27-vjeçari nuk arriti të tregonte kurrë potencialin e madh që zotëron gjatë një viti e gjysmë te Barcelona dhe Radio Catalunya raporton se lojtari ofensiv do të largohet këtë muaj.

PSG, Arsenal, Mançester Junajtid dhe Liverpul interesohen për Kutinjon, por ka një problem. Barça kërkon 27 milionë euro për huazimin një-vjeçar të lojtarit dhe minimalisht 110 milionë euro për shitjen e tij të plotë.

Arsenali ka nisur negociatat dhe duket klubi më i interesuar, por kërkesa e lartë e huazimit ka shtangur edhe topçinjtë.

Ish-lojtari i Liverpulit është tentuar edhe më parë nga kampionët e Francës, që tashmë mund ta bëjnë tyrin. Edhe vetë Kutinjo e di që te Barcelona nuk do të ketë vend dhe normalisht largimi është opsioni më i mirë.

Kutinjo po tregon një formë të mirë me Brazilin në Copa America dhe te PSG janë të bindur se braziliani mund t’u bëjë punë. Ata kanë biseduar edhe me përfaqësuesin e lojtarit dhe momentalisht ka një “po”. Francezët do të dilnin të fituar nga kjo marrëveshje.

Nejmar nuk dëshiron të qëndroje te PSG dhe kundër vullnetit të tij do ishte e kotë ta mbanin. Nga ana tjetër duhen arkëtuar të ardhura për të shmangur problemet me rregullat e FFP. Veç Kutinjos, francezët do të merrnin edhe një shifër të konsiderueshme (më pak se  200 milionë euro) dhe kështu do të mbanin Mbape në ekip.

Kampionati mungon prej vitit 1990 dhe djemtë e Klop do të bëjnë maksimumin për t’ia dalë. Sipas “Le10Sport”, trajneri gjerman po insiston të rikthejë Filip Kutinjon në Anfield. Braziliani u largua nga Liverpuli te Barcelona janarin e vitit 2018, por nuk u përshtat kurrë te kampionët e Spanjës.

27-vjeçari është gati të rikthehet aty ku “shpërtheu”. Barcelona mund ta bëjë Kutinjon pjesë të marrëveshjes së rikthimit të Nejmar në Katalunjë. Nëse nuk ndodh diçka e tillë, Liverpuli do të hidhej në sulm për ta rikthyer përsëri në ekip, aty ku Kutinjo kaloi pesë sezone të bukura.

Presidenti Al Kelaifi nga ana e tij mundohet ta frenojë këtë largim nëpërmjet një kontrate faraonike. Por Nejmar e ka humbur urinë për para dhe qëllimi i tij i vetëm është të shpëtojë karrierën e tij. Barcelona po e ndjek me kujdes situatën e brazilianit. Ata nuk e duan një përplasje më shumë me klubin parizien dhe presin që këtë çështje ta zgjidhë vetë lojtari.

Largimi i Nejmar mbështetet nga trajneri Tomas Tuhel. Ky i fundit ka mbetur i pakënaqur nga sjellja jokorrekte e 27-vjeçarit dhe pritet të shtyjë klubin ta lërë të lirë. Kutinjo shihet si zëvendësuesi ideal për O’Ney. Një ndërrim kokë më kokë do të ishte zgjidhja më e lehtë.

Sipas “Mundo Deportivo”, Çelsi, Mançester Junajtid dhe PSG janë vënë në vijën e startit për të sfiduar njëri-tjetrin në garën për të rrëmbyer xhevahirin brazilian. Londinezët e duan për të zëvendësuar Hazard. Megjithatë, blutë së pari duhet të shpresojnë që UEFA t’i lejojë të bëjnë merkato këtë verë.

BOOM! Manchester United, Chelsea and PSG have all contacted Barcelona for Coutinho, according to tomorrow Mundo Deportivo

— Tancredi Palmeri (@tancredipalmeri) May 29, 2019

Junajtid i ka financat për ta sjellë në “Old Trafford”. Kutinjo do të merrtë menjëherë figurën e liderit te “Djajtë e Kuq”. Megjithatë duhet të llogarisë faktin se vitin e ardhshëm duhet të luajë në Europa League.

PSG është një destinacion ideal për Kutinjon. Një bashkim me Nejmar do të formonte nje dyshe fantastike. Kujtojmë lajmet që pretendonin se Nejmar është munduar ta bindë brazilianin të vijë në “Parc De Princes”. Marrëdhëniet jo të mira të dy klubeve pritet ta ngadalësojnë këtë transferim.

I vetmi që ka kapur shifrën e 20 golave në “Camp Nou” është Luiz Suarez. Megjithatë uruguajani ndaj Liverpulit shënoi golin e parë në Champions për këtë sezon pas plot një viti, kundër të njëjtit portier, Alison.

Problemi më i madh te Barcelona është Filipe Kutinjo. Braziliani regjistron performanca nën mesatare ndeshje pas ndeshje. Nuk e gjen veteveten, madje as nuk i afrohet asaj që ka bërë në Liverpul.

Kutinjo gjatë këtij sezoni ka shënuar pesë  gola dhe ka asistuar vetëm dy herë. Shifra gati të njëjta me të ka një mbrojtës, pikërisht Zherard Pike. Spanjolli ka vetëm një gol më pak se braziliani dhe numër të njëjtë asistimesh me të.

26-vjeçari i Seleçaos, që konsiderohet një nga mesfushorët ofensiv më të mirë të globit shënon sa mbrojtësi i qendrës. 142 milionë euro ka shpenzuar Barcelona për ta sjellë në “Camp Nou”. A ja vlejnë paratë e derdhura? Me këto shifra sigurisht që jo.

Kutinjo në të shumtën e rasteve është aktivizuar në sulm me Mesin dhe Suarezin. Edhe në këtë rol Dembele ka bërë më mirë me dinamikën dhe shpejtësinë e tij. Kështu braziliani ka ngrohur stolin në të shumtën e rasteve. Prej gjithë kësaj situate e ardhmja e Kutinjos në Barcelonë është në diskutim.

Sipas spanjolles “El Confidencial” ka pasur një takim midis agjentit të lojtarit dhe drejtuesve katalanas për të qartësuar gjithçka. Në takim është diskutuar e ardhmja e lojtarit. Agjenti është munduar të zbulojë planet që Valverde ka në lidhje më brazilianin.

Trajneri e ka humbur besimin te 26-vjeçari dhe nuk e sheh si një pjesë jetike të skuadrës. Kështu me shumë mundësi, Kutinjo do të shohë për një tjetër ekip, ku ofertat nuk mungojnë. Çelsi e dëshiron për të zëvendësuar Hazard, që pritet të largohet te Real Madridi. Megjithatë londinezët së pari duhet të zgjidhin çështjen e bllokimit të merkatos nga UEFA.

Braziliani mbylli veshët si për të simbolizuar që nuk i interesojnë kritikat e shumtë të shtypit dhe tifozëve në rrjete sociale, që presin më shumë nga ai për shkak të 160 milionë eurove që u shpenzuan për të.

Në intervistën në përfundim të takimit kolegu Serxho Buskets u shpreh: “Nuk e kam parë gjestin që bëri. Di që festoi me gëzim dhe dëshirë. Ishte një gol i rëndësishëm për shkak të kritikave të shumta që ka marrë. Kutinjo është një ndër lojtarët më të mirë në planet”.

Gjesti u komentua dhe nga trajneri Valverde: “Nuk e di çdo të thotë gjesti i Kutinjos. Përgjigjen për kritikat ai dha, pikërisht ai gol që shënoi”, tha Valverde.

Goli i brazilianit është tipik nga ato që jemi mësuar të shihnim nga ai në Angli kur ishte pjesë e Liverpulit. Një goditje magjike me të djathtën që nuk i lë asnjë shans portierit De Gea.

Sipas “Mundo Deportivo”, dy klubet po mendojnë një shkëmbim të madh midis tyre. Tani nuk është më mister fakti që Filip Kutinjo mund të largohet në fund të sezonit. Braziliani nuk po gjen hapësirat e duhura dhe rikthimi në ishull është opsioni më i mirë.

Junajtid e pëlqen 26-vjeçarin dhe është gati të bëjë gjithçka për të. Barcelona nga ana e saj ka një ide të veçantë. Drejtuesit e klubit katalanas janë gati ta lënë të lirë Kutinjon, nëse “Djajtë e Kuq” ofrojnë në shkëmbim Markus Rashford.

Klubet janë në kontakt prej ditësh dhe kjo ide pëlqehet shumë nga të dy palët. Në fillim do të mësojmë se kush prej këtyre dy ekipeve do të vazhdojë më tej në Champions dhe pastaj mund të vijë dhe shkëmbimi i dy lojtarëve ofensivë.

Humbi duelin për krahun e djathtë me Dembele dhe është kthyer në një zgjedhje të dytë. Madje në ndeshjen e fundit ndaj skuadrës së Real Betis, trajneri preferoi skemën 4-4-2, pa Kutinjon në fushë. Gjithsesi Barcelona nuk do që ta humbasë këtë bast.

Sipas sport.es, katalanasit kanë vendosur që t’i japin “udhë” këtij problemi. Ndryshe nga ç’flitet në media, Kutinjo nuk është në shitje. Klubi ka shpenzuar më shumë se për çdo lojtar tjetër për ta blerë dhe largimi në këtë mënyrë nuk do ishte zgjidhja e përshtatshme.

Kutinjos do t’i jepen më shumë minuta në dispozicion muajin e ardhshëm. Pra, ish ylli i Liverpul do të ketë një mundësi të fundit për të treguar se meriton të jetë pjesë e një ekipi si Barça. Në rast se situata vazhdon të jetë e njëjta,  blaugranët do ta diskutojnë seriozisht shitjen e tij, me një shifër që fillon nga 100 milionë eurot.

Goli i fundit i brazilianit në “La Liga” ka ardhur në përballjen ndaj Real Madrid më 28 tetor të 2018-ës, kur trajneri i “Los Blancos” ishte ende Hulen Lopetegui.

Interesant është fakti që përveç mungesës së golave, Kutinjo nuk po shkëlqen as me asiste, pasi deri më tani ka regjistruar 2 të tillë dhe asnjë në nëntë ndeshjet e fundit. Diçka nuk shkon te 26-vjeçari, kjo është e sigurt.

Siç zbulon “The Mirror”, klubi anglez ka përfshirë klauzola të shumta në marrëveshjen me Barcelonën. E veçanta ishte klauzola që pengon Barcelonën të kërkojë një futbollist të ekipit të Klopit në tre vitet e ardhshme, ndërsa ka dhe disa të tjera në aspektin financiar.

Liverpuli do të fitonte 5 milionë euro nëse lojtari ofensiv luan 25 ndeshje me Barcelonën në kampionat; 20 milionë euro kur Kutinjo të arrijë 100 ndeshje me Barçën në kampionat; 10 milionë euro për dy kualifikimet e radhës të Barcelonës në Ligën e Kampioneve dhe 5 milionë euro nëse Barcelona fiton Ligën e kampioneve deri në mbylljen e kontratës së Kutinjos me këtë klub.

Liverpuli ka siguruar vetëm 5 milionë eurot e para, pasi braziliani ka arritur në shifrën e 34 ndeshjeve në La Liga me Barcelonën, ndërsa largimi i tij nga ekipi katalanas do të bënte që anglezët të humbitnin miliona “të thjeshta”. Përveç faktit që drejtuesit e “The Reds” nuk do të dëshironin të shihnin lojtarin te armiqtë e urryer të Junajtid, ata shpresojnë që Kutinjo të vazhdojë të qëndrojë në Spanjë, në mënyrë që të vazhdojnë të mbushin arkat.