Natyrshëm që për festat e fundvitit, anësori është kthyer në vendin tonë, por kjo nuk do të thotë se duhet të ndërpresë terapinë. Lojtari i kuqezi e ka zhvendosur në kryeqytet fazën e rikuperimit, ku po punon me ish-mbrojtësin Roland Peqinin, me këtë të fundit që ka postuar një video në profilin e tij, ku shihet se udhëzon lojtarin e Kombëtares për ushtrimet që duhet të bëjë.

Roshi duket se po ecën me një ritëm të kënaqshme, pasi siç shihet dhe në video, ai mund të punojë me topin mjaft mirë, duke bërë ushtrime të thjeshta. Gjasat janë që Roshi të djegë etapat dhe t’i thyej pritshmëritë për të zbritur në fushë më shpejt nga sa është parashikuar nëse mban këtë ritëm.

Jurgen Zela

Dinamo nuk po arrin që të gjejë shtegun drejt elitës së futbollit shqiptar. Kryeqytetasit e kanë nisur sezonin pa pretendime madhore, pasi dhe mungesa e terreneve sportive e kushtëzon diçka të tillë. Pas humbjes në javën e parë me Besën, blutë rikthehen të luajnë si pritës në kompleksin “Internacional” në Pezë-Helmës, por pa praninë e tifozëve, pasi ky kompleks nuk i përmbush të gjitha kushtet e licencimit. Përballë Erzenit, të besuarit e Igli Allmuçës do të synojnë që të bëjnë mirë për të arritur të marrin pikët e para në këtë edicion të ri. Roland Peqini do të jetë kapiteni i skuadrës këtë edicion dhe do të synojë që me eksperiencën e tij ta ndihmojë Dinamon. Për “Sport Ekspres”, mbrojtësi i cili ka qenë pjesë e kryeqytetasve në titullin e fundit që kanë fituar, si një lider i vërtetë nuk i kurseu këshillat për lojtarët e rinj. Njëkohësisht ai beson te një rezultat pozitiv përballë Erzenit, edhe pse e di se nuk do të jetë e lehtë. “Nuk duhet të harrojmë që kemi veshur një fanellë të rëndës si kjo e Dinamos. Të rinjtë nuk duhet ta quajnë më veten të rinj, por të vlerësojnë maksimalisht fanellën që veshin. Duhet ta konsiderojnë të gjithë fat që janë pjesë e një ekipi me shumë histori në futbollin shqiptar. Duke nisur që nga unë, si kapiteni i skuadrës, dhe deri te i fundit, duhet të japim shpirtin në çdo moment për fanellën që përfaqësojmë. Nuk duhet të harrojmë se kush është Dinamo. Përballë Erzenit e dimë se do të jetë një përballje e vështirë, por ne e kemi vlerësuar maksimalisht kundërshtarin dhe besojmë shumë te një rezultat pozitiv”, përfundoi kapiteni Peqini.