Trajneri i blaugranave është shprehur i pakënaqur me pakujdesinë e Smolling në atë duel. Ai është shprehur se goditja ndaj Leos ishte shumë e fortë dhe me shumë mundësi ai do të pushojë nesër ndaj Hueskas.

“Ka mundësi që Mesi të pushojë. Goditja ishte e fortë sikur ta kishte goditur një tren”, u shpreh Valverde në konferncën për shtyp para ndeshjes së nesërme në La Liga. Kujtojmë që pas takimit Smolling dhe argjentinasi janë takuar dhe kanë sqaruar gjithçka.

Në lidhje me problemet e Suarez pas ndeshjes kundër “djajve të kuq”, Valverde shprehet se ai është mirë dhe gati për të luajtur. Për dënimin për tetë ndeshje për Diego Kosta pas incidenteve me gjyqtarin në përballjen ndaj katalanasve ai u shpreh i çuditur. Valverde tha se e parashikonte katër dhe jo tetë ndeshje.

“Doja të distancohesha nga skuadra, ishte koha që të qetësoheshin disi gjërat. Një moment shumë i vështirë për mua, pasi shumë njerëz filluan të më kritikonin. Djali më pyeti një ditë pse duan të më vrasin në Argjentinë dhe nuk dija çfarë t’i thoja.

Shumë thonë që nuk duhet të rikthehesha, por unë nuk dorëzohem, pavarësisht se kam arritur gjëra të mëdha me Argjentinën. Një finale e Kupës së Botës dhe dy finale të Kupës së Amerikës. Këto gjëra nuk arrihen lehtësish. Më vjen keq që dëgjoj zëra sikur unë drejtoj kombëtaren, zgjedhi lojtarët që do të luajnë. Ndoshta unë drejtoj dhe Federatën”, përfundoi me ironi ylli i Barcelonës.

Sot, ylli i Blaugranasve bën fiks 15 vite me skuadrën e parë të Barcelonës. Gjatë karrierës së tij, “Pleshti” ka luajtur plot 664 ndeshje, ku ka shënuar 646 gola dhe ka asistuar 275 herë për shokët e skuadrës.

Në vitin 2012, 32-vjeçari shënoi 91 gola në vitin kalendarik, duke thyer rekordin e gjermanit Gerd Myler. Gjatë 15 viteve të tij si profesionist, Mesi ka fituar plot 32 trofe, si dhe mban 5 “Topa të Artë”, aq sa ka dhe rivali i tij i “përjetshëm”, Kristiano Ronaldo.