Siç citon “Il Matino”, Napoli dëshiron të ndryshojë klauzolat e largimit të lojtarëve dhe për mesfushorin polak pritet të vendoset një klauzolë prej 150 milionë eurosh, ndërsa për mbrojtësin shkodran vazhdojnë bisedimet për të vendosur një klauzolë të shtrenjtë, që do të parandalojë largimin e Hysajt nga ekipi.

Klubi vazhdon punën dhe bisedimet për rinovimin me dy 24-vjeçarët dhe shumë shpejt mund të arrihen marrëveshjet e kontratave të reja për mbrojtësin e Shqipërisë dhe mesfushorit të Polonisë.

Polaku i mesfushës është një lojtar me kualitet dhe sivjet e ka nisur në mënyrë të shkëlqyer. Ançeloti i ka ndërruar pozicionin kapitenit Hamshik duke e rikthyer para mbrojtjes. Diçka e tillë i jep më liri dhe hapësira Zielinskit, i cili ka treguar cilësitë e tij në këto dy ndeshjet e para, ku shënoi dhe një dopietë përballë Milanit.

De Laurentis është takuar me drejtorin sportiv Kristiano Xhuntoli për të përgatitur ofertën e re për 24-vjeçarin. Siç citon “Gazzetta dello Sport”, Zielinskin e pret një rinovim deri në vitin 2023 dhe klauzola e largimit të tij do të rritet nga 65 milionë euro në 100 milionë euro. Rritje do të ketë dhe për rrogën e lojtarit, që do të shkojë në 2 milionë euro në sezon.

Drejtuesit e Napolit do të takohen shumë shpejt me menaxherin e polakut për t’i paraqitur marrëveshjen e re, që do e mbante lojtarin e momentin dhe për pesë vite të tjera në ekip.