Pikford

VIDEO: Penalltia më e bukur në Angli-Zvicër, e shënon një portier

Sport Ekspres — Sun, 09 Jun 2019 16:51:11 +0000

Anglia dhe Zvicra u përballën sot kundër njëra-tjetrës, sfidë e vlefshme për vendin e tretë në UEFA Nations League. Gjatë 90 minutave, rastet ishin pafund, sidomos për Anglinë, por goli mungoi dhe skuadrat iu drejtuan shtesave.

As gjatë 30 minutave shtesë, nuk pati gol, me Pikford dhe Somer që ndaluan gjithçka dhe mbajtën rrjetat e paprekura. Si pasojë, skuadra iu drejtuan penalltive. Në pesë penalltitë e para, asnjëra nga skuadrat nuk gaboi, por në penalltitë vendimtare, Durmiç gaboi për Zvicrën dhe Anglia u rendit e treta.

Penalltia më e bukur ishte padiskutim ajo e portierit të Anglisë dhe Evertonit, Xhordan Pikford. Numri një i “Tre Luanëve” nuk kishte aspak frikë të godasë, madje shënoi një penallti perfekte, duke mposhtur kolegun Somer.

WATCH:

Switzerland v England penalties in full in less than 200 seconds!

Including Jordan Pickford’s penalty! ?#SUIENG #NationsLeague #VMSport pic.twitter.com/e5zh9JFDEu

— Virgin Media Sport (@VMSportIE) June 9, 2019

VIDEO | Anglia largohet me kokën lart, Zvicra e pafuqishme

Sport Ekspres — Sun, 09 Jun 2019 15:55:29 +0000

Vendi i tretë i fazës finale të “Nations League” i takon përfaqësueses angleze. “Tri Luanët” mundën Zvicrën dhe tanimë mund të ngushëllohen me medaljet e bronzta. Anglia ishte skuadra më dominuese përgjatë të gjithë takimit. “Tri Luanët” goditën 7 herë kuadratin e mbrojtur nga Jan Somer, por pa mundur të shënojnë.

Pak minuta para fundit Kalum Uilson shtyn topin drejt rrjetës, por festën e anglezëve e ndal sërish sistemi “VAR”, që pikas një faull ndaj mbrojtësit zviceran Akanzhi.Koha shtesë nuk prodhoi goli pavarësisht përpjekjeve të vazhdueshme të palës angleze. Në fund skuadrat u detyruan t’ia besonin verdiktin e takimit, “lotarisë” së 11-metërshave.

Asnjë prej skuadrave nuk gaboi në pesë penalltitë e para, por në tentativën e gjashtë të zviceranëve Pikford bëri heroi duke pritur 11-metërshin e Josip Dërmiç.

ANGLI 0 – 0 ZVICËR
(Penallti 6 – 5)

Portieri i Evertonit protagonist në sherr, reagon trajneri i tij

Sport Ekspres — Sat, 06 Apr 2019 07:00:45 +0000

Trajneri i Evertonit, Marko Silva ka reaguar në lidhje me sherrin që Xhordaj Pikford bëri në dalje të një restoranti disa ditë më parë. Portieri i Evertonin dhe i kombëtares angleze u godit dhe u përfshi në një zënkë me disa djem të tjerë dhe pamjet filmike u shpërndanë kudo në rrjet. Për këtë incident, Silva tha:

“Biseda e parë që bëmë më tha që ka kuptuar se ka gabuar dhe ka mësuar. Mendoj se ishte e qartë në mendjen e tij se çfarë kishte ndodhur dhe jam i bindur që nuk do të përsëritet më. Xhordan i di përgjegjësitë e tij kundrejt klubit dhe imazhit të tij. Unë i thashë se futbollistët shpeshherë provokohen, por duhet të ruhen nga gjithçka, cilado qoftë situata.

Incidenti ka ndodhur në ditën e tij të pushimit, nuk ishte diçka që më pëlqeu. Do të luajmë në fundjavë dhe ai ka punuar së bashku me pjesën tjetër të skuadrës dhe do të jetë gati. Sezoni nuk ka mbaruar ende”, përfundoi Silva.

VIDEO | “Mjeshtri” Pikford, Anglia duhet t’i besojë goditjet nga këndi!

Sport Ekspres — Thu, 15 Nov 2018 09:13:01 +0000

Xhordan Pikford mori vëmendjen e të gjithëve në Kupën e Botës, teksa me Anglinë e tij bëri paraqitje mbresëlënëse, duke e ndihmuar përfaqësuesen e “Tre Luanëve” që të shkonte deri në gjysmëfinale. Pikford fitoi simpatinë e të gjithëve, por duket se ai jo vetëm që ka aftësi mahnitëse në portë, por dhe nuhatjen e një lojtari goli.

Në përfundim të seancës së pardjeshme stërvitore, Pikford ka parë një top në goditjen e këndit dhe pa u menduar dy herë e ka goditur, duke realizuar një gol të mrekullueshëm direkt nga goditja e këndit. E veçantë, pasi edhe lojtarët e reparteve ofensive do u duhet që të bëjnë pak llogari për të qenë aq preciz. Pikford jo!

Ai është një portier dhe nuk mund të largohet nga zona, por trajneri duhet ta marrë në konsideratë ndonjëherë kur skuadra të jetë në vështirësi që ta shtojë forcën sulmuese.

? pic.twitter.com/9tl8j1FFuG

— England (@England) November 14, 2018

Pikford: Nuk e mendova në asnjë moment interesimin e Çelsit

Sport Ekspres — Thu, 27 Sep 2018 16:26:02 +0000

Kur panë që në portën e Anglisë ishte një djalë me emrin Xhordan Pikford një p[jesh e madhe e njerëzve e vunë në pikëpyetje këtë zgjedhje të trajnerit Sourthgejt, por 24-vjeçari me aftësitë e tij i bindi të gjithë që jo më kot i ishte besuar katërkëndëshi i “Tre Luanëve”. Paraqitjet në Kupën e Botës nuk kishin si të kalon pa u vënë re dhe nga skuadrat më me zë, pasi falë pritjeve të Pikford anglezët ëndërruan dhe trofeun.

Çelsi ishte një nga skuadrat që shfaqi interes për lojtarin “gardianin”, por më pas vendosi që të “peshkonte” në Spanjë. Vetë lojtari në fjalë tregon se nuk i kishte menduar asnjëherë zërat që e lidhnin me skuadrën nga Londra, pasi beson se ky ishte çelësi i suksesit që e çoi deri aty sa të mbronte dhe portën e Kombëtares.

“Unë nuk mund të merrem me çfarë thuhet. Detyra me është që të grushtoj topat që vijnë në zonën time dhe të përqendrohem në lojës, edhe kur ka spekulime. Unë kështu bëj gjithnjë. Unë kisha kontratë me Evertonin dhe e dija diçka të tillë, ndaj nuk kam menduar asgjë tjetër. Pas ardhjes këtu, me punë dhe shumë përkushtim arrita deri aty sa të isha numri 1 i Kombëtares së Anglisë dhe ishte diçka shumë e mrekullueshme”.

“Tani duhet të bëjë sërish para, pasi do të jetë mirë për mua, për skuadrën dhe për Anglinë. Konkurrenca është e fortë në Kombëtare dhe të bën mirë. Kemi shumë lojtarë në çdo pozicion, dhe ka shanse që një lojtar që është në këtë grumbullim mos të jetë në grumbullimin e ardhshëm. Duke u përmirësuar grupi, do të përmirësohem dhe unë si individ”.