Pas incidentit të ndodhur, policia shoqëroi për disa momente ish-lojtarin e famshëm anglez për ta liruar më pas. Gruaja pretendonte se ishte prekur në mënyrë të pahijshme, ndërsa hetimet e policisë angleze i kanë dhënë të drejtë asaj.

“Gazza” është arrestuar dhe si është arrestuar dhe siç bëjnë me dije autoritet policore angleze, ai do të paraqitet në me datë 11 dhjetor në gjykatën e Newton Aycliffe. 51-vjeçari vazhdon luftën me alkoolin, ndërsa tashmë do i duhet të përballet më të disatën herë me problemet me ligjin.

Përgjigja e “Gaza”-s nuk vonoi. Si zakonisht në mënyrën e tij, të drejtpërdrejt, me ironi dhe ku polemikat nuk mund të mungojnë. Nëpërmjet një postimi në “Twitter”, 51-vjeçari i’u drejtua Federatës Skoceze me një fjali: “Pa qejfmbetje”. Megjithatë, poshtë mesazhit, lojtari i cilësuar nga Muzeumi Kombëtar i Futbollit si “Lojtari më i talentuar anglez i brezit të tij”, postoi videon e super-golit që i shënoi Skocisë në Euro ’96.

@ScottishFA NO HARD FEELINGS xxxx pic.twitter.com/mxmue9u4D1

— Paul Gascoigne (@Paul_Gascoigne8) October 15, 2018

Një shuplakë e vërtetë për ata që donin t’i prishnin festën. Në fakt, përjashtimi i Gaskojn nga zyrtarët e federatës u realizua në mënyrë të diskutueshme. Kjo për faktin se emri i tij u përfshi në listë nga komiteti i pavarur i Hollit të Famës, që e aprovoi kandidaturën, e cila mbështetej fort nga tifozët (kryesisht nga ata të Rejnxhërs, skuadër me të cilën si lojtar mesfushori ka fituar dy tituj kampionë dhe dy Kupa në vitet 1996 dhe 1997).

Megjithatë, disa anëtarë të Federatës Skoceze kërcënuan se do të bojkotonin ceremoninë, duke bërë që komiteti t’a rishqyrtonte kandidaturën dhe t’a fshinte nga lista. Praktikisht një deklaratë lufte, ose më mirë një shans i shkëlqyer që Pol Gaskojn të vazhdonte polemikat: “Me Rejnxhërsin kam luajtur në një prej momenteve të mia të arta, duke adhuruar mbështetjen e tifozëve”.

Më tej, personazhi kontrovers shtoi: “Nuk kam nevojë të jem në Hollin e Famës së Skocisë, për t’u njohur si një prej më të mirëve. Më mjafton të ndjej mbështetjen e njerëzve dhe e di që kam qenë më i miri. Ju dua të gjithëve! Gaza.”. Gjithmonë gjenial dhe i papërmbajtshëm. Thjesht Pol Gaskojn!

“Na mungon një futbollist si Pol Gaskojn. Nuk kam parë kurrë një lojtar më të talentuar se ai gjatë gjithë jetës time”, shprehej trajneri i “Tre Luanëve”. Mbasi “Gazza” u përgjigj në rrjetet sociale, që ishte gati të rikthehej në fushë, tashmë ka bërë deklaratën e radhës për “The Sun”.

“Garet ka të drejtë, unë kam qenë më i miri. Askush nuk më afrohet… askush dhe nuk do të ketë një tjetër lojtar si unë”, komenton Pol Gaskojn pa pikë modestie.

Nuk ka kaluar shumë dhe ka ardhur reagimi i “Gazzës”. Ky i fundit ka postuar në rrjetet sociale duke treguar gatishmërinë e tij për t’u rikthyer në kombëtare. Sigurisht, një shaka e Gaskojn, i cili është 51 vjeç dhe vazhdon prej vitesh luftën e tij me alkoolin.

“Mund të luaj akoma dhe jam në dispozicion të trajnerit, duke filluar nga nesër”, komenton Pol Gaskojn, një nga lojtarët më të talentuar në fushën e blertë, por problematik jashtë saj dhe një karakter i vështirë për t’u menaxhuar.

 

View this post on Instagram

 

Sorry guys but had to gram this as here’s me thinking I was not very good as a player cheers Gareth TOP MAN IM AVAILABLE TOMORROW x I can still play ha xx see you tomorrow mate x love GAZZA X??x

A post shared by Paul gascoigne (@paul_gascoigne8) on Sep 10, 2018 at 3:59am PDT

Një grua që po udhëtonte me të e ka denoncuar për ngacmim seksual dhe policia mbasi ka marrë deklaratën e 51-vjeçarit po punon për të marrë dëshmi të tjera nga persona të pranishëm në ngjarjen e ndodhur.

Gaskojn, i cili ka kohë që po lufton kundër alkoolizmit dhe varësisë nga kokaina, kishte filluar punë si komentator në kohët e fundit në “Soccer AM”.