Bregdetarët kanë konfirmuar edhe një takim tjetër, që do të zhvillohet ditën e mërkurë. Kundërshtari do të jetë Pogradeci dhe ndeshja do të nisë nga ora 17:30 në stadiumin “Gjorgji Kyccyku”.

Momentalisht Teuta po përgatitet në Korçë. Ka qenë trajneri Shkëmbi që u ka kërkuar drejtuesve të klubit t’ua plotësojnë këtë kusht dhe ditën e sotme durrsakët janë zhvendosur drejt qytetit juglindor.

Për SportEkspres.com, zëvendëstrajneri i Pogradecit, Kopi Çerepi, deklaron se serioziteti i klubit në pagesat e lojtarëve në sezonet e kaluara ka nxitur qëndrimin edhe të futbollistëve që u kanë përfunduar kontratat.

“Të gjithë futbollistët që u kanë përfunduar kontratat, janë të gatshëm të rikonfirmojnë bashkëpunimin për sezonin e ri. Serioziteti i klubit tonë në pagesat e futbollistëve është një nga pikat e forta në konsolidimin e skuadrës edhe për këtë sezon”.

Po si do të nisin përgatitjet e këtij sezoni? Tekniku Çerepi tregon axhendën e përgatitjeve: “Do ta nisim punën me firmat e lojtarëve që kanë deklaruar qëndrimin te skuadra e Pogradecit, por edhe me ata që në parim kanë rënë dakord, si Branica, Shkëmbi e Baçi. Çekiçi e Shyti kanë firmosur më parë dhe ky grup e plotëson organikën e skuadrës për sezonin e ri, i cili për ne ka një objektiv të rëndësishëm, ngjitjen në Kategorinë Superiore. Më pas nisim përgatitjet”.

AGRON KAJA

Është vetë trajneri Festim Fetollari që i konfirmon këto lëvizje, madje për Branicën ai deklaron se është gati për firmë. “Branica është një përfircim cilësor për Pogradecin. Ditë më parë me drejtuesit e klubit kemi bërë një parakontratë me të dhe këto ditë pritet firma. Duke shtuar këtu Albi Çekiçin dhe Ildi Shytin, si dhe dy futbollistë maqedonas që këto ditë vijnë në Pogradec, për sezonin e ri skuadra do jetë shumë e kompletuar”.

Nga ana tjetër, tekniku i liqenorëve thekson se zgjedhjet e 30 qershorit nuk kanë efekt në formimin e  skuadrës: “Këtu të gjithë jetojnë me futbollin dhe nuk ka asnjë ndikim politika, nisur nga fakti që ne si skuadër administrohemi nga Bashkia. Edhe për sezonin e ri ne do të jemi një skuadër e fortë, që do synojë ngjitje në Kategorinë Superiore”.

AGRON KAJA

Këtë herë “grepat” e drejtuesve liqenorë janë hedhur te mesfushori Ildi Shyti, që sezonin e kaluar luajti me Bylisin, dhe te sulmuesi Albi Çekiçi, i cili ishte në përbërje të Besës. Të dy futbollistët kanë nënshkruar këto ditë një parakontratë me Pogradecin.

Për SportEkspres.com, sekretari i klubit liqenor, Arjan Terrolli deklaron se me të dy këta futbollistë është kontaktuar  disa javë më parë, por zyrtarisht në fundjavë është nënshkruar një parakontratë.

“Si Albi Çekiçi, ashtu edhe Ildi Shyti janë dy futbollistë me vlera që i shërbejnë Pogradecit. Rikthimi i tyre në skuadrën tonë është një përforcim cilësor, dhe duke qenë se ende nuk kemi nisur nga sezoni, me të dy nënshkruam një parakontratë”.

“Duke qenë të kushtëzuar në startin e sezonit të ri, pasi mendojmë të nisim në muajin korrik, me Çekiçin e Shytin menduam ti mbyllim në 99% marrëdhëniet. Parakontrata nënkupton ndonjë lëvizje të tyre vetëm jashtë Shqipërisë, ose në Superiore, sepse në të Parën ata janë vetëm futbollistë të Pogradecit”.

AGRON KAJA

“Këtë sezon do të bëjmë afrime cilësore, sepse ka ardhur koha që synimin për ngjitje në Kategorinë Superiore të mos e kemi vetëm si refren vit pas viti. Prandaj puna jonë për sezonin e ri ka nisur më shpejt. Nuk duam që t’ia lëmë asgjë rastësisë, sepse pritet një garë e fortë. Nëse ndërtojmë grupin e duhur, mund t’ia dalim”, theksoi fillimisht trajneri i Pogradecit.

Fetollari deklaron se dy pikat më delikate ku duhen përforcime cilësore janë porta dhe mesfusha. “Këto ditë ne kemi kthyer në Pogradec sulmuesin Albi Çekiçi nga Besa, si dhe mesfushorin Ildian Shyti nga Bylisi. Në këto ditë kemi gati marrëveshjet me dy futbollistë të tjerë, një portier dhe një mesfushor. Me të dy këto përforcime grupi do jetë më i kompletuar, duke patur parasysh se pjesa tjetër e skuadrës është e rikonfirmuar”, përfundoi Fetollari.

AGRON KAJA

ÇEKIÇI – “Albi është i mirëpritur në çdo kohë te Pogradeci, jo vetëm se është pjesë e shkollës pogradecare të futbollit dhe ndjehet në shtëpinë e tij, por edhe për nivelin e lartë që ai ka treguar në skuadrat ku ka luajtur. Personalisht, unë si sekretar dhe trajneri Fetollari nuk kemi konfirmim për këtë rikthim, por edhe nëse vjen, është i mirëpritur”.

SEZONI I RI – “Për momentin ne kemi vetëm projektin e sezonit të ri ku edhe Çekiçi është në planet tona, por gjithçka mbetet e kushtëzuar nga zhvillimi i zgjedhjeve lokale, sepse klubi administrohet nga Bashkia. Fillimi i muajit korrik do zbardhë gjithçka për vazhdimësinë e skuadrës sonë në sezonin e ri”.

AGRON KAJA

Në Berat u zhvillua ndeshja mes Tomorit vendas dhe Apolonisë. Ekipi fierak mposhti në çdo drejtim vendasit me rezultatin 1-4. Apolonia shënoi dy herë brenda 5 minutash me anë të Gjatës dhe Nakos, ndërsa Beci rindezi shpresat e Tomorit për të mos dalë pa pikë.

Megjithatë, Mihana shënoi dy herë në pjesën e dytë dhe vulosi fitoren e ekipit të Stojkut me “poker” golash. Kjo humbje e zhyt ekipin beratas në vendin e fundit me 10 pikë kur kanë mbetur për t’u zhvilluar edhe 3 ndeshje, pasi është parakaluar nga Elbasani. Po 10 pikë ka edhe Turbina e Cërrikut, që ka për të zhvilluar një ndeshje më shumë.

Një gol i Ferhatit në minutën e dhjetë të pjesës së dytë i ka dhuruar një fitore jetike Elbasanit. Verdheblutë ia dolën të triumfonin në Pogradec, duke u ngjitur në kuotën e 12 pikëve, ndërsa ekipi liqenor qëndron i qetë me 22 pikë.

Tomori-Apolonia 1-4
Shënues: Beci 33’ / Gjata 15’, Nako 20’, Mihana 57’, 89’

Pogradeci-Elbasani 0-1
Shënues: Ferhati 55’

Trajneri i Pogradecit, Festim Fetollari, ndeshjen me Tomorin e konsideron të radhës, por deklaron për SportEkspres.com se vetëm fitorja e mban skuadrën e tij jashtë rrezikut të rënies nga kategoria. “E kemi vlerësuar Tomorin si një ndeshje të radhës, me synimin e vetëm se ajo duhet fituar nga ana jonë. Me këto tri pikë sigurohemi dhe dalim jashtë çdo rreziku për rënie nga kategoria Do bëjmë maksimumin për ta realizuar këtë synim.

Ekipi është i plotë dhe ky është një tjetër tregues që na motivon për fitoren, e duke shtuar këtu edhe mbështetjen e bashkisë, tri pikët bëhen detyrim për ne”, theksoi tekniku pogradecar, Festim Fetollari. Pogradeci e Tomori luajnë në zonën Play-out të Grupit B, por pogradecarët kanë 19 pikë e renditen në vendin e dytë, me 9 pikë më shumë se beratasit.

AGRON KAJA

Për SportEkspres.com, sekretari i FK Pogradeci, Arjan Terolli, thekson se duhet respektuar kampionati deri në fund. “Edhe pse ndjehemi të parrezikuar për mbijetesën, ne do ta respektojmë garën deri në fund. Në ndeshjen e radhës në Fier shkojmë për të dhënë maksimumin dhe për të marrë tri pikët”, shprehet Terolli fillimisht.

Më pas ai shton: “E quajmë si një ndeshje ‘derbi’ mes dy skuadrave që kryesojnë zonën Play-out në Grupin B. Shpresojmë që, nëpërmjet lojës së bukur e korrekte, të marrim rezultatin që kërkojmë”. Zyrtari i klubit pogradecar beson se ata kanë pasur ekip për t’u renditur në pesë të parat.

“Pogradeci ka patur dhe ka skuadër të konsoliduar këtë sezon. Meritonim të ishim në zonën Play-off. Gjithsesi, duke kryesuar zonën Play-out po tregojmë vlerësim të garës dhe nuk po eksperimentojmë më të rinj”, përfundoi Terolli deklaratën e tij.

AGRON KAJA

Edhe pse Skënderbeu u mposht, trajneri Orges Shehi studioi disa lojtarë të rinj dhe skema të reja. Bregu, i cili luajti shumë pak minuta kundër Kukësit, u aktivizua edhe në këtë sfidë nga stoli. Qoshku, Qeleshi dhe Mara kishin minutat e tyre, por formacioni titullar i Shehit ishte thuajse i plotë, me të gjithë “senatorët” që u aktivizuan.

Miqësore, 23 mars 2019
Stadiumi “Skënderbeu”, Korçë

Skënderbeu – Pogradeci  0-1
Shënues: Kaba Sambu (ag)

Skënderbeu: Teqja, Vangjeli, Kaba Sambu, Dita, Abazi, Sibo, Toskiç, Pervan, Muzaka, Gripshi, Krasniqi.

U aktivizuan: Oto John, Kosta Vangjeli, Qoshku, Qeleshi, Mara, Bregu.

Pogradeci: Mali, Hysenllari, Pere, Idri, Çela, Osmanllari, Berberi, Kasa, Shkullaku, Alillari, Topllari.

U aktivizuan: Ivani, Lame, Bajraktari.

“Unë nuk i komentoj asnjëherë arbitrat, sepse edhe ata gabojnë, por jo si ata dje në Elbasan. Ishin tërësisht të njëanshëm dhe ashtu sikundër e gjykuan ndeshjen, ne ende mendojmë se ishte një tallje e tyre me futbollin e qytetit tonë. Në pjesën e dytë ne e mbyllëm në portë Elbasanin, por gjykimi na e largoi shumë herë golin. Golit tonë në fundin e ndeshjes nuk kishin se çfarë ti bënëin, por ky ishte një rezultat që nuk ju përgjigj lojës”, ishte kjo deklarata e sotme e trajnerit të Pogradecit, Festim Fetollari.

Ndërkohë që pyetjes së SportEkspres.com për vazhdimësinë në fazën e tretë, Fetollari ju përgjigj se, për pesëshen e parë do të jetë e vështirë. “Asgjë nuk është mbyllur, por vështirësia është shtuar shumë për të qenë ne në grupin e pesë skuadrave të para. Në javën e 18-të presim Lushnjen në Pogradec dhe si do që të dalë ajo sot me Besën, ne do ta synojmë fitoren”.

AGRON KAJA

Tekniku pogradecar deklaroi për SportEkspres.com se në javën e fundit të këtij muaji skuadra ka treguar impenjim në stërvitje dhe në miqësoret që janë luajtur. “Kjo situatë e motit na kushtëzoi shumë përgatitjet, por në javën e fundit kemi kaluar stërvitje në terren të hapur. Të gjithë futbollistët kanë treguar impenjim në seancat stërvitore dhe ky është një tregues i mirë për vazhdimësinë. Në ndeshjet miqësore që kemi zhvilluar, kompaktësimi ka qenë normal, njëherësh kemi testuar edhe afrimin e ri Jurgesi Liçkollari”.

Fetollari e mendon të gatshme skuadrën e tij për ndeshjen e radhës në Fier ndaj Apolonisë, njëherësh ai i shikon të sigurta synimet e kampionatit me këtë përbërje. “Kemi të gjithë futbollistët e 14 javëve të para të kampionatit dhe jemi të bindur se do të arrijmë renditjen në pesë skuadrat e para të Grupit B. Java përgatitore anti-Apoloni është në kulmin e saj, dhe gjithçka është gati për një start më të mirë”.

Pogradeci renditet në vendin e 4-t në Grupin B me 22 pikë, ndërsa në ndeshjen e javës së 15-të më 2 shkurt luan në transfertë me Apoloninë, e cila renditet në vendin e 7-të me 17 pikë.

AGRON KAJA

Të dy golat e kësaj ndeshjeje u shënuan nga mesfushori Saliaj, i cili është edhe lideri i ekipit të Oltijon Kërnajës. Më parë ai i ka shënuar edhe Ilirisë, në një ndeshje që u mbyll në barazim 1-1. Tërbuni më parë ka zhvilluar miqësore me Erzenin (ka fituar 4-3) dhe Vorën (ka humbur 3-1), ndërkohë që e radhës është programuar të shtunën një takim tjetër kundër Dinamos.

Në shkurt rinis kampionati dhe Tërbuni i drejtuar nga Oltijon Kërnaja ka bërë përforcime cilësore për të mos e lëshuar kreun e grupit A në Kategorinë e Dytë.

Në Pogradec është zhvilluar një tjetër takim miqësor, madje për liqenorët ishte i pari. Maliqi i Kategorisë së Dytë ishte kundërshtari dhe skuadra e Fetollarit ka fituar me rezultatin 3-1. Lame, Shkaluku dhe Saliaj ishin ata që arritën të realizonin për Pogradecin.

MIQËSORE – E mërkurë,  më 23 janar
TËRBUNI-BURRELI 2-0
Shënues: Saliaj (2)

POGRADECI 3-1 MALIQI
Shënues: Lame, Shkulaku, Ivani

Për SoprtEkspres.com, Festim Fetollari e pranoi situatën në skuadërn e Pogradecit, por gjithsesi, ai e quan të gatshme për sfidën e javës së 15-të në Fier. “Kushtet e infrastrukturës në Pogradec nuk kanë mundur të sfidojnë motin me reshje bore. Na ka izoluar fushën në stadium dhe ambientet e tjera stërvitore dhe ne kemi zhvilluar stërvitje në një pjesë të stadiumit, por edhe në rërën e liqenit. Për miqësore nuk bëhet fjalë, edhe pse tentuam me Sopotin, por në Librazhd bora nuk lejonte zhvillimin e ndeshjes”.

Në 14 javët e luajtura në kampionatin e Kategorisë së Parë, Pogradeci u rendit në vendin e katërt të Grupit B me 22 pikë, duke qenë kështu në pesë skuadrat e para që në fazën e tretë luftojnë për një vend në Kategorinë Superiore.

AGRON KAJA

“Për Pogradecin, vendi i katërt në renditjen e 14 javëve të luajtura është një pozicion i mirë, por kjo ishte vetëm gjysma e punës. Sepse faza e dytë ka edhe katër ndeshje që janë shumë të rëndësishme për vazhdimësinë në fazën e tretë, në të cilën të gjitha skuadrat hyjnë me pikë të përgjysmuara. Ne jemi duke u përgatitur, edhe pse në kushte të motit të ftohtë e të rënduar nga bora ”, kështu theksoi në deklarimin e tij tekniku i Pogradecit.

Por e veçanta e kësaj periudhe në skuadrën pogradecare mbetet edhe merkatua, për të cilën Fetollari deklaron se do afrojnë dy lojtarë nga Kategoria e Parë e Maqedonisë, ndërsa janë larguar tre futbollistë që nuk ishin në organikën e skuadrës. “Në fundjavë ekipit tonë do ti bashkohen dy futbollistë maqedonas, një mesfushor dhe një sulmues, me të cilët i kemi mbyllur bisedat që në fundin e muajit dhjetor. Këto ditë janë larguar tre futbollistë që stërviteshin me ne, por ishin jashtë organikës”.

AGRON KAJA

E veçantë është se Fetollari i qëndron synimit ekstrem që Pogradeci të ngjitet në Kategorinë Superiore. “Në këtë gjysmë të parë të sezonit ekipi ynë është brenda synimeve të tij, edhe pse kishim menduar të grumbullonim mbi 20 pikë. Gjithsesi, edhe pse në këtë pozicion në renditje në vendin e 5-të në Grupin B, synimet tona për tu ngjitur në Superiore nuk kanë ndryshuar”.

Për të qenë brenda objektivit, tekniku pogradecar deklaroi se gjatë meraktos së janarit do të bëhen disa përforcime. “Ka disa ditë që kemi në provë dy futbollistë brazilianë, një mbrojtës dhe një mesfushor, ndërsa jemi në kontakt me dy futbollistë maqedonas. Faza e tretë do të jetë shumë përcaktuese për objektivat tona”, sqaroi në deklarimin e tij trajneri Festim Fetollari i Pogradecit.

Tomori rikthehet tek fitorja në shtëpi pas dy transfertave radhazi, duke mundur Pogradecin 1-0, fitore e merituar dhe me shumë vlera, edhe për faktin se është arritur ndaj një kundërshtari shumë cilësor, që ka kërkuar maksimumin në Berat. Për Tomorin faza e dytë është një mision vërtetë shumë i vështirë për të realizuar ngjitjen në pesë të parat e grupit, që do t’i nevojitet për fazën e tretë, ndaj fitorja ka shumë vlerë.

Takimi nisi shumë i bukur nga të dy skuadrat, ku fillimisht ishin beratasit që vendosën në provë portierin Mali qysh në fillim, por edhe sulmuesit miq ishin të rrezikshëm.

Në minutën e 15-të nigeriani Ogbodike shfrytëzoi mjaft bukur pasimin që i erdhi pas një aksioni model nga krahu i djathtë i sulmit vendas dhe 1-0 për Tomorin.

Në minutën e 52-të pas një krosi nga këndi topi u prek dukshëm me dorë nga një mbrojtës pogradecar dhe vendasit kërkuan 11-metërsh, por loja vazhdoi.

Në vazhdim, shumë sulme nga miqtë, që kërkuan me ngulm golin e barazimit, por edhe Tomori në kundërsulm pati shumë hapësira.

Gjithsesi, asnjë gol deri në fund dhe skuadra e Devollit ka festuar me të drejtë, sepse ka marrë tre pikë të arta dhe ka qenë shumë e organizuar e mjaft kompakte në lojën e saj, edhe pse në përbërje ka pasur shumë futbollistë të rinj.

TOMORI – POGRADECI 1 – 0

Shënues: Ogbodike 15′

Tomori: Kaloshi, Caco, Dervishi, Dobra ( Dyca 76′ ) Mahmutaj ( Friday 60′ ) Kumani, Mersini, Mujkic, Ogbodike, Shaqe, Sharavolli ( Paja 85′ ) Tr B. Devolli Në dispozicion: Brace, Kovaci, Manaj, Xherimeja.

Pogradeci: Mali, Berberi, Cela ( Topllari 53′ ) Hysenllari, Ivani ( Hidri 75′ ) Jahaj, Lame, Osmanllari ( Alillari 60′ ) Pere, Pura, Shkullaku. Tr: F. Fetollari Në dispozicion: Merkola, Lickollari, Kasa, Alimadhi.

Gjyqtarë: B. Dragusha, S. Zeka, J. Pofgorica ( Shkodër )

Kartonë të verdhë: Dobra 44′ / Pura 63′

Deklaruan pas ndeshjes:

B. Devolli (Trajner i Tomorit): Më kënaq shumë fitorja dhe mbi të gjitha mënyra se si skuadra është përgjigjur në fushë për detyrat që i kisha caktuar gjatë gjithë javës. Kemi luajtur me shpirt të lartë gare dhe e kemi merituar fitoren, dhe pse kundërshtari na vuri në vështirësi në fundin e takimit në mënyrë të veçantë, por nëpërmjet kundërsulmit duhet ta kishim mbyllur më shpejt ndeshjen me golin e dytë, edhe pse na mungon dukshëm një 11-metërsh në favorin tonë.

F. Fetollari (Trajner i Pogradecit): Për mua rezultati më i drejtë do të ishte barazimi, dhe e gjitha kjo sepse një humbje e tillë është e pafalshme por edhe e papranueshme për skuadrën time, pasi ndërsa luajmë dhe ushtrojmë presion në gjysmëfushën kundërshtare, ajo që kemi çaluar dukshëm sot ka qenë mungesa e finalizimit, dhe kjo më ka dëshpëruar shumë, pasi realisht kam pritur më shumë pas atij barazimi një javë më parë që kishim arritur në transfertën e Kavajës.

Për kavajasit nuk mund të niste më mirë, pasi që në minutën e tretë ishte Ndraxhi i cili shënoi golin e avantazhit për Besën. Në një fushë që nuk ofronte kushtet më të mira për lojë për shkak të reshjeve, Pogradeci u përpoq të barazonte dhe kishte iniciativën pas pësimit të golit.

Gjithsesi pjesa e parë u mbyll me avantazhin minimal të Besës. Në të 63’ Pogradeci fitoi një penallti. Shkulaku u pengua në zonë nga portieri vendas dhe Jahaj nga pika e bardhë e 11-metërisht nuk gaboi.

https://www.facebook.com/298713593799617/videos/2210355339199722/?notif_id=1543157807057622&notif_t=notify_me_page

Ky gol ishte vendimtar, pasi i dha një pikë skuadrës së Pogradecit. Besa mbetet e para dhe numëron 21 pikë të grumbulluara deri më tani, një pikë më shumë se Bylisi ndjekës. Liqenorët renditen në vendin e tretë, me 16 pikë.

Kategoria e Parë – Java 10

E diel, më 25 nëntor 2018, ora 14:00
Besa-Pogradeci 1-1
Shënues: Ndraxhi 3’ / Jahaj 63’ (pen.)

Bylisi vazhdon serinë e fitoreve dhe është i pandalshëm ndaj kundërshtarëve me cilësi dhe pretendentë në këtë kampionat, ku pas fitores së një jave më parë në transfertën e Lushnjës  ka ardhur edhe fitorja e radhës ndaj Pogradecit në shtëpi, në një ndeshje ku me gjithë mungesat e rëndësishme sërish fitorja ka ardhur me meritë, dhe tashmë Bylis është ngjitur në vendin e dytë duke u vënë në ndjekje të kryesuesve të Besës.

Pjesa e parë duhet theksuar se ka qenë e një niveli më të lartë se sa pjesa e dytë, dhe vendasit e kanë nisur lojën me një presing në të gjithë fushën duke i imponuat liqenorëve lojën e tyre gjithë presing, por edhe me një shpejtësi të lartë dhe profil sulmues në mënyrë të veçantë nga krahët. Kronika e rasteve është e mbushur me raste të pafundme, edhe pse nga ana e sulmuesve vendas janë shpërdoruar raste pa fund, ndonëse loja e sulmuesit Barjamaj në mënyrë të veçantë e mbështetur nga kapiteni Peposhi dhe Zefi me Beji dhe Kofi kanë bërë që të gjithë të vlerësojnë lojën e bukur të Bylisit. Në minutën e 36-të skuadra ballshiote ka arritur të zhbllokojë rezultatin pas golit të Beji Anthony dhe ishte një gol mëse i merituar.

Edhe në pjesën e dytë vendasit e nisin sërish në sulm dhe epërsia territoriale është e dukshme, por skuadra shpërdoron në disa raste që krijon në portën e Malit dhe skuadra e teknikut Dovedan ka rënë paksa fizikisht dhe kjo u jep krahë sulmuesve miq.

Në fundin e takimit ka situata shumë emocionuese dhe pas zëvendësimeve të kryera janë miqtë ata që i afrohen golit, por Topllari, Shkullaku dhe Pura nuk arrijnë të barazojnë, edhe për meritë të portierit me eksperiencë Mario Bytyçi, që ka mbrojtur në fitoren vendase, duke e mbajtur të paprekur portën e tij.

BYLIS – POGRADECI         1-0 

Shënues. Beji 36′ Nga Edi Spahiu

Bylis: Bytyci, Ntepe (Mahmuti 85′)  Cela . S (Hyska 68′), Shyti (Tushi 62′), Kullira, Smanda, Zefi, Peposhi, Beji, Barjami, Kofi. Tr. V. Dovedan.

Pogradeci: Mali, Lame, Pere, Hysenllari, Pura, Shkullaku, Berberi, Jahaj (Alillari 66′) Osmanllari, Topllari, (Andi Çela 77′) Ivani (Alimadhi 85′) Tr. F. Fetollari

Kartonë të verdhë: Ntepe 75′ / Hysenllari 42′

Gjyqtarë: O.Kuka, R. Shaba, B. Mesi (Tiranë)

Pas ndeshjes

V.Dovedan (Bylis): Më kënaq shumë fitorja sepse ishte edhe objektivi ynë i vetëm në këtë takim. Më vjen keq që skuadra ndryshe nga pjesa e parë ka lëshuar shumë në pjesën e dytë, ku kemi rrezikuar jo pak në fund të takimit duke i dhuruar shumë hapësira kundërshtarit, por që fitoren e kemi merituar dhe pse e mbrojtëm me shumë vështirësi. Jemi në rrugën e duhur dhe pse me mungesa të rëndësishme, por objektivi ynë mbetet vazhdimësia e fitoreve dhe të kapim qysh javën e ardhshme vendin e parë.

F.Fetollari (Pogradeci): Kemi luajtur si të barabartë me Bylisin duke mos u ndikuar aspak nga faktori fushë kundërshtare. Faktikisht kishim zgjedhur të kundërsulmonim dhe rastet nuk kanë munguar, madje kemi qënë shumë pranë barazimit në fund të takimit, dhe besoja shumë se do ta meritonim një barazim, por futbollistët e mi krahas përgëzimit duhet të analizojnë edhe gabimet që na mbajtën larg golit dhe rezultatit pozitiv që na u afrua si mundësi në fund të takimit kur kundërshtari ynë ra fizikisht.

Në stadiumin “Adush Muçaj” është zhvilluar një ndeshje mjaft e luftuar dhe gjithçka është vendosur nga nigeriani Beji Anthoni, i cili ka arritur të realizojë në minutën e 36-të të takimit pas një pasimi të Zefit.

Ballshiotët kanë qenë më kërkues gjatë gjithë ndeshjes dhe u shpërblyen. Ata u përpoqën të gjenin edhe golin e dytë, por po ia arritur dot qëllimit. Gjithsesi goli i shënuar nga Anthoni mjaftoi për të fituar dhe Bylisi shkoi në kuotën e 13 pikëve,  një më pak se Besa e vendit të parë.

Kategoria e Parë – Java 7

E diel, më 28 tetor 2018, ora 14:00
Stadiumi “Adush Muçaj”, Ballsh

Bylisi-Pogradeci 1-0
Shënues: Anthoni 36’

Miqësorja e sotme u mbyll me rezultatin e barabartë 1-1. Golin për Vllazninë e shënoi Silvio Zogaj, sulmuesi anësor i marrë nga skuadra e Laçit së fundmi. I riu në të shkuarën ka qenë pjesë e Luftëtarit dhe vetë trajneri Hasan Lika e ka pasur nën urdhra lezhjanit, i cili gjithashtu ka luajtur edhe me Vllazninë U19.

Pjesa e parë u mbyll 1-0, kurse në të dytën Veleçiku barazoi me anë të Lamit në minutën e 72-të. Pavarësisht kohës në dispozicion, Vllaznia nuk arriti ta realizojë golin e fitores. Ky takim u mbyll me rezultatin 1-1.

Me të njëjtat shifra ka përfunduar edhe ndeshja miqësore mes Elbasanit dhe Lushnjës. Këto dy ekipe garojnë në grupin B të Kategorisë së Parë dhe do tentojnë të rikthehen në Superiore. Tjetër takim miqësor që është mbyllur në barazim është ai mes Pogradecit dhe Egnatias. Asnjëra skuadër nuk shënoi dot dhe gjithçka u mbyll 0-0.

Në fushë kanë zbritur dhe Erzeni me Apoloninë. Fierakët kanë fituar me rezultatin, 2-1. Kolgega (39’) dhe Zoga (79’) kanë qenë autorët e golave për ekipin jugor.

Gola ka prodhuar dhe ndeshja midis Maliqit dhe Pogradecit. Sfida u mbyll në barazim, 2-2. Shkulaku dhe Ivani ishin golashënuesit e liqenorëve në miqësoren me Maliqin.

 MIQËSORE 

11.08.2018

Kamza – Dinamo 1-1 (Rezi 56’/ Lala 35′)

Erzeni – Apolonia 1-2 (Kolgega 39′, Zoga 79′)

Maliqi – Pogradeci 2-2 (Shkulaku, Ivani)

Në pjesën e dytë janë vendasit më kërkues. Kanë disa mundësi goli, por sulmuesit nuk tregohen të saktë në finalizim. Në minutën e 59-të do të jetë Shyti që ndërmerr një depërtim nga e majta e sulmit të vet dhe gjuan prirazi me portën, duke shënuar golin e avantazhit dhe njëkohësisht të fitores. Më pas loja ka pasur gabime të dukshme nga të dy ekipet. Skuadrat janë munduar të luajnë më shumë në mesfushë, sidomos vendasit në administrim të rezultatit. Vetëm në minutat e fundit të takimit si rezultat i presionit, miqtë kanë disa mundësi me anë të Bajramit dhe Gërxhos, por sa për aftësi të Malit, aq edhe për nxitim të sulmuesve nuk barazojnë dot rezultatin.

Pogradeci – Turbina   2-1

Shënues: Çekiçi 7′, Shyti 59 / Agalliu 34′

Pogradeci: Mali, Shyti, Çekiçi, Pere, Jahaj (Xh. Liçkollari 46′), Pura, Hysenllari, Lame, Kllogjeri, Topllari (Kame 90’), J. Liçkollari. Trajner: Festim Fetollari

Turbina: Malaj, Agalliu, Ferhati, Qorri (Gërxho 46′), Bakiu, Taullai, Doda, Rroshi (Allamani 67′), Dollani (Sallaku 64′), Daci, Bajrami. Trajner: Sinan Bardhi

Gjyqtarë : A.Stola, R.Dorhani, E.Morina

Kartonë të verdhë: Shyti 48’ / Bakiu 34’, Dollani 43’, Rroshi 60’

Formacioni i mundshëm: Mali, Hysenllari, Përe, Pura, Shyti, Kllogjeri, Çerepi, Jahaj, Liçkollari, Topllari, Çekiçi. Trajner: F. Fetollari.

Lista e federimeve të Pogradecit

Portierë: Hektor Mali, Mateo Baçi, Patrik Totolaku

Mbrojtës: Astrit Hysenllari, Fabjan Molla, Kopi Çerepi, Miruk Pura, Kreshnik Klogjeri, Miklovan Pere, Romeo Molla, Petrika Ropi, Xhoni Yzellari.

Mesfushorë: Andri Çela, Emiljano Hidri, Sajmir Jahaj, Luarts Lame, Eljon Menkshi, Ildi Shyti, Jugers Liçkollari

Sulmues: Albi Çekiçi, Mario Kame, Eldjon Topllari, Enkelejd Pengu, Kristi Laçka, Armando Mezini.

Ndeshja nisi mirë për vendasit të cilët realizuan që në minutën e dytë me anë të Topllarit. Në fraksionin e parë edhe pse rastet nuk do të mundnin, Kukësi do te kishte të vështirë që të vinte ekuilibrin. Me nisjen e fraksionit të dytë, trajneri Milinkoviç do të aktivizonte një pjesë të titullarëve, dhe rezultati erdhi menjëherë. Vetëm 120 sekonda pas rinisjes së lojës ishte Bakaj ai që realizo. Pa u mbushur 10 minuta braziliani Kale shënoi dhe golin e dytë që përmbysi dhe rezultatin. Për të fiksuar gjithçka mendoi prurja më e bujshme, sulmuesi azer Alijev, i cili shënoi golin e parë si kuksiane. Së bashku me Bakajn arritën që të gjenin golat e parë nën fanellën e Kukësit dhe ky është një lajm i mirë për Kukësin që duket se po arrin formën optimale para nisjes së sezonit të ri.

Pogradeci – Kukësi     1-3

Shënues: Topllari 2’/ Bakaj 47’ Kale 55’, Alijev 66’

Pogradeci:Mali, Kllogjeri, pere, Hysenllari, Pura, Liçkollari, Shyti, çekiçi, Jahaj, Topllari, Çela. Trajner: Festim Fetollari.

Kukësit: Koci, Memini, Alijev, Peposhi, Hoxha, Imami, Kale, Koldashi, Idrizi, Joti, Etemi. (U aktivizuan: Hallaçi, Alla, Shameti, Shtubina, Zeqiri, Rrumbullaku, Musolli, Bakaj, Duraku) Trajner. Mlladen Milinkoviç.

Maringlen Miraka

Është zhvilluar në kompleksin “Pepa” në Elbasan miqësorja midis Turbinës dhe Burrelit. Të dyja skuadrat janë paraqitur me formacionet më të mira, ndërkohë që skuadra e drejtuar nga Sinan Bardhi vuante lodhjen e një ditë më parë, pasi të mërkurën ishte përballur me skuadrën e Kamzës, që i mundi cërrikasit me rezultatin 3-1. Freskinë fizike e kanë shfrytëzuar matjanët, që kanë shënuar me Ujkën në minutën e 25’të, duke befasuar Turbinën. Janë përpjekur cërrikasit të baraspeshojnë rezultatin, por Burreli e ka mbyllur me avantazh minimal pjesën e parë. Në pjesën e dytë nisi “loja” e zëvendësimeve dhe ekipet aktivizuar djemtë e ri që po testoheshin. Në minutën e 65-të ishte Mema që realizoi golin e dytë për ekipin e drejtuar nga Shahin Berberi, ndërsa në të 72-n minutë Bali ka “vulosur” fitoren e Burrelit me rezultatin 3-0.

Turbina    0
Burreli    3
Shënues: Ujka 25’, Mema 65’, Bali 72’.
Turbina: Malaj, Peqini, Baçi, Ferhati, Beqiri, Roshi, Sulmataj, Qorri, Doda, Allamani, Sallaku. (U aktivizuan: Demollari, Agalliu, Gazheli, Sina, Shkreta, Adili, Gjeçi, Tafani, Cami). Trajner: S. Bardhi
Burreli: Hila, Sala, Lame, Mema, Kadiu, Pashaj, Mëllugja, Stana, Ujka, Farruku, Limani.(U aktivizuan: Lekgegaj, Hysa, Lika, Xhuveli, Hyka, Reçi, Bali).Trajner: Sh. Berberi.
Gjyqtarë: S. Dyrmishi, R. Preça, E. Gjoni(Elbasan).

POGRADECI – DRITA

Një tjetër miqësore është zhvilluar ditën e djeshme, teksa skuadra e Pogradecit është përballur me ekipin e Dritës së Gjilanit, që garon në Vala Superliga e Kosovës. Në formacionin e liqenorëve ra në sy prania e sulmuesit Çekiçi, por për 90 minuta Pogradeci nuk mundi të shënonte dot. Pjesa e parë e takimit u mbyll me rrjeta të paprekur, ndërkohë që dhjetë minuta pas nisjet së pjesës së dytë ishte Kastriot Rexha ai që realizoi për Dritën. Nuk vonoi shumë edhe goli i dytë, këtë herë nga Xhevdet Shabani, ndërsa golin e tretë e realizoi përparim Livoreka. Skuadra nga Kosova është më përpara me përgatitjet dhe tregoi nivel më të lartë, duke e merituar fitoren.

Pogradeci 0
Drita      3
Shënues: Rexha 55’, Xh. Shabani 67’, Livoreka 82’
Pogradeci: Mali, Hysenllari, Pere, Pura, Kllogjri, Liçkollari, Jahaj, Shyti, Topllari, Alillari, Çekiçi. Trajner: F. Fetollari
Drita: Rexhepi, Musaj, Limani, Gërbeshi, Haliti, B. Shabani, Krasniqi, Xh. Shabani, Kryeziu, Ismailaj, Fazliu. (U aktivizuan: Rexha, Livoreka, Kuka, Bislimi, Ruhani, Isufi, Salihu, Ramadani, Haliti)