Peter Crouch

Gjiganti Krauç, si sakrifikoi shëndetin e Dirk Kajt për të mbrojtur Alonson

Sport Ekspres — Fri, 02 Aug 2019 20:00:52 +0000

Njeriu përballet me shumë zgjedhje të vështira në jetë, që ndonjëherë duhen marrë në një kohë shumë të shkurtër. Shoqëria është e rëndësishme, por ndonjëerë ka interesa që ngjiten më lart se dashuria për dikë. Piter Krauç na tregon një rast sa të frikshëm, aq edhe me naunca humori në lidhje me vendimet e vështira në momente kritike.
Në vitin 2007 ai aktivizohej me Liverpulin. Të kuqtë kishin shkuar deri në finale të Championsit dhe do ndesheshin me Milanin. Klubi kishte zgjedhur ta kryente fazën pregatitore në Portugali. Një ditë, pas stërvitjes një pjesë e skuadrës kishin shkuar në një pistë ku bëheshin gara me makina “Go-Karting”.

Krauç si një pilot “i mirë” që është e kishte rritur më shumë se ç’duhej shpejtësinë. Në një moment një gropë i del para dhe humbet kontrollin, ndërkohë që më e keqja s’kishte ardhur. Nuk i punonin frenat. Përpara ndodhej Dirk Kajt dhe Ksabi Alonso. Duhet të zgjidhte brenda gjysëm sekondi se kë të godiste. Kë goditi Krauç? Dirk Kajt. Pse? Sepse Alonso ishte më i rëndësishëm për finalen.

“Ishte para finales së Champions. Ishim në Portugali. Për një javë kishim ndeshjen dhe një ditë vendosëm të shkonim në një pistë për një garë ‘Go-Karting’. Shkuam atje dhe gjatë një xhiroje kam fluturuar në një gropë, ku zakonisht ndalohet. Mendova se do ndaloja, por frenat nuk punonin. Shoh para meje dhe ishin Kajt e Alonso. E vetmja gjë që më ka ardhur në mendje ishte se kush ishte më i rëndësishëm për finalen. Kështu zgjodha të godisja gjunjët e Kajt, duke shkuar drejt tij. Drejtësia e Zotit është e rrezikshme. Unë qesh tani sepse fatmirësisht ai nuk u dëmtua”, u shpreh Krauç.

Në fund Liverpuli e humbi finalen ndaj Milanit me rezultatin 2-1. Ajo që përbën ironinë më të madhe të fatit është se golin për anglezët e shënoi Dirk Kajt.

DENIS LALA

“17 vjeç s’do besoja asgjë”, tërhiqet nga futbolli “gjiganti” anglez

Sport Ekspres — Fri, 12 Jul 2019 10:42:38 +0000

Pitër Krauç ka vendosur të varë këpucët në gozhdë. Sulmuesi i njohur anglez ka publikuar në rrjetet sociale vendimin e tij për t’u tërhequr nga futbolli i luajtur në moshën 38-vjeçare.

Në janar la Stoken për t’u transferuar të Bërnlei. Kontrata i përfundon dhe gjiganti i repartit ofensiv vendosi t’i thotë stop. Liverpuli dhe Totenhemi ishin kulmet e tij në karrierë, ndërkohë që shënoi 22 gola në 42 ndeshje të zhvilluara me kombëtaren angleze.

“Pas shumë diskutimeve vendosa të tërhiqem nga futbolli. Loja jona e mrekullueshme më ka dhuruar gjithçka. Jam mirënjohës ndaj gjithkujt që më ka ndihmuar të mbërrij dhe të qëndroj për kaq shumë kohë.

Nëse do të më thoshit në moshën 17-vjeçare që do të luaja në Botëror, në një finale Champions Lige, do të fitoja FA Cup dhe do të shënoja mbi 100 gola në Premier Ligë, nuk do e kisha besuar. Ka qenë një ëndërr e kthyer në realitet“, theksoi Krauç në postimin e bërë.

735 ndeshje zyrtare zhvilloi Krauç në karrierën e tij, gjatë të cilave shënoi 208 gola, 108 prej tyre në Premier Ligë.

After a lot of deliberation this summer I have decided to retire from football !
Our wonderful game has given me everything.
I’m so thankful to everyone who helped me get there and to help me stay there for so long. X

— Peter Crouch (@petercrouch) July 12, 2019

If you told me at 17 I’d play in World Cups , get to a champions league final , win the Fa cup and get 100 @premierleague goals I would have avoided you at all costs.
It’s been an absolute dream come true ?

— Peter Crouch (@petercrouch) July 12, 2019

“Qesharake të heqësh dorë nga Bejl, ju zbuloj dëshirën e tij të madhe”

Sport Ekspres — Sun, 19 May 2019 12:22:34 +0000

Reali i Madridit e mbylli sezonin me një humbje në shtëpi. Ekipi i Zidan u mposht 0-2 nga Betisi, ndërsa Garet Bejl e pa gjithë ndeshjen nga stoli. Trajneri francez nuk i dhuroi asnjë minutë, ndërsa pritet largimi i uellsianit nga “Los Blancos”.

Raporti mes lojtarit dhe trajnerit është krisur totalisht dhe 29-vjeçari mund të rikthehet në Premier Ligë, pavarësisht se dëshiron të qëndrojë dhe të tregojë vlerat e tij. Në ndihmë i ka dalë Piter Krauç, ish-shoku i ekipit te Totenhemi.

“Pozitat e Bejl te Reali më trishtojnë. Është qesharake të heqësh dorë nga një lojtar me kualitetin e tij. Kemi të njëjtin agjent dhe ai më ka treguar se Garet dëshiron të qëndrojë në Spanjë. Është i lumtur te Reali dhe dëshiron të fitojë postin e titullarit. Nëse nuk do të luante rregullisht edhe sezonin e ardhshëm, do dëshiroja shumë që të rikthehej te Totenhemi”, përfundon Piter Krauç.

VIDEO | Prezantim i çuditshëm, Bërnlej i habit të gjithë

Sport Ekspres — Fri, 01 Feb 2019 15:54:55 +0000

Merkato është mbyllur dje në pjesën më të madhe të vendeve të Europës. Sigurisht që në janar është e vështirë që të gjesh lojtarë pa kontratë apo që bëjnë diferencën, ndaj jo më kot konsiderohet si një merkato riparuese. Skuadra e Bërnlejt ka kryer një lëvizje në orët e fundit të ditës së djeshme, duke afruar sulmuesin e Stok Sitit, Piter Krauç.

38-vjeçari ka një CV për t’u admiruar pasi më par ka qenë edhe pjesë e Liverpulit e Totenhemit. Gjithsesi, më shumë se lëvizja vëmendje ka tërhequr video që që skuadra e Bërnlit ka bërë prezantimin.

Në postimin e klubit shfaqet një robot, i cili duket që në daljen e ambienteve të klubit e deri në brendësi, kur befas përplaset nga një top. Sulmuesi i ri shfaqet në atë moment dhe është konsideruar si e mjaftueshme për të bërë prezantimin. Prezantim i veçantë, që ka habitur jo pak, por e sigurt është se ka marrë vëmendjen që drejtuesit kanë dashur për lëvizjen e fundit në merkato.

Announcing… ?@petercrouch pic.twitter.com/AsqauruKHp

— Burnley FC (@BurnleyOfficial) January 31, 2019