Pike

Para dhe njohje, Pike ngjit klubin e tij një kategori më lart

Sport Ekspres — Mon, 29 Jul 2019 13:56:54 +0000

Zherard Pike bleu disa muaj më parë klubin e tij të parë. “FC Andorra” një klub amator që militonte në nivelin e katërt të piramidës së futbollit spanjoll. Futbollisti i njohur ka përdorur njohjet dhe resurset financiare për të kaluar skuadrën e tij nga divizioni i katërt në të tretin.

FC Andorra është përzgjedhur nga federata spanjolle si skuadra që do të zëvendësojë klubin e falimentuar SD Reus në Grupin B të Segunda Division (divizioni i tretë).

Federata ka argumentuar këtë vendim me faktin se skuadra e Pike plotësonte më së miri kriteret e vendosura, por arsyeja kryesore ishte fakti që klubi pagoi një shumë prej 450 mijë eurosh për të siguruar ngjitjen e menjëhershme në këtë kategori, procedurë kjo e gjitha ligjore.

Pike synon ta ngjisë ekipin e tij në Segunda Division dhe për këtë ka mbledhur në ekip një grup lojtarësh cilësorë dhe me eksperiencë.

Zyrtare | Zherard Pike bëhet me klub të ri

Sport Ekspres — Sun, 28 Jul 2019 10:08:25 +0000

Zherard Pike nuk është vetëm një lojtar i zoti, por edhe një biznesmen që guxon dhe fiton. Spanjolli është aktualisht pronar i Andorra CF, klub që aktivizohet në Segunda Divizion. Por Pike nuk ndalet me kaq.

Ai, nëpërmjet kompanisë së tij “Kosmos”, është bërë pronar i një tjetër klubi. Gimnàstic Manresa do të ketë president katalanasin që nga tani e tutje. Ai ka fituar garën mes disa biznesmenëve të tjerë.

Pike ka premtuar se brenda pesë viteve do e pajisë klubin me ambiente të përshtatshme. Gimnàstic Manresa do të ketë rolin e “fabrikës” së talenteve, që më pas do të integrohen në klubin e Andorra CF.

Të pakalueshëm dhe të frikshëm, mbrojtësit të fitojnë tituj

Sport Ekspres — Sat, 20 Jul 2019 16:38:57 +0000

Edhe pse Zhoze Murinjo është një person i polemikave dhe i fjalëve ndonjëherë të thëna në nerva e sipër, një shprehje e portugezit i ka dhënë shumë futbollit dhe mbahet mend ende dhe sot e kësaj dite: “Sulmi të fiton ndeshje, mbrojtja të fiton tituj”. Vështirë për të thënë se kjo është një shprehje origjinale e portugezit ose e huazuar, por një gjë është e sigurt: Kjo shprehje qëndron!

Shumë klube shpenzojnë shifra të çmendura për të transferuar sulmues, por në vitet e fundit, skuadrat kanë filluar të paguajnë shifra faraonike dhe për mbrojtës. Gjithçka nisi me Van Dijk, më pas me Lenglet, Laporte, Stones e së fundmi Manolas e De Ligt.

Ekipet në Europë janë përforcuar ndjeshëm në prapavijë, me Liverpulin që ka mbrojtësin më të mirë në botë të momentit, me Napolin që ka bashkuar Kulibali me Manolas, me Juventusin që siguroi firmën e De Ligt dhe me Barcelonën që vazhdon të mos ketë probleme në prapavijë me dyshën Pike-Lengle. Më poshtë, janë dhe ekipet me dyshen e qendrës së mbrojtjes më të mirë në Europë.

1 – Juventus (De Ligt – Bonuci)

2 – Napoli (Kulibali – Manolas)

3 – Barcelona (Pike – Lenglet)

5 – Real Madrid (Ramos – Varan)

Pike: Ja pse humbëm në Liverpul, jo çdo gjë është në dorën tonë

Sport Ekspres — Sat, 25 May 2019 08:18:56 +0000

Zherard Pike, bashkë me Mesin kanë dalë në konferencën për shtyp përpara finales së Kupës së Mbretit ndaj Valencias. Pyetjet e gazetarëve më shumë se te ndeshja e nesërme kanë qenë të fikusuara te disfata e Liverpulit. Mbrojtësi është shprehur se Barcelona dëshiron të dominojë lojën, por kjo nuk bëhet gjithmonë. Ai deklaron se “The Reds” u treguan dominues dhe nuk e lanë skuadrën blaugrana të dalë në lojën e saj. Këtë ndeshje e cilëson si përvojën më të vështirë në karrierë.

“Ajo disfatë është një nga përvojat më të këqija që kam pasur si futbollist. Ne përpiqemi të luajmë me stilin e Barçës. Ndonjëherë është e lehtë, e nganjëherë e vështirë. Nuk varet vetëm nga ne, por edhe nga loja e kundërshtarit që ke përballë.”

”Ka raste, si në ‘Anfield’, kur nuk mund ta kesh topin dhe detyrohesh të luash ndryshe. Lojtarët, që mund të kesh në dispozicion janë të ndryshëm. Dëshira jonë është të bëjmë gjithmonë lojën tonë, ndaj Liverpulit nuk arritëm dhe prandaj humbëm”, përfundoi zëvendës kapiteni i Barcelonës.

Vizionari Pike: Së shpejti do blej një klub, dua të krijoj një kampionat të ri

Sport Ekspres — Fri, 23 Nov 2018 19:44:34 +0000

Zherard Pike nuk është vetëm një futbollist i suksesshëm, por edhe një biznesmen tejet i zoti, të paktën deri më tani. Katalanasi është një ndër aksionerët më të mëdhenj të një kompanie televizive që për momentin operon në sportin e tenisit.

Lobimi i kompanisë së Pikesë bariu që Kupa Dejvis të ndryshonte formatin e saj pas disa dekadash. Në një intervistë me medien franceze “L’Equipe”, 31-vjeçarin shprehu dëshirën që në të ardhmen t’i shtrinte investimet e tij dhe në industrinë e futbollit.

“Jam duke punuar për dy projekte të ndryshme. I pari është që të blej një klub, fatkeqësisht nuk mund t’u jap më shumë detaje mbi këtë gjë. Projekti i dytë është shumë më ambicioz. Dua të krijoj një kampionat të ri, ose të ndryshoj rrënjësisht një ndër kampionatet ekzistuese”, tha mbrojtësi i Barcelonës.

Dhimbje koke për Barcelonën, mbetet me vetëm 2 qendërmbrojtës

Sport Ekspres — Mon, 15 Oct 2018 12:18:22 +0000

Barcelona ka marrë dhe një tjetër lajm të rëndë, teksa Tomas Vermale do të mungojë rreth 6 javë. Në këtë mënyrë Vermale i bashkohet kolegut të repartit, Samuel Umtiti, i cili gjithashtu është i dëmtuar. Diçka të tillë e ka njoftuar vetë klubi, përmes një postimi ku ka bërë me dije se lojtari ka pësuar një dëmtim bicepsin e këmbës së tij të djathtë dhe nuk do të jetë i gatshëm deri në fundin e muajit të ardhshëm.

Një lajm i keq për blaugranat të cilët duhet të bëjnë vetëm me Pikenë dhe Lenglet. Tashmë të gjithë tifozët e Barçës dhe drejtuesit urojnë që të mos ketë më dëmtime në këtë repart, por dhe vetë lojtarët duhet të jenë të kujdesshëm për të evituar kartonë, pasi në të kundërt situata do të ishte vërtetë e vështirë.

Kalendari i Barcelonës është mjaft i ashpër, pasi në tetë ditë do të jenë vizitorë në “Camp Nou”, Sevilja, Interi dhe reali i Madridit. Ernesto Valverde duhet të ketë dhe pak fat me vete, pasi një tjetër dëmtim apo pezullim do e bënte akoma më shumë me dhimbje koke.