Lajm i keq për tifozët, “FIFA20” zhduk emrin Juventus

Sport Ekspres — Tue, 16 Jul 2019 12:59:21 +0000

Emri i Juventusit nuk do të përmendet e shikohet në asnjë pjesë të video-lojës së famshme sportive në “FIFA” . Në edicionin FIFA 20 që do dalë në treg në muajin shtator, tifozët e kampionëve të Italisë do u duhet të mësohen me emrin alternativ “Piemonte Calcio”.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

Lajm i keq për tifozët e Juventusit, “PES 2019” i injoron sërish

Sport Ekspres — Mon, 10 Sep 2018 12:43:05 +0000

“Pro Evolution Soccer” ose siç njihet ndryshe “PES” është një ndër video-lojërat më të popullore në planet dhe Shqipëria nuk bën përjashtim. Në versionin më të ri të lojës, “PES 2019”, që pritet të dalë së shpejti ka një surprizë jo fort të këndshme për tifozët e Juventusit.

Kompania që prodhon lojën, “Konami”, nuk ka arritur të marrë të drejtat e emrit të kampionëve të Italisë dhe prandaj “Zonja e Vjetër” do të ketë një emër imagjinar “PM Black White”. Juventusi do të jetë i vetmi klubi i Serie A që nuk do të paraqitet me emrin e vërtetë në videolojë.

Megjithëse dëmi është bërë, të paktën emrat e lojtarëve të skuadrës italiane do të qëndrojnë të njëjtë, pra nuk do ketë pseudonime për Kristiano Ronaldon &Co.