Ama nuk heziton të “godasë” kampionin e Botës të cilit i thotë se po jeton me fantazinë se është më i miri. Skolls shprehet se nuk do të ishte problem nëse një lojtar kryesor si Pogba do të largohej, pasi Junajtid e ka provuar se nuk ndryshon kur largohen yjet e ekipit.

“Të gjithë e njohim Pol dhe flasim për potencialin e tij. Por ai është 26 vjeç dhe duhet të na e kishte treguar talentin e tij javë pas jave. Ai nuk e kupton këtë. Vazhdon të jetojë në botën e tij të vogël me fantazinë se është më i miri. Në të kaluarën, Junajtid humbi lojtarët më të mëdhenj dhe kjo nuk kishte efekt në arritjet e ekipit. Kujtoj Bekam, Ronaldo apo Van Nistelroi”, përfundoi Pol Skolls.

Sipas asaj që kanë mësuar mediet angleze, Skols ka vendosur 140 baste për ndeshje të caktuara futbolli në një periudhë kohore nga gushti i 2015-ës në janar të 2019-ës. Bastet janë ndërprerë pak javë para se Skols të bëhej trajneri i skuadrës së Oldhemit.

Ish-futbollisti ka kohë deri më datë 26 prill për të dhënë shpjegime në lidhje me këtë shkelje të rregullores.

Rasti më i famshëm i kësaj shkelje është ai i mesfushorit Xhoi Barton, i cili u dënua me 13 muaj pezullim nga futbolli për shkak se kishte vendosur 1260 baste sportive.

Roli i portierit është specifik dhe mjafton një gabim për ta “kryqëzuar”. Shezni u shfaq i pasigurt në golin e dytë të Junajtid në humbjen e mbrëmshme me rezultatin 1-2 dhe në drejtim të tij kanë ardhur kritika nga vendi ishullor.

Pol Skolls dhe Ouen Hargrivs, ish-mesfushorë të “Djajve të Kuq”, kanë cilësuar Sheznin si pikën më të dobët të bardhezinjve të Alegrit.

“Mendoj se Shezni nuk e bëri mirë punën e tij. Mund të dilte, por ishte i pasigurt dhe mendoj se portieri është pika më e dobët e Juventusit. Ka vuajtur për pesë vite tek Arsenali dhe nuk më duket se është përmirësuar”, flet Pol Skolls për “BT Sport”, duke iu referuar autogolit të Aleks Sandros, që solli fitoren e Junajtid.

Në të njëjtën linjë qëndron dhe Hargrivs, megjithëse gabon pak në arsyetimin e tij, pasi kemi dhe rastin e Barcelonës, që ka fituar tre Champions Liga me një portier si… Viktor Valdez, padyshim jo një portier i nivelit botëror.

“Skolls e preku çështjen e portierit. Sa skuadra e kanë fituar Champions Ligën pa një portier të nivelit botëror? Juventus është përgatitur të fitojë Champions-in dhe njerëzit prapa skenave po mendojnë se e kanë humbur shanset, tani që Bufon është larguar”, përfundon Ouen Hargrivs.

I biri i ish-mesfushorit, Aron Skolls, aktivizohet me ekipin e Rojton Taun dhe po përgatitej për të luajtur në transfertë me Stokport Xheorxhians. Historitë nga kategoritë inferiore në ishull janë të shumta dhe të larmishme. Rojton ishte në një moment të vështirë dhe kishte mungesa lojtarësh. Nevojitej dhe një dhe Aron i jep zgjidhje situatës.

“Na duhet një futbollist? Do thërras babin tim të luajë”. 43-vjeçari pranon sfidën, bëhet gati dhe vesh bluzën me numër 8-të për të ndihmuar ekipin e të  birit në një moment delikat. Rikthim në fushë mbas plot 5 vitesh, por pa arritur të evitojë humbjen. Vendasit e Stokportit fituan me rezultatin 1-0, ndërsa në ekipin e miqve luajtën së bashku dy Skolls: Pol dhe Aron.

Vendasit reaguan me anë të një postimi në rrjetet sociale mbas përfundimit të ndeshjes. “Kujdes këtë djaloshin në mesfushë, sepse ka një të ardhme”, shkruante Stokport Xheorxhians për legjendën Pol Skols.

Who thought they’d ever see Paul Scholes play in the 11th tier of English football?

He turned out for Royton Town FC yesterday.

? @LMonsterAds pic.twitter.com/eCUjBhjdUu

— BBC Sport (@BBCSport) September 2, 2018