Pjanic

Pogba e Eriksen të pakapshëm, Reali 70 milionë euro për “planin C”

Sport Ekspres — Sun, 02 Jun 2019 20:42:58 +0000

Reali i Madridit pritet të jetë një ndër klubet më aktivë në këtë merkato, me madrilenët që kërkojnë të ringrihen pas një sezoni krejtësisht të dështuar. Eden Hazard dhe Pol Pogba kanë qenë emrat më të përfolur si përforcimet e para të “Los Blancos”.

Për belgun gjithçka është thuajse e kryer, ndërsa për Pogba duket se çështja është ndërlikuar. Gjithsesi, në rast se operacioni për francezin dështon, atëherë është gati plani B, Kristian Eriksen. Edhe këtu situata paraqitet pak e ndërlikuar për madrilenët, pasi danezi ka rinovuar së fundmi me “Gjelat” dhe zor se mund të largohet.

? Costaría 70 millones de euros
?? El bosnio es la alternativa https://t.co/3GeOcdynYg

— AS (@diarioas) June 1, 2019

Sidoqoftë, në Madrid kanë gati planin C. Bëhet fjalë për Miralem Pjaniç dhe siç raportojnë mediat në Itali e Spanjë, Reali do të provojë të nisë kontaktet e para në ditët në vijim. Juventusi kërkon të paktën 70 milionë euro, shumë që drejtuesit spanjollë mund ta pranojnë. Gjithçka mbetet për t’u parë në ditët e ardhshme.

Pjaniç elozhe për De Rosin: Një histori inspiruese!

Sport Ekspres — Tue, 14 May 2019 20:59:19 +0000

Mesfushori i Juventusit, Miralem Pjaniç, ishte një nga talentet më premtues kur mbronte ngjyrat e Romës disa sezone më parë. Pjaniç u shndërrua në një nga lojtarët më të mirë në botë në rolin e tij, jo vetëm prej talentit që kishte, por dhe prej ndihmës që mori si brenda, ashtu dhe jashtë fushe, prej kapitenit Daniele De Rosi.

Legjenda e Italisë tha publikisht se ky është sezoni i tij i fundit si futbollist dhe mesazhet më të përzemërta drejt tij nuk munguan, përfshirë këtu dhe Miralem Pjaniç, që në Instagramin e tij shkroi:

“Është një histori emocionuese vetëm kur e dëgjon. Kam pasur privilegjin të ndaj një pjesë të historisë time me ty dhe do të të jem përgjithmonë mirënjohës. Falëminderit dhe fat të mbarë, Daniele!”

View this post on Instagram

È una storia che ti emoziona solo a sentirla raccontare. Aver avuto il privilegio di condividerne un pezzo è qualcosa di cui sarò per sempre grato. Buona fortuna Daniele ! Brate moj ?? #DeRossi

A post shared by Miralem Pjani? (@miralem_pjanic) on May 14, 2019 at 4:45am PDT

Ofensiva e PSG, gati oferta e parë për lojtarin e Juves

Sport Ekspres — Fri, 26 Apr 2019 15:24:10 +0000

Tomas Tuhel ia ka bërë të qartë drejtuesve. Çdo ekip ka nevojë për përforcime, pavarësisht yjeve që ka në përbërje, por PSG ka shumë nevojë për një mesfushor të madh.

Fiksimi i fundit quhet Miralem Pjaniç dhe drejtuesit janë gati t’i plotësojnë dëshirën trajnerit gjerman. Sipas mediave franceze, PSG ka gati 70 milionë euro për boshnjakun e Juventusit.

Kjo nuk është hera e parë që PSG interesohet për Pjaniç, por kësaj radhe ata shpresojnë që të bindin kampionët e Italisë me 70 milionë eurot e ofruara.

Qendërmesfushori pëlqehet shumë edhe nga Reali i Madridit. Zidan po tenton të bindë Pol Pogba që të transferohet në Madrid. Nëse nuk ia del do t’i rikthehet pistës Pjaniç.

Ofertë monstruoze, Juve gati të shesë yllin e mesfushës

Sport Ekspres — Tue, 26 Mar 2019 18:05:50 +0000

Ardhja e Zinedin Zidan ka rikthyer buzëqeshjen dhe një herë te Reali i Madridit, i cili tashmë ka nisur të mendojë për sezonin e ri, pasi ky aktuali është i dështuar. Florentino Perez, duket se nuk kërkon të humbasë kohë dhe ka bërë gati dhuratën e parë për trajnerin francez.

Bëhet fjalë pikërisht për Miralem Pjaniç. “Tuttosport” ka raportuar se presidenti i madrilenëve është bindur që të nënshkruajë me mesfushorin boshnjak, me marrëveshjen që pritet të jetë jo më pak se 90 milionë euro.

Duket se projekti për sezonin e ri te “Los Blancos” do të nisë me blerjen e 28-vjeçarit. Miralem Pjaniç është prej tre sezonesh pjesë e Juventusit, me bardhezinjtë që e morën për 32 milionë euro boshanjakun nga ekipi i Romës.

? El centrocampista bosnio podría recalar en el Madrid, según el medio italiano
? Su precio: no menos de 90M€https://t.co/wsyxqOU4uf

— AS (@diarioas) March 26, 2019

“Krahasimi me Pirlon i padrejtë”, Pjaniç elozhe për legjendën e Italisë

Sport Ekspres — Mon, 18 Feb 2019 17:12:36 +0000

Mesfushori i Juventusit, Miralem Pjaniç është prej vitesh një nga lojtarët më të rëndësishëm te bardhezinjtë. Një lojtar kyç në mesfushë, Pjaniç është krahasuar shpeshherë edhe me legjendën e Italisë, Andre Pirlo. Megjithatë, boshnjaku mendon se ky krahasim nuk i është i drejtë.

“Nuk mendoj se krahasimi me një lojtar si Pirlon është i drejtë. Ai ka arritur gjëra të mëdha dhe ka qenë inspirim për shumë lojtarë të rinj. Unë mundohem të bëj punën time dhe të jap më të mirën për Juventusin”.

Pjaniç foli edhe për sfidën kundër Atletikos në Ligën e Kampionëve: “Padiskutim një sfidë shumë e vështirë. Të dyja skuadrat kanë një lojë të njëjtë dhe besoj se diferencat do të bëhen nga aftësitë individuale. Besoj se kemi armët e duhura për t’i ndëshkuar, por gjithçka do ta tregojë fusha e lojës”,- u shpreh boshnjaku.

Pjaniç shpjegon çelësin e suksesit: Në derbi vendos…

Sport Ekspres — Sun, 16 Dec 2018 17:05:33 +0000

Juventusi doli me kokën lart nga ndeshje derbi ndaj Torinos. Gjithçka u vendos nga goli i portugezit Kristiano Ronaldo, aq mjaftoi për t’i dhënë tri pikët “zonjës se vjetër”, që po tregon se di të fitojë edhe kur nuk luan mirë.

Loja e dobët e skuadrës në ndeshjen e djeshme, nuk e shqetëson aspak mesfushorin boshnjak, i cili me anë të një postimi në rrjetin social “Twitter” shpjegoi se në derbi ndryshon nga ndeshjet e tjera të kampionatit.

“Kampionatit e fiton më i forti. Derbin e fiton ai që ka më shumë zemër”, shkroi mesfushori i kampionëve të Italisë.

I campionati li vinci se sei il più forte. I derby li vinci se hai più cuore ???#ForzaJuve #FinoAllaFine #ToroJuve pic.twitter.com/cRWfWP87SF

— Miralem Pjanic (@Miralem_Pjanic) December 15, 2018

Zyrtare / Juve rinovon me Pjaniç, boshnjaku kap “podiumin” e rrogave

Sport Ekspres — Tue, 21 Aug 2018 16:28:50 +0000

Juventusi ka zyrtarizuar rinovimin e kontratës me mesfushorin Miralem Pjaniç. Boshnjaku ka nënshkruar një marrëveshje të re që do ta mbajë të lidhur me “Zonjën e Vjetër” deri në vitin 2023. Rinovimi vjen pas një vere, ku për 28-vjeçarin shfaqi interes shumë klube elitare si Barcelona, Real Madrid dhe Manchester Siti.

Me nënshkrimin e kontratës së re paga e Pjaniç pëson një rritje të konsiderueshme. Boshnjaku tani është lojtari i tretë më i paguar në sezon, pas përfiton 6 milionë euro në sezon, vetëm Duglas Kosta (8 milionë euro) dhe natyrisht, Kristiano Ronaldo (30 milionë euro në sezon).

OFFICIAL: @Miralem_Pjanic extends Juventus contract through 2023!

??? https://t.co/eU4wozSP1T #ForzaJuve ?? pic.twitter.com/ez8vcrUnma

— JuventusFC ???? (@juventusfcen) August 21, 2018

Reali llogarit gjithçka, katër emrat që zëvëndësojnë Modriç

Sport Ekspres — Sun, 05 Aug 2018 17:07:40 +0000

Reali vazhdon punën në merkato dhe ka një plan nëse largon Luka Modriç. Nëse kroati largohet, drejtuesit spanjollë kanë një listë prej katër emrash, të cilët do zëvëndësojnë 32-vjeçarin.

Siç citon “As”, Pjaniç i Juventusit, Milinkoviç-Saviç i Lacios, Verrati i PSG dhe De Jong i Ajaksit janë alternativat e Modriç. Mesfushori rikthehet të merkurin në Madrid dhe personi i parë që do të takojë është presidenti i tij, duke sqaruar gjithçka për të ardhmen e tij.

Nëse rrugët e tyre ndahen, Reali do të hidhet në sulm për zëvëndësuesin dhe njëri nga të katër emrat e mësipërm do të zbarkojë në kryeqytetin spanjoll.

Pjaniç zbulon të ardhmen: Lexoj gjëra që më bëjnë të qesh!

Sport Ekspres — Fri, 27 Jul 2018 12:39:32 +0000

Ditët e fundit është përfolur shumë për një transferim të mundshëm të Miralem Pjaniç drejt Mançester Sitit, Çelsit ose Barcelonës. Por, duket se mesfushori Juventusit është i kënaqur në Torino. Fakti se e kërkojnë për 100 milionë euro e bën boshnjakun të ndihet tepër i vlerësuar.

“Thonë se unë vlej 100 milionë? Kjo do të thotë se po punoj mirë, por nga ana tjetër lexoj edhe shumë gjëra që të bëjnë të qeshësh. Jam shumë i kënaqur me grupin dhe trajnerin. Momentalisht mendoj vetëm për punën time me Juventusin”,- u shpreh Pjaniç.

Afrimi i Ronaldos duket se ka rritur konkurrencën në ekip. “Përgjegjësia për të punuar më fort është shtuar në skuadër. Kemi kualitetet e duhura për të arritur synimin tonë madhor, që është Liga e Kampioneve”,- shtoi më tej ai.

Tashmë mbetet në dorë te klubit nëse do t’i konsiderojë ose jo ofertat e ardhura në adresë të Pjaniç. Në rast se do ta largonin, drejtuesve të Juves do t’ju duhet të gjenjnë një opsion të ri për mesfushën. Një mes Milinkoviç-Saviç, Rabiot dhe Pogba mund të shiheshin si zëvendësuesit ideal nga ana e bardhezinjve.

Guardiola i “vërsulet” Juventusit, ofertë e çmendur për Pjaniç

Sport Ekspres — Sun, 22 Jul 2018 10:28:40 +0000

Mançester Siti është vënë në ndjekje të një mesfushori cilësor për të zëvendësuar gradualisht dyshen e mesfushës David Silva-Fernandinjo, të cilët janë përkatësisht nga 32 dhe 33 vjeç.

Objektivi numër “1” për Pep Guardiolën është Miralem Pjaniç dhe për të afruar boshnjakun në Angli, sheikët e Sitit janë gati të thyejnë rekordin e klubit prej 75 milionë eurosh që paguan tri vite më parë për Kevin De Brujn.

Sipas “Gazzeta dello Sport”, oferta më e fundit që ka ardhur në zyrat e Juventusit kalon shifrën e 100 milionë eurove. Sigurisht, te “Zonja e Vjetër” janë tunduar, por ka dhe ende shumë punë deri në përfundim të negociatave.

Pjaniç projekton largimin, emëron agjentin shqiptar

Sport Ekspres — Thu, 19 Jul 2018 13:56:46 +0000

Miralem Pjaniç është kthyer në një fiksim për klubin e Barcelonës, që e konsideron lojtarin si pasuesin ideal të të sapo larguarit Andres Iniesta. Mesa duket dhe boshnjakut i pëlqen ideja e një aventure të re në Spanjë pas dy vitesh te Juventusi.

Për ta ndihmuar në këtë operacion të vështirë, mesfushori 28-vjeçar ka vendosur të ndërrojë agjent duke i besuar dyshes Fali Ramadani-Pini Zahavi. Lajmi bëhet i ditur nga media franceze “Euro United”.

Fali Ramadani është një ndër agjentët më të njohur në Europë. Shqiptari nga Tetova përfaqëson një sërë futbollistësh të njohur, ndër ta dhe sulmuesi i Interit Ivan Perisiç. Objektivi i Ramadanit dhe kolegut të tij Zahavi do të jetë transferimi i lojtarit te Barcelona, ose në skenarin më të keq arritja e një marrëveshje për një kontratë të re me pagë të përmirësuar, pra në dyja rastet Pjaniç del i fituar.