? FICHAJE | Calidad sub 21 https://t.co/Ab8DguYAQS pic.twitter.com/nVEUD5dZlm

— CD San Roque de Lepe (@SanRoqueLepe) August 4, 2019

Maloku i bashkohet ekipit andaluzian në formë huazimi nga klubi i Peskarës ku është nën kontratë edhe për dy vite të tjera. Në tri sezonet e fundit i riu shqiptar ka provuar të luajë me skuadra të ndryshme në Serie C, por aktivizimet kanë qenë të pakta.

Maloku ka qenë pjesë e rregullit e grupmoshave të Shqipërisë duke filluar nga niveli U17, U19 ku mbajti shiritin e kapitenit në disa ndeshje dhe në që prej vitit 2017 një lojtar i përhershëm në listat e kombëtares U21.

“Dua të kontribuoj më shumë vitin tjetër, sidomos në aspektin e golave. Kemi përpara vetes një sezon shumë të rëndësishëm, i cili për mendimin tim do të jetë ndër edicionet më të luftuar të Serie B. Ka skuadra të forta si Empoli që vjen nga Serie A dhe ekipe të tjera që po organizohen mirë për të tentuar ngjitjen”.

“Peskara do vazhdojë të ruajë identitetin e vetë si skuadër. Jemi një klub me mbështetje të madhe, por duhet të qëndrojmë me këmbë në tokë. Si fillim të garantojmë mbijetesën më pas të shohim se çfarë mund të bëjmë. Do ishte ideale ta fillonim si sezonin e kaluar. Kemi një trajner të ri si Luçiano Zauri, por ai do ketë ndihëm e të gjithë ne lojtarëve. Është një person që ka shumë eksperiencë dhe e di si funksionojnë gjërat në futboll”, përfundoi Memushaj.

“Delfinët” kanë zgjedhur 36-vjeçarin Simone Fareli si portieri të dytë dhe kanë vendosur të huazojnë 22-vjeçarin nga Hasi. Kastrati pritet të vijojë karrierën në një klub të Serie C, sipas raportimeve të “Corriere dello Sport”.

Portier i parë i ekipit ku aktivizohet edhe Ledian Memushaj do të vazhdojë të jetë Vinçenco Fiorilo, ndërsa Kastratit, i cili numëron gjashtë ndeshje me Shqipërinë U21, i duhet të sigurojë sa më shpejt një akord me ekipin e ri.

0-0 përfundoi ndeshja e parë dhe ky rezultat mund të cilësohet pozitiv për Peskarën. Të dielën zhvillohet sfida e kthimit dhe Memushaj me shokë do të bëjnë maksimumin për t’u kualifikuar në finalen e madhe për një post në Serie A.

Vlonjati ka folur për ndeshjen, të cilën e cilësoi tepër të komplikuar. Hapi i parë u hodh, por mesfushori qëndron me këmbë në toke. Megjithatë, ai dhe Peskara janë gati për ndeshjen e kthimit dhe dëshirojnë rikthimin në elitën e futbollit italian.

“E dinim se do e kishim të vështirë, pasi ata luajnë mirë në shtëpi. Ishim koshient që do të vuanim. Le të themi se shkoi mirë pjesa e parë, ndërsa ndeshja e dytë do të jetë edhe më e vështirë. Gjithsesi, jemi gati dhe kemi ardhur deri në këtë pikë për të luajtur këto lloj ndeshjes”, përfundoi Memushaj prononcimin e dhënë për DAZN.

Shumë raste pati ndeshja, por etapa e parë përfundoi në barazim 0-0. Mediat italiane kanë dhënë vlerësimet për paraqitjen e lojtarëve në këtë ndeshje të rëndësishme.

Ledian Memushaj e zhvilloi të plotë takimin, ndërkohë që u aktivizua në krahun e djathtë të mesfushës me tre. 6.5 u vlerësua ndeshja e tij, duke siguruar notën më të lartë që u mor nga lojtarë të Peskarës në duelin kundër Veronës.

Mesfushori vlonjat zhvilloi një ndeshje shumë të mirë, duke qenë tepër aktiv. Vlerësimi për të nuk mungoi. “Shpirti dhe zemra e një Peskare të egërsuar. Lojtari që gjendej në çdo cep të fushës. Pas 15 minutave ‘betejë’ në krahun e djathtë, Lediani u spostua në gjithë fushën në kërkim të faulleve dhe mbylljes së hapësirave të kundërshtarit. Djersa i dallohet në fytyre dhe bluzë në fund të ndeshjes. E ndjen rikthimin në elitë dhe është gati të mbushet me pluhur dhe baltë për Peskarën.”

Zhvendosemi në Kroaci ku Amir Rrahmani zhvilloi një ndeshje për t’u harruar me Dinamon e Zagrebit. Skuadra kryeqytetase u mund në finalen e Kupës nga Rijeka me rezultatin 3 – 1. Në përfundim të pjesës së parë trajneri Nenad Bjelica zëvendësoi mbrojtësin shqiptar.

Vlonjati është mbreti i asisteve në Serinë B, me 10 të tilla këtë sezon, por tashmë ka ndërruar “profesion”, sepse në tre ndeshjet e fundit ka shënuar 2 gola.
I dyti erdhi sot, në sfidën delikate kundër Perugia-s së drejtuar nga Alessandro Nesta, rival direkt për një vend në play-off.

Në minutën e 30-të Memushaj nuk u mendua dy herë, duke lëshuar një “silurë” nga distanca, që përfundoi në trekëndëshin e portierit mik, duke i dhënë avantazhin Pescara-s.

https://www.youtube.com/watch?v=KfVrLc3w1Vk

Mesfushori shqiptar i Peskarës, Ledian Memushaj, ka dhënë një intervistë për “Il Messagero”, ku shpjeguar se ekipi i tij duhet të bëjë maksimumin në gjashtë ndeshjet e mbetura, në mënyrë që të sigurojë një vend sa më të favorshëm për hedhjen e shortit të play-off.

“Duhet të përpiqemi që renditemi sa më mirë që mundemi, mbeten ende disa ndeshje deri në fund dhe duhet t’i marrim maksimumin. Statistikat thonë që pozicionet përfundimtare të fazës play-off mund të bëjnë diferencën. Për këtë arsye, fitorja kundër Peruxhës vlen më shumë se sa për të siguruar një vend në tetëshen e parë”, tha Memushaj.

Peskara pati një fillim perfekt të sezonit, teksa mbajti kreun e renditjes për të paktën dy muaj, por ekipi më pas shfaqi shumë luhatje, çka e çuan jashtë garës për dy vendet e para të tabelës së Serie B.

Sipas medieve italiane, 22-vjeçari ndodhet prej dy ditësh në provë te Peskara, klub ku luajnë futbollistët shqiptarë Ledian Memushaj dhe Elhan Kastrati.

Avdijaj ishte dikur një ndër talentet më premtues të akademisë se Shalkes dhe kombëtares së moshave të Gjermanisë, por gjatë viteve të fundit karriera e tij nuk ka pasur zhvillimin që pritej.

Futbollisti nuk aktivizohet prej katër muajsh, çka ka bërë që të mos grumbullohet më nga trajneri i Kosovës Bernard Shaland, pavarësisht se në vitin 2018 ka qenë pjesë e rregullit e përfaqësueses.

Një humbje, e cila ndal serinë e dy fitoreve radhazi për Peskarën dhe e zbret në vendin e katërt, pasi tashmë është Benevento, e cila është ngjitur në vendin e dytë, në kuotën e 43 pikëve, dy më shumë se ekipi i Memushajt.

Gjithsesi, sezoni i lojtarit tonë të kombëtares, ka qenë mjaft pozitiv, teksa pavarësisht se nuk ka shënuar asnjëherë, ka kontribuar për ekipin e tij me plot 7 asiste për gol, duke qenë edhe kryesues në listën e asistuesve.

Përballë Aue, Mavraj bëri një ndeshje të shkëlqyer dhe ndihmoi skuadrën e tij të marrë një triumf të pastër 0-3. Kapiteni kuqezi ishte i pakalueshëm në prapavijë dhe arriti të mbajë rrjetën e tij të paprekur. Me këto tri pikë, Ingolshtadi lë vendin e fundit në tabelë dhe bën hapa të sigurt drejt mbijetesës.

Në një zonë të ndryshme të tabelës është Rei Manaj. Sulmuesi shqiptar luajti titullar për ekipin e Albasetes në Spanjë, skuadër që triumfoi pastër 2-0 përballë Majorkas. Kjo fitore e ngjit në vend të parë ekipin e Manajt dhe afron shumë me ngjitjen në elitën spanjolle (La Liga). 21-vjeçari kuqezi po bën një sezon shumë pozitiv me skuadrën e Albasetes dhe është një nga lojtarët më të rëndëishëm.

Edhe Memushaj luajti titullar për skuadrën e Peskarës në Serie B dhe duket se mesfushori kuqezi e ka lënë pas dëmtimin. Futbollisti shqiptar ishte një nga më të mirët në fushën e lojës, por skuadra e tij nuk mori dot më shumë se një pikë në transfertën përballë Foxhias.

Memushaj ka pësuar një dëmtim disa ditë më parë dhe mungoi në sfidën e Peskarës kundër Livornos, sfidë ku u ndie mungesa e shqiptarit, pasi u mbyll me rezultatin 0-0.

Edhe në stërvitjen e sotme, Memushaj nuk ka qenë i pranishëm. Faqja zyrtare e Peskarës konfirmoi se 32-vjeçari do të kryejë disa seanca terapie, por për rikthimin e tij në fushat e blerta, nuk njoftuan. Mendohet se Memushaj do të mungojë në dy deri në tre javë, për shkak të problemit në “Thembrën e Akilit”.

“Më vjen keq për Memushajn, pasi në momentin e tij më të mirë i kam ndërruar pozicion. Dëmtimet e shumta në mesfushë nuk më kanë lënë zgjidhje tjetër, por ta kthej si mesfushor para mbrojtje. Kjo gjë nuk e ka bezdisur aspak dhe për këtë gjë jam shumë i kënaqur.

Lediani është profesionist i vërtetë dhe luan aty ku ka nevojë skuadra. Si mesfushor qendre, të gjithë e dinë se çfarë aftësish ka, por dhe si numër 6 ka bërë mirë dhe jam shumë i kënaqur me paraqitjet e tij”,- përfundoi Pilon.

Ekipi po vazhdon fazën përgatitore dhe është i lodhur, kështu që kjo ndeshje nuk ka shumë rëndësi. Të dielën e ardhshme rinis Serie B dhe Peskara pret në fushën e saj Kremonezen. 21-vjeçari shqiptar, i cili është pjesë e Shqipërisë U21, madje u grumbullua me kombëtaren e madhe në miqësoren kundër Uellsit, vlerëson kundërshtarin dhe shpreson në një fitore. Peskara renditet në vendin e dytë me 32 pikë bashkë me Breshian dhe gara për rikthimin në elitën e futbollit italian do të jetë e fortë deri në fund.

“Mbërritëm në këtë ndeshje pa shumë dëshirë. Ishim të lodhur, por duhet të jepnim më shumë. Megjithatë, kjo ndeshje na shërben shumë, pasi duhet të jemi gati për ndeshjen e javës tjetër. Faza përgatitore po shkon mirë sipas mendimit tim, jemi të gjithë të përqendruar, po punojmë shumë dhe shpresojmë të mbërrijmë në kushte e duhura për ndeshjen e kampionatit. Kremoneze është një ekip i fortë dhe i bukur. Duhet ta përgatisim mirë, pasi është një përballje e vështirë”, përfundon titullari i portës së Peskarës. 

Aktualisht, Memushaj regjistron shtatë asiste në emrin e tij dhe është ideatori i lojës së bardhekaltërve. 32-vjeçari admirohet shumë nga tifozët e Peskaras dhe konsiderohet si lider i skuadrës.

Gjatë mbrëmjes së djeshme, ku ishin të pranishëm të gjithë lojtarët e klubit italian, të ftuar ishin dhe disa tifozë me aftësi të kufizuara. Memushaj ishte një nga lojtarët më të kërkuar dhe mesfushori shqiptar nuk i refuzoi aspak, duke bërë foto dhe duke dhënë autografë për tifozët e tij. Një shembull për tu ndjekur nga mesfushori veteran tashmë…

Sfida përfundoi me shifrat 2-4, ku miqtë treguan karakter, duke përmbysur disavantazhin e dyfishtë, ku vendasit e Salernitanës udhëhiqnin 2-0 deri në minutën e 37-të. Mankuzo shënoi një tripletë, ndërsa Skonjamilio gjeti rrjetën një herë po ashtu, duke i dhuruar fitoren ekipit të Memushajt. Një triumf që e ngjit Peskarën në vendin e dytë përkohësisht.

Ndërkohë, Xhakomo Vrioni po ashtu ishte titullar për 90 minuta në majën e sulmit në barazimin e Venecias 1-1 ndaj Karpit. Suager shënoi për miqtë fillimisht, duke e mbyllur pjesën e parë në favor të Karpit. Gjithsesi, Venecia reagoi, duke vënë baraspeshën në minutën e 61-të.

Ledian Memushaj u aktivizua si titullar te Peskara, ndërsa Elhan Kastrati qëndroi në stol. Nga ana tjetër, pjesë e formacionit titullar të Venecias ishte dhe Xhakomo Vrioni, i cili u zëvendësua nga trajneri Zenga në minutën e 67-të.

“Delfinët” po bëjnë një kampionat shumë të mirë. Në fillim të sezonit objektivi ishte mbijetesa, ndërsa tashmë tifozët e Peskarës po ëndërrojnë rikthimin në elitën e futbollit italian. Humbja e dytë rresht për Venecian pas asaj në shtëpi kundër Kozencës dhe ekipi i Vrionit renditet në vendin e 12-të me 20 pikë.

Ecuria e Peskarës gjatë muajve të fundit ka pësuar një rënie të dukshme. Skuadra delfinëve mbajti kreun e kampionatit për më shumë se një muaj, por tani e sheh veten në vendin e katërt të renditjes, megjithatë diferenca me kreun është vetëm katër pikë dhe Memushaj&Co. mund të bëjnë kthesën.

https://www.youtube.com/watch?v=p9omDwsq8Fo

Në listën e të grumbulluarve  të trajnerit Xhuzepe Pilon, mungonte portieri i parë Vinçenco Fiorilo dhe në mungesë të tij, tekniku italian është i detyruar t’i besojë sërish gardianit shqiptar.

Ndërkaq, shqiptari tjetër i Peskarës, Ledian Memushaj, pritet ta nisë nga minuta e parë. Në ndeshjen e fundit, mesfushori vlonjat provoi për herë të parë “shijen” e stolit, kjo jo për zgjedhje teknike të trajnerit, por për shkak të një dëmtimi.

Në këtë takim, trajneri Xhuzepe Pilon, surprizoi jo pak me me formacionin titullar. Kapiteni Ledian Memushaj, titullar në të 13-ta takimet e mëparshme, u la në stol dhe nuk u aktivizua përgjatë të gjithë 90 minutave.

Pavarësisht mungesës së Memushajt, te Peskara nuk mungoi një lojtar kuqezi. Portieri Elhan Kastrati, zëvendësoi të dëmtuarin Fiorilo, duke u aktivizuar në Serie B pas fiks tre muajsh. Ish-gardiani i Teutës e nisi mirë duke pritur një rast i vetëm përballë sulmuesit të Peruxhës, por pak minuta më vonë 21-vjeçari gaboi në pritje e goditjes së Verres dhe topi përfundoi në portën e Peskarës.

https://www.youtube.com/watch?v=0x1iDz3r-Ow

DYSHJA – “Lorenco dhe Marko e kanë traguar që në moshë të vogël, që ata kishin diçka më shumë. Ata janë rritur shumë në vitet e fundit dhe nuk duhet të ndalojnë sepse kanë akoma për të mësuar dhe për t’u përmirësuar. Verrati prej dy vitesh është lojtari më i mirë në Francë dhe e njëjta gjë shkon dhe për Insinjen, i cili është sulmuesi më i mirë në Serinë A”.

VERRATI – “Për mua, Verrati është më i mirë se Modriç. Në rolin e tij, ai është më i miri në botë. Unë e thërras Verratin, “Markolino” sepse ai është i vogël, gjithashtu dhe Insinjen e thërras “Lorencolo”, si një nga shtatë xhuxhat. Ata, së bashku me Imobilen, merreshin vesh në fushë më sytë mbyllur. Unë u mundova t’i mësoja sa më shumë dhe më pas ata bënë çdo gjë më sakrificë dhe me punë”.

INSINJE – “Në vitet e para te Napoli, Insinje merrte përsipër dhe të kthehej prapa e të mbronte, por kjo ishte diçka e gabuar. Ai është një sulmues dhe duhet të jetë gjithmonë pranë zonës, pasi ka një goditje të frikshme. Sipas mendimit tim ai mund të shënojë çdo sezon më shumë se 20 gola. Në kohën kur ishim te Peskara ai shënoi 18 gola dhe dhuroi 14 asist. Pyesni Imobilen se sa herë e ka bërë të shënojë në atë vit. Ishte lojtari më i mirë në kampionat, pavarësisht se Seria B është e ndryshme nga Seria A. Me Sarrin ai bëri shumë mirë, por loja e Sarrit me një pasim nuk është ajo që parapëlqen Insinje. Atij i pëlqen që të luajë pak me topin dhe ta driblojë kundërshtarin e tij. Te kjo pjesë Lorenco është fenomenal. Me Ançelotin ka më shumë liri dhe më duket më në formë.”

Memushaj ka qenë protagonist në fitoren 2-1 të Peskarës, teksa shërbeu asistin në golin e parë të “delfinëve” në minutën 19-të. Mesfushori vlonjat luajti 90 minuta në këtë takim.

I riu Emanuele Ndoj, e nisi si titullar në ndeshjen e vështirë ndaj pretendentëve të Palermos. Breshia arriti të shënonte dy gola gjatë pjesës së parë, ndërsa skuadra nga Siçilia ngushtoi rezultatin në 2-1, por pa mundur të barazojnë. Ndoj u zëvendësua në minutën e 89-të.

Me kontratë deri në vitin 2021, Memushaj nuk lëviz dot pa marrëveshje me Peskarën, që kërkon një milion euro për kartonin e vlonjatit.

Sioni ofron deri në 500.000 euro, por menaxheri i Memushajt Mario Xhufredi po punon që të zhbllokojë gjithçka, sepse Memushaj nuk dëshiron të luajë në Serinë B.