Edhe pse në një distancë shumë të afërt dhe me një mur mbrojtës të lartë, Plaku nuk e ka aspak të vështirë të gjejë trekëndëshin e portës kundërshtare, duke lënë në vend portierin e Ballkanit dhe duke vendosur rezultatin final të sfidës në 2-2.Kjo ndeshje ishte shumë e luftuar mes dy skuadrave dhe ka pasur edhe një numër të konsiderueshëm tifozësh në stadium.

Ballkani – Llapi 2-2
Edvin Kuc, Arber Hoxha / Sebino Plaku 78’, Bujar Idrizi 34’

“Kampionati është bërë i fortë. Ekipet janë duke vuajtur dhe ekipi është ngushtuar. Normalisht askush nuk e ka mendjen te ne, për më tepër kur nuk e ka mendjen federata, jo më ekipet që kanë hallet e veta. Gjithsesi, ne shpresojmë që të marrim një përgjigje”.

“Po flas në emër të grupit. Ne kemi bërë një kërkesë unanime, pasi jemi ne lojtarët që nuk kemi mundësi të ushtrojmë profesionin tonë. Duke bërë këtë kërkesë prisnim që të merrnim një përgjigje. Çdo ditë që kalon bëhet akoma më e vështirë. Përveç dëmit financiar është dhe ai profesional. Po bëhet periudhë e gjatë që nuk aktivizohemi. Këto të gjitha janë kosto që po na bien ne. Rasti jonë është ekstrem, mosaktivizimi i lojtarëve është fatkeqësi shumë e madhe. Ne ishim jashtë asaj ngjarjeje dhe jemi ne që po e vuajmë më shumë nga të gjithë”.

“Falënderoj mediat që kanë qenë i vetmi zë që kanë folur haptas për çështjen tonë. Pjesa tjetër është diskutuar në një mënyrë përciptas. Ne nuk kemi institucion që të në mbrojë. Po të ishim diku tjetër do të kishim një shoqatë futbollistësh, do kishte një sindikatë që do të përgjigjej për ne, këtu nuk i kemi. Dalja ime këtu nuk është për të kërkuar lëmoshë ose për çuar një mesazh. Jam munduar që të marr thjesht një përgjigje. Po të ishte mundësia do të dëshiroja që të na jepej mundësia të luajmë në tetë ndeshjet e mbetura. Ndoshta nuk do prishnim ekuilibrat e kampionatit. Mendoj se do ishte një zbutja e situatës dhe një dashamirësi e Federatës për të treguar që në këtë situatë ka dhe një dritë të vogël për futbollistët”, përfundoi Plaku.

BOJKOTI DHE PAGESAT – “Normalisht nuk është e thjeshtë që të flitet për këtë situatë. Ishte një mendim i miksuar. Një pjesë e ekipit nuk po ndihej gati emocionalisht, ndërsa një pjesë tjetër ishte të dëmtuar si rasti im”. Të them të drejtën klubi reagoi dhe kjo na motivoi. Jemi futbollistë profesionistë dhe çdo lojtar meriton atë që ka firmosur. Për fat e kaluam dhe kjo ishte një shtysë. Mbas kthimit ishim më të motivuar”

“Unë jam kundër bojkotit, por jam kapiteni i skuadrës dhe si i tillë duhet të jem dhe zëri i grupit. Tani ne kemi vendosur që këtë punë që kemi nisur dhe s’do ta lëmë në gjysmë, do ta çojmë deri fund”.

RIVALËT PËR MBIJETESË – “Nuk kemi bërë llogaritë se çfarë kemi më mirë dhe më dobët se kundërshtarët. Kemi një vit eksperiencë në Superiore e dimë se si funksionin dhe kjo është pjesa që na jep besim. Kemi kontigjent cilësor dhe lojtarë me eksperiencë”.

 ÇFARË SHKOI KEQ TE KAMZA – “Mendoj se situata agravoi në këtë mënyrë. Ishte nisur një plan sëbashku me bashkinë. Kur kam kolegët e pamotivuar edhe unë e kam të vështirë që të motivohem. Ndërsa pjesa tjetër ishte dhe vendimi për të shkarkuar Devollin. Mendoj se ishte një vendim i nxituar, pasi ishte vetëm fillimi i kampionatit”, përfundoi Plaku.

Gjithsesi, Plaku beson te mbijetesa dhe me një merkato cilësore gjatë muajit janar, çdo gjë është e mundur. Për “Supersport”, Plaku tha:

Faza përgatitore – “Kemi vuajtur pak në pjesën e organizimit, sepse ende nuk është vendosur se çfarë do të bëhet me fazën përgatitore. Po vuajmë pak edhe temperaturat e ftohta, pjesa tjetër është normale. E kemi nisur vitin me energji të reja.

Lëvizjet në merkato – “Largimi i Frashërit ka qenë i detyruar, por presidenti është munduar që ta ruajë pjesën tjetër të grupit. Ka pasur kërkesa edhe për lojtarë të tjerë, por nuk po largohen.

Shpresoj që ta çojmë deri në fund këtë punë që kemi nisur. Dihet që në janar është e vështirë të gjesh lojtarë cilësorë. Gjithsesi, nuk përjashtohen surpriza të bukura, sikurse ishte për Teutën marrja e Frashërit.

Objektivat – “Synimi ynë është të qëndrojmë në Superiore, pastaj mënyra sesi rrjedh kampionati… E pamë edhe vjet sesi shkuan ngjarjet, përvoja na bën edhe më të fortë”,- u shpreh Plaku.

Plaku justifikon në një farë mënyre dhe ish-trajnerët që ka pasur këtë edicion, por në anën tjetër bën apel për lojtarët që të ulin kokën dhe të punojnë akoma dhe më shumë.

TRAJNERI – “Më vjen keq, sepse si Devolli dhe Duro ndoshta u nevojitej më shumë kohë. Ndoshta edhe ne lojtarët duhet të rritim marshin dhe të marrim më shumë përgjegjësi. Duhet të ulim kokën, të bëjmë më të mirën dhe t’u kthehemi rezultateve pozitive”.

GOLAT – “Kemi krijuar shumë raste këtë vit, por nuk kemi konkretizuar. Po mundohemi ta zgjidhim, nëse është çështje fokusimi apo diçka tjetër. Duhet ta gjejmë zgjidhjen tek vetja, duhet të jem më efikas”.

NDESHJA ME KASTRIOTIN – “Do të jetë ngarkesë emocionale shumë e fortë për të dyja skuadrat, fitorja për ne është e domosdoshme”.

“Në këtë ndeshje ndodhën të gjitha. Nuk e prisnim të përmbysej gjithçka pas startit tonë të mirë. Ka disa faktorë që ndikuan te mosarritja e fitores, edhe pse luajtëm mirë. Flamurtari në vendosi nën presion kur pa që po vuanim disi për menaxhuar lojën, por në fund krijuam lojë e raste. Koliçi vendosi fatet e ndeshjes, edhe në fundin e takimit”.

Ndërprerja? “Natyrisht do na shërbejë, ashtu si gjithë ekipeve, për të punuar për mangësitë që kemi shfaqur. Na duhej një rezultat i mirë, për të punuar me qetësi këtë javë të ndërprerjes”, përfundoi sulmuesi i Kamzës.

Normalisht që situata pas atij rezultati nuk është shumë e mirë, edhe pse stafi teknik ka menduar që të mos i kritikojë shumë lojtarët, për faktin se do luhet dhe ndeshja e kthimit. Me të përfunduar aventura europiane, pritet që të ketë largime nga Kukësi. Emri që është lakuar prej kohësh është ai i Sebino Plakut. Sulmuesi me shumë gjasa do të rikthehet tek Kamza, por ka kontratë deri në fund të Kupave të Europës.

“SportEkspres.com” zbulon se ka pasur një tjetër sinjal që tregon se raportet mes palëve janë ftohur. 33-vjeçari ka humbur një nga fluturimet që i kishte rezervuar klubi, por kjo i ka kushtuar shtrenjtë sulmuesit, pasi ka marrë një rrogë gjobë. Plaku ka një pagë prej 4 mijë eurosh, por ka mjaftuar vetëm vonesa për të arritur fluturimin që rroga e një muaji të ikë. Kukësi ka marrë masën menjëherë duke i paraqitur gjobën lojtarit e cila duhet thënë se është mjaft e kripur. Të gjithëve i ndodh që të humbasin fluturime, por lojtarët e Kukësit duhet të mendohet mirë.

I fundit që është zyrtarizuar është mbrojtësi i majtë Klaudio Bonani, por Kamza pritet të konfirmojë afrimin e një tjetër lojtari për linjën e majtë. “SportEkspres.com” mëson se ai është pogradecari Vangjel Zguro.

Momentalisht ai është pjesë e Kukësit, por duket se nuk është në të preferuarit e trajnerit Armando Cungu, ndaj edhe largimi i tij nga verilindorët është një opsion real dhe Kamza nga ana tjetër po e pret.

Kukësi ka vetëm një mundësi për ta mbajtur në skuadër dhe ajo është që të arrijë grupet e Europa League-s. Lojtari ende nuk ka nënshkruar me Kamzën, por drejtuesit janë të bindur se lojtari  do të jetë pjesë e tyre.

Tekniku Devolli e ka mbyllur merkaton, pasi tani e konsideron si pjesë të planeve të tij Plaku. Duhet veçuar se nëse Plaku transferohet te Kamza është i detyruar që të luajë aty deri në merkaton e verës së ardhshme, pasi e konsumon dhe mundësinë e dytë të transferimit.

Goli i shënuar dje në një farë mënyre i ka kushtuar rëndë Sebino Plakut, sepse do të mungojë për pezullim ndaj Laçit. Sulmuesi nga gëzimi ngriti fanellën dhe e vendosi mbi kokë për disa momente, duke bërë që Juxhin Xhaja ta ndëshkonte me karton të verdhë.

Kamza ka protestuar ashpër sot, me një postim në faqen e vet në Facebook, duke akuzuar për komplot: “Vendosi fanellën në fytyrë për 2 sekonda! Arbitri e ndëshkoi me kartonin e verdhë për të munguar ndaj Laçit. Është normale që ndaj tij të thuren skenarë, sepse është tmerri i Superiores. Por kemi parë arbitrat që kur duan janë tolerantë. Ndaj një lojtari simbol i mirësjelljes si Plaku, kryesori Xhaja mund të mos ishte kaq strikt. Dhe kur mendon gjendjen emocionale të lojtarit në ato momente kur shënon një gol me peshën e shpëtimit për ekipin e tij, kupton se edhe mund ta falësh. Shpresojmë që arbitrat të jenë gjithmonë kaq të egër sa ndaj nesh. Gjithsesi, askush nuk e ndalon dëshirën tonë për mbijetesë! Para Kamza”.

Ndoshta Kamza ka të drejtë te pika ku thotë që në Shqipëri rregulloret zbatohen sipas qejfit, mjafton të shohësh penalltitë, ku 45 futbollistë janë në zonë në momentin e gjuajtjes dhe mund të ndëshkohet me karton ndonjëri që harron të vrapojë drejt portierit kundërshtar.

Megjithatë, në rastin e Sebino Plakut nuk ka komplot, por thjesht rregullore. Duke shfletuar rregulloren e FIFA-s, vendimi 6 i ligjit 12 thotë: “Një futbollist i cili heq fanellën ndëshkohet me karton të verdhë për sjellje antisportiv. Heqja e fanellës konsiderohet e tillë edhe kur mbulon kokën me fanellë”. Ja dhe ilustrimi i FIFA-s, kur ka dhe kur nuk ka karton. Xhaja e zbatoi shumë mirë rregulloren, bravo i qoftë!

Tashmë Plaku nderohet edhe me çmimin Lojtari i Muajit, që jepet çdo muaj nga Shoqata “Sporti na bashkon”.

Më parë ishin nderuar Ali Soue dhe Sabien Lilaj, të dy të Skënderbeut, ndërsa nëntori ishte i Plakut, pasi i shënoi 2 gola Kukësit në barazimin 2-2 në Kamzë, i shënoi Skënderbeut në Korçë në barazimin 1-1 dhe gjithashtu shënoi në fitoren 2-1 ndaj Lushnjes. Në 4 ndeshje kampionati në nëntor Kamza nuk pësoi humbje dhe grumbulloi 8 pikë, duke luajtur shumë mirë, ndërsa një kontribut të madh dha edhe Plaku.

I transferuar te Slask me kërkesën e trajnerit Stanislav Levi, firmosi kontratë me rreth 10 mijë euro në muaj në vitin 2013 dhe për një sezon u pagua rregullisht, por në startin e sezonit pasardhës drejtuesit e klubit i kërkuan t’i përgjysmonin rrogën, gjë që nuk u pranua nga sulmuesi. Kjo bëri që Slask t’i kërkonte prishjen e kontratës, gjë që ndodhi, por Plaku vendosi ta ndiqte çështjen juridikisht. Çështja u gjykua nga komisionet disiplinore në Poloni, që e çliruan futbollistin nga çdo detyrim kontraktual, por pa i dhënë të drejtë për rrogat e prapambetura. Gjithsesi, Plaku e ka çuar çështjen në KAS, duke përfituar rreth 250 mijë euro rrogë të dy sezoneve, plus kamatëvonesat. Fillimisht, Plaku duhet të paraqesë faturat e pagesave që ka marrë nga Partizani dhe Skënderbeu për sezonin 2015-2016, pasi shuma e marrë në Shqipëri do të zbritet nga shifra që do të marrë në Poloni.

Edhe tani që është larguar nga Korça, Plaku ka fjalë të mira për të gjithë, nga drejtuesit e deri te tifozët, por nuk e harron pengun e tij, duke i nisur një përshëndetje edhe njeriut që sipas tij e luftoi gjithnjë.

“Kohët e fundit kam hasur një problem (personal) te Skënderbeu. Nuk jam tip që krijoj probleme, por ndonjëherë situatat të imponojnë të shprehesh hapur për atë që ndodhi. Kurrë nuk do të flas keq për Skënderbeun, skuadër që e kam dashur dhe e dua me gjithë zemër. Problemin e kam pasur dhe do ta kem personal.

“Falënderon drejtuesit, shokët e skuadrës, tifozerinë e zjarrtë dhe njëkohësisht atë person që më luftoi në çdo moment. Kurrë nuk do të harroj!

“Tani është momenti që të nis një karrierë të re, falënderoj shumë Kamzën për besimin, ishin të parët që shfaqën interes, edhe kur nuk luaja fare”, shkruhet ndër të tjera në postimin e Sebino Plakut në faqen e vet zyrtare në Facebook.

“Sport Ekspres” mësoi ditën e djeshme Plaku ka mbyllur gjithçka me Kamzën dhe sot është konfirmuar kjo lëvizje, sepse sulmuesi ka dalë në stërvitje me kamzalinjtë. Pas Stefan Raçiçit, një tjetër afrim i madh në repartin e avancuar, me Kamzën që tashmë kompleton skuadrën për sezonin e ri dhe ka ndërtuar një ekip shumë interesant, ndaj i duhet vetëm pak kohë e durim.

Sot mësohet se Plaku do të udhëtojë për të qenë sërish në stërvitjen e parë të Skënderbeut për këtë javë dhe akoma nuk dihet nëse do të kalojë te ndonjë klub tjetër apo jo. Ka qenë Kamza që ka shprehur interes të madh për sulmuesin në fjalë, por gjasat janë të mëdha që Plaku të qëndrojë te Skënderbeu si zëvendësues, edhe për atë se korçarët nuk është se kanë sulmues të shumtë.

Por, a do ta pranojë sërish stolin Sebino Plaku dhe a e dëshiron më në ekip trajneri Daja? Kjo mbetet për t’u parë dhe gjithçka do të zgjidhet nga sot e në vazhdim. Gjasat janë që kjo “çështje” të mbyllet sa më shpejt të jetë e mundur, por që gjithsesi edhe këto orë në vazhdim çdo gjë është në pikëpyetje.

Plaku do të mbetet bardhekuq, apo do të largohet drejt Kamzës? Le të presim për të mësuar të renë e radhës për Sebinon, i cili vetë ka deklaruar se nuk dëshiron të largohet nga Skënderbeu, por do të respektojë vendimin e klubit.

Trajneri i Kamzës, Ramadan Ndreu, në një intervistë në Supersport, konfirmon se Plaku është një objektiv i rëndësishëm dhe thuajse i realizuar: “Presim dy lojtarë të mirë të kampionatit shqiptar dhe mendoj se thuajse e kemi mbyllur. Plaku mund të jetë njëri prej tyre, jemi në bisedime dhe jemi pranë marrëveshjes, si dhe ndonjë tjetër që nuk po e themi emrin. Presim edhe dy lojtarë të huaj”.

Trajneri, por edhe presidenca, kanë minimizuar gjithçka, duke menduar vetëm për Dinamon e Zagrebit, por natyrisht ja qenë një rrufe në qiell të hapur, edhe pse realisht Plaku ka kohë që nuk është i lumtur, duke iu kthyer edhe episodeve nga e shkuara.

Megjithatë, tronditja në ambientin bardhekuq nuk ka ndikuar te tifozët, ose të paktën një pjesë e tyre, që në stërvitjen e sotme kanë shpalosur një parullë ku i shprehin dashurinë sulmuesit që këtë verë ka shënuar dy gola jetikë në Europa League, duke u kthyer në hero për Skënderbeun.

Mbetet për t’u parë se cilën alternativë do të zgjedhë trajneri kryeqytetas ditën e ndeshjes. Pjesa tjetër e ekipit është po ajo, me Muzakën në qendër të mesfushës, në vend të Sabjen Lilajt. Plaku u paraqit shumë mirë në ndeshjen e kthimit me Kairatin, ku edhe shënoi. Ndoshta ky fakt bën që t’i besohet edhe në ndeshjen e radhës me çekët e Mladës, por dilema është nga fillimi apo sërish në pjesën e dytë.

Kelmendi zhvillon stërvitjen e parë

Pasdite ka dalë në stërvitje me Skënderbeu edhe njëri nga dy përforcimet e fundit, sulmuesi Shend Kelmendi, i ardhur në formë huazimi nga Trepça. Bëhet fjalë për një lojtar të talentuar, i cili duhet të presë në fakt për të luajtur, sepse nuk mund të federohet për ndeshjet e radhës me Mladën. Drejtuesit e Skënderbeut kanë menduar të federojnë sulmuesin tjetër, Soue, për ndeshjen e kthimit. Trajneri Ilir Daja do të shohë gjendjen e Kelmendit, por për momentin është i përqendruar te ndeshja e së enjtes.

Në 2012 kundër Debreçenit në Champions Sebino Plaku shënoi një gol të mrekullueshëm në fitoren 1-0 të korçarëve. Skënderbeu luante për herë të dytë në kupat e Europës. Vitin e parë kish humbur 2 herë. 0-2 dhe 0-4 kundër APOEL-it të Qipros. Goli i Plakut në 2012 nuk mjaftoi, sepse Skënderbeu humbi 3-0 në Hungari në ndeshjen e kthimit, por ka vlerë për statistikat. Atë mbrëmje nisi projekti për Skënderbeun e madhe. Sot pas 5 vitesh Skënderbeu është patjetër i madh në arenën ndërkombëtare.

Sebino Plaku është një futbollist i vështirë për t’u analizuar. Pa diskutim talenti e karakterizuar gjithnjë. Kampion me Dinamon që në 2008 me rol protagonist, më pas një karrierë e kaluar më së shumti mes rasteve të humbura dhe golave që shfaqen me peshë në moment të jashtëzakonshme. Njësoj si goli i së enjtes kundër Kairat Almatit. Në mënyrë jo dhe analoge ai gol vlejti më shumë se 600 mijë euro. Sigurisht që është një krahasim, sepse asnjëherë një gol nuk është gjithçka, dhe gjithnjë pas një goli ka një klub, trajner dhe një skuadër.

Megjithatë, Plaku është rast studimi. Pak por e sigurt është që futbollit i ka marrë pak dhe pyetja shtrohet nëse nuk ka ditur futbolli ta vjelë apo ndoshta shpesh karakteri i tij sportiv nuk e ka lejuar të shndërrohet në një sulmues elitar. Numri i golave nuk ka folur shumë për të, por patjetër që puna e tij, sjellja jo vetëm sportive, dhe angazhimi kanë merituar notën 10. Ndonjëherë në jetë e ca më shumë në futboll duhet të jesh i “keq”. Kjo lloj keqësie atij i ka munguar.

Në ndeshjen e parë në Almati Plaku qëndroi në tribunë, ndërsa në ndeshjen e kthimit e nisi nga stoli për të prekur fushën dhe për të dërguar topin në rrjetë. Tani mos prisni që Sebino të shënojë çdo ndeshje. Ai nuk mund të ndryshojë në këtë moshë. Do jetë gjithnjë aty, për të na treguar herë pas here që ka qenë një talent i madh që kushedi pse nuk u bë dot shumë i rëndësishëm. Ndonjëherë një lojtar duhet edhe për një moment. Skënderbeu duhet të ndihet mirë që e ka në bord.

Ditët e fundit është folur për Mario Morinën, por tashmë bisedimet me të kanë ngecur dhe kjo pistë është ftohur. Gjithsesi, Shkëmbi kërkon patjetër sulmues, ndaj ka piketuar edhe dy emra të tjerë, të nivelit të lartë.

Bëhet fjalë për Andi Ribajn dhe Sebino Plakun, dy sulmues me eksperiencë në Superiore e jashtë saj, por i pari është i lirë pas përfundimit të kontratës me Teutën dhe i dyti është ende te Skënderbeu, por me siguri do ta pranonte një ofertë nga një klub tjetër, nëse do të ishte në qendër të projektit të ri.

Me siguri Liria dëshiron vetëm njërin prej tyre, duke para karakteristikat e ngjashme, ndaj mund të zgjidhet edhe thjesht nga fakti se kush do të jetë më i lirë në aspektin financiar.

Hasa
Me ekipin korçar në Slloveni dje është stërvitur edhe Gehard Hasa. Ky emër ka qenë risia e ditës së djeshme te Skënderbeu, pasi më parë nuk flitej për një lojtar të tillë. Drejtuesit e klubit bardhekuq dje janë kontaktuar nga ana e gazetës për të mësuar mbi këtë lojtar dhe atë se përse është pjesë e Skënderbeut. Mësohet se Hasa është tashmë pjesë e Skënderbeut për të ardhmen dhe shikohet si një lojtar i talentuar dhe kjo ka bërë që Daja ta afrojë në skuadër. Kujtojmë që Gehard Hasa është 20-vjeç dhe në kampionatin e fundit ka luajtur me Tiranën B në grupin A të kategorisë së dytë. Futbollisti së pari mund të cilësohet në provë, por që dje në testet që ka zhvilluar Daja ka dhënë rezultate të mira dhe me shumë mundësi ai do të qëndrojë për të qenë për të ardhmen. Por Hasa më parë ka qenë edhe pjesë e akademisë AF Dinamo, akademi që është krijuar nga trajneri Ilir Daja. Kjo ka bërë që trajneri kryeqytetas i Skënderbeut për njohjen e mirë që ka për këtë futbollist e ka thërritur menjëherë dhe nga dje Gehard Hasa është nën urdhrat e Dajës në Slloveni. Talente të tillë Skënderbeu afron çdo vit, duke firmosur edhe kontrata afatgjata me ta dhe në fillim të sezonit zakonisht i huazon. Një gjë e tillë nuk dihet nëse do të ndodhë edhe me Gehard Hasa, lojtar që shikohet vërtet si futbollisti i perspektivës.

Një ditë para se Skënderbeu të grumbullohet dhe të nisë fazën përgatitore verore, ka pasur zhvillime në kampin bardhekuq, ose më saktë të tjera largime. Pas Hamdi Salihit, Kornel Predeskut dhe Marvin Ogunxhimit, radha u ka ardhur Sebino Plakut dhe Nuredin Orelesit dhe Hektor Idrizajt. Sulmuesi u kthye te Skënderbeu në gjysmën e dytë të sezonit që sapo përfundoi, por tashmë është larguar përfundimisht. Ai nuk bën pjesë në listën e Sllovenisë. Në fakt, Plakut i ka përfunduar kontrata me juglindorët dhe palët janë ndarë këtu. Edhe nigeriani Nuredin Orelesi i ka thënë lamtumirë skuadrës korçare. Për largimin e tij kishte ditë që flitej dhe dje është mësuar se edhe ai nuk është pjesë e listës së lojtarëve, të cilët do të ketë në dispozicion trajnerit Ilir Daja në Slloveni. Futbollisti afrikan, me mbylljen e kontratës, është ndarë me Skënderbeun, pasi gjatë sezonit të fundit kishte humbur shumë nga forma e tij e dikurshme. Edhe mbrojtësi vlonjat, Hektor Idrizaj, duket se e ka mbyllur aventurën me juglindorët. Ai ka qëndruar në stol thuajse gjithë sezonin, por nuk është çudi që ditët në vazhdim të kemi edhe emra të tjerë, që mund të mbeten jashtë listës. Javë më parë është larguar edhe Masato Fukui dhe mbetet për t’u parë kush e ka radhën…

HASANI – Prej ditësh te Skënderbeu kanë nisur lëvizjet në dalje dhe në hyrje. Mes emrave që qarkullojnë si përforcimet e radhës janë ata të Afrim Takut dhe Edon Hasanit. Në fakt, ka një lidhje mes këtyre lojtarëve. Taku ende nuk ka kthyer përgjigjen përfundimtare dhe drejtuesit korçarë po mendojnë edhe për shkodranin Edon Hasani. Ky i fundit është lakuar edhe më parë si objektiv i Skënderbeut, por nga dje zërat janë shtuar. Nëse Taku kthen përgjigje negative, gjasat janë të mëdha që Hasani të bashkohet me Skënderbeun, por situata duhet ndjekur ditë pas dite.

PREZANTIMET – Siç ka bërë me dije “Sport Ekspres”, sot është radha që presidenti Ardjan Takaj të fillojë me prezantimet e lojtarëve të rinj. Donjet Shkodra, blerja e parë e bardhekuqve, do të prezantohet sot me ekipin. Në mesditë Takaj dhe Shkodra do të bëjnë edhe fotot zyrtare të prezantimit, ndërkohë që dy ditë më pas radhën do ta ketë Bruno Dita, i cili ka lajmëruar se do të niset nga Turqia për në Slloveni dhe aty do të bëjë edhe prezantimin. Nuk është çudi të kemi edhe ndonjë prezantim tjetër gjatë këtyre dy ditëve, sepse pritet të konkretizohen të tjera marrëveshje me lojtarë të tjerë nga ana e drejtuesve të klubit korçar.       

Largimet

Hamdi Salihi

Marvin Ogunxhimi

Kornel Predesku

Sebino Plaku

Nuredin Orelesi

Masato Fukui

Hektor Idrizaj

Afrimet

Donjet Shkodra (zyrtare)

Bruno Dita (zyrtare)

Afrim Taku (?)

Edon Hasani (?)