Musta: Prania e Hoxhës më gëzon, Sadiku “shpresa” e kombëtares

Sport Ekspres — Thu, 14 Mar 2019 19:37:23 +0000

Më 22 e 25 mars kombëtarja jonë do të luajë dy ndeshjet e para eliminatore të Europianit 2020. Turqia dhe Andorra janë kundështarët, ndërkohë sot janë zbuluar edhe emrat e 24 futbollistëve që trajneri Kristian Panuçi do të ketë të gatshëm për këto sfida.

Nisur nga emrat që italiani ka renditur si të përzgjedhur, për SportEkspres.com ish-portieri e kapiteni i Kombëtares sonë Perlat Musta, deklaron se ato janë zgjedhjet e trajnerit. Sipas tij, llogaritë duhet të bëhen vetëm me mendimin se Shqipërisë i duhen pikët.

“Çdo listë është vendimmarrje trajnerit dhe unë nuk e komentoj. Duke qenë Alban Hoxha në listë, ndjehem mirë. Me këta futbollistë duhet menduar se Shqipërisë i duhen pikët dhe jo emrat që vijnë e ikin. Turqia dhe Andorra janë dy sfida të vështira dhe mendoj se janë të gjitha mundësitë që në dy ndeshjet e para kombëtarja të grumbullojë 4 ose 6 pikë. Uroj që Sadiku të jetë në formën e tij më të mirë për të shënuar”, deklaroi legjenda e Partizanit dhe e kombëtares sonë, Perlat Musta.

AGRON KAJA

Mbrëmja gala e FSHF-së, ndahen çmimet për figurat e sportit

Sport Ekspres — Wed, 19 Dec 2018 17:56:13 +0000

Sot Federata Shqiptare e Futbollit ka organizuar një mbrëmje gala, me rastin e festave të fundvitit. Në një event ku marrin pjesë drejtuesit e klubeve, medieve dhe figurave të larat të sportit e jo vetëm, nuk kishte si të mos ndaheshin dhe disa çmime për personazhet që i kanë dhënë shumë futbollit shqiptar.

FSHF ka dhënë tre çmime me titullin “Nderi i futbollit shqiptar” , teksa fillimisht ka qenë ish-portieri i Partizanit Përlat Musta që ka marrë këtë çmim. Pas tij është ngjitur në podium dhe ish-mesfushori i Kombëtares Edvin Murati, i cili është nderuar me të njëjtën çmim.

Po ashtu është nderuar dhe ish-sulmuesi Qamil Teliti, i cili është ndarë nga jeta. Djali i tij ka qenë sot prezent në këtë mbrëmje për të marrë këtë çmim për babin i tij, i cili ka dhënë kontributin e tij në futbollin shqiptar, por dhe për skuadrën përfaqësuese në vitet 1946-1952.

më pas po tre figura të sportit janë nderuar me çmimin “Legjenda e futbollit shqiptar”, teksa fillimisht këtë cacim e ka marrë Genc Tomori, ndërsa pas tij edhe Osman Mema ashtu si dhe Agim Canaj.

ÇMIMET

“Nderi i futbollit shqiptar” Perlat Musta
“Nderi i futbollit shqiptar” Edvin Murati
“Nderi i futbollit shqiptar” Qamil Teliti (pas vdekjes)

“Legjenda e futbollit shqiptar” Genc Tomori
“Legjenda e futbollit shqiptar” Osman Mema
“Legjenda e futbollit shqiptar” Agim Canaj