Në orët e vona të së premtes AS nga Spanja ka lëshuar “bombën” e merkatos, sepse Reali ka blerë Luka Joviç, fenomenin e ri të Aintrahtit të Frankfurtit, 27 gola këtë sezon (9 prej tyre në Europa League).

Vetëm 21 vjeç, Joviç ka mahnitur Gjermaninë dhe Europën këtë sezon, sepse ka shënuar lumë golash, i fundit mbrëmë në Europa League kundër Çelsit.

Ka qenë goli që ndoshta ka bindur përfundimisht Los Blancos, sepse Florentino Perez ka dhënë OK për transferimin 60 milionë euro, prej të cilave 48 i merr Frankfurti dhe 12 Benfica, që kishte ruajtur 20% të kartonit.

Kontratë 6-vjeçare për serbin e talentuar, që në Madrid do të shtojë ndjeshëm konkurrencën në sulm, aty ku Benzema ka qenë tepër i vetmuar këtë sezon, edhe pse është munduar braziliani Vinicius Junior.

Pa filluar sezoni, presidenti Perez nuk arriti të zëvendësojë Kristiano Ronaldon dhe hapësirat e lëna nga ylli portugez ishin të mëdha. Gjatë kësaj merkatoje, presidenti i “Los Blancos” nuk do të bëjë të njëjtin gabim.

Sipas “AS”, 460 milionë eurot e vëna në dispozicion të tij, Zidan do t’i shpenzojë te Eden Hazard, Pol Pogba, Tangui Ndombele, Luka Joviç dhe Kristian Eriksen.

Fantazisti spanjoll, Isko, nuk ishte pjesë e skuadrës në transfertën e fituar me rezultatin 4 – 1 ndaj Real Vajadolit. Media spanjolle “MARCA” ka zbuluar se kjo gjë ka ardhur si pasojë e një dënimi nga kryesia  e klubit, pasi Isko nuk pranoi të udhëtonte me autobusin e skuadrës në prag të sfidës me Ajaksin të mërkurën e kaluar.

Në një mbledhje të bërë ditën e enjte, Isko shpjegoi se mori këtë vendim për shkak të raporteve të tensionuara që ekzistojnë midis tij dhe trajnerit Solari. Kapiteni i “Los Blancos”, i cili kryesoi mbledhjen theksoi se klubi vjen gjithmonë i pari.

Sipas “MARCA”, Solari nuk ishte pro dënimit për Iskon, por pezullimi ka ardhur me udhër nga lart. Ndërkohë, mësohet se lojtari ka kërkuar falje për sjelljen e tij dhe pritet që palët të pajtohen në ditët në vijim.

Sipas mediave spanjolle, presidenti i “Los Blancos” nuk e ka ndërmend të kursehet dhe do të paguajë 300 milionë euro për shërbimet e Nejmar, siç raporton “Sport.es”.

27-vjeçari brazilian është lojtari më i shtrenjtë i të gjitha kohërave. Transferimi i tij në verën e 2017-ës i kushtoi PSG-së 222 milionë dhe drejtuesit e skuadrës franceze nuk kanë ndërmend ta shesin më pak sesa kanë paguar te Barcelona.

Edhe PSG u eliminua në mënyrë të turpshme nga Mançester Junajtid dhe pritet një revolucion total te kampionët e Francës, duke filluar nga stafi teknik, e deri te lojtarët, me Nejmar që mund të jetë një nga të larguarit në merkaton e verës.

“Nëse ka një gjë që më bën të çmendem, është kur lojtarët duan t’i bëjnë vetë të gjitha. Si në rastet kur një lojtar duhet ta pasojë medoemos topin dhe nuk e bën këtë gjë. E kam paguar shtrenjtë këtë bindje timen. Te Real Madrid, gjëja që nisi krisjet e para midis meje dhe Florentino Perezit ishte kur nxora nga fusha Gareth Bejlin në një ndeshje kundër Valencias (Reali humbi 2 –  1)”.

“Ai kishe një rast të shkëlqyer ku duhej ta pasonte topin te Benzema që ishte me portë bosh dhe pa mbrojtës. Nëse do t’ia jepte topin Benzema do shtynte topin dhe ne do shënonim. Bejl në vend që të bënte këtë gjuajti vit. Më pas unë e zëvendësova dhe ai moment ishte fillimi i fundit të qëndrimi tim te Reali”, tha Ançeloti.

“Insistoj se kemi ekipin më të mirë në botë dhe dhe trofetë që kemi fituar kanë ardhur prej kësaj arsyeje. Ne nuk kemi ndërmend të shpenzojmë për hir të shpenzuarit. Ju jap një shembull, unë për vite më radhë kam dëgjuar nga media të ndryshme se ne jemi në kërkim të një sulmuesi pykë. Kjo nuk ka qenë kurrë e vërtetë, pasi kemi në skuadër Karim Benzemanë, që është sulmuesin më i mirë në botë”.

“Gjithsesi po mendojmë dhe për të ardhmen. Kemi blerë tre lojtarë të rinj, që do të jenë protagonistët e së nesërmes si Vinisjus dhe Rodrigo, ky i fundit ishte një ndër kandidatët për të fituar trofeun “Kopa” (Çmim që i jepet lojtarit më të mirë në nën moshën 21-vjeçare, fituesi i vitit të kaluar ishte Kilian Mbape)”, përfundoi Perez

Ditën e sotme, prestigjozja “Marca”, ka raportuar se madrilenët po mendojnë për afrimin e Nabil Fekir, i cili me sa duket është ofruar nga presidenti i Lionit, Zhan-Mishel Olas. Ky i fundit, duket se nuk e pranon faktin që çmimi i francezit është ulur dhe kërkon që të përfitojë sa më shumë nga shitja e tij.

Fekir ishte shumë pranë nje transferimi te Liverpul në verë, por numri një i klubit të Lionit, nuk pranoi ofertën e “The Reds”, që thuhej se shkonte deri në 50 milionë euro. Kontrata e 25-vjeçarit  me klubin francez skadon verën e vitit 2020, por rrugët e dy palëve duket se do të ndahen më shpejt se viti 2020.

Sipas “AS”, Ronaldo e ka justifikuar këtë vendim me faktin se ai ka pak kohë që ka ikur nga Real Madrid dhe dëshira e tij për t’u larguar nga Real Madrid erdhi si një lajm i papritur për shumë vetë në klubin madrilen.

Mbetet parë t’u parë se cili do të jetë vendimi i Lionel Mesit. “Pleshti” ndonëse, argjentinas nuk është tifoz i asnjë prej skuadrave finaliste të Kupës Libertadores. Ekipi i zemrës i sulmuesit të Barcelonës është skuadra e qytetit të tij të fëmijërisë Newell Old Boys.

S’do mend që në merkaton e dimrit dhe atë të verës, Real do rikthehet të thyejë rekorde, siç ka bërë në të shkuarën me blerjet e Kaka, Kristiano Ronaldo dhe Bejl. Sipas medieve italiane, kampionët në fuqi të Champions-it i “kanë vënë” syrin prej lojtarëve më të mirë në Serie A.

Bëhet fjalë për sulmuesin e Interit, Mauro Ikardi dhe mbrojtësin grek të Romës, Kostas Manolas. Në ndeshjen e së dielës në “Olimpico”, drejtues të klubit spanjoll ishin vendosur në tribunat “Vip”, ku panë më imtësi çdo lëvizje të lojtarëve në fjalë.

Mendja është te merkato, ku “galaktikët” duhet të ndërhyjnë që të rregullojnë diçka, nëse nuk duan që të mbyllin një sezon me zhgënjim. Siç raportohet nga “Marca”, presidenti Perez ka takuar presidentin e skuadrës braziliane të Korinthias, Andres Sançez, pasi reali synon shërbimet e mesfushorit 20-vjeçar Pedrinjo.

Sançez ka takuar Ronaldon, presidentin e real Vajadolid, ndërsa më pas ka pasur një bisedë me numrin një të Realit. Vlera e mesfushorit është diku te 50 milionë dollar, dhe aludimet në Spanjë janë që Reali të marrë lojtarin në fjalë dhe më pas ta huazojë për pak kohë te Vajadolid. Mbetet për t’u parë nëse do të realizohet diçka e tillë, pasi mesfushori i djathtë është edhe në planet e Barcelonës.

Rezultatet e trajnerit të ri kanë qenë mjaft të mira, teksa në katër ndeshje i ka fituar të gjitha dhe bilanci ka qenë mbresëlënës, ku ka shënuar plot 15 gola dhe ka pësuar vetëm dy të tillë. Pikërisht si pasojë, e këtyre rezultateve klubi i Realit ka njoftuar ditën e sotme marrëveshjen e arritur me Solarin.

Sipas faqes zyrtare të klubit madrilen, Santiago Solari do të jetë trajner i madrilenëve përfundimisht dhe jo në mënyrë të përkohshme tashme. Argjentinasi ka firmosur një kontratë, që e mban të lidhur me galaktikët deri në verën e vitit 2021.

Mark Krosas një ish-lojtar i Barcelonës reagoi më një postim në rrjetin social “Twitter”, ku shkroi: “A je në vete Florentino (Perez). Në katër muaj shkatërrove Spanjën dhe Realin më të mirë në histori.

Si vas a morir en el Camp Nou, hazlo con el planteamiento de la 2a parte. Triste Lopetegui. Sólido y Letal Barça. Sin Messi, pero con Suárez y Alba colosales.
¿Tendrá conciencia Florentino? En 4 meses destrozó la selección española y al mejor Madrid de la historia.

— Marc Crosas (@marccrosas) October 28, 2018

Situata ka shkuar në një pikë kritike me Realin që renditet i 9-i në tabelën e La Ligas. Loja e skuadrës lë shumë për të dëshiruar dhe të paktë janë ata tifozë që besojnë se Reali mund ta kthejë situatën në gjysmën e dytë të sezonit siç ka bërë në vitet e shkuara.

Pikërisht kritikat më të mëdha i ka marrë sulmi, ku Karim Benzema dhe Mariano Diaz nuk duken aspak në formë, për të mbajtur peshën e sulmit të Reali të Madridit. Siç raportohet nga mediat angleze, Reali i Madridit po mendon për një lëvizje të bujshme që në muajin janar. Bëhet fjalë për Herri Kejn, për të cilin skuadra e Totenhem ka deklaruar më parë se nuk do e shiste për asnjë çmim.

Florentino Perez duket se do ta provojë transferimin e sulmuesit anglez me çdo kush në Madrid, madje mund të ofrojë deri në 200 milionë sterlina. Një shifër jashtëzakonisht e lartë dhe që ndoshta mund të tundojë “gjelat” e Londrës. Kejn u përfol edhe në merkaton verore si një shenjestër për Realin, por asgjë nuk u konkretizua.

Perez ka komentuar dhe stadiumin e ri që pritet të ndërtohet në Madrid. Presidenti i kampionëve të Europës ka theksuar se stadiumi i ri do të jetë më i miri në botë.

“Ne nuk do të luajmë asnjë ndeshje në Shtet e Bashkuara. Unë nuk e di se çfarë interesash ka, por nuk janë në favor të klubeve dhe tifozëve. Ne refuzojmë çdo mundësi të tillë”.

“Në mbledhjen e ardhshme do të vendosim dhe për fatin e stadiumit, Do të jetë stadiumi më i  mirë në botë. Punimet do të fillojnë në vitin 2019 dhe do të jetë shumë modern dhe me kushte më të mira për tifozët. Do i kushtojmë rëndësi teknologjisë dhe mund të them se do të jetë një arenë dixhitale”.

Sipas një artikulli të së përditshmes spanjolle “AS”, në arkat e klubit madrilen janë gati 372 milionë euro që mund të përdoren vetëm për përforcime, duke mos cenuar sektorët e tjerë të klubit. Vera e ardhshme do të jetë shumë zënë për drejtuesit madrilen, pasi skuadra pritet të përforcohet më të paktën tri blerje rekord.

Trajneri Hulien Lopetegui nuk e ka fshehur simpatinë e madhe që ka për futbollistin belg Eden Hazard. Sulmuesit i Çelsit do të ketë vetëm një vit kontratë në verën e vitit të ardhshëm dhe në Angli zor se do ta bllokojnë edhe për një vit.

Dje, pas shortit të fazës së grupeve në Champions League,  Perez ishte në Montekarlo dhe deklaroi për një grup gazetarësh: “Ata u përpoqën të blinin numrin 10 tonë pa paguar asgjë për të. Është hera e parë që diçka e tillë më ndodh në jetën time”.

Zëvendëspresidenti i Interit Javier Zanetti foli për Sky Italia, i pyetur për këtë deklaratë nga Perez: “Nuk e di ç’ka thënë. Do ta shohim dhe më pas do të reagojmë si klub”.

Ky transferim i ka kushtuar 5 milion euro skuadrës së Uest Ham , kjo për faktin se 29-vjeçari nuk mundi që ta fitonte asnjëherë besimin e “topçinjve”, të cilët e blenë për 20 milion euro. Vetëm 9 ndeshje si titullar në edicionin e parë dhe më pas e huazoi tek La Karunja në Spanjë.

Aventurë jo e mirë dhe në La Liga, pavarësisht se ishte titullar, pasi në fund të edicionit skuadra e tij ra nga kategoria. Sulmuesit do të provojë që të gjejë shkëlqimin tek skuadra Londineze. Perez ka nënshkruar një kontratë 3-vjeçare me ekipin e re.

Tek Arsenali do e mbajnë mend për 3 golat e realizuar në një ndeshje ndaj Bazelit në Champions, duke u bërë kështu një nga 6 lojtarët e Arsenalit që e kanë arritur një statistikë të tillë.

Presidenti Florentino Perez do të takohet me lojtarin, për të diskutuar këtë situatë, por kampionët e Europës kanë gjetur një shteg që mund të evitojnë largimin e kroatit. Siç raportohet nga mediat spanjolle, “galaktikët” janë gati që të paraqesin një denoncim në UEFA, ku të raportojnë zikaltrit për shkelje të rregullave të “fair-play”-t financiar.

Më herët është raportuar se Interi është gati që t’i ofrojë një pagë prej 10 milion eurosh në katër sezon kroatit, por kjo gjë duket se bën që bilanci financiar i skuadrës italiane të jetë i çrregullt dhe kompensimi.

Një lëvizje e papritur dhe shumë e mirëstudiuar, për të marrë çdo lloj mase që nënkampioni i Botës të mos vijojë eksodin nga madrilenët.

Vetë presidenti Florentino Perez duket se është mjaft i bindur se nuk do të ketë asnjë largim tjetër, duke u ndalur specifikisht tek kroati: “Modriç nuk është Ronaldo”, duke theksuar dhe një herë se çdo skuadër që e do duhet të depozitojë shifrën e klauzolës së mesfushorit prej 750 milion eurosh. Ronaldo kishte një klauzolë të veçantë për largimin, ndërsa në rastin e 32-vjeçarit nuk është parashikuar diçka e tillë.

Gjithsesi, në Spanjë janë të sigurt se menaxheri i lojtarit do të takohet nesër me drejtuesit. Vetë Modriç do të rikthehet nga pushimet por nuk përjashtohet mundësia që të ndërlikohet situata.

Nëse vetë lojtari shpreh dëshirën për t’u larguar atëherë nuk do të ishte çudi që të kishim një ulje të klauzolës edhe pse duket shumë e vështirë që të ndodhë, pasi drejtuesit nuk do ja lejonin vetes që të larohet dhe një tjetër yll pas Ronaldos, pasi edhe koha për të gjetur një pasues do të ishte e pamjaftueshme.

Sot e ka pasur radhën sulmuesi brazilian Vinicius Zhunior, i cili është bërë prej kohësh pronë e Realit, që ka paguar 45 milionë euro për t’ia marrë Flamengos, por transferimi është realizuar tani, pasi Vinicius duhej të mbushte moshën madhore.

? @vini11Oficial#WelcomeVinicius pic.twitter.com/XFYFdW0KnA

— Real Madrid C.F. (@realmadrid) July 20, 2018

PEREZ – “Si çdo sezon, Reali do të synojë të fitojë gjithçka, siç na e kërkon historia jonë. Do të vazhdojmë të punojmë për një të ardhme të ndritur, duke kërkuar talentet më të mëdhenj. Thashë që do ta përforcojmë skuadrën me lojtarë të mrekullueshëm dhe atë jemi duke bërë. Vinicius e prisnim prej kohësh, sepse na ka magjepsur dhe sepse besojmë se mund të bëhet ndër më të mëdhenjtë në Madrid. Jemi të bindur se është një nga ata lojtarë që do të lenë shenjë në të ardhmen”, deklaroi presidenti i Realit, Florentino Perez.

VINICIUS – Më pas foli talenti brazilian: “Është mundësia më e mirë që ka një futbollist, do të sakrifikoj shumë për të treguar se e meritoj këtë mundësi. Sakrifica nuk është diçka e re për mua, vij nga një familje shumë e thjeshtë dhe jam krenar për të dhe për vlerat që më ka transmetuar. Kam jetuar larg familjes që të kisha mundësi të triumfoja. Tani kam nderin të mbërrij në majën e botës, që është Madridi, në moshën 18-vjeçare. Me këtë moshë, do t’u tregoj shokëve dhe trajnerit që jam i përgatitur për të luajtur. Do të bëj gjithçka që të përshtatem sa më shpejt. Më krahasojnë me Nejmarin për nga mënyra e lojës, shpresoj t’i ngjaj. Luaj kryesisht në të majtë të sulmit, trajneri Lopetegi po më flet shumë dhe më ka kërkuar që të mos bën shumë driblime, sepse është e rrezikshme. Nejmar në Madrid? Ëndërroj të luaj me të dhe nëse do dojë Zoti, do luaj me të në kombëtare”.

Reali ka vendosur që Vinicius të qëndrojë në Madrid, duke mos u huazuar, pasi do të jetë më mirë për të që të stërvitet me ekipin e parë, edhe pse mund të luajë disa ndeshje në ekipin B, për të fituar minuta e eksperiencë.

Nuk është vetëm Kristiano në listën e shitjeve, sepse edhe Geret Bejl e Benzema do të dalin në ankand, duke bërë që sulmi të pësojë revolucion.

Emrat e së ardhmes? Në Madrid kanë shumë ëndrra: e madhja është Nejmar, pas tij Hazard e Ikardi. Alternativa të argjentinasit të Interit, Herri Kejn e Levandovski.

Ëndrra apo çmenduri? Në fakt, historia na mëson që Florentino rrallë dështon, kur fiksohet me yjet e futbollit.

Zinedin Zidan kërkoi një sulmues, por nuk erdhi, sepse presidenti Florentino Pérez mendonte se mjaftonte një 18-vjeçar i talentuar si Ahraf Hakimi.

Edhe në mbrojtje u besua tek një i ri pa eksperiencë, Hezus Vajeho, ndërsa u ble vetëm Teo Hernández për krahun e majtë, por deri tani nuk ka dhënë ndonjë sinjal pozitiv, në aq pak minuta sa luan.

Problemeve mbrojtëse u shtohet mungesa e konkurrencës për sulmuesin Karim Benzema,ndërkohë që portieri Kejlor Navas po kthehet në problem, sepse kryen pritje të shkëlqyera, por bën edhe shumë gabime.

Kepa Arrizabalaga është i përzgjedhuri për t’u bërë portier i dytë dhe në të ardhmen titullar, ndërsa më urgjente janë ndërhyrjet në mbrojtje. David Luiz ishte një kandidat në verë, tani Bonuçi, Laporte dhe Markinjos, por Perez duhet të presë një cek të majmë.

Në fund, sulmi: Mauro Ikardi është i preferuari i Realit dhe flitet se janë kryer edhe vizitat mjekësore, por këtu duket fantazi e pastër. Gjithsesi, Perez do ta provojë që tani, përndryshe do të synohet Herri Kejn në verë. Ikardi kushton 110 milionë euro, një mbrojtës rreth 60 milionë dhe portieri Kepa 30 milionë: 200 milionë në total, për të ringritur Realin, me ëndrra të tjera në verë, nga Hazard te Nejmar.

Skuadra dhe trajneri

“Ne jemi Real Madridi dhe nuk diskutohet që kemi një skuadër fantastike për të vazhduar ëndrrën. Trajneri? I shkëlqyer, ndër më të mirët. Më saktë, ideali për ne. Me të do të fitojmë sërish trofe”, kanë qenë fjalët e presidentit Perez, i cili nuk ndihet “i tradhtuar” nga Sergio Ramos me shokë. “Të gjithë e dinë se jemi një nga skuadrat më të mëdha të historisë së futbollit, të tjerët na shohin si pikë referimi. Nëse nuk do të kishim qenë të bashkuar, nuk do t’i kishim kaluar kurrë ditët e vështira. Kjo ka bërë që të tjerët të marrin shembull dhe të na admirojnë”.

Sezoni

I pyetur për sezonin aktual, Perez theksoi se me Ronaldon Reali mund t’i arrijë objektiat. “Vitin 2017 do ta mbajmë mend jo vetëm për kampionatin dhe Champions-in, por edhe për Superkupën e Spanjës dhe atë të Europës. Dihet se Zidan është lideri i vërtetë i këtij ekipi, por Ronaldo është simboli i Real Madridit. Ai edhe këtë vit do ta fitojë “Topin e Artë”, i pesti për të, sepse e ka merituar me të gjitha ato që ka bërë për ne gjatë këtij viti”.

“Daily Mail” raporton se De Gea më në fund ka marrë aprovimin e trajnerit të tij, Zhoze Murinjo, për t’u larguar. Arsyeja është se “Djajtë e kuq” kanë gjetur pasuesin e tij. Ai është portieri i Stouk Sitit, Xhek Butlend, me të cilin Junajtidi ka nisur edhe kontaktet e para.

Prezantimin e ka drejtuar presidenti Florentino Perez, i cili ka përshëndetur futbollistin e talentuar: “Ky ekip ka trajnerin më të mirë në botë dhe ka fituar dy Champions rresht, por edhe pse është e jashtëzakonshme, skuadra ka nevojë edhe për diçka më shumë. Po punojmë pa pushim për të tashmen dhe të ardhmen. Kërkojmë më të mirën e mundshme për një Real Madrid që kërkon gjithnjë maksimumin. Prej disa vitesh Reali afron lojtarë të rinj të talentuar, me të ardhme të shkëlqyer, dhe një prej tyre është ai që po prezantojmë sot. I urojmë mirëseardhjen Hezus Vajehos, një futbollist 20-vjeçar, me cilësitë për të luajtur për Realin”.

Nëse tani u duket një emër i panjohur dhe që do ta ketë të vështirë të çajë në Madrid, duhet të dini diçka për karrierën e Vajehos: në moshën 18-vjeçare, para dy vitesh, Reali e bleu për 5 milionë euro nga Zaragoza, duke e lënë një vit në huazim te klubi i Segunda Division, ku Vajeho ishte kapiten skuadre (53 ndeshje e 1 gol në 2 sezone). Verën e shkuar Reali e huazoi Vajehon në Bundesligë, te Aintraht Frankfurti, duke shkëlqyer edhe aty, me 25 ndeshje e një gol në sezonin e fundit.

Tani Vajeho shkel për herë të parë në “Bernabeu” si futbollist i Realit dhe i emocionuar, deklaroi: “Falënderoj presidentin për besimin që tregoi, kur më bleu para dy vitesh. Që atëherë kam punuar shumë dhe e di që kam edhe shumë punë për të bërë, por shpresoj të qëndroj sa më gjatë në Madrid, te klubi më i mirë në botë”.

Vajeho do të mbajë fanellën me numrin 3 në Madrid.

Presidenti madrilen ka folur për radion spanjolle Onda Cero dhe ka komentuar zërat se Ronaldo kërkon të largohet: “Herët a vonë do të flas me Kristianon, nuk e kam bërë ende sepse nuk dua ta shqetësoj derisa të përfundojë Kupa e Konfederatave. Nuk na ka ardhur asnjë ofertë, as për të, as për Moratën, pas për Hamesin, ndaj mendojmë se Ronaldo është dhe do të mbetet futbollist i Realit. Natyrisht, nëse dikush paguan 1000 milionë euro, le ta marrë. Kam besim të plotë te Ronaldo, më vjen keq që disa media ia kanë njollosur imazhin”.

Më pas, Perez ka folur edhe për të ardhmen dhe talentet që synohen: “Mbapé e Donaruma janë objektiva të rëndësishëm të klubit, është normale që t’i ndjekim me vëmendje, ashtu si Vinisius dhe disa të tjerë. Nëse janë të mirë, Reali do t’i kërkojë herët a vonë, sepse te ne vijnë më të mirët në botë. Për Donarumën do të pyes trajnerin, me Raiolën kam biseduar vetëm për Pogbanë dhe nuk ia dolëm të merreshim vesh. De Gea? Asnjë marrëveshje me Mançester Junajtid”.

Presidenti i Realit, Florentino Perez, ka zbuluar se Los Blancos thuajse e blenë yllin brazilian, para se ky i fundit të transferohej te Barcelona.

“Nejmari kaloi vizitat mjekësore te Madridi. Ne u munduam ta blejmë, por arritëm në një pikë ku gjithçka u bë e pamundur dhe u detyruam të tërhiqeshim”, ka zbuluar Perez për Onda Cero.

Në vitin 2013 Nejmar shkoi te Barcelona, ndërsa Reali investoi shifrën rekord për Geret Bejlin.

Tani Reali nuk po tregohet aktiv në treg, por Perez është i qetë: “Merkatoja përfundon më 31 gusht, është një rrugë e gjatë deri atëherë. Bejl? Nuk jam i zhgënjyer. Ka pasur një sezon fatkeq për dëmtimet, por na ka dhënë shumë gëzim në të shkuarën”.

Të shtunën Reali do të përballet me Juventusin në finalen e Champions League dhe Perez e do triumfin me çdo kusht, pasi kampionat e Champions Reali nuk i ka fituar më që prej vitit 1958.

Perez kërkon të bëjë historinë e Realit dhe nuk ka ndërmend të kursehet, sepse ka vendosur një premio jashtë logjike: 1.5 milionë euro për çdo futbollist, në rast triumfi.

Modeste premioja e Juventusit: “vetëm” 500.000 euro për çdo futbollist në rast suksesi.