Plisat

“Plisat” largohen nga hoteli i kombëtares, Panuçi do qetësi!

Sport Ekspres — Fri, 22 Mar 2019 16:59:38 +0000

Tifo-grupi “Plisat” mbërritën sot në qytetin e Shkodrës dhe menjëherë iu drejtuan hotelit ku po qëndron kombëtarja shiptare e futbollit, për të kënduar këngët e tyre dhe për të lënë të kuptohet se i mbështesin në çdo moment futbollistët tanë kuqezi. Megjithatë, ata janë urdhëruar të largohen nga rrethimi i hotelit, për shkak se Panuçi ka urdhëruar që të ketë qetësi totale.

Pavarësisht se u urdhëruan të largoheshin, “Plisat” arritën që të këndonin disa nga këngët e tyre, madje edhe teksa largoheshin nuk pushuan së kënduari. Pritet që numri i tifozëve të jetë i shumtë në stadiumin “Loro Boriçi”, të gjithë për të mbështetur kombëtaren tonë në sfidën hapëse të kualifikuesve përballë Turqisë.

Mesazhi i Plisave: Eshtrat do kenë qetësi, kur Kosova t’i bashkohet nënës Shqipëri

Sport Ekspres — Sun, 18 Nov 2018 08:05:24 +0000

Tifogrupi i Prishtinës “Plisat” vijojnë që të jenë në çdo ndeshje të kombëtares së Shqipërisë prezent në stadium. Ndonëse pjesa më e madhe e tifozëve kanë preferuar që të mbështesin skuadrën e “dardanëve” tifogrupi kryeqytetas vijon që të ndjekë dashurinë e vjetër.

Në ndeshjen me Skocinë mbështetja e tyre nuk mungoi, ashtu si dhe protestat ndaj trajnerit Kristian Panuçi, të cilin e ofenduan duke e konsideruar si përgjegjës për situatën ku ekipi ndodhet.

Nuk kishte si të mungonte dhe një mesazh, si gjithnjë me klas nga ana e “Plisave” të cilët në pjesën e parë shpalosën disa vargje me një mesazh të fortë, ku vihej në dukje se gjithnjë do të kërkohet që Kosova të bashkohet me Shqipërinë: “Vitet kalojnë dhe vdekja do të arrijë, por eshtrat e mi do të kenë qetësi vetëm kur Kosova me paqe a stuhi do t’i bashkohet nënës Shqipëri”

Plisat bojkotojnë kombëtaren, Kastrati zbulon arsyen!

Sport Ekspres — Fri, 07 Sep 2018 11:07:03 +0000

Shqipëria sot përballet me Izraelin prej orës 20:45, ndërkohë që në mbështetje të kombëtares janë rikthyer Tifozat Kuqezi, që thyen bojkotin pas bisedimeve me FSHF-në dhe me Policinë e Shtetit. Por nëse TKZ kthehet, këtë herë janë Plisat që nuk do të jenë në stadium.

Kryetari i këtij grupimi, Albert Kastrati, përmes një postimi në llogarinë e tij në “Facebook” ka njoftuar mungesën e Plisave të Prishtinës. Ai arsyeton edhe pse kanë arritur në këtë pikë.

“Plisat në ketë ndeshje nuk marrin pjesë te organizuar (normalisht që Plisa do të ketë nëpër tribuna). Arsyeja është që ketë ndeshje nuk e organizon Federata Shqiptare, por komplet Ministria e Brendshme. Ta cakton tre ore para ndeshjes e nuk të siguron kurrgjë as me hangër e as me pi, plus edhe dy orë ndeshja e bohen 5 orë me nejtë në stadium.

I kanë dhanë aq rëndësi këtij shteti (Izraelit) e në fakt kurrkujt nuk i kërcet me i bo send. Kështu që na i urojmë fitore Shqipërisë e sa ma shumë probleme Ministrisë”, shkruan Kastrati.