Pietro Pelegri

FOTOGALERI| Champions nis rrugëtimin,ja 10 talentet më premtues

Sport Ekspres — Tue, 18 Sep 2018 19:55:08 +0000

Sot nis kompeticioni më prestigjioz për klube në Evropë. Pikërisht “Uefa Champions League”, ngre siparin për të kurorëzuar kampionen e kontinentit të vjetër. Ajo që bie në sy është numri i lartë i talenteve që priten të shpërthejnë. Më poshtë kemi paraqitur një listë të të rinjve të cilët pritet të “vjedhin” skenën.

[Best_Wordpress_Gallery id=”161″ gal_title=”Talentet Champions””]

Italia humbet menjëherë sulmuesin, Pelegri “ngec” në testet mjekësore!

Sport Ekspres — Mon, 03 Sep 2018 16:44:33 +0000

Pietro Pelegri ishte një nga afrimet surprizë të Roberto Mançinit në kombëtaren e Italisë, por 17-vjeçarit do i duhet ta shtyjë debutimin e tij me të kaltrit. Sulmuesi i Monakos është kthyer në Francë, mbas kryerjes së testeve mjekësore në Koverçiano, që zbuluan një dëmtim të Pelegrit, i cili është i padisponueshëm për të luajtur në ndeshjet përballë Polonisë dhe Portugalisë.

Lojtari pësoi një dëmtim në minutat e fundit të ndeshjes së mbrëmshme kundër Marsejës dhe mjekët e kombëtares nuk kanë dashur të rrezikojnë. Sulmuesit të ekipit nga Principata, njëkohësisht një lojtar, i cili ka thyer shumë rekorde që në këtë moshë, i zgjati fare pak gëzimi i grumbullimit për herë të parë në kombëtare, ndërsa tani do i duhet të rikuperohet plotësisht për të qenë i gatshëm për klubin e tij dhe kombëtaren.

Pelegri u transferua në Liga 1 në janar (pa i mbushur akoma 17-vjeç) dhe Monako pagoi 31 milionë euro për kartonin e tij te Xhenoa. Ai shihet si një nga talentët më premtues të futbollit italian dhe Roberto Mançini tregoi se beson shumë te ai. Megjithatë, Pelegri është i ri dhe do të ketë kohë për të debutuar me kombëtaren e Italisë.

VIDEO | Pietro Pelegri, djaloshi i rekordeve të pabesueshme!

Sport Ekspres — Sun, 26 Aug 2018 18:01:50 +0000

Pietro Pelegri është vetëm 17 vjeç, por sulmuesi i Monakos ka thyer disa rekorde që në fillimet e karrierës së tij. Në janar të këtij viti, Pelegri (pa i mbushur akoma 17 vjeç) u transferua nga Xhenoa te Monako për shifrën e 31 milionë eurove. Italiani pësoi një dëmtim të rëndë, që e mbajti larg fushave për një periudhë të gjatë, por sot është rikthyer… me gol.

Monako humbi ndeshjen me Bordo me rezultatin 2-1, ndërsa Pelegri barazoi rezultatin përkohësisht në minutën e 63’. Me këtë gol, ai bëhet shënuesi i dytë më i ri në historinë e futbollit francez në moshën 17 vjeç, 5 muaj dhe 9 ditë. Sipër tij ndodhet një “mostër” si Kilian Mbape, i cili ka qenë vetëm 4 muaj më i ri se italiani kur shënoi golin e parë në Liga 1.

Pelegri debutoi me Xhenoan në Serinë A në moshën 15 vjeçare, duke u bërë lojtari më i ri debutues në 40 vitet e fundit për klubin më të vjetër në Itali dhe duke barazuar rekordin e Amedeit si debutuesi më i ri në historinë e futbollit italian.

Në ndeshjen e tij të dytë në Serinë A, Pelegri gjeti golin në “Olimpico”, duke u bërë shënuesi i tretë më i ri në futbollin italian, mbas Amedeo Amedeit dhe Xhani Riverës. Goli i shënuar përballë Romës, përkonte me ndeshjen e lamtumirës së një legjende si Françesko Toti.

Pelegri nuk u ndal dhe në ndeshjen përballë Lacios, zhvilluar 17 shtatorin e vitit të kaluar, ai shënoi një dopietë duke u bërë futbollisti i parë i lindur në shekullin e ri, i cili shënon më shumë se një gol brenda ndeshjes. Rekordi nuk i përkiste më futbollit italian, por gjithë kampionateve kryesore të Europës.

Me Monakon, ai theu një tjetër rekord në ndeshjen e tij të parë. Pelegri debutoi në fund të shkurtit të këtij viti në ndeshjen e fituar përballë Dizhonit. Rekordi i përkiste Mbapesë, i cili kishte debutuar në Liga 1 në moshën 16 vjeç e 347 ditë, ndërsa Pelegri ishte 16 vjeç e 336 ditë, pra vetëm 11-të ditë më i ri.

E ardhmja e sulmuesit italian është e ndritur dhe Monako ka në duar një yll të vërtetë, i cili është gati për të thyer të tjera rekorde, edhe pse ai e ka shkruar emrin e tij në historinë e futbollit.