Piero Auzilio

Takim në Kinë, Konte flet “troç” me drejtuesit

Sport Ekspres — Tue, 23 Jul 2019 13:24:33 +0000

Antonio Konte është nga ata trajnerë që të vendosin kushte. Italiani sheh nga ana tjetër, në Torino, që kanë shpërthyer në blerje dhe tenton të marrë situatën në dorë te kampi i tij. Siç raportojnë mediet përtej Adriatikut, tekniku ka pasur një takim kokë më kokë me të gjithë drejtuesit, duke përfshirë drejtorët sportiv, Marota dhe Auzilio dhe presidentin Zhang.
Në bisedë Konte ja ka bërë të qartë eprorëve se dëshiron prurje të reja për të ndërtuar një skuadër më kompetitive. Drejtuesit nga ana e tyre mundohen të tregohen të kujdësshëm dhe para se t’i përmbushin “tekat” trajnerit, zgjedhin të studiojnë bilancet financiare.

Në një intervistë, Marota u shpreh se shtë dakort me trajnerin, por nuk premton investime të shtrenjta. ”Tregu nuk ka ardhur ende në jetë. Do veprojmë në qetësi, duke respektuar ekuilibrin financiar. Po kërkojmë studiojmë dy tipe lojtarësh, një me përvojë dhe një të ri”, deklaroi drejtori i përgjithshëm zikaltër.

Auzilio i kthehet Uandas: Negociatat nuk zhvillohen nga televizioni

Sport Ekspres — Tue, 18 Dec 2018 18:32:50 +0000

Rinovimi i Ikardit është kthyer në një çështje serioze tek Interi. Drejtuesit e klubit zikaltër i druhen klauzolës prej 110 milionë eurosh në kontratën aktuale të argjentinasit. Drejtori sportiv Piero Auzilio, ka hedhur dritë për këtë çështje, ndërsa nuk ka harruar të ngacmojë gruan dhe agjentin e lojtarit, Uanda Nara, që pak ditë më parë deklaroi se rinovimi është ende shumë larg.

“Nga ana e klubit kemi mbajtur të njëjtin qëndrim gjatë të gjithë muajve të fundit. Mjafton të shikoni deklarata e mija dhe të trajnerit. Jemi shumë të gëzuar me sjelljen e lojtarit dhe me çfarë ai po jep në fushë. Ikardi është një kapiten që di të marrë përgjegjësitë, ai nuk ka frikë nga asgjë”.

SITUATA E NEGOCIATAVE – “Dy vite pas rinovimit të kaluar, po tentojmë të arrijmë në një marrëveshje të re. Kemi dërguar prej dy muajsh një propozim, por për momentin nuk është pranuar, por kjo nuk do të thotë se nuk mund të bëjmë më e shumë. E përsëris, nga ana jonë kemi vullnetin e plotë që të vazhdojmë negociatat për të arritur në një marrëveshje përfundimtare. Por, unë dhe klubi i Interit diskutojmë vetëm në zyrat e klubit dhe jo nëpërmjet televizioneve dhe rrjeteve sociale “, tha zyrtari i klubit zikaltër.

Milani bleu talentin brazilian, Auzilio: Përgjigjemi në janar

Sport Ekspres — Fri, 12 Oct 2018 09:44:17 +0000

Drejtori sportiv i Interit, Piero Auzilio ka folur për “Sky Sport”, gjatë promovimit të librit “Mjeku i futbollit”, të doktorit të zikaltërve Piero Volpi. Auzilio ka prekur tema të ndryshme, duke filluar nga derbi i Milanos, e deri tek lojtarë të ndryshëm të ekipit dhe kontratat e tyre.

DERBI – “Inter është i vetëdijshëm për punën që duhet të bëjë. Vitin e kaluar kishim objektiv kualifikimin në Champions dhe ia dolëm. Po i shijojmë në maksimum të gjithë kompeticionet. Skuadra e javëve të fundit është baza për ndërtimin e një skuadre më të fortë në të ardhmen. Kemi 6-7 lojtarë të rinj dhe ishte normale të hasnim vështirësi në fillim. Po përmirësohemi dhe po e shfaqim kualitetin e kontingjentit. Duam të bëjmë gjithmonë e më mirë, duke filluar që nga derbi me Milan.”

KARAKTERI I SKUADRËS – “Ky Inter ka karakter, por jo vetëm. Me karakter arrihen gjëra të mira, por nevojitet dhe cilësia dhe mendoj që Inter e ka shfaqur në ndeshjet e fundit. Nuk arrihet fitorja vetëm me vendosmëri, por ne e kemi atë, ta mbajmë mirë dhe të përmirësohemi më shumë.”

BROZOVIÇ, D’AMBROZIO, VËRSALJKO – “Kanë qëndruar këtu për të punuar dhe për t’u kthyer në formë. Për Vërsaljkon kemi patur një bashkëpunim të mirë me Kroacinë. Brozoviç po rikuperohet, ndërsa D’Ambrozio ka probleme me gjurin, por nuk është asgjë serioze. Lojtari do të jetë në dispozicion të Spaletit për ndeshjen derbi.”

KEITA BALDE – “Të gjithë lojtarët mund të përmirësohen, nuk është një çështje individësh. Lojtari mori pjesë në Botëror dhe i duhet kohë për të gjetur formën më të mirë. Keita u bashkua me ne në ditët e fundit të merkatos dhe nuk ishte në gjendjen më të mirë. Jam i bindur që do të rezultojë një blerje e shkëlqyer, sepse ka shumë cilësi.”

RINOVIMI I IKARDIT – “Ne duam të rinovojmë kontratën me kapitenin tonë, por nevojitet bashkëpunim. Ai ka dhe tre vite kontratë me ne, kështu që nuk kemi nevojë të nxitohemi. Gjërat mund të bëhen brenda ditësh, ose brenda muajsh.”

PAKETA TE MILAN – “Jemi në fazën e monitorimit të lojtarëve të ndryshëm. Do të jemi gati të përforcojmë skuadrën në vitin 2019. Shoqëria është shumë e ndjeshme dhe e gatshme në këtë sens.”

BROZOVIÇ-MODRIÇ – “Pothuajse e kemi mbyllur me rinovimin e Brozoviç. Sa i përket Lukës, është e pamundur ta blejmë në janar. Po shohim për ndonjë afrim me parametër zero dhe e dimë ku të kërkojmë. Gjëja më e rëndësishme për merkaton e ardhshme është cilësia dhe aty do kërkojmë të përforcohemi.”