Pas ndeshjes së shkëlqyer, trajneri Poçetino i thuri elozhe 22-vjeçarit, por i kërkoi tifozëve të “Gjelave” që të jenë të qetë dhe të mos presin performanca të shkëlqyera si kjo e sotmja në çdo javë: “Ndombele bëri një ndeshje shumë të mirë, një lojtar cilësor dhe që e kemi kërkuar me ngulm.

Tani që është këtu, po mundohet të ambientohet dhe të njohë shokët e skuadrës, nuk është e thjeshtë të vish në një grup lojtarësh si ky i Totenhemit dhe të përshtatesh menjëherë. Të gjithë këtu janë lojtarë të mëdhenj dhe për t’u përshtatur, duhet ende shumë kohë”, përfundoi strategu argjentinas.

Sot, Poçetino ka dhënë një intervistë për gazetaren e Formula 1, pasi ishte i pranishëm për të ndjekur garën e Silverstone. Pas disa pyetjesh standarte, gazetarja kapërceu direkt te pyetja për të ardhmen e Eriksen, duke e kapur disi të papërgatitur Poçetinon, i cili tha:

“Nuk e di çfarë të them, nuk e di. Shpresoj të qëndrojë. Kristian është një lojtar i madh, një nga talentët më të mëdha në futboll. Pas pesë vitesh bashkëpunim me të, ende e shijoj mënyrën se si ai luan, si çdo ditë krijon diçka të re. Ka shumë interes për shumë lojtarë të ndryshëm të skuadrës time. Shpresoj që Eriksen të qëndrojë, por nuk e di çfarë do të ndodhë në fund”, përfundoi strategu argjentinas.

Një prej ekipeve është edhe Juventusi, që pritet të largojë Masimiliano Alegrin nga stoli. Në lidhje me afrimin e mundshëm të Poçetinos në Torino, ka folur edhe Andrea Pirlo. Ish-mesfushori i bardhezinjve ka folur për “Sky Sport”, ku është shprehur se Poçetino ka një identitet për Juven.

“Ka një identitet për Juventusin. Ai drejton prej shumë kohësh në Premier Ligë. Nuk është modern vetëm në ndërtimin e lojës, por në gjithçka. Vjen nga futbolli spanjoll, ku ka drejtuar edhe Espanjolin dhe ka një sërë eksperiencash.”

Por Poçetino zbuloi se kjo arritje nuk ishte vetëm për meritë të tij, por dhe të kapitenit Hugo Loris. Trajneri i “Gjelave” zbuloi për mediat britanike disa nga fjalët që u thanë në dhomat e zhveshjes në pushimin mes pjesëve:

“Nuk ishte një moment që kishte shumë nevojë për fjalë. Në fund të fundit, ne u munduam të motivonim sa më shumë lojtarët, por ai që ndikoi më shumë, ishte Hugo Loris. I mbaj mend fjalët e tij kur unë vetë po dilja nga dhoma. Ai po bërtiste: ‘Jemi shumë afër, një gol na duhet, vetëm një gol. Është ndeshja jonë, të dalim atje dhe ta fitojmë!’ Ai është një kapiten i vërtetë dhe për ne trajnerët, të kemi një lojtar të tillë është një fat i madh”, përfundoi Poçetino.

“E di që Premier Liga dhe FA po mundohen të rregullojnë kalendarin tonë, që të shkojmë në gjysmëfinalen e Champions-it sa më mirë. Kampionati anglez është shumë më ndryshe se ai holandez. Realiteti është që ata kanë më shumë avantazhe se ne, për shkak të kalendarit dhe vështirësisë së kampionatit.

Nuk dua të krijoj debate, por kur luan në gjysmëfinalet e Champions League, të dyja ekipet duhet të kenë kohë të njejtë në dispozicion për të përgatitur ndeshjen. Por duhet ta pranojmë, nuk është diçka për t’u ankuar. Ne luajmë në kampionatin më të fortë në botë dhe ky është fakt”, tha Poçetino.

Vetë strategu argjentinas mund të largohet nga “Gjelat” e Londrës, për shkak të buxhetit të limituar dhe mungesës së aktivitetit në dy merkato radhazi, ku Totenhami nuk ka harxhuar asnjë qindarkë. Milani kërkon ta përdorë këtë gjë në avantazhin e saj.

Skuadra italiane i ka ofruar një buxhet prej 300 milionë eurosh Poçetinos, si dhe autoritetin për të vendosur për të gjithë lojtarët që do të qëndrojnë ose do të largohen. Një ofertë tunduese për argjentinasin, por ende mungon një përgjigje përfundimtare.

Një ndër mungesat më me peshë këto kohë për ekipin e Poçetinos ka qenë padyshim kapiteni Herri Kejn. Sulmuesi u dmëtua në sfidën ndaj Mançester Junajtid, të luajtur me 13 janar dhe që atëherë 25-vjeçari nuk ka qenë në dispozicion të trajnerit.
Gjithsesi, ditën e sotme vjen një lajm shumë i mirë për “gjelat”, teksa lideri i tyre ka nisur stërvitjen me grupin. Kejn pritet të jetë i gatshëm për sfidën e kësaj fundjave ndaj Bërnlejt. Gjithashtu, së bashku me anglezin, është rikthyer edhe mbrojtësi Ben Dejvis, tjetër lojtar i rëndësishëm për Poçetinon.

Flitej shumë në mediat britanike se Totenhami do të transferojë një sulmues gjatë këtij muaji, që të zëvendësojë yllin e skuadrës, Heri Kejn në rast se dëmtohet anglezi. Gjithsesi, Poçetino është besimplotë të bomberi i tij dhe duket se do t’ia besojë të gjitha ndeshjet e këtij sezoni.

“E kam thënë që te Totenhami do të vijnë vetëm lojtarë që janë më të mirë se këta që kemi aktualisht. Më thoni një sulmues më të mirë se Kejn? E pra, nuk kemi pse të ndërhyjmë.

Largimi i Dembele ishte i parashikuar dhe janë marrë masat për të promovuar dy mesfushorë nga akademia. Jemi në rrugën e duhur dhe të shpresojmë me të njëjtin ritëm edhe në këtë vit të ri”,- u shpreh strategu argjentinas.