi 5 gola. Përveç Politanos, Interi ka siguaruar përfundimisht edhe kartonin e 17-vjeçarit, Edi Antoni Salsedo, nga skuadra e Xhenoas.

VIDEO: Tre pikë të lehta, Interi kthehet i treti

Sport Ekspres — Mon, 13 May 2019 20:53:41 +0000

Interi ka bërë detyrën në San Siro kundër Kievos së dobët, duke fituar 2-0, në një ndeshje që realisht mund ta fitonte shumë më thellë.

Përballë një rivali të rënë nga kategoria dhe me shumë të rinj në ekip, Interi nuk u sforcua shumë dhe nuk e teproi, edhe pse dominoi totalisht, me 22 tentativa për gol (17-0 goditjet nga këndi), ndërsa Kievo nuk goditi asnjëherë në portën zikaltër.

Përtej dominimit, goli i parë i Interit vonoi dhe në minutën e 39-të zhbllokoi Politano, ndërsa në pjesën e dytë sërish goli vonoi dhe Kievo mbeti me 10 lojtarë në minutën e 76-të (Rigoni karton i kuq), para se Perisiç të mbyllte llogaritë 4 minuta para fundit.

Fitorja qetëson totalisht Interin, që shkon në Napoli duke e ditur se mund ta sigurojë aty kualifikimin në Champions, por në rastin më të keq mbetet ndeshja e fundit, në San Siro, kundër Empolit.

Italia nuk di të shënojë, e nderon interisti Politano

Sport Ekspres — Tue, 20 Nov 2018 22:17:00 +0000

Në minutën e fundit të shtesës vendos Politano: sulmuesi anësor i Interit bëhet vendimtar, duke shënuar golin e fitores 1-0 që axurrët arritën në miqësoren kundër Shteteve të Bashkuara të Amerikës në Genk.

Politano u fut në pjesën e dytë dhe vendosi ndeshjen, duke i dhuruar një buzëqeshje trajnerit Roberto Mancini.

Gjithsesi, sërish raste pa fund të humbura nga Italia, që hodhi në fushë edhe tre debutues (Sensi, Grifo e Kean).
Dominim në lojë e raste, gol i artë në fund, sepse fitorja e arritur në Belgjikë është një tjetër hap përpara në renditjen FIFA për një Itali që ishte fundosur keq në vitet e fundit.

VIDEO| Tifozët tentojnë të godasin lojtarët, reagimi i Politanos është epik

Sport Ekspres — Thu, 04 Oct 2018 16:27:25 +0000

Mbrëmjen e kaluar u luajtën ndeshjet për javën e dytë të “UEFA Champions League”. Napoli mundi Liverpulin, ndërsa Barça triumfoi në Londër ndaj Totenhem. Gjithashtu Inter arriti një fitore mjaft të vështirë në transfertën holandeze të PSV.

Pikërisht në ndeshjen PSV-Inter ka ndodhur një episod mjaft interesant. Në zhvillimet e një goditje dënimi në favor të zikaltërve, në momentin kur Politano po priste që arbitri të bëntë me sprajin e tij vendin ku do të goditej faulli, tifozët e PSV kanë hedhur një gotë birre në drejtim të mesfushorit të Inter.

Politano ka reaguar menjëherë dhe e ka kapur gotën e birrës, duke bërë që turma e tifozëve kundërshtar madje ta duartrokiste italianin, për “mjeshtërinë” e treguar në kapjen e gotës. Një episod me të vërtetë interesant.

Ik stond zó dicht bij deze bier-vangactie dat ik nèt niet in beeld sta! #PSV #PSVint #ChampionsLeague #Politano #bier pic.twitter.com/AKWkCzpcSz

— Martijn ????? (@Rommelgem) October 4, 2018