pjunik

Transferta në Torino dhe Angli, Bakaj e Marku tentojnë mrekullinë në Europë

Sport Ekspres — Fri, 02 Aug 2019 15:41:25 +0000

Elis Bakaj dhe Kristi Marku ishin disa nga futbollistët shqiptarë që dolën me kokën e lartë nga fusha e lojës. Të ish-lojtarët e Superiores ia dolën të kalonin në raundin e tretë të kualifikueseve të Europa League me ekipet e tyre përkatëse.

Shakter Soligorsk i Bakajt do të udhëtojë më datë 8 gusht drejt Torinos ku do të ndeshet me ekipin “granata”, që eliminoi në raundin e dytë hungarezët e Debrecen me rezultatin e përgjishëm 7 – 1.

Zhvendosemi në Armeni ku qendërmbrojtësi Kristi Marku duhet të bëjë një udhëtim të gjatë prej 3000 kilometrash me armenët e Pjunik. Kundërshtari i radhës i klubit armen janë anglezët e Ulvërhempton.

VIDEO | 6 gola në Armeni, rezultat pozitiv për Shkupin

Sport Ekspres — Thu, 11 Jul 2019 15:59:20 +0000

Shkupi kreu një paraqitje pozitive në përballjen me Armenët e Pjunik. Ndeshja e luajtur në kryeqytetin e Armenisë u mbyll me rezultatin 3 – 3. Armenët shënuan të parët, por skuadra nga Maqedonia e Veriut ia doli të përmbyste rezultatin duke shënuar tri gola, ku dy prej tyre kishin për autor kapitenin Bajrami.

Në minutat e fundit të takimit vendasit arritën të barazonin rezultatin me dy golat të shpejtë, por edhe me një barazim i vlen shumë skuadrës nga Maqedonia e Veriut që tani ka për detyrë të sigurojë kualifikimin në ndeshjen e kthimit në Shkup.

Një detaj interesant i këtij takimi ishte dhe fakti që në radhët e armenëve luajti për 90 minuta mbrojtësi shqiptar Kristi Marku.

Pjunik 3 – 3 Shkupi
Shënues: Vardanian 4’, Zheztokov 80’, Manuçarian 85’ / Bajrami 26’, 60’, Ilievski 43’

Nga Ferizaj në Armeni, prezantohet “ish”-i i Partizanit

Sport Ekspres — Tue, 22 Jan 2019 17:24:28 +0000

Skuadra armene e Pjunik ka zyrtarizuar ditën e sotme transferimin e mbrojtësit shqiptar Kristi Marku. Futbollisti 23-vjeçar, së fundmi pati një eksperiencë në Kosovë, ku luajti për disa muaj për skuadrën e Ferizajt.

Ky nuk është transferimi i parë i durrsakut në një kampionat larg Shqipërisë, pasi në të shkuarën ka qenë pjesë e skuadrës së Honvedit në Hungari, ndërkohë që eksperiencat e Markut në Kategorinë Superiore kanë qenë të shumta, ku ka luajtur për Teutën, Flamurtarin, Partizanin dhe Lushnjën.