Pjaca

Zhoao Feliks vendos “diktatin”, thyen një tjetër rekord

Sport Ekspres — Fri, 12 Apr 2019 14:24:35 +0000

Benfika mori një fitore fantastike 4-2 përballë Ajntraht Frankfurtit, në ndeshjen e parë çerekfinale të Ligës së Europës përballë tyre. Portugezët bënë një ndeshje të shkëlqyer, në veçanti i riu Zhoao Feliks, që shënoi tre gola dhe asistoi një herë.

Me tripletën e tij kundër ekipit gjerman, talenti i Benfikës bëhet lojtari më i ri që shënon tre gola në një ndeshje të Kupave të Europës. Vetëm 19 vjeç dhe 5 muaj, Feliks parakalon Marko Pjacan, i cili e mbante këtë rekord në 19 vjeç dhe 7 muaj.

10 futbollistët më të rinj që kanë shënuar tripletë në Kupat e Europës

Merkato te Juve dhe Betis, Xhenoa “piketon” pasuesit e Piatek

Sport Ekspres — Tue, 22 Jan 2019 16:55:33 +0000

Largimi i Kristof Piatek nga Xhenoa është vetëm çështje orësh. Sulmuesi polak ka shënuar më shumë se gjysmën e golave të klubit ligur, me 13 finalizimet e tij dhe mungesa e tij do të ndihet shumë në repartin e sulmit.

Megjithatë me anë të 35 milionë eurove që do të përfitohen nga shitja e 23-vjeçarit, në klub priten të vijnë dy përforocime të bujshme. Sipas “Sky Sports”, presidenti i Xhenoas Enriko Preciozi po përpiqet t’i sigurojë trajnerit Çezare Prandeli shërbimet e kroatit Marko Pjaca dhe paraguaianit Antonio Sanabia.

Pjaca ka luajtur në pjesën e parë të sezonit te Fiorentina, ku nuk përmbushi pritshmëritë e klubit vjollcë. Ndërkohë, Sanabria është prej disa vitesh pjesë e Betisit në Spanjë, por këtë vit, sulmuesi nuk ka pasur shumë minuta dhe një rikthim në Itali, është i mirëpritur nga lojtari.

Fund i dhimbshëm për Pjacën, ja vendimi i Juves…

Sport Ekspres — Fri, 20 Jul 2018 16:27:51 +0000

Marko Pjaca projektohej si një ndër investimet më të rëndësishme të Juventusit. Por, historia e kroatit te “Zonja e Vjetër”, duket se do të mbyllet me një fund të trishtë me vetëm 20 paraqitje dhe vetëm një gol.

Transferimi “bombë” i Kristiano Ronaldos ka mbyllur përfundimisht edhe ato pak hapësira që mund të kishin ngelur në krahun e majtë të sulmit, ndërsa në të djathtin treshja Dybala, Duglas Kosta dhe Kuadrado nuk i ka lënë asnjë shpresë për qoftë edhe një minutë.

Sipas asaj që raportojnë mediet italiane, Pjaca do të jetë një ndër të sakrifikuarit për rregulluar bilancet financiare që kanë pësuar një goditje të fortë nga firma me “CR7”. Nga Firence ka ardhur interesimi i parë, por Fiorentina kërkon një hauzim me opsion blerje, ndërsa Juve pranon vetëm blerjen e detyrueshme të kartonit. Ndoshta po të mos kishte qenë për atë dëmtim makabër në një miqësore krejt të pakuptimtë me përfaqësuesen kroate, historia e Pjacës te kampionët e Italisë do të merrte një kthesë tjetër.

Zyrtare, Marko Pjaca shkon në Gjermani

Sport Ekspres — Thu, 04 Jan 2018 18:14:30 +0000

Realizohet goditja e parë e Juventusit në merkato, por në dalje,sspse Marko Pjaca largohet për 6 muaj, me shpresën se do të kthehet talenti i madh për të cilin Juventusi bëri luftë me Milanin me vitin 2017.

Marko Pjaca është një ndër talentet më të mëdhenj në Europë, por karriera e tij mori rrugën e gabuar pikerishtckur në verën e vitit 2016 firmosi për Juventusin. Në Torino kishte konkurrencë të frikshme dhe 22-vjeçari e pa vetëm gjithnjë e më shumë në stol dhe të stresuar nga presioni.

Më pas, erdhi edhe një dëmtim i rëndë që e ndali për një periudhë shumë të gjatë dhe tashmë Pjaca e ka të qartë se në Torino nuk ka të ardhme, të paktën jo nëse nuk luan rregullisht dhe kthehet ai i Dinamo Zagrebit.

Sot ka ardhur edhe lëvizja që konsiderohej e kryer prej ditësh, sepse sulmuesi i ri shkon në Gjermani, të Shalke. Huazim deri në verë, për 1 milion euro plus 500.000 euro bonus në rast se arrin objektivat e paracaktuar.