Pocetino

Poçetino shfryn ndaj drejtuesve: S’di asgjë, s’di kush lojtar shitet e blihet

Sport Ekspres — Thu, 01 Aug 2019 09:57:44 +0000

Maursio Poçetino ka habitur gazetarët e pranishëm në “Allianz Arena”, ku pas fitores së turneut miqësor “Audi Cup”, lëshoi disa deklarata polemizuese në drejtim të eprorëve të tij në klubin londinez.

Trajneri argjentinas është shprehur i pakënaqur me faktin se ka shumë pak rol në merkaton e klubit që drejton prej pesë vitesh: “Nuk di asgjë mbi situatën e lojtarëve të mi. S’di gjë mbi shitjen ose blerjen e lojtarë, s’ja kam idenë sa vite kanë në kontratë lojtarë të ndryshëm. S’kam asgjë në dorë. Puna ime tani është vetëm që të trajnoj skuadrën”, tha Poçetino.

Kjo deklaratë e trajnerit është një mesazh për administratorin e klubit Daniel Levi, i cili drejton çdo aspekt menaxherial të skuadrës që prej vitit 2011.

Një tjetër Poçetino te Totenhemi, firmos djali i trajnerit

Sport Ekspres — Tue, 16 Jul 2019 07:31:19 +0000

Trajneri i Totenhemit Mauricio Poçetino ka përjetuar një ditë te veçantë teksa ka qenë prezent në nënshkrimin e kontratës së parë profesioniste të një prej talenteve të akademisë së londinezëve. Mirëpo nuk kemi të bëjmë me një lojtar çfarëdo…

18-vjeçari që hodhi të zezën mbi të bardhë është pikërisht djali i trajnerit e argjentinas. Futbollisti më i ri i Totenhemit ndan të njëjtin emër me babanë e tij, por në stilin e lojës nuk kanë shumë ngjashmëri midis tyre, pasi Poçetino ka qenë një mbrojtës i hekurt, ndërsa i biri aktivizohet si sulmues krahu.

? @Lilywhite_Rose exclusive – The Poch pose. Mauricio watching over his son Maurizio signing his first professional contract with the club. What a photo #COYS pic.twitter.com/AsbN0RZZ1e

— Lilywhite Rose (@Lilywhite_Rose) July 15, 2019

Mauricio Xhunior ka qenë prej tri vitesh pjesë e akademisë së Totenhemit, ku ka luajtur pwr skuadrwn U19 dhe U23.

Tre kandidatë për stolin bardhezi, zbulohen kërkesat e Alegrit

Sport Ekspres — Fri, 17 May 2019 12:25:37 +0000

Masimiljano Alegri nuk është më trajner i Juventusit, zyrtarisht. Tanimë në kampin bardhezi duhet të gjejnë pasuesin dhe emrat që qarkullojnë janë disa. Sky Sport liston si kandidatët kryesorë Didië Deshamp, Mauricio Poçetino dhe Simone Inzagi. Nuk përjashtohet as pista Antonio Konte, edhe pse ky i fundit është shumë pranë Interit.

LARGIMI – Trajneri donte të dinte planet e klubit dhe synonte të ishte i rëndësishëm. Kontrata e re për të nuk kishte shumë rëndësi në aspektin financiar. Ai kërkonte bashkëpunim të gjatë, të paktën deri në vitin 2022. Gjithashtu ish-trajneri kërkonte të paktën katër afrime cilësore. Shqetësimi kryesor i tij ishte reparti i mbrojtjes, teksa Aleks Sandro dhe Zhoao Kanselo nuk bënin pjesë më në planet e tij. E njëjtë situatë edhe për Paolo Dibala, që me Alegrin i kishte paketuar valixhet.

Tekniku italian, veç Ramsej kërkonte edhe një tjetër mesfushor. Alegri ka qenë i qartë ndaj presidenti Andrea Anjeli dhe drejtuesve të tjerë. Ai ka kërkuar që në skuadër të merrte Toni Kros nga Reali i Madridit, një preferencë e Kristiano Ronaldos. Tanimë në kampin bardhezi kanë llogari të tjera për të bërë, pasi Alegri është zyrtarisht i shkarkuar.

Bëri debat me arbitrin, vendimi i komisionit lë Totenhemin pa trajner

Sport Ekspres — Wed, 06 Mar 2019 10:53:01 +0000

Mauricio Poçetino është gjobitur me 10 mijë paund dhe dy ndeshje përjashtim nga pankina e londinezëve. Trajneri është dënuar nga Komisioni i Pavarur i Disiplinës pas sjelljes së gabuar që ai pati bërë ndaj arbitrit Majk Din në ndeshjen e 23 shkurtit ndaj Bërnlej.

Argjentinasi pati lëshuar disa fjalë fyese ndaj gjyqtarit në fushë dhe më pas në zonën e tunelit pas fundit të ndeshjes, ku kundërshtonte disa vendime të marra nga anglezi gjatë ndeshjes që Totenhem e humbi 2-1. Trajneri e pati pranuar fajin e tij duke thënë se “e kaloi cakun”.

Mauricio Pochettino handed two-match touchline ban for this incident with Mike Dean.

He’ll miss games against Southampton and Liverpool ?#THFC pic.twitter.com/cztWc9NCxc

— GiveMeSport Football (@GMS__Football) March 6, 2019

Ai do të humbë dy transferta të vështira, ndaj Sauthempton (9 mars) dhe atë me Liverpul (31 mars), ku skuadrës i duhen patjetër dy fitore për të mbajtur hapin e Mançester Sitit dhe të kuqve. Ky është dënimi i parë i trajnerit te londinezëve pas 6 vitesh nën drejtimin e tyre.

VIDEO | Përvjetor martese dhe fitore tenistike, romantiku Poçetino tregon dhuratën e veçantë

Sport Ekspres — Mon, 24 Dec 2018 17:46:50 +0000

Maurisjo Poçetino regjistroi dje një ndër fitoret më thella të karrierës së tij si trajner, teksa mundi në transfertë Evertonin me rezultatin tenistik 2 – 6. Fati e solli që pikërisht ditën e djeshme të ishte dhe përvjetori i 26-të i martesës së argjentinasit.

Në intervistën mbas përfundimit të takimit, Poçetino lëshoi disa batuta në lidhje me fitoren e djeshme. “Nuk besoj se ishte thjesht një rastësi. Po mendoja çfarë dhurate t’i bëja gruas dhe ja fitore me rezultat 2 – 6 për 26 vjetorin tonë të martesës”, tha argjentinasi.

Pochettino is a true romantic. ? pic.twitter.com/iRAkTdpu2S

— BBC Sport (@BBCSport) December 23, 2018

Poçetino: Lojtarët e mi nuk janë mbeturina

Sport Ekspres — Wed, 19 Sep 2018 12:13:40 +0000

Mauricio Poçetino ka vënë veten para skuadrës, duke u zënë nëse mund të thuhet kështu me gazetarët. Tekniku i “Spurs” ka kërkuar që gazetarët të kenë më shumë respekt për lojtarët e tij, pasi me pyetjet që ata po i bënin po ndihej sikur po i ofendonin futbollistët

“Ne duhet të flasim më shumë për futboll, pasi unë e di se ju doni të më shtyni që të them diçka jo të mirë. Ju nuk keni respekt për lojtarët dhe diçka të tillë po e shprehni”.

”Nuk duhet të tregoni mungesë respekti ndaj lojtarëve të mi, pasi jam unë ai që vendos. Kam 25 lojtarë dhe nuk mund të luajnë të gjithë”.

“Ndonjëherë më duket sikur me pyetjet tuaja thoni se në fushë ishin 11, 12 apo 13 lojtarë mbeturina. Ata nuk janë të tillë. Jam shumë i zhgënjyer nga ju, pasi kam respekt për jua, ashtu si dhe lojtarët”.

“Unë vendos për titullarët, ju duhet të respektoni, pasi jam unë trajneri i skuadrës. Ju keni mungesë të theksuar respekti për ata që luajnë, pasi përmendni dhe emra”.

“Të më falni, por unë nuk ju marr vesh. Për lojtarët është e vështirë dhe mund të preken lehtë. Nuk e kuptoj si mund të gjykoni dikë që nuk është këtu”.