play off

VIDEO | Deportivo La Korunja, me një këmbë në La Liga

Sport Ekspres — Thu, 20 Jun 2019 21:04:34 +0000

Është luajtur sot ndeshja e parë mes Deportivo La Korunjas dhe Majorkës, sfidë e vlefshme për Play Off e La Ligas. Vendasit kanë marrë një triumph shumë të rëndësishëm 2-0, duke hedhur një hap shumë të rëndësishëm për rikthimin e tyre në elitën e futbollit spanjoll.

Takimi nisi shumë më mirë për La Korunjan, që dominoi në zotërim topi dhe raste të krijuara. Goli i parë do të vinte në minutën e 37’, me anë të Kartabria. Sulmuesi anësor shënon një supergol nga goditja e dënimit, duke shtangur portierin kundërshtar dhe duke i dhënë avantazhin Deportivos.

Ky gol ishte shumë i rëndësishëm për La Korunjan, që e zhvilloi takimin shumë më e qetë dhe priti të shfrytëzojë kundërsulmin. Pikërisht nga një i tillë, erdhi dhe goli i dytë. Në minutën e 81’, Karlos Fernandes dyfishoi avantazhin për Deportivon dhe bëri që skuadra e tij të hedhë një hap shumë të rëndësishëm sa i takon ngjitjes në La Liga.

La Liga, Play Off

Deportivo La Korunja – Majorka 2-0
Kartabia 37’, Fernandes 81’

VIDEO: Lami heroi i Veleçikut, Shkumbini luan kartën e fundit

Sport Ekspres — Fri, 24 May 2019 16:32:31 +0000

Ndeshja e dytë Play-Off mes Shkumbinit dhe Veleçikut zgjati plot 120 minuta, pasi në lojë të rregullt, nuk pati fitues dhe 90 minutat e para u mbyllën me rezultatin e bardhë 0-0. Asnjëra nga skuadrat nuk arriti të gjente rrugën e rrjetës dhe iu drejtuan shtesave.

Pikërisht në shtesën e dytë, erdhi dhe goli i parë i sfidës. Në minutën e 111’, Lami i jep avantazhin skuadrës së tij, duke shënuar një gol shumë të bukur. Lami u shndërrua menjëherë në hero te skuadra e Veleçikut, por festa e tij zgjati pak, pasi në minutën e 113’, merr kartonin e dytë të verdhë dhe lë skuadrën e tij me 10 futbollistë.

Të dyja skuadrat e mbyllën me nga 10 futbollistë takimin, por Veleçiku është ajo që triumfon në fund dhe siguron qëndrimin për në Kategorinë e Parë. Ndërsa ekipi i Shkumbinit, do të ndeshet me Luzi 2008 për vendin e fundit në Kategorinë e Parë.

Kategoria e Parë, Play Off

Shkumbini – Veleçiku 0-1
Shënues: Lami 111′

Elbasani feston me “tris”, arrihet mbijetesa në të Parën

Sport Ekspres — Fri, 24 May 2019 16:01:15 +0000

Elbasani ka marrë një fitore bindëse 3-0 përballë Luzi 2008, duke siguruar kështu qëndrimin në Kategorinë e Parë dhe në sezonin e ardhshëm. Dopieta e Micit dhe goli i Ferhatit kanë mjaftuar që Elbasani të triumfojë, duke shmangur kështu ndonjë surprizë të pakëndshme.

Ndeshja ishte shumë e luftuar dhe ndërhyrjet ishin të shumta. Gjyqtari kryesor i takimit pati shumë punë, pasi në këto 90 minuta, e tregoi kartonin e verdhë plot 7 herë. Pjesa e parë dukej se do të mbyllej pa gola, por në çastet e fundit, gjyqatri akordon një 11-metërsh për Elbasanin, që ekzekutohet me sukses nga Mici.

Pjesa e dytë, nisi sërish me shumë faulle të ndëshkueshme, ndërsa në minutën e 65’, Mici shënon golin e dytë në këtë takim dhe më pas Ferhati shënon golin e nokautit në minutat e fundit të kohës shtesë duke i siguruar fitoren Elbasanit, që merr një triumf tepër të rëndësishëm në këtë ndeshje finale.

Kategoria e Parë, Play-Off

Elbasani – Luzi 2008 3-0
Shënues: Mici 45’ (pen) 65’, Ferhati 90+1

VIDEO: Lampard hedh KO Bielsën, Derbi mbretëron në Lids!

Sport Ekspres — Wed, 15 May 2019 20:41:07 +0000

Çfarë ndeshje, spektakël i vërtetë. Sfida mes Lids Junajtid dhe Derbi Kaunti i pati të gjitha: Gola, luftë, kartonë të kuq, emocione deri në sekondat e fundit. Ndeshja e parë mes dy skuadrave ishte mbyllur 0-1 në favor të Lidsit dhe të besuarit e Bielsës shiheshin si favoritët për të arritur në finalen e Play-Off, por Derbi arriti të bëjë të pamundurën, duke triumfuar 2-4 dhe duke hedhur një hap gjigant drejt Premier Ligës.

Lids shënoi fillimisht, me anë të mbrojtësit Dallas. Më pas, Lampard aktivizon sulmuesin Marriot në minutën e 44’ dhe vetëm një minutë më pas, ishte pikërisht ky futbollist që barazoi takimin. Pjesa e dytë do të niste e vrullshme për Derbin, që do të shënonte me Maunt në minutën e 46’ dhe me Uillson në minutën e 58’. Lids e rihapi takimin, sërish me mbojtësin Dallas dhe rezultati shkon 2-3.

Në minutat e fundit, sulmuesi Marriot (85’) shënon sërish dhe Derbi arrin finalen e madhe, që do të luhet në “Ëembley”. Lampard mposht kështu Bielsën. Një fitore e madhe për ekipin e Derbi Kauntit dhe fitorja më e madhe në karrierën e Frenk Lampard si trajner.

Play-Off

Lids Junajtid – Derbi Kaunti 2-4
Dallas 24’, Filips 62’ / Marriot 45’ 85′, Mount 46’, Uillson 58’

85’ – Goli i Marriot (Derbi Kaunti)

62’ – Goli i Filips (Lids Junajtid)

58’ – Goli i Uillson (Derbi Kaunti)

46’ – Goli i Maunt (Derbi Kaunti)

45’ – Goli i Marriot (Derbi Kaunti)

24’ – Goli i Dallas (Lids Junajtid)