19-vjeçari ka treguar se është i aftë të bëjë diferencën duke zhbllokuar diferencën me një gol fantastik. Edhe pse në trysninë e të paktën pesë lojtarëve, Foden ruan qetësinë deri në fund të aksionet dhe finalizon me sukses.

18-vjeçari i talentuar finalizoi me kokë një asist të Agueros pas një aksioni shumë të bukur të vendasve. Ky ishte goli i parë në Premier Ligë për të me Sitin, pjesë e së cilit është që nga fëmijëria.

Një gjest i bukur ka ndodhur në fund të ndeshjes, diçka që konfirmon harmoninë e madhe dhe altruizmin që ekziston tek ekipi anglez. Bernardo Silva është shpallur lojtari më i mirë i ndeshjes, por portugezi ka treguar zemrën e tij të madhe.

Ai ka vendosur t’ia dhurojë këtë çmim shokët të tij, Fil Fouden. “Dua t’ia dhuroj këtë çmim shokut tim. Unë me të vërtetë mendoj se Fil e meriton. Ai është i ri në moshë dhe një futbollist fantastik. Kjo është për ty, Fil”, është shprehur plot klas Bernardo Silva, duke emocionuar mesfushorin ofensiv.

? – “This one is for you, you scored the winner!”

Bernardo Silva with a touch of class, even in his post-match interview…? pic.twitter.com/U6LJC1KyLR

— Sky Sports Premier League (@SkySportsPL) April 20, 2019

Gjithsesi, janë disa raste të rralla, kur ëndrrat preken nga ndonjë “shkop magjik” dhe kthehen në realitet. Një rast është shembulli i djaloshit Fil Foden, 18-vjeçari i lindur në Stockport, i cili një ditë më parë rinovoi kontratën e tij deri në vitin 2024 me ekipin që ëndërronte që i vogël të luante, pikërisht me Mançester Sitin.

Dikur klubi i Sitit nuk kishte emrin dhe fuqinë që zotëron tashmë, por sidoqoftë kishte një mbështetje të gjerë dhe një nga tifozët më të zjarrtë, ishte i vogli Foden, i cili ishte në stadium thuajse gjithmonë për të kënduar himnin e klubit, që quhet “Blue Moon”.

Në moshën 8-vjeçare u bashkua për herë të parë me ekipin e tij të zemrës, teksa u regjistrua në akademinë e “Citizens”. Plot 8 vite më pas, në moshën 16-vjeçare djaloshi nga Stockporti nis të jetojë ëndrrën e tij të fëmijërisë. Ishte 6 dhjetori i vitit 2016, kur Pep Guardiola vendosi ta thërriste për të qenë pjesë e të grumbulluarve për sfidën ndaj Sëlltikut në “UEFA Champions League”.

Ndonëse nuk arriti të aktivizohej për asnjë minutë, Guardiola pas sfidës do të shprehej për Fodenin me këto fjalë: “Është e rrezikshme të thuash gjëra të mira për lojtarët e rinj, pasi ata janë akoma të vegjël dhe kanë nevojë të rriten dhe të mësojnë shumë, shumë gjëra. Por, ne kemi shumë besim dhe duam ta ndihmojmë, sepse besojmë që ky djalë ka potencial edhe pse nuk është i fuqishëm, apo i gjatë.”

Sot, pas dy vitesh Foden, numëron disa ndeshje me “Citizens”, ku vlen për t’u veçuar paraqitja e bërë në Superkupën e Anglisë, ose siç quhet ndryshe “Community Shield”, teksa luajti si titullar, madje asistoi për një nga golat. Golin e parë me fanellën e tij të zemrës e shënoi fundin e shtatorit të këtij viti, në një fitore 0-3 ndaj Oksford.

Një ditë më parë, firmosi kontratën e re, që do ta mbajë në “Etihad” deri në vitin 2024. Siti i kohëve moderne mbase ka vuajtur pak për ndonjë lojtar “alla” Xherrard, Lampard, apo Maldini e Zaneti. Ndoshta Mançester Siti modern e ka gjetur lojtarin që do ta këndojë përjetë “Blue Moon”…