Rustem Hoxha e Albi Alla vendosën të largohen më herët, ndërsa sot ka mbyllur marrëdhëniet me Kukësin edhe mbrojtësi i majtë Ardit Peposhi.

25-vjeçari u bashkua me Kukësin para një viti, por luajti vetëm 280 minuta në Superiore, shumë pak për një futbollist që ka nevojë të luajë, pasi është në kulmin e karrierës.

Me eksperiencë të rëndësishme në Superiore, falë sezoneve me Tiranën, Teutën, Bylisin e Korabin, Peposhi ka vendosur të dalë i lirë në treg.

“Miqtë e mi, doja t’u informoja se që sot që nuk jam me pjesë e Kukësit. Falënderoj tifozët e Kukësit dhe shokët e ekipit për mbështetjen për gjatë gjithë sezonit te kaluar,do doja që kontributi im për këtë ekip të ishte shumë më i madh se kaq, megjithatë për arsye të ndryshme nuk ndodhi kjo gjë. Kukësit i uroj vetëm fat e suksese ne këtë sezon të ri”, shkruan Peposhi, duke zyrtarizuar ndarjen me Kukësin.

Mesfushori 24-vjeçar nga Kukësi, i cili luan edhe në mbrojtje, ka firmosur me Kukësin dhe ka folur për herë të parë si pjesë e klubit kampion, pas aventurave te Tirana, Teuta, Bylisi e Korabi.

“Jam i lumtur që kthehem tek ekipi i vendlindjes. Kam luajtur edhe me Tiranën e klube të tjera, ndaj jam i mësuar me presionin. Si kundërshtar e kam pasur shumë të vështirë ndaj Kukësit, tani jam pjesë e tij dhe synimet janë madhore, ndaj shpresoj të fitojmë kampionatin e kupën.

Jam kuksian dhe kam detyrime ndaj këtij klubi. Premtoj maksimumin, Kukësi ka synime madhore dhe do të jap gjithçka, por edhe do të marr nga Kukësi”.