Piter Olajinka

VIDEO | Olajinka-Ejupi, dyshja “korçare” që tund rrjetat

Sport Ekspres — Sun, 17 Mar 2019 20:44:01 +0000

Verën e vitit 2013 iu bashkua Skënderbeut, por qëndroi te korçarët vetëm një muaj. Janë të shumtë ata që do të betoheshim që Muzafer Ejupi kurrë nuk ka qenë pjesë e bardhekuqve. Sulmuesi, pas një sezoni të më mirë me Shkëndijën, kishte realizuar 19 gola, bindi drejtuesit e Skënderbeut t’i ofronin një kontratë.

Gjithsesi marrëveshja u shkëput dhe sulmuesi u kthye në Maqedoni. 14 gola me Turnovo, pak muaj në Tajlandë dhe ishte Kroacia stacioni i radhës në karrierën e sulmuesit 30-vjeçar. Me Slaven Belupo spikati, duke shënuar 21 gola në një sezon e gjysmë. Më pas e bleu Osijeku dhe aty bëri mirë, derisa pati një dëmtim.

Së fundmi është rikthyer, teksa luajti 7 minuta kundër Lokomotivës së Zagrebit. Sot ai ka gjetur edhe golin e parë sezonal. Një realizim i bukur i sulmuesit, që mposhti portierin e Rijekës dhe hapi për momentin takimin, që Osijeku e humbi me rezultatin 3-1. Ejupi zëvendësoi Abazajn në të 76’ dhe gjashtë minuta më pas realizoi.

https://www.facebook.com/nkosijekfans/videos/311995062831959/

PITER OLAJINKA – Sulmuesi nigerian njihet nga të gjithë në vendin tonë. Në vendin tonë ka spikatur me Bylisin fillimisht dhe më pas u ble nga Skënderbeu. Korçarët më pas e shitën te Gent në Belgjikë dhe së fundmi është pjesë e Slavia Pragës në Çeki,

Pasi asistoi të enjten në takimin kundër Seviljes në Europa League, Olajinka këtë herë ka shënuar në kampionat. Tre minuta iu deshën sulmuesit të zhbllokonte takimin kundër Pribram, që u mbyll me rezultatin 0-2.

Miliona për Bylisin dhe Skënderbeun, Olajinka është një rekordmen te Slavia

Sport Ekspres — Mon, 23 Jul 2018 08:59:22 +0000

Peter Olajinka është pjesë e Slavias së Pragës, pasi u transferua nga Gent te klubi çek për shumën e 3.2 milionë eurove. Sulmuesi, i cili vjet spikati te Zulte Varegem me 11 gola dhe 15 asiste, u kthye në një dëshirë merkatoje për shumë klube, por nigeriani e kishte marrë vendimin e tij.

Slavia, që financohet nga kompani kineze, i kishte ofruar një kontratë mjaft të mirë dhe sulmuesi po shtynte që të mbyllej kjo marrëveshje. Gjatë kësaj periudhe ka pasur zëra të shumtë, teksa në një moment u raportua se çekët ishin tërhequr, pasi Gent kërkonte 8 milionë euro.

Gjithsesi dy ditë më parë nigeriani u shfaq në Pragë dhe pasi kaloi vizitat mjekësore nënshkroi deri në verën e vitit 2022. Sulmuesi, i cili ende nuk i ka mbushur 23 vjeç, ka hyrë në historinë e Slavias së Pragës, pasi është lojtari më i shtrenjtë që ata kanë blerë ndonjëherë.

Më parë nga rumunët e CSU Kraiova kishin blerë Aleksandër Baluta për shumën e 2.65 milionë eurove dhe rekordi mbahej prej tij. Nga transferimi i Olajinkës përfiton edhe Skënderbeu, që zotëronte një pjesë të kartonit të sulmuesit, por edhe Bylisi si klubi mëmë.

Olajinka te Slavia për 5 milionë euro? Çekët zbulojnë të vërtetën

Sport Ekspres — Tue, 03 Jul 2018 09:27:02 +0000

Piter Olayinka dhe Gent i kanë rrugët e ndara, pasi për sulmuesin nigerian kanë mbërritur oferta të shumta dhe sipas mediave në Belgjikë favoritë janë çekët e Slavias së Pragës. Thuhet se marrëveshja do të mbyllet mbi bazën e 5 milionë eurove, por në fakt ende nuk është konkretizuar asgjë. Nisur nga lajmet e shumta që e shohin Olajinkën pjesë të çekëve, ka ardhur edhe një reagim.

Jan Nezmar, drejtori sportiv i Slavias, ka folur në lidhje me tratativat dhe nuk e mohon se ish-sulmuesi i Skënderbeut është objektiv i tyre. “Olajinka është një nga lojtarët me të cilët po merremi, por asgjë nuk është mbyllur”, ka thënë mes të tjerash Nezmar për mediat në Çeki.

Olajinka dëshiron të rikthehet në Çeki, ku më parë është aktivizuar me Dukla Praha. Slavia i ka ofruar një pagë mjaft të lartë sulmuesit, kurse nga shitja e tij nuk përfiton vetëm Gent, por edhe Skënderbeu e Bylisi. Korçarët madje do të argëtojnë një shifër të majme nëse sulmuesi shitet për 5 milionë euro. Vjet Olajinka shkëlqeu te Zulte Varegem, teksa shënoi 11 gola dhe regjistroi 15 asiste.