Plaza https://sportekspres.com Gazeta Sport Ekspres, gjithçka online Mon, 15 Apr 2019 15:10:53 +0000 en-US hourly 1 https://wordpress.org/?v=6.9 https://sportekspres.com/wp-content/uploads/2019/08/cropped-logo-32x32.png Plaza https://sportekspres.com 32 32 VIDEO | Gjesti i vitit në Uruguai, portieri dërgon në ekstazë tifozin e veçantë https://sportekspres.com/video-gjesti-i-vitit-ne-uruguai-portieri-dergon-ne-ekstaze-tifozin-e-vecante/ https://sportekspres.com/video-gjesti-i-vitit-ne-uruguai-portieri-dergon-ne-ekstaze-tifozin-e-vecante/#respond Mon, 15 Apr 2019 15:07:05 +0000 http://sportekspres.com/?p=256298 Jemi mësuar me tifozë që futen në fushën e blertë për të takuar idhullin e tyre. Mjaftojnë edhe pak sekonda për të qenë përballë futbollistit të preferuar, kënaqësi që nuk harrohet kurrë.

Në Uruguaj ka ndodhur një episod shumë i bukur dhe paksa ndryshe. Luhej ndeshja Plaza-Penarol. Një gol i kapitenit Pereira në minutat shtesë të pjesës së parë i dhuroi fitoren miqve.

Kur arbitri sinjalizoi fundin e takimit dhe lojtarët e dy ekipeve po kryenin ritualet e zakonshme të përshëndetjes, një tifoz vendas futet në fushë. Lukasi i vogël vuan nga Sindroma Down dhe zemra e tij rreh fort për Plazën. Djaloshi shkon menjëherë drejt portierit mik të Penarolit, të cilit i kërkon të gjuajë një penallti.

U tha, u bë! Të dy nisen drejt portës. Aty afrohet edhe arbitri për ta bërë sa më “serioz” këtë moment. Djaloshi puth topin, gjuan bukur, shënon dhe niset i lumtur drejt flamurit të kornes. Duartrokitje në stadium nga tifozët që nuk kishin ikur akoma, ndërsa Lukasi ndihet në qiellin e shtatë.

Ai rikthehet përsëri te portieri kundërshtar, i dhuron një përqafim të ngrohtë dhe del jashtë fushe krenar për golin e shënuar dhe emocionet e provuara.

]]> https://sportekspres.com/video-gjesti-i-vitit-ne-uruguai-portieri-dergon-ne-ekstaze-tifozin-e-vecante/feed/ 0