Ky është hapi i parë, por është diçka pozitive. Francezi e do largimin dhe e ka shprehur se dëshiron të ndryshojë ambient. “Djajtë e kuq” duket se janë dorëzuar para vullnetit të lojtarit. As atyre nuk u bën punë një futbollist me “turinjtë e varur”.

Junajtid në fillim as nuk pranonte të fliste dhe tashmë po dorëzohen. Problemi tanimë është shuma për të cilën Pogba do të transferohet në Spanjë. Anglezët duan më shumë se 150 milionë euro dhe këtu ka njëfarë stepje. Reali duhet të shesë dhe nga ana tjetër të konkurrojë me Juventusin, që gjithashtu e do mesfushorin. Pogba dëshiron Madridin më shumë…

Crece el optimismo en el Real Madrid: el Manchester United acepta negociar por Pogbahttps://t.co/V7As1aClGS

— Sergio Valentín (@Sergivalentin_) July 8, 2019

Ama nuk heziton të “godasë” kampionin e Botës të cilit i thotë se po jeton me fantazinë se është më i miri. Skolls shprehet se nuk do të ishte problem nëse një lojtar kryesor si Pogba do të largohej, pasi Junajtid e ka provuar se nuk ndryshon kur largohen yjet e ekipit.

“Të gjithë e njohim Pol dhe flasim për potencialin e tij. Por ai është 26 vjeç dhe duhet të na e kishte treguar talentin e tij javë pas jave. Ai nuk e kupton këtë. Vazhdon të jetojë në botën e tij të vogël me fantazinë se është më i miri. Në të kaluarën, Junajtid humbi lojtarët më të mëdhenj dhe kjo nuk kishte efekt në arritjet e ekipit. Kujtoj Bekam, Ronaldo apo Van Nistelroi”, përfundoi Pol Skolls.

Sipas asaj që raporton së fundmi “Libertad Digital”, Realit do t’i duhet të paguajë gati 150 milionë euro, por nuk është ky problemi i vetëm. Thuhet se menaxheri i Pogba, Mino Raiola ka kërkuar diçka më shumë se 20 milionë euro, ndërsa lojtari francez kërkon një pagë prej 17 milionë eurosh.

Aktualisht, Pogba paguhet 12 milionë euro në Mançester, teksa me kalimin në Madrid ka kërkuar 5 milionë më shumë. Topi duket se është në fushën e Realit, me madrilenët që duhet të vendosin nëse do të pranojnë këto kushte…

Vera po vjen sërish dhe duke parë se Junajtid nuk po arrin të jetë konkurrues në Angli e Europë, mesfushori mund të “shtyjë” klubin që ta shesin. Reali i Madridit ka dalë sërish në skenë dhe “Marca” është hapur sot pikërisht me dëshirën e Zidane për ta pasur në skuadër mesfushorin.

Arsyeja pse tekniku madrilen e do ka të bëjë me personalitetin e Pogba, që kërkon të fitojë dhe kjo dëshirë e tij besohet se mund të përfshijë edhe shokët e skuadrës. Një shkëndijë te Reali duhet dhe Pogba mund ta ndezë atë, kështu të paktën mendon Zidan.

Ndërkohë gjatë ditëve të fundit ka pasur edhe emra të tjerë të lakuar. Dje Marca raportonte edhe për arritjen e marrëveshjes me Eden Hazard, me Realin që pritet të derdhë në arkat e Çelsit shumën e 100 milionë eurove. Luka Joviç është një tjetër objektiv dhe është nga ato të arritshmit, kurse ëndrra e madhe mbetet Nejmar. 500 milionë euro janë gati për merkaton dhe duhet pritur vera për të mësuar lëvizjet e madrilenëve.

Asnjë shans për “Djajtë e Kuq”, të cilët eliminohen dhe do të luftojnë fort në kampionat për t’u rikthyer përsëri në këtë kompeticion sezonin tjetër. Geri Nejvill nuk i ka kursyer kritikat për Pol Pogba. Francezit ia vlerëson shumë kualitetin e lojës dhe forcën, por diçka nuk shkon.

“Pogba po luan njësoj siç bënte përpara ardhjes së Solskjaerit. Ai nuk po bën asgjë, nuk po shtyn përpara, luan vetëm për veten e vet dhe duket fare i pa interesuar. Pol është një lojtar i madh dhe mund të bëhet edhe më i madh, por ka nevojë të rigjejë përqendrimin e duhur”, përfundon për “beIN Sports”, ish-mbrojtësi i njohur i Mançester Junajtid.

Prestigjozja “The Sun” bën një tabllo sesi mund të jetë formacioni i madrilenëve për sezonin e ardhshëm. Në portë nuk ka prurje të reja me Navas apo Kurtua në mes të katërkëndëshit. Mbrojtja ka ndryshime.

Në qendër do të jetë Militao, që do të zëvendësojë Varanen dhe në krahun e majtë nuk do të jetë as Marselo, as Regulion, por Grimaldo i Benfikës. Mesfusha dhe sulmi janë repartet që pësojnë një ndryshim radikal.

Emra si Kros, Modriç, Bejl apo Benzema do të zëvendësohen nga Pogba, Deklan Rajs i Uest Hem, Kilan Mbape dhe Eden Hazard. Të vetmit që mbijetojnë janë Isko dhe Vinisius Zhunior. Për të bërë bashkë të gjithë këto yje Realit do t’i duhej një shifër e frikshme prej rreth 500 milonë eurosh.

Ndërkohë sulmuesi i Mançester Sitit e ka me deklaratën e Bonuçit pas ndeshjes. Mbrojtësi i bardhezinjve u shpreh se një pjesë të fajit e kishte edhe Kean duke e ndarë në 50-50. Nuk është aspak dakord Stërling dhe i drejtohet direkt Leos: “Faji është 50-50 Bonuçi? E vetmja gjë që mund të bësh është të qeshësh.”

Ndërsa Pol Pogba dhe Depaj e kanë me tifozët dhe bëjnë thirrje për ta luftuar këtë fenomen që vetëm e bën pis futbollin dhe jo vetëm.  “Unë mbështes çdo luftë kundër racizmit. Jemi të gjithë të barabartë.”, shprehet Pogba. I ngjashëm është edhe postimi i holandezit, i cili shkruan: “Duhet të flasim. Jemi të barabartë.”

Ky i fundit është kthyer përsëri te kjo temë, duke kujtuar një episod që i kishte ndodhur kur drejtonte Junajtid. Ai nuk e përmendi emrin e Pogba për “Daily Mail”, gjithsesi e la të kuptohej që ai person ishte kampioni i Botës me Francën.

“Ne ishim duke luajtur një ndeshje jo larg Mançesterit, rreth 30 km. Një lojtar më kërkoi që të kthehej në Mançester i vetëm dhe jo me ekipin. I thashë se po të kishim qenë në Londër kjo do të kishte kuptim, por jemi shumë afër dhe kjo është tjetër llogari”, tregon “Special One”.

“Ai insistoi dhe pasi fitoi ndeshjen ma kërkoi sërish. Unë isha i lumtur për fitoren dhe u dorëzova, por i thashë që të paktën të hipte në autobus dhe t’i thoshte shoferit ta merrte 10 km nga stadiumi. Pas kësaj përgjigje nuk ishte aspak i lumtur në dhomat e zhveshjes. Pasi u kthyem nga konferenca për mediat në autobus, u shfaq ai në një makinë ‘Rolls Roice’ me shoferin e tij. Meqë makina ishte e re, shkëlqesia e tij donte te ikte me të. Ç’mund t’i beja?”, e mbyll deklaratën e tij Murinjo, i cili mundohet të tregojë që nuk është ai fajtori i vetëm për marrëdhëniet e këqija me Pogba.

Ibra luajti për 1 sezon e gjysmë me “Djajtë e Kuq”, gjatë kohës që në stol ishte Zhoze Murinjo. Sulmuesi i famshëm nuk i ka kursyer thumbimet për disa nga ish-lojtarët e trajnerit legjendar të Junajtid, Aleks Ferguson. Në një prononcim për “Daily Mirror”, Ibra sulmon emra si Nejvil dhe Skolls, të cilët i quan si studentët e skocezit Ferguson.

“Çdo gjë që ndodh te Mançester Junajtid gjykohet në bazë të epokës së Fergusonit. Të gjithë thonë: nëse ai do të ishte këtu, kjo nuk do të ndodhte, Ferguson nuk do e bënte në këtë mënyrë, por kështu… Në vend të tyre unë do të thoja që Ferguson, i cili është pjesë e historisë së klubit, nuk është më dhe unë vij për të shkruar historinë time. Nuk dua të dëgjoj se çfarë ka ndodhur më parë. Studentët e tij dalin gjithmonë në televizor dhe qahen gjatë gjithë kohës, sepse nuk janë më pjesë e klubit.”

“Nëse dëshiron të punosh në klub, atëherë ik dhe puno. Nuk mund të jesh në televizor, duke u ankuar dhe kritikuar gjithmonë. Koha jote ka kaluar. Pogba ishte i ri te Junajtid, u largua dhe u rikthye përsëri. Francezi nuk iu pëlqen studentëve të Fergusonit, sepse ata kanë qëndruar gjithë jetën në klub dhe nuk janë transferuar kurrë. Ata nuk do hapnin gojë kurrë, nëse trajneri do ju thoshte të mos hapnin gojë. Nuk jam i sigurt as nëse Fergusoni i ka dhënë leje që të flasin nëpër televizione.”

INTERVISTUESI – A është e vërtetë që vëllezërit Pogba janë fansa të Barcelonës?

“Po është e vërtetë. Ne të tre e pëlqejmë lojën “tika-taka”. Sa herë që mundem, unë i shikoj ndeshjet e Barcelonës në televizor ose herë të tjera në stadium. Kur vëllai im të ikë nga Mançester Junajtid ka vetëm tre klube ku ai mund të ikë për t’u përmirësuar: Siti, Barcelona, Ç Madrid. Siugrisht, ai nuk do shkojë te Siti, kështu që do të vijë në Spanjë te Barça ose Çi”.

“Në momentin kur Pol u largua nga Juventusi, ai mund të kishte shkuar te Barcelona, por ishte i vendosur që të rikthehej te Mançester Junajtid, ku në fillim gjërat nuk i ecën mbarë. Ç Madrid u përpoq ta merrte gjithashtu në atë periudhë, por transferimi në Angli ishte një çështje zemre”, tha Florentin Pogba.

Ardhja e Kristiano Ronaldos ka rritur entuziazmin në ekip dhe siguron gola e fitore. Paulo Dibala e konfirmon objektivin kryesor të ekipit të tij në prononcimin për “Telefoot”, ndërsa fton Pol Pogba të rikthehet në Torino.

Kualiteti i francezit nuk vihet në dyshim dhe te Juventusi do e prisnin me krahë hapur. Dibala vlerëson dhe dyshen Nejmar-Mbape, por askush nuk krahasohet ende me një tjetër dyshe të frikshme si Leo Mesi dhe Kristiano Ronaldo.

“Të gjithë do të donin në skuadër një lojtar me cilësitë e Pogba. Çfarëdo vendimi të marrë, i uroj më të mirën e mundshme. Objektivi ynë kryesor është fitimi i Champions Ligës. Do të tentojmë ta fitojmë, por pa harruar kompeticionet e tjera. Atletiko e Madridit bashkë me Liverpulin ishin kundërshtarët më të vështirë që mund të na binin, por ne jemi gati. Më të mirët? Ronaldo dhe Mesi janë në një nivel. Nejmar dhe Mbape janë lojtarë shumë të mirë, por argjentinasi dhe portugezi mbeten numrat një”, përfundon Paulo Dibala.

Një nga mbështetjet më të mëdha për djaloshin, duket se ka qenë, Pol Pogba. Ish-mesfushori i Juventusit, ka qëndruar afër 14-vjeçarit në kohën kur luante për bardhezinjtë, me të cilët dhe djaloshi Brajan është tifoz, duke e ndihmuar jo pak në luftën që ai kishte me sëmundjen.

What a blessing that Bryan beat cancer and today played his first game with Juve U15. So proud of you my friend, merci for being an inspiration to me and so many others. Hope to see you soon! #fightcancer #beatcancer #thisiswhyweplay

A post shared by Paul Labile Pogba (@paulpogba) on Jan 6, 2019 at 12:00pm PST

Brajan Dodien është rikthyer për të luajtur, teksa së fundmi, pasi hodhi tumorin pas, ka luajtur në ndeshjen Juventus-Bolonja, sfidë e vlefshme për grupmoshat u15. Pogba ka postuar një video në llogarinë e tij në Instagram, ku shfaqen momentet e tij me djaloshin, si dhe një mesazh nga Brajan, pas ndeshjes.

Mesfushori francez, së bashku me postimin, kishte bërë dhe një shkrim për 14-vjeçarin, ku kishte shkruar: “Çfarë bekimi që Brajani e mundi kancerin dhe luajti ndeshjen e tij të parë me Juventusin u15. Shumë krenar për ty miku im, faleminderit që je një inspirim për mua dhe shumë të tjerë. Shpresoj të shihemi shpejt!”.

Mesfushori francez ka kaluar disa momente me të riun, i ka dhuruar një uniformë të tij atij dhe ka provuar emocione të forta. Kampioni i botës ka komentuar menjëherë në faqen e tij zyrtare, duke shkruar që ky është shkaku se pse ai dhe shokët e tij luajnë lojën më të bukur në botë.

“Kjo video më dhuron kaq shumë emocione, të shohësh një djalë të ri të arrijë rezultate të mirë dhe të ndihet më mirë kur vesh bluzën e Pogba me Mançester Junajtid… Na falënderove që të dhuruam 5 minuta nga koha jonë, por NË TË FALENDEROJMË TY që na jep fuqi për të shtyrë veten në limite. Ja për çfarë luajmë futboll”, shprehet Pol Pogba në postimin e tij në rrjetet sociale.

This video makes me so emotional ?seeing a young man get better results and feeling better just by wearing a pogba @ManUtd shirt… you thanks us for giving you 5min of our time but WE THANK YOU for giving us the strength to push ourselves to the limit ?? #thisiswhyweplayfor pic.twitter.com/N1NmtPPi01

— Paul Pogba (@paulpogba) December 20, 2018

Pavarësisht këtyre deklaratave, kampionët e Francës mund ta shesin 23-vjeçarin në janar. Barcelona dhe Juventus janë klubet më të interesuara për shërbimet e tij. Bardhezinjtë mund të tërhiqen nga gara për Rabiot dhe mund ta lejojnë atë të zgjedhë Barcelonën.

Shkaku? Siç raporton ”Tuttosport”, Juventus është gati të bëjë këtë lëvizje për të mbërritur te… Pol Pogba. Francezi kërkohet dhe nga Barcelona, por katalanasit mund të mjaftohen me Rabiot, kështu që rriten shanset e rikthimit të mesfushorit të Junajtid tek ekipi torinez.

Nga ana tjetër, Juventus është në garë dhe për shërbimet e Matijs De Ligt. Mbrojtësi i talentuar i Ajaksit ka oferta nga shumë klube evropiane, ndërsa babai i tij ka folur për të ardhmen e 19-vjeçarit.

“Juventus mund të jetë një mundësi për të ardhmen e Matijs, por nuk është klubi i vetëm i interesuar. Tani jemi të përqendruar tek Ajaksi. Torino është një qytet i bukur dhe isha aty në verë për të ndjekur ndeshjen e Holandës. Në muajt e ardhshëm, unë, djali im dhe Rajola (menaxheri i De Ligt) do të marrim vendimin e duhur për të ardhmen e tij”, ka folur Frenk De Ligt për “Tuttosport”.

Kapiteni dhe titullari i kombëtares së Holandës u shpall dje fituesi i çmimit “Golden Boy” dhe shihet si një nga mbrojtësit e së ardhmes.

Kampioni i botës në fuqi ka qenë i pari që ka reaguar pas shkarkimit të Murinjos. Pogba ka postuar në rrjetet sociale një foto duke buzëqeshur, por ai e ka fshirë atë pas disa momentesh. Megjithatë, foto e tij ka bërë xhiro nëpër rrjet, edhe pse mesfushori e ka fshirë postimin.

“Komentojeni vetë” ka shkruar Pogba, ndërkohë që ka zgjedhur një foto pikante, ku shfaqet duke buzëqeshur me ironi. Mesazhi i tij është i qartë, ai fitoi “luftën” me ish-trajnerin e tij dhe kjo gjë e ka gëzuar. Por, dikujt në klub mund të mos i ketë pëlqyer kjo gjë dhe lojtari e ka fshirë postimin. Por, ai e bëri të vetën dhe nuk mund të mos rrinte pa e shprehur lumturinë e tij për largimin e trajnerit…

38-vjeçari ka folur për “The Sun” për Pol Pogba, mesfushorin francez të Mançester Junajtid, ndërsa “thumbon” dhe Zhoze Murinjon. Nëse 25-vjeçari do të kishte një tjetër francez, do të shijonim një Pogba akoma më të fortë dhe “prodhues” si futbollist.

“Nëse Pogba nuk shkëlqen dhe nuk ka intensitet, mendoj se një pjesë përgjegjësie i shkon dhe Murinjos. Pol është një lojtar i fortë, por sipas mendimit tim, nëse do të kishte si trajner Klopin, ose Gaurdiolën, do të bëhej një nga më të mirët në botë. Puna me to do bënte që Pogba të realizonte më shmë gjëra”, përfundon Majkëll Ou

Në këtë situate të zymtë, nuk ka se si të mos krijohen polemika ndërmjet Murinjos dhe lojtarëve. Sipas së përditshmes britanike “Daily Record”, në përfundim të ndeshjes së kaluar, tekniku portugez ka debatuar ashpër me mesfushorin Pol Pogba. Media britanike thekson se lajmin e ka siguruar nga një burim brenda skuadrës së Junajtid.

“Ti nuk ke dëshirë të luash. S’po respekton shokët e skuadrës dhe tifozët. Po dëmton të gjithë skuadrën me sjelljen tënde”, ishin disa nga fjalitë që Murinjo i tha mesfushorit francez. Çka e bën të besueshëm lajmin e mësipërm është dhe fakti që Murinjo ose klubi i Mançester Junajtid nuk lëshuar asnjë komunikatë për shtyp për të përgenjështruar lajmin e “Daily Record”, siç ka ndodhur me qindra herë në të shkuarën.

Ajo çfarë ra në sy ishte mungesa e Pol Pogba në formacionin titullar. Francezi u aktivizua në minutën e 65 në vend të Fred, ndërsa “The Sun” zbulon arsyen e uljes së tij në stol. Marrëdhëniet e vështira midis tij dhe Murinjos janë aktivizuar përsëri dhe shkaku është… berberi!

Përpara ndeshjes së fundjavës kundër Kristal Palas në kampionat, Pogba kishte ftuar thirrur berberin personal në hotelin “Lowry”, aty ku është dhe shtëpia e trajnerit dhe baza e grumbullimeve të skuadrës për ndeshjet shtëpiake. Një veprim i tillë vetëm pak orë përpara ndeshje skundër Palas e ka tërbuar Murinjon.

Ndeshja shkoi keq dhe u mbyll pa gola, ndërsa Pogba u zëvendësua gjatë ndeshjes. Murinjo nuk ia fali dhe kundër Jang Bojsit, francezi e pa vetën në pankinë. “Trajnoj djem të papjekur dhe të llastuar” u shpreh trajneri i Junajtid përpara disa ditësh, duke u ankuar për mentalitetin dhe stilin e lojtarëve të ditëve të sotme. Ai përmendi disa lojtarë, por kuptohet qartë se për kë e kishte fjalën kryesisht…

Siç citon “Sunday Mirror”, Interi është futur në garë për të siguruar shërbimet e… Pol Pogba. Konkurrenca për francezin është e madhe, pasi Juventus dhe Barcelona vazhdojnë punën për të arritur marrëveshjen me mesfushorin.

Kampioni i Botës e ka ndarë mendjen dhe do të largohet në verë nga Mançester Junajtid, ndërsa operacioni i blerjes së tij, mes kartonit dhe kontratës së re, mund të kapë shifrën e 200 milionë eurove.

Zgjidhja? Duhen shitur ndonjë titullar. Ivan Perishiç dhe Milan Shkriniar mund të jenë të sakrifikuarit, lojtarë që pëlqehen shumë nga Zhoze Murinjo, trajneri i klubit anglez.

Duke parë dhe interesin e Juventusit për Pogba, portugezi e ka të qartë se më kë nga këto dy ekipe do të preferonte të negocionte për shitjen e tij…

Por, ndryshon puna jashtë fushave. Mesfushorin e frikëson vetëm një gjë: uji, më saktë noti! Pogba vuan shumë prej këtij fakti, nuk ka notuar kurrë dhe nuk zhytet asnjëherë. Një freskim i vogël në det, ose pishina dhe vetëm kaq.

Siç citon “Daily Mail”, francezi është “dorëzuar” dha ka kërkuar ndihmën e klubit. Pogba po shfrytëzon këtë periudhë që është i dëmtuar dhe është gati të nisë një kurs noti. Stafi i klubit ka nisur punën për t’i mësuar notin yllit të skuadrës. Një frikë e tillë duhet evituar dhe mënyra më e mirë është përballja me të.

“E ka kuptuar se është vonuar shumë dhe natyrisht sa më shumë kohë që kalon, aq më e vështirë bëhet për ta mësuar. Ai nuk zhytet kurrë, disa miq të tij i kanë këshilluar të flasë me stafin e Junajtid dhe të marrë leksione për t’i dhënë fund kësaj fobie. Ai e ka vendosur dhe është gati të përballet me një gjë të tillë. Fillimi është i vështirë, pasi është pak i stresuar, por kur e nis diçka fillon e bëhet më e thjeshtë”, sqaron një zë i brendshëm i klubit të “Djajve të Kuq”.

25-vjeçari është parë në Dubai në shoqërinë e… Leo Mesit. Francezi ka darkuar me yllin e Barcelonës dhe kaq ka mjaftuar për t’u bindur për dëshirën e tij për të luajtur në “Camp Nou”. Kalimi i Pogba te Barcelona u përfol shumë dhe gjatë merkatos së verës, por ai zgjidhi të qëndronte në Mançester.

Messi and Pogba hanging out in Dubai. pic.twitter.com/iQNtFsiwS3

— Barça Centre (@barcacentre) November 16, 2018

Mesfushori është një nga lojtarët më të mirë të “Djajve të Kuq”, duke shënuar pesë gola dhe dhuruar tre asiste deri më tani, por problemet me trajnerin dhe forma e dobët e ekipit, që ndodhet në vendin e tetë në Premier, po shtyjnë lojtarin, gjithmonë e më shumë, të largohet nga Anglia.

Ai dhe Mesi janë parë në një restorant të Dubait, duke biseduar, ndërsa të dy lojtarët janë parë në një formë të mirë së bashku. Junajtid është i qartë për dëshirën e kampionit të botës për t’u larguar, por ata nuk do të heqin dorë nga shërbimet e tij për një shumë më të vogël se 100 milionë euro.

Paul Pogba and Lionel Messi in Dubai this evening. Messi to United is on. #AgentP pic.twitter.com/uFhxSbliba

— United Xtra (@utdxtra) November 16, 2018

Një gjë e tillë u ka ndodhur tifozëve të Juventusit, pasi kanë parë foton e Pavel Nedved Zhunior, djali i ish-fituesit të “Topit të Artë” të fundit në kampin bardhezi dhe, aktualisht, zëvendëspresidenti i Juventusit, me Pol Pogba, i cili ka luajtur për katër sezone me Juventusin.

Mesfushori i shpallur Kampion Bote me Francën është ëndrra e Juventusit, ndërsa 25-vjeçari mezi po pret të rikthehet në Torino. Ai nuk është i lumtur tek ekipi i “Djajve të Kuq”, ndërsa raportet me trajnerin Murinjo kanë ngrirë prej kohësh.

“Me mikun tim”, shkruan djali i Nedved, ndërsa tifozët i janë turrur: ‘riktheje në Torino’. Mino Rajola është menaxheri i Pogba dhe ish-menaxheri i Nedved, personi që Juventusi ka zgjedhur për të gjetur marrëveshjen për rikthimin e Pogba te Juventusi.

Pol Pogba, i cili është një objektiv i italianëve në merkato, do të rikthehet në “Allianz Stadium” për herë të parë që nga transferimi drejt Anglisë në verën e vitit 2016.

Juventus nuk heq dorë nga 25-vjeçari dhe francezi shpreson të rikthehet në Torino. Fabio Paratiçi, drejtori sportiv i bardhezinjve vazhdon punën për të gjetur marrëveshjen me lojtarin dhe klubin e Mançester Junajtid për të transferuar Kampionin e Botës nën urdhrat e Maks Alegrit. Zyrtari i Juventusit vazhdon kontaktet me klubin anglez, por këta të fundit kanë bërë një kërkesë sa i përket kësaj çështje.

Siç citon “Sky Sport”, Zhoze Murinjo kërkon Miralem Pjaniç dhe kërkon përfshirjen e mesfushorit boshnjak në këtë tratativë. Një gjë e tillë kundërshtohet nga bardhezinjtë, të cilët sapo kanë rinovuar kontratën e 28-vjeçarit deri në vitin 2023. Megjithatë, tratativat vazhdojnë dhe palët po punojnë për të gjetur marrëveshjen, por Murinjo e ka bërë të qartë. Doni Pogba? Më jepni Pjaniç…

Kontingjenti i ekipit të Alegrit është i plotë dhe vështirë të ketë ndonjë lëvizje në hyrje në merkaton e janarit, por drejtuesit po mendojnë për të ardhmen dhe për merkaton e verës. Ëndrra e Juventusit është Pol Pogba, me francezin që, gjithashtu, ëndërron të njëjtën gjë, të kthehet në ekipin ku kaloi katër sezone.

Mesfushori është në “luftë” të hapur me klubin dhe trajnerin Murinjo dhe dëshira e tij është largimi nga “Old Trafford”. Problem mbetet çmimi i kartonit dhe rroga e lojtarit, por Juventus e ka një plan. Menaxheri i Pogba është Mino Rajola, i cili ka qenë dhe menaxheri i Pavel Nedved.

Në këtë mënyrë Juventusi ka përfshirë çekun e famshëm të merret me këtë tratativë. Marrëdhëniet e tij të shkëlqyera me Rajolën mund të ndihmojnë në gjetjen e gjuhës së përbashkët mes bardhezinjve dhe Pogba, siç citojnë mediat italiane.

Ka dhe raste kur mjafton një gjest për t’i lumturuar të tjerët. Mançester Junajtid ka kryer një të tillë dhe i ka dhuruar momente të paharrueshme ekipit tajlandez të Wild Boars FC.

I mbani mend djemtë aziatikë, të cilët mbeten të bllokuar në një shpellë për më shumë se dy javë? Ishte muajti qershor i këtij viti, forcat e shpëtimit realizuan një kryevepër, duke i shpëtuar të gjithë. Klubi i Junajtid shkruante atë periudhë një komunikatë në “Twitter”.

“Do të donim të ftonim skuadrën e Wild Boars Football Club dhe shpëtimtarët e tyre në ‘Old Trafford’ këtë sezon.”

U tha, u bë. Pas shpëtimit lojtarët, të gjithë mes moshave 11-17 vjeç, ishin akoma të tronditur dhe të lodhur fizikisht për të marrë një udhëtim kaq të gjatë, por momenti i duhur erdhi. Ata kanë fluturuar drejt Mançesterit dhe janë paraqitur në Karington, fushën e stërvitjes së ekipit të Murinjos.

Ky i fundit, bashkë me Pol Pogba dhe Ander Herrera kanë pritur djemtë. Foto, autografe, përqafime dhe shumë buzëqeshje në fytyrat e tajlandezëve. Momente të bukura me idhujt e tyre dhe emocione të forta. Drama e qershorit është lënë pas krahëve, sidomos pas kësaj vizite të veçantë te Mançester Junajtid, që meriton përgëzime dhe respekt për gjestin e fantastik.

Siç citon “The Mirror”, drejtuesit e Junajtid nuk i kanë ndaluar Pogbasë konferencat për shtyp dhe deklaratat në media, por ai duhet të harrojë diçka. Asnjë koment për trajnerin portugez dhe asnjë fjalë për merkaton dhe të ardhmen e tij.

Një gjë e tillë sjell polemika, kështu që më mirë asnjë fjalë. “Nuk mund të flas, nuk më lejohet ta bëj një gjë të tillë. Dëshiroj shumë të flas, por nuk jam i autorizuar, më kanë kërkuar të mos flas”, është shprehur Pogba për “The Mirror”, pas ndeshjes së Champions-it kundër Valencias.

Gjithçka nisi me deklaratën e Pep Guardiolës, i cili u shpreh në majin e kaluar se Mino Rajola (menaxheri i Pogba) i ka ofruar mundësinë e blerjes së lojtarit. Një gjë e tillë solli kritika të shumta për 25-vjeçarin dhe që nga ai moment nuk kanë mbaruar kurrë polemikat me trajnerin dhe rëndësinë e tij tek ekipi i “Djajve të Kuq”.

Me Barcelonën dhe Juventusin që presin janarin për të nisur sulmin për shërbimet e tij, mesfushorit i mbetet të stërvitet fort, të zhvillojë ndeshje të mëdha dhe të mbajë gojën mbyllur.

Mançester Junajtid nuk është kundër shitjes së tij, paraqitjet e mesfushorit nuk janë aspak pozitive, por kjo gjë vështirë të ndodhë. Nuk ka asnjë problem sportiv, por ekonomik. Shitja e tij do të mbushte arkat e klubit, por krahas kësaj do të krijonte një vrimë në financat e anglezëve. Siç citon “Daily Mail”, sponsorët e klubit anglez e shohin 25-vjeçarin si njeriun simbol të Junajtid dhe janë kundër largimit të tij.

Pogba sapo ka fituar kupën e botës me Francën dhe imazhi i tij është i rëndësishëm për sponsorët e ndryshëm. Ai është një nga futbollistët më të famshëm në botë dhe renditet në dhjetë futbollistët me më shumë ndjekës në rrjetet sociale. Një gjë e rëndësishme në aspektin e imazhit dhe marketingut, çka shton fitimet e Junajtid.

Shitja e tij vështirë të ndodhë, të paktën deri në afrimin e një lojtari tjetër të madh në “Old Trafford”. Junajtid tentoi të ofronte në ekip njërin mes Kristiano Ronaldos dhe Garet Bejl, por pa ia dalë dot. Duhet siguruar një emër i madh brenda dhe jashtë fushave, përndryshe Pogba do të vazhdojë të mbajë veshur bluzën e “Djajve të Kuq”.

Gjithsesi raporti i tij me trajner Zhose Murinjo ka bërë që Pogba të mendojë shpesh largimin dhe ende e ka në kokë një mendim të tillë. E gjitha raportohet në mediat ndërkombëtare. Së fundmi ka zhvillime të reja dhe bëhet fjalë për të një akord.

Rai Sport raporton se Barcelona ka gjetur marrëveshjen në parim me menaxherin e Pogba, Mino Raiola. Ky i fundit në të shkuarën ka pohuar se ia ka ofruar katalanasve shërbimet e mesfushorit. Tashmë duket se ka nisur të lëvizë sërish në këtë drejtim.

Jo vetëm kaq, por thuhet se Arturo Vidal I ka kërkuar trajnerit Ernesto Valverde që të shtyjë për transferimin e Pogba. Fitimi i La Liga-s dhe Champsions-it kërkon shumë alternativa dhe francezi do ishte një lojtar që do i ndihmonte shumë në arritjen e objektivave.

Siç citon “El Mundo Deportivo”, presidenti Florentino Perez po mendon të kryejë një operacion të trefishtë, që do të bënte të mundur kalimin në Madrid të: Nejmar, Pol Pogba dhe Eden Hazard.

Diçka pothuajse e pabesueshme, por kreu i Real Madrid e ka treguar dhe më parë se është në gjendje të realizojë transferime të këtij kalibri. Çmimi i kalimit të kësaj treshe në “Santiago Bernabeu” kalon shifrën e 300 milionë eurove, por më parë duhen bindur klubet e PSG, Mançester Junajtid dhe Çelsi për të hequr dorë nga shërbimet e yjeve të tyre.

Gjithsesi është akoma herët, merkato nuk ka nisur, por Reali ka nevojë për përforcimin e repartit ofensiv, që po vuan nga largimi i Kristiano Ronaldos drejt Juventusit. Perez po mendohet dhe është gati për të nisur sulmin e tij të trefishtë.

Ish-mesfushori i Junajtid, Pol Ins, i cili ka mbajtur dhe shiritin e kapitenit të “Djajve të Kuq”, ka dhënë mendimin e tij për situatën në fjalë dhe zgjidhja më e mirë sipas 50-vjeçarit është shitja e Pogba në janar.

“Kjo situatë po vazhdon prej një kohe të gjatë. Murinjo kishte diçka për t’i thënë mesfushorit pas rikthimit nga Botërori dhe gjërat janë duke u përkeqësuar. Ekipi po vuan dhe mendoj se më e mira për të gjithë është shitja e Pogba në janar. Pol duhet të tregojë më respekt për trajnerin, por dhe shokët e ekipit. Sigurisht, që gjëra të tilla nuk do të kishin ndodhur në kohën time”, përfundon Pol Ins për “The Sun”.

Murinjo është i mërzitur me faktin që mesfushori deklaroi dëshirën e tij për t’iu bashkuar Barcelonës dhe kritikat kritike ndaj trajnerit. Trajneri i Junajtid reagoi, duke e shkarkuar Pogba nga detyra e zëvendës kapitenit të ekipit, por ai premton që lojtari do të jetë në fushë në ndeshjen e së shtunës.

“Mançester Junajtid është më i madh se kushdo dhe unë duhet të mbroj klubin tim. Pogba është një lojtar si gjithë të tjerët dhe asnjë lojtar nuk është më i madh se klubi”, thekson Murinjo gjatë konferencës për shtyp.

Kritikat e mesfushorit kundrejt Murinjos për stilin e tij difensiv, sollën reagimin e portugezit, i cili vendosi të shkarkonte francezin nga posti i zëvendës kapitenit të ekipit. Një episod ka ndodhur gjatë stërvitjes së sotme të ekipit, duke vulosur raportin e vështirë dhe të komplikuar që ekziston mes palëve.

Pogba i bashkohet stërvitjes i lumtur, por pasi përshëndetet me Majkëll Kerrik, takon Murinjon dhe një nga pjesëtarët e stafit të tij. Portugezi duket i inatosur dhe diçka i thotë lojtarit të tij, me Pogba, të cilit i ndryshon mimika e fytyrës dhe habitet nga fjalët e dëgjuara. Replikat mes tyre vazhdojnë dhe për pak çaste, ndërsa lojtari largohet.

Pamjet e marra nga “Sky SportS News” flasin qartë dhe nuk ka nevojë për shumë koment. Marrëdhënia mes tyre është në pikën më të ulët dhe do të jetë interesante të shohim reagimin e palëve për episodin e ndodhur.

JUST IN! ?

Frosty footage just in from @ManUtd‘s training session between Paul Pogba and Jose Mourinho… ??

What has been said between the pair this morning? ? pic.twitter.com/nRiTEgDJlH

— Sky Sports News (@SkySportsNews) September 26, 2018

Pogba është zëvendës kapiteni i Junajtid, i cili ka qenë në tre ndeshje kapiten në mungesë të Valencias, por tashmë nuk do ta mbajë më atë post. Murinjo ka vendosur që Pogba nuk do të jetë më zëvendës kapiteni i ekipit dhe diçka të tillë e ka konfirmuar për “SkySport UK”, pas humbjes në “Carabao Cup” kundër Derbi Kauntit. Trajneri i “Djajve të Kuq” mohon të ketë bërë sherr me lojtarin e tij, ndërsa e komenton në këtë mënyrë vendimin e marrë.

“Nuk është e vërtetë që jemi grindur me Pogba. E vetmja e vërtetë është vendimi qa kam marrë, që Pogba nuk do të jetë më zëvendës kapiteni i Junajtid. Nuk ekziston asnjë problem, i njëjti person, i cili vendosi që Pol nuk do të jetë më kapiteni i ekipit, është i njëjti person, i cili e emëroi atë në këtë post. Jam menaxheri, unë mund t’i marr këto vendime, por nuk ka asnjë problem, është vetëm një vendim i marrë dhe nuk kam nevojë të jap shpjegime”, përfundon portugezi i stolit të Mançester Junajtid.

“Për momentin po kërkojmë në errësirë për të ardhmen e tij. E vetmja gjë e sigurtë është që Pogba nuk më ka thënë kurrë, por kurrë, në gjithë këto ditë që kemi qenë së bashku, që dëshiron të largohet. Pol u kthye nga pushimet mbas Botërorit një javë para se të fillonte kampionati.

Që nga ajo periudhë, ai nuk më ka thënë asnjëherë që dëshiron të largohet. Mund të komentoj vetëm atë që më duket reale dhe jo çfarë lexoj, ose ndjej, sepse nuk kam asnjë raport me dikë, që shkruan dhe thotë gjëra të tilla. Unë kam një marrëdhënie direkte me lojtarin dhe ai nuk më ka folur për largim, kështu që mendoj që dëshiron të qëndrojë.

Raiola po punon për t’i gjetur ekipin e ri? Nuk e di nëse është e vërtetë. Nëse do të shoh Raiolën në televizor duke thënë që Pogba do të largohet, atëherë, unë do ta besoj”, përfundon trajneri portugez i Mançester Junajtid.

“Jam nën kontratë me Mançester Junajtid dhe gjithçka po flitet janë vetëm fjalë, derisa të më shihni duke buzëqeshur me një tjetër uniformë. Murinjo? Ka gjithmonë gjëra të vogla që ndodhin, por raporti ynë është i njëjti, një raport mes trajnerit dhe një futbollisti. Kemi objektiva të përbashkëta, të dy duam të fitojmë dhe kjo është ajo që vlen.

Fitimi i Botërorit ishte diçka e mrekullueshme. Ne nuk jemi më të njëjtit njerëz që atëherë dhe fitimi i Kupës së Botës të ndryshon jetën dhe mënyrën se si njerëzit të shohin. Ishte momenti i duhur për mua për t’u bërë më i pjekur, ishte një çlirim i madh”, përfundon mesfushori i “Djajve të Kuq”.

Pogba kishte dhënë dhe një prononcim 24 orë më parë ku komentonte situatën e tij te klubi anglez. “Unë po luaj me Junajtid për momentin, por askush nuk e di se çfarë do të ndodhe në të ardhmen.”

Trajneri dhe shokët e skuadrës po e prisnin në autobus, ndërsa Pogba po vonohej në dhomat e zhveshjes. Kjo gjë solli dhe acarimin e një prej oficerëve të medias franceze, i cili po i kërkonte të nxitonte, sepse të gjithë po e prisnin.

Megjithatë, mesfushori doli i qetë nga dhomat e zhveshjes, sikur nuk kishte ndodhur asgjë, harxhoi dhe disa minuta duke folur me gazetarët dhe u nis drejt autobusit të kombëtares, që kishte më shumë se gjysmë ore që po e priste.

Pavarësisht aftësisë së Murinjos për të luajtur me mediat si askush tjetër, mesfushori francez është plotësisht i vetëdijshëm që ai është një aset i klubit, në kulmin e karrierës së tij dhe ka një avantazh krahasuar me situatën e trajnerit portugez.

Ky i fundit deklaronte në fillim të sezonit që: “Unë jam trajneri i skuadrës dhe jo më menaxheri i saj.” Pothuajse e vërtetë, sepse portugezi do të shiste Antoni Marsial, nëse do të kishte akoma kompetencat e menaxherit, por klubi vendosi ta mbajë në ekip dhe t’i propozojë rinovimin e kontratës.

Duke u rikthyer te Pogba, mesfushori është i zgjuar dhe e ka kuptuar rëndësinë dhe rolin e tij te Mançester Junajtid. Fitimi i Kupës së Botës i ka sjellë një popullaritet të madh dhe ai njihet sot në të gjithë botën.

“SportsPro 50” publikoi javën e kaluar listën e atletët më të reklamueshëm dhe Pogba kryesonte përpara emrave si: Kilian Mbape, Antoni Xhoshua (boksier) dhe Step Kerri (basketbollist), duke dhënë një sinjal të fuqisë së tij në klub dhe tentativës së dështuar të Murinjos për të luftuar një betejë, pothuajse të humbur.

Francezi kërkohet nga klube si Barcelona, Juventus dhe Real Madrid, por drejtuesit e Junajtid nuk dëshirojnë të heqin dorë nga shërbimet e tij, për faktin që trajneri i skuadrës nuk arrin të marrë maksimumin prej tij gjatë 90-minutëshit të ndeshjeve.

Pavarësisht antipatisë që ka krijuar te një pjesë e tifozëve të Junajtid, Pogba mbetet thelbësor për klubin për shkak të komercialitetit të tij. Në një kohë kur marka shet dhe sjell fitime.

Megjithatë, Pogba dhe menaxheri i tij, Mino Rajola, mund të kenë qëllime të tjera. Ata duan rritjen e rrogës së lojtarit me një shumë më të lartë se ajo e Sançez. Sulmuesi kilian përfiton 400 mijë paund në javë dhe është më i paguari në ekip, edhe pse nuk po e justifikon rrogën e tij të “çmendur”.

Murinjo e ka kuptuar situatën e tij dhe tashmë i është rikthyer pragmatizmit të tij klasik për të ecur përpara. Pozitat e tij janë lëkundur dhe ai e nuhat humbjen e betejës së egos me mesfushorin e tij.

Trajneri vazhdon të jetë i acaruar me francezin, por ai është i pafuqishëm për momentin, kur vjen fjala për t’u marrë me Pol Pogba.

“Champions është kompeticioni më i rëndësishëm, sepse aty luajnë më të fortët, megjithatë do të jetë vetëvrasje dhe e rrezikshme të përqendrohemi vetëm aty. Kampionati do të na tregojë nëse jemi mirë, ose jo dhe është pak a shumë si një termometër. Mos të harrojmë se sa herë kemi fituar Championsin, kemi fituar dhe titullin në Spanjë.

Pogba? Ai është një lojtar i madh, por luan me Mançester Junajtid. Të shohim nëse do të ndryshojë klub. Do të ishte diçka e bukur të vinte këtu, do gëzoheshim të gjithë, por duhet të respektojmë faktin që ai është një futbollist i një tjetër skuadre”, përfundon mbrojtësi i Barcelonës në prononcimin e dhënë për “Marca”.

Në mes është Mino Raiola, i cili po punon për transferimin e mesfushorit. Momentalisht pritet që Pogba të japë “OK”-in e tij, më pas të bëhet oferta e duhur. Junajtid nuk kërkon pak, por plot 120 milionë euro.

Këtë verë Barcelona ka arritur deri aty sa të ofrojë 50 milionë euro dhe dy lojtarë. Jerri Mina u përfshi në këtë tratativë, sikurse edhe Andre Gomesh. Të dy këta lojtarë u transferuan më pas tek Evertoni. Për mbrojtësin kishte interes nga Murinjo.

Gjithsesi “Djajtë e Kuq” e hodhën poshtë propozimin e Barcelonës, që do të tentojë në janar ose verën e ardhshme ta blejë francezin. Pogba me Junajtid ka edhe tri vite kontratë. Ndikim të madh në këtë lëvizje do të ketë edhe raporti i 25-vjeçarit me teknikun Murinjo. Barça e ka një sy në Mançester.

Hera e parë e vogëlushit në “Old Trafford” dhe ai sheh mesfushorin t’i shënojë para syve. Francezi kalon “Djajtë e Kuq” në avantazh me anë të një penalltie dhe tifozët shpërthejnë në festë. Mes tyre dhe Xhordi, i cili është në qiellin e shtatë. Futbollisti i tij i preferuar sapo ka shënuar gol vetëm pak metra para syve të tij.

I ati ka postuar videon e festës në “Twitter”, aty ku shihet dhe lumturia dhe festa e vogëlushit.

“Vetëm 3 vjeç. Ndeshja e parë në Old Trafford. Adhuron Pogbanë, i cili i shënon para syve…”, shkruan i ati i Xhordit në komentin e videos e cila po bëhet virale.

3 years old. First game at OT. He loves @paulpogba and he does this right in front of him… pic.twitter.com/qYhR9MOQ21

— Robert Bell (@beller2000) August 10, 2018

Por nuk janë të vetmit, madje që bardhezinjtë ta rikthejnë francezin duhet të shesin dy lojtarë: Sturaron dhe Pjaniç. Në mesfushë do të hapej vend për Pogba, ndërkohë që edhe në klub do të kishte të ardhura të mjaftueshme për të bërë një transferim “big”. Afrimi i Kristiano Ronaldos i bën bardhezinjtë të mendojnë edhe për të shitur.

PRAPASKENA – Në lojë është futur edhe Barcelona për të përfituar shërbimet e Pol Pogba. Është thënë edhe më parë që Mino Rajola ia ka ofruar mesfushorin katalanasve. Tanimë “Tuttosport” shkruan edhe për një takim në Los Anxheles të Erik Abidal me francezin.

Nuk bëhet fjalë vetëm për një takim midis miqsh, por diçka më tepër. Barcelona është në kërkim të një mesfushori qendror dhe Pol Pogba mund të jetë një opsion tani. Gjatë kësaj periudhe është tentuar të merret Adrien Rabiot i PSG, por ende nuk ka një marrëveshje për të, ndaj edhe katalanasit po studiojnë edhe pista të tjera.

Takimi me Pogba është bërë në një vilë private, për të shmangur ekspozimin, pasi momentalisht mesfushori është nën kontratë me Mançester Junajtid, që ka shpenzuar një shifër rekord për transferimin e tij.