Dhunë dhe përdorim sprajti  acarues në mënyrë krejt të pa arsyeshme, në një moment të krijohet përshtypja se ke të bësh me forcat e ndërhyrjes së shpejtë dhe jo me punonjës së një agjensie private. Ndeshja kaloi në plan të dytë dhe mediet finlandeze u morën më së shumti me ketë ngjarje duke lënë pas dore fituesin e Kupës.

Siitä #SuomenCup'ille arvoisensa päätös. Pippuria kaikille. #ilves pic.twitter.com/I1x6lwh8o1

— Juha Halme?? (@HalmeJuha) June 15, 2019

Federata Finlandeze e Futbollit ka hapur një hetim në lidhje me ngjarjen e ndodhur. Njëri prej tifozëve ka pësuar lëndime të lehta dhe ndodhet në spital.

Ystäväni sai Maarianhaminassa MIFK-Ilves-ottelussa tunti sitten järjestysmiesten toimesta pippurisumutetta syyttömänä naamaansa. Ystävä makaa sairaalassa paraikaa ilman näköä. Ohessa kuva.

Surullista.#SuomenCup #Ilves pic.twitter.com/mBVUqPhTzK

— Joni Yli-Mäenpää (@joniylimaenpaa) June 15, 2019

“Kjo në radhë të parë është një çështje kapaciteti dhe kompetencash. Nuk kemi kapacitetin e nevojshëm, pasi duhen të aktivizojmë me qindra policë për eventet sportive. Kjo ka një kosto financiare, pasi duhet të rriten kapacitet”.

“Në stadiume ne fusim turma dhe jo individ. Duhet të fusim individ me emër dhe mbiemra. Jam dakord që teknologjia na mundëson që kursejmë kapacitet njerëzore dhe më e rëndësishmja është përgjegjësia e individëve”

“Ashpërsimi i kodit penal për të gjithë ata që përfshihen në organizimin dhe pjesëmarrjen e eventeve do ta mundësojë menaxhimin më të lehtë të këtyre situatave. Garantoj vullnetin e ministrisë së brendshme për këtë çështje”.

“Federata Shqiptare e Futbollit ju bën me dije se të gjitha ndeshjet e kampionatit kombëtar të futbollit të planifikuara këtë fundjavë nuk do të zhvillohen si rrjedhojë e vendimit të marrë nga Bashkimi Arbitrave Shqiptar të Futbollit (BASHF) për të bojkotuar të gjitha ndeshjet deri në rikthimin e Policisë së Shtetit në stadiume.

FSHF shpreh mbështetjen maksimale ndaj të gjithë trupës arbitrale në Shqipëri dhe vlerëson e respekton vendimin e marrë prej tyre. Ne kërkojmë reagimin e të gjithë aktorëve për të larguar përfundimisht dhunën, për të garantuar rendin dhe sigurinë publike në stadiume, si parakushti themelor për të pasur një garë të shëndetshme dhe brenda standardeve”, shkruhet në njoftimin e Federatës Shqiptare të Futbollit.

Tashmë pritet të shihet se çfarë do të bëjë Policia e Shtetit në vazhdim. Tashmë kjo kthehet në një çështje serioze, pasi ndalimi i futbollit në një vend është me të vërtetë një çështje që kalon kufijtë e një debati mes Policisë së Shtetit dhe Federatës Shqiptare të Futbollit.

 “Ne e shikojmë të pamundur vazhdimin e aktivitetit pa prezencën e policisë së shtetit. Do të kërkojmë të bëjmë takime me krerët e policisë së shtetit për të parë reagimin e tyre. Ligji e thotë qartë, neni 51, pika 1 e thotë se policia e ka detyrim institucional për të garantuar sigurinë në eventet sportive”.

“Po shkojmë drejt fundit të kampionatit dhe tensioni do të rritet, pasi do të vendoset se kush ekip do bie nga Kategoria dhe kush do të shkojë në Kupat e Europës. Pa policinë nuk mund të vazhdojmë. Në biseda që kam pasur disa me policë, më kanë thënë se i marrin nga shtëpitë dhe i mbajnë për 4 orë jashtë ambienteve të stadiumit. Shteti duhet të bëhet palë më ne, nëse dëshiron që futbolli të vazhdojë”.

DËNIMI I KAMZËS – “Për momentin askush nuk e di se çfarë dënimi do të merret. E përsëris këto raste duhet të dënohen me ashpërsi maksimale”, përfundoi Shulku.

Zyrtarët e arrestuar nga policia janë  presidenti i klubit Naim Qarri, drejtori sportiv Andi Matraxhiu dhe shefi i klubi Albert Bana, si dhe një tifoz me iniciale E.Gj.

Në njoftimin e bërë nga forcat e rendit thuhet gjithashtu se janë shpallur në kërkim 4 tifozë të tjerë, ndërsa për ngjarjen janë shoqëruar 14 persona.

Komunikata e policisë

Tiranë

Policia arreston në flagrancë 4 shtetas për ngjarjen e ndodhur në ndeshjen e futbollit Kamza – Laçi.

Shërbimet e Policisë të Komisariatit të Policisë Nr 5, falë reagimit të shpejtë dhe në kohë bënë kapjen dhe arrestimin e shtetasve:

– N.Q., President i Klubit Kamëz;

– A.M., Drejtor Sportiv i Klubit Kamëz;

– A.B., Shefi i Klubit Sportiv Kamëz;

– E.Gj., tifoz.

Gjithashtu nga verifikimet e bëra rezulton se si autorë të dyshuar për dhunën e ushtruar ndaj gjyqtarit të ndeshjes, dyshohet se janë dhe shtetasit: B.Q., A.Q., A.Q. dhe K.Q., tifozë, të cilët janë shpallur në kërkim policor.

Arrestimi i 4 shtetasve si dhe shpallja në kërkim e 4 të tjerëve u bë për veprën penale “Goditje për shkak të detyrës” dhe “Prishje e qetësisë publike”.

Më datë 03.03.2019, rreth orës 14.00 është zhvilluar ndeshja e futbollit Kamza – Laçi.

Këtë ndeshje Komisariati i Policisë Nr. 5 Tiranë nuk e ka marrë përsipër, pasi nuk janë zbatuar detyrimet dhe përgjegjësitë sipas përcaktimeve të ligjit 79/2017 datë 27.04.2017 “Për Sportin”.

Megjithatë Komisariati i Policisë Nr. 5 Tiranë për sigurimin e rendit e sigurisë publike jashtë ambienteve të stadiumit, para, gjatë dhe pas zhvillimit të ndeshjes, hartoi plan masash.

Kjo ndeshje është marrë përsipër për sigurimin e nga SH.R.S.F.  “Oktapus 1 Security”, të cilët kanë qenë në stadium me 12 efektiv të saj.

Në përfundim të kësaj ndeshje një punonjës i SH.R.S.F., i cili ishte në hyrjen kryesore të stadiumit hapi portën dhe kërkoj ndihmën e policisë, pasi disa tifozë kishin hyrë në fushë dhe  kishin goditur arbitrin dhe punonjësit e SH.R.S.F-së.

Pas këtij njoftimi shërbimet e planizuara me shërbim sipas urdhrit të shërbimit, janë futur në ambientet e stadiumit, duke bërë të mundur marrjen në mbrojtje të gjyqtarëve dhe vendosjen e rendit e qetësisë, duke vazhduar me shoqërimin e personave të futur në fushë dhe ata të cilët kishin goditur gjyqtarin e ndeshjes.

Në lidhje me sqarim e kësaj ngjarje janë shoqëruar edhe 14 shtetas të tjerë.

“Federata Shqiptare e Futbollit dënon me ashpërsi dhunën e ushtruar ndaj zyrtarit të klubit Flamurtari gjatë ndeshjes Partizani-Flamurtari të zhvilluar mbrëmjen e djeshme në stadiumin “Selman Stërmasi”. Një ngjarje e tillë nuk ka aspak lidhje me lojën e futbollit dhe frymën “Fair Play” që duhet të përcjellin të gjithë. I bëjmë thirrje klubeve që të punojnë sa më shumë me tifozeritë dhe stafet e tyre që ngjarje të tilla të mos përsëriten më.

Në të njëjtën kohë i bëjmë thirrje organeve ligj zbatuese, Policisë së Shtetit dhe Prokurorisë, që të vendosin përpara ligjit agresorët të cilët janë evidentuar nga pamjet filmike. FSHF dhe zyrtari i Klubit Flamurtari kanë dorëzuar kallëzimin penal, tani është koha që Policia të veprojë. Situata dhe ngjarje të tilla nuk duhet të përsëriten më në stadiumet shqiptare.

FSHF do të qëndrojë në kontakte të vazhdueshme me autoritetet përkatëse të rendit dhe me klubet për t’i dhënë një zgjidhje përfundimtare këtij problemi, që dëmton dhe cenon imazhin e futbollit shqiptar”, shkruhet në qëndrimin e bërë nga FSHF.

KLASIFIKIMI – “Pikët na mbajnë në fund. Nuk më pëlqen fare kur jemi në këto pozita. Sigurisht kjo për fajin tonë. Fitorja e Luftëtarit sot e komplikon disi më tepër për fakti që ato u afruan. Megjithatë, kam një bindje timen të verbër, që ne nuk do merremi me mbijetesën. Jam i bindur që shumë shpejt do të shohim për më lart, sepse kemi kontingjent tjetër, objektiva të tjera dhe emër tjetër dhe besoj që nuk na shkon të qëndrojmë në këto pozita. Besoj se do ta lëmë treshen e fundit të luftojnë midis tyre dhe besoj se do merremi me një treshe më sipër”.

TEUTA – “Do ta konsideroja rezultat pozitiv barazimin me Teutën për mënyrën se si rrodhën ngjarjet, megjithëse  u futëm në fushë për tre pikët. Pësuam një gol në fillim në një moment përgjumjeje, e më pas barazuam e krijuam më shumë volum loje. Besoj se ishim më mirë se kundërshtari, por besoj se barazimi ishte rezultati më i drejtë”.

LARGIMI I POLICISË – “Unë personalisht jam pro largimit të policisë në stadiume. Ky është qëndrimi im. Unë  besoj se policia duhet të dilta nga perimetri i brendshëm i stadiumeve. E para për arsyen se nuk janë të kualifikuar për mbarëvajtjen e një aktiviteti sportiv. Punojnë mbas punë në orë shtesë. E për më tepër eksperienca ka treguar se nuk kanë ditur të menaxhojnë siç duhet, apo në raste të veçantë ka qenë deri diku provokues në mënyrën se janë sjellë me fitozë të ndryshëm. Unë personalisht gjykoj se duhet të përdoret i njëjti standard si në ndeshjet e kombëtarëve, për momentin policia nuk e pranon këtë. Policia duhet të jetë e pranishme në korridoret e brendshme dhe perimetrin jashtë stadiumit Kaq është  e mjaftueshme. Ashtu siç ndodh në futbollin perëndimor, mbarëvajtja dhe sigurua brenda në stadiume duhet të organizohet nga stjuartët”.

Mjaftuan pak minuta që situata të përkeqësohej dhe mes policisë dhe tifozëve filluan përleshjet. Në përpjekje e sipër për të neutralizuar plumbat e gomës, policia argjentinase qëlloi me plumb gome, si dhe përdori gaz lotsjellës.

Bilanci përfundimtar i trazirave është 20 të arrestuar dhe mbi 30 të plagosur. Fatmirësisht bëhet fjalë për dëmtime të lehta.

Por edhe klubi bardheblu e pëson. Pas derbit u kërkua të plotësoheshin të tjera kushte shtesë për sigurinë dhe kjo nuk ka ndodhur. Drejtoria Vendore e Policisë Tiranë ka njoftuar se do procedohen penalisht edhe drejtuesit e klubit bardheblu, si dhe drejtuesit e stadiumit “Selman Stërmasi”. Sigurisht personat përgjegjës për sigurinë.

DEKLARATA E DREJTORISË VENDORE TË POLICISË TIRANË – Në lidhje me incidentin e djeshëm të ndodhur në stadiumin “Selman Stërmasi” pas përfundimit të ndeshjes midis ekipeve “Tirana- Kukësi”, ju bëjmë me dije se: Drejtoria Vendore e Policisë Tiranë në përgjigjen e kthyer Klubit Sportiv “Tirana” e ka bërë me dije që nuk do të garantonte rendin dhe sigurinë para, gjatë dhe në përfundim të këtij aktiviteti sportiv, pasi nuk plotësonte kërkesat në bazë të ligjit nr. 79/2017 “Për Sportet” dhe ligjit nr.19/2016, Për masat shtesë të Sigurisë publike”.

Lidhur me situatën e krijuar ditën e djeshme pas mbarimit të ndeshjes Policia mori këto masa: Me marrjen e informacionit ndërhyri në kohë për parandalimin dhe agravimin e mëtejshëm të situatës duke larguar tifozët nga fusha drejt vendqëndrimit fillestar. Menjëherë bëri kapjen dhe shoqërimin pranë Komisariatit të Policisë Nr.2 të 12 tifozëve prishës të rendit dhe të sigurisë, si më poshtë:

A. Gj. 18 vjeç, banues në Tiranë
D. B. 37 vjeç, banues në Tiranë
B. K. 18 vjeç, banues në Tiranë
I. K. 18 vjeç, banues në Tiranë
A. V. 31 vjeç, banues në Tiranë
L. P. 20 vjeç, banues në Tiranë
D. D. 18 vjeç, banues në Tiranë
K. Sh. 18 vjeç, banues në Tiranë
H. H. 21 vjeç, banues në Tiranë
O. H. 18 vjeç, banues në Tiranë
K. M. 18 vjeç, banues në Tiranë
L. Zh. 22 vjeç, banues në Tiranë.

Personat e sipërpërmendur janë proceduar penalisht për veprën penale “Prishje e rendit dhe qetësisë publike”, parashikuar nga neni 274 i Kodit Penal. Nëpërmjet pamjeve filmike dhe informacioneve po vazhdon puna për identifikimin, shoqërimin dhe procedimin penal dhe administrativ të personave të tjerë të përfshirë në prishjen e rendit dhe qetësisë në këtë aktivitet sportiv.

Gjithashtu ndaj subjektit privat “Octapus 1 Security” i pajisur me licensë të kategorisë 1-3A, e kontraktuar nga Klubi Sportiv “Tirana” për garantimin e rendit dhe sigurisë para, gjatë dhe në përfundimit të aktivitetit sportiv për mospërmbushje të detyrimeve ligjore u morën këto masa:

• gjobë drejtuesit teknik, bazuar në ligjit 75/2014 “Për Sh.P.S.F-t” neni 26 germa “d” dhe “dh”.
•  gjobë për 5 punonjës të subjektit SH.P.S.F “Oktapus 1 Security”, bazuar në ligjin 75/2014 “Për Sh.P.S.F-t” neni 27.

Ju bëjmë me dije se subjekti privat “Octapus 1 Security”i pajisur me licencë të kategorisë 1-3A është gjobitur për mospërmbushje të detyrimeve ligjore dhe për problemet e ndodhura edhe në ndeshjen K.F Tirana – K.F Partizani në datë 28.09.2018.

Vazhdojnë procedurat për procedimin administrativ të Klubi Sportiv “Tirana” për moszbatimin dhe marrjen e masave bazuar në ligjin Nr. 19/2016, datë 22.09.2016 “Për masat shtesë të sigurisë publike”.

Sqarojmë se për drejtuesit e K.F “Tirana” dhe drejtuesit e stadiumit “Selman Stërmasi” ka filluar procedimi penal për mos përmbushje të detyrimeve që rrjedhin nga ligji nr. 79/2017 “Për Sportet” dhe ligjit nr.19/2016, ” Për masat shtesë të Sigurisë publike” të evidentuara në ndeshjen e datës 28.09.2018. midis K.F Tirana – K.F Partizani.

Policia e Tiranës është e vendosur të zbatoj me përpikmëri detyrimet dhe përgjegjësit e përcaktuara në aktet e mësipërme për marrjen e masave gjatë zhvillimit të aktiviteteve të ndryshme.

Forcat e rendit kanë dalë me një njoftim paraprak, ku sqarojnë çfarë ka ndodhur: “Më datë 06.11.2018, rreth orës 19:50 në përfundim të ndeshjes së zhvilluar midis ekipeve ‘Tirana -Kukësi’, të zhvilluar në stadiumin ‘Selman Stërmasi’, kanë hyrë në fushë disa tifozë të Tiranës, ku një pjesë e tyre janë shoqëruar nga shërbimet e policisë në Komisariat për veprime të mëtejshme procedurale. Gjatë hyrjes së tifozëve në fushë ka mbetur i dëmtuar lehtë një shtetas, të cilit i është dhënë ndihma e duhur mjekësore. Po punohet për identifikimin dhe shoqërimin e personave të tjerë”.

PROBLEMI TJETËR – Policia e Shtetit, që në takimin për derbin ka shfaqur hapur kundërshtinë për mënyrën e ndarjes së tribunave. Historikisht në tribunën qendrore tifozët bardheblu kanë qëndruar në sektorin A, që është i ngjitur me sektorin mik.

Po ashtu edhe pjesa e tribunës qendrore e atribuuar për skuadrat udhëtuese, është krah tribunës tjetër të tifozëve të Tiranës, ccka e bën problematike garantimin e rendit. Pa ndryshuar pozicionimi i tribunave për tifozët, Policia e Shtetit nuk merr përsipër ndeshjet që skuadra kryeqytetase zhvillon në “Selman Stërmasi”. Kështu kishte ndodhur edhe në takimin me Kukësin, ku tifozët zaptuan fushën pas përfundimit të ndeshjes.

Tifozët akuzojnë policinë se ka marrë në dorëzim të dhënat personale dhe të celularëve, pa arsye dhe pa bërë asnjë kërkesë. Sistemi është krijuar në vitin 2011 pas një ndeshje të nxehtë ndërmjet Sëlltik dhe Rejnxhërs dhe në teori duhej të shërbente për të ulur krimet dhe aktet terroriste.

Aktualisht në operacionin e përgjimeve janë përfshirë 15 zyrtarë dhe buxheti vjetor i projektit e kalon shifrën e 700 mijë eurove. Protestat e mbështetësve lidhen me faktin se përvetësimi i të dhënave personale nga policia, ka pak lidhje (për të mos thënë aspak) me kriminalitetin dhe terrorizmin.

Pas hetimit të Sky News, rezulton se vetëm në vitin 2016 janë bërë 3007 mandate për përgjime. Mandatet lidhen të gjitha me shpërndarjen e drogës, grabitje me armë, ose me raste të tjera që lidhen me sigurinë kombëtare. Çështja ende nuk është zgjidhur, me tifozët që kërkojnë respekt për privatësinë, ndërsa policia për t’u mbrojtur përdor argumentin e luftës kundër terrorizmit.

Takimi ishte programuar të luhej ditën e nesërme në orën 1. Tifozët e Dresdenit kishin avulluar 30000 biletat e takimit, por tani të dy skuadrat duhet ta zhvillojnë ndeshjen në një datë tjetër. Federata gjermane kishte kërkuar që të plotësonte numrin e pakët të policëve me punonjës të policive private, por kjo kërkesë e tyre është mohuar.

Tashmë do të ketë vetëm stjuartë dhe Policia do të ndërhyjë vetëm në rast kur lindin incidente. Ndërkohë, Ultras Guerrils, ka dalë me një deklaratë, ku ndihen fitimtarë të kësaj lufte, madje sqarojnë se kërkesë e tyre ka bërë që FSHF të reagojë dhe marrë vendimin për të mos pasur policë mes tifozëve në ndeshjet e Superiores.

“Ishim ne ata që të parët u përballëm me masën represive të identifikimit dhe ishim të parët që e kundërshtuam atë duke i rezistuar deri në fund. Hapat ishin konkrete, të karakterizuar jo me braktisje të stadiumit, por me refuzim të identifikimit dhe për pasojë qëndrimin jashtë. Deri sa me mënyrat tona, nëpërmjet këmbënguljes, shpjegimit, artikulimit dhe pa ndihmën e askujt ja arritëm ta fitonim këtë betejë! Ndërkohë ajo e radhës ishte largimi i uniformave jashtë rrethimit të stadiumit, ku veçanërisht insistuam me të gjitha mënyrat në ndeshjen e parë europiane ndaj Mariborit dhe në fakt ashtu ndodhi. Arritëm të paret të shijojmë një ndeshje në kushtet që ne duam, në liri të plotë, pa praninë e uniformave, shkopinjve dhe pistoletave! Pa polici s’ka as probleme ! Pas dërgimit si kërkesë, me referencë shembullin e ndeshjes me Mariborin, kemi marrë përgjigje nga ana e FSHF që tashmë nuk do ketë policë brenda rrethimit në asnjë stadium të Superiores”, shkruajnë “Guerrils” në faqen e tyre zyrtare.

Shpesh ka pasur probleme dhe forcat e rendit duhet thënë se nuk kanë përgatitjen e duhur për të menaxhuar ndeshjet. Shpesh ka protagonizëm mes tyre dhe tifozëve dhe zgjidhja më e mirë është parë që tanimë policët të qëndrojnë jashtë stadiumit dhe të ndërhyjnë kur të jetë e nevojshme.

Tanimë klubet duhet të planifikojnë pagesat për stjuartët, që duhet të jenë në numër të konsiderueshëm në ndeshje të caktuara. Mbetet për t’u parë se si do të shkojë kjo mënyrë e re organizimi, që është pranuar edhe nga ana e klubeve pas propozimit të Federatës Shqiptare të Futbollit raporton Supersport.