Pickford

VIDEO | Anglia largohet me kokën lart, Zvicra e pafuqishme

Sport Ekspres — Sun, 09 Jun 2019 15:55:29 +0000

Vendi i tretë i fazës finale të “Nations League” i takon përfaqësueses angleze. “Tri Luanët” mundën Zvicrën dhe tanimë mund të ngushëllohen me medaljet e bronzta. Anglia ishte skuadra më dominuese përgjatë të gjithë takimit. “Tri Luanët” goditën 7 herë kuadratin e mbrojtur nga Jan Somer, por pa mundur të shënojnë.

Pak minuta para fundit Kalum Uilson shtyn topin drejt rrjetës, por festën e anglezëve e ndal sërish sistemi “VAR”, që pikas një faull ndaj mbrojtësit zviceran Akanzhi.Koha shtesë nuk prodhoi goli pavarësisht përpjekjeve të vazhdueshme të palës angleze. Në fund skuadrat u detyruan t’ia besonin verdiktin e takimit, “lotarisë” së 11-metërshave.

Asnjë prej skuadrave nuk gaboi në pesë penalltitë e para, por në tentativën e gjashtë të zviceranëve Pikford bëri heroi duke pritur 11-metërshin e Josip Dërmiç.

ANGLI 0 – 0 ZVICËR
(Penallti 6 – 5)

Everton mesazh ekipeve “big”, rinovon me yllin e skuadrës

Sport Ekspres — Wed, 26 Sep 2018 18:36:32 +0000

Xhordan Pikford ishte një ndër pikat më të forta të kombëtares angleze në Botërorin e Rusisë. 24-vjeçari bëri paraqitje mbresëlënëse dhe u kërkua me ngulm nga ekipet më të mëdha në Evropë. Çelsi ishte skuadra që ngulmoi më së shumti për shërbimet e portierit, por asgjë nuk arriti të konkretizohej.

Gjithsesi, Everton padyshim nuk mund të qëndronte duarkryq dhe i ka ofruar rinovimin e kontratës portierit anglez duke e shndërruar kështu në një ndër futbollistët më të paguar në klub. Marrëveshja është gjetur pikërisht ditën e sotme, ku portieri ka firmosur kontratën që e mban të lidhur me klubin e Everton deri në vitin 2024.

Një shenjë që Everton i bën të qartë klubeve të mëdha që interesoheshin për Pikford, se do të jetë e vështirë që ekipi nga “Merseyside” të privohet nga portieri i talentuar i kombëtares së “3 luanëve”.

Rekord anglez, portieri i Sandërlendit bëhet më i shtrenjti në histori

Sport Ekspres — Thu, 15 Jun 2017 19:20:12 +0000

Me 30 milionë sterlina, rreth 35 milionë euro, para disa vitesh blije ndonjë si Bufon, sa për të përmendur një emër çfarëdo. Ndoshta edhe ndonjë si Donaruma, deri para disa muajsh.

Tani? Ose portierët po zhduken, ose paraja nuk ka më vlerë. Nuk ka si shpjegohet ndryshe transferimi i portierit anglez Xhordan Pikford nga Sandërlendi tek Evertoni, për një shifër të tillë (25 milionë në dorë, 5 milionë bonuse). Portieri më i shtrenjtë në historinë e futbollit anglez!

23 vjeç, Pikford debutoi dhe shkëlqeu te Sandërlendi sezonin e fundit. E luajti ndeshjen e parë në Premier Ligë në janar, si pa dashje, por rezultoi zbulim. Është titullar i Anglisë U-21, që do të marrë pjesë në Europian javët e ardhshme.

Megjithatë, një shifër e tillë tregon çmendurinë që ka kapur futbollin anglez, ku milionat pa fund nga e drejta televizive dhe reklamat ua ka veshur sytë klubeve, që realisht shpenzojnë sa e gjithë Europa, por trofetë europianë i shohin të shkojnë në Spanjë kryesisht.

Evertoni ka një pronar të ri dhe ka plane ambicioze, por duket se ka zgjedhur rrugën e gabuar për të tronditur Premier Ligën, pasi ato para mund të shkonin për të gjetur zëvendësin ideal të Lukakut, i cili pret të shkojë te Çelsi.