Gjithsesi ai ka gjetur diçka për të veçuar nga përballja dhe është një foto gjatë një dyluftimi. Një lëvizje që do ta kishin zili edhe ata që merren me sportin e karatesë. Olajinka e ka postuar foton në “Instagram” dhe tregon qartazi kuptimin e derbit.

Djaloshi që mahniti Superioren dhe në verë u ble nga çekët për 3.2 milionë euro ishte vendimtar për skuadrën e tij. Nuk shënoi, por bëri një driblim që çoi në arkat e Slavias plot 1.5 milionë euro. Një lojtar i shtrirë dhe një tjetër dështoi t’ia marrte topin nigerianit, që pasoi për Traore.

Ky i fundit e dërgoi në rrjetë, edhe pse Kjaer në vijën fatale u përpoq ta devijonte sferën. Topi në rrjetë dhe festa e çekëve. Olajinka në qiellin e shtatë. Kush e mendonte të eliminimin Seviljen, klubin që vitet e fundit ka dominuar në Europa League, madje duke e fituar këtë trofe tre herë radhazi (2013-2016). Më parë e ka fituar edhe në 2006-n dhe 2007-n. Sot e eliminoi një djalosh që erdhi plot ëndrra në Shqipëri para disa vitesh. Jeta është një përrallë.

Sllavia Pragë 4 – 3 Sevija
Shënues: Ngadë-Ngadzhui 15’, Sucek 47’ (pen), Van Buren 102’, Traore 120’ / Ben Jeder 44’ (pen), El Hadadi 54’, Vazkez 98’

Benfika 3 – 0 Dinamo Zagreb
Shënues: Zhonas 71’, Ferro 94’, Grimaldo 105’

Dinamo e Zagrebit u mund 3 – 0 nga Benfika në Lisbon. Skuadra kroate e nisi mirë takimin, por me kalimin e minutave Benfika fitoi epërsi. 90 minutëshi u mbyll me rezultatin 1 – 0 dhe ndeshja shkoi në kohën shtesë, ku portugezët vulosën fatin e takimit me golat e Ferros dhe Grimaldos.

Katër muaj pas transfertës, nigeriani ka shënuar katër gola. Sigurisht nga ai pritet shumë më shumë, por s’duhet të harrojmë që është 23 vjeç dhe kontrata e tij me klubin çek mbaron pas në vitin 2022, pra koha për të treguar veten nuk është e pakët.

Ish-sulmuesi i Skënderbeut ka gjetur rrugën rrjetës  në ndeshjen e ditës së sotme ndaj Mlada Boleslav. Takimi u mbyll 3 – 2 në favor të Slavias dhe Olainka shënoi golin e tretë për të tijtë. Skuadra mban kreun e kampionatit çek me katër pikë diferencë nga ndjekësit dhe kampionët në fuqi të Viktoria Pëlzen.

Në një lidhje direkte nga hoteli ku po qëndron Skënderbeu, gazetari Gjergji Stefa ka raportuar se gjyqi me UEFA-n në CAS do të zhvillohet në muajin janar. Referuar burimeve pranë klubit të Skënderbeut, ai ka treguar se vetë UEFA vendos se kur do të bëhet gjyqi. Sa i takon një marrëveshje me qeverinë e futbollit evropian, gjithçka hidhet poshtë.

OLAJINKA DHE ALITI – Skënderbeu ka arkëtuar të ardhura të rëndësishme kohët e fundit. Plot 450 mijë euro kanë përfituar korçarët nga shitja e Piter Olajinkës nga Genti te Slavia e Pragës. Bardhekuqtë kishin përqindje të kartonit të sulmuesit dhe kanë përfituar një shumë të majme.

Në janar ndërkohë pritet të ketë sërish transferime jashtë vendit. Fidan Aliti është ai që ka më së shumti shanse për t’u shitur. Ende nuk flitet për pista konkrete, por klubi po punon dhe do mundohet të marrë vendimin më të mirë për ardhmen e lojtarit dhe për vazhdimësinë e rezultateve.

Për belgët e Gent ky ishte një biznes me leverdi, pasi sulmuesi nuk luajti asnjë ndeshje me ta dhe në fund arritën të përfitojnë një shifër të “majme”. Por gara për Olajinkën ka qenë e fortë. Oferta për të kanë bërë edhe nga Gjermania, Rusia dhe Franca, por ish-sulmuesi i Skënderbeut e kishte ndarë mendjen.

Mes klubeve të shumta që e kërkonin ishte edhe Bordo, francezët që garojnë në Ligue 1. Do të ishte një sfidë e madhe për Olajinkën transferimi te ky ekip, por Slavia ishte më këmbëngulëse dhe në aspektin financiar ofroi më shumë.

Këtë verë, pas një sezoni mjaft të mirë me Zulte Varegem, u shit në Çeki. Kishte realizuar 11 gola e kishte regjistruar 15 asiste, çka bëri që Slavia e Pragës të ofronte 3.2 milionë euro për kartonin e sulmuesit Nigerian. Tanimë është lojtari më i shtrenjtë në historinë e klubit çek.

Por ai ka provuar edhe më parë të luajë në Prage. Ka qenë pjesë e Dukla Praga dhe ka punuar me teknikun Jaroslav Hynek, i cili ka folur për 22-vjeçarin. “Një lojtar shumë i vështirë, që të bën shumë punë dhe që përshtatet. Kur ai erdhi te ne, që në stërvitjen e parë ishte i vetëdijshëm se ishte një lojtar i vështirë dhe një sulmues shumë i shpejtë. Ai kishte eksperiencë nga Shqipëria, por nuk ishte gati për ritmin dhe taktikat e kampionatit në Çeki”.

Ish-trajneri i Olajinkës tregon edhe se sulmuesi ka edhe personalitet: “Edhe pse në moshë të re ai kishte personalitet dhe nuk kishte frikë të mbronte opinionin e tij kundrejt lojtarëve të tjerë me eksperiencë. Ai mund të komunikonte shumë mirë me ta. Kishte mentalitetin për të shtyrë veten në botën e futbollit”.

Nigeriani luan kudo në fushë dhe sipas nevojave e vendosin në të majtë dhe të djathtë, por kishte edhe problem. “Ne mund ta pozicionin Piterin kudo në sulm. Para se të bashkohej me ne kishte luajtur më së shumti si mesfushor në Shqipëri, kështu që ai pati vështirësi në marrjen e detyrave taktike”, ka thënë mes të tjerave Hynek në “Isport.cz”.

Slavia Praga ishte klubi që e bindi sulmuesin me ofertën e bërë dhe ishte gati të transferohej, por ka edhe një vit kontratë me Gent, që e ka blerë sulmuesin te Skënderbeu për rreth 1 milion euro. Ende nuk ka luajtur me këtë ekip një ndeshje zyrtare, gjë që mund ta bëjë këtë sezon, pasi është përfshirë në ekip.

Gjithsesi nuk duhet rrezikuar, pasi verën e ardhshme mund të largohet me parametro zero. Këtë verë bisedimet kanë qenë intensive dhe mediat belge kanë bërë me dije se me Slavia Pragën është diskutuar dhe oferta ka variuar nga 3 në 5 milionë euro.

Por çekët, që financohen nga një kompani kineze, kanë ndryshuar kurs në merkato dhe nuk po lëvizin më si më parë. Për Olajinkën duket se janë tërhequr dhe me plot të drejtë. Së fundmi bëhet me dije se Gent për kartonin e nigerianit kërkonte 8 milionë euro, një shifër mjaft e lartë. Nëse do bëhej realitet një lëvizje e tillë, atëherë edhe Skënderbeu do të përfitonte mbi 1 milion euro.