Pepe Reina

Juve bën pazar te Milani, babai i spanjollit jep miratimin

Sport Ekspres — Tue, 04 Jun 2019 21:41:14 +0000

Matia Perin nuk ndihet komod për rolin e tij te Juventusi. Portieri italian nuk ka arritur të luajë gati fare këtë sezon, me Sheznin që merr maksimumin e minutave. Kjo ka sjellë në idenë e largimit të portierit italian drejt një destinacioni, ku do të kishte minuta. Pas largimit të tij, Juventusit do i duhet të gjejë një tjetër portier të dytë.
Emri i Pepe Reina ka dalë në skenë ditët e fundit në mediet italiane. 36-vjeçari do të kishte kënaqësinë të luante me klubin më të fortë në Itali, qoftë edhe si zëvendësues. Megjithatë, kjo lëvizje mund të shkaktojë shumë polemika duke parë rivalitetin mes Juves dhe Milanit.

Nuk mendon kështu babai i Reinës. Ai nuk e përjashton idenë një transferimi në “Allianz Stadium” të djalit të tij. Ardhja e mundshme e Sarrit në krye të stlolit të “Zonjës” do i shtonte shumë shancet e kësaj lëvizje.

“Nuk e di nëse Sarri do të shkojë te Juventus. Ai e dëshmoi me Napolin se është një nga më të mirët në botë dhe e bëri këtë edhe me Çelsin, duke fituar Europa League. Reina te Juventus? Ata janë klubi më i mirë në Itali. Reina është profesionist. Nuk do të ishte një problem transferimi i tij në Torino”, u shpreh babai i portierit spanjoll.

Largimi i legjendave dhe drejtimi i Milanit, flet Pepe Reina

Sport Ekspres — Sat, 01 Jun 2019 18:11:36 +0000

Revolucioni që po ndodh te Milani duket se i ka trembur tifozët. Largimi i Gatuzos dhe Leonardos, që kanë dhënë shumë mund për këtë klub, ka hasur me shumë kundërshti. Ardhja e personave si Gazidis, që nuk kanë lidhje me të shkuarën e klubit dhe nuk kanë kontribuar kurrë për të, i ka bërë mbështetësit të jenë skeptikë.

Pepe Reina është nga ata, që e njohin mirë ambjentin brenda Milanit dhe mundohet të qetësojë tifozët. Ai shprehet se klubi është në duar të sigurta dhe klubi do të rritet. Thotë që tifozët të tregohen të qetë dhe të presin.

“Duhet të presim sepse nuk mund të bëjmë asgjë tjetër. Shpresojmë që zgjedhjet të jenë të drejta. Duhet gjithmonë të përpiqemi dhe respekti të qëndrojë në plan të parë. Milani është në duar të sigurta dhe nuk kam asnjë dydhim se klubi do vazhdojë të rritet”, u shpreh portieri kuqezi.

“Duhet ta mundim racizmin, por idiotët janë kudo”

Sport Ekspres — Fri, 26 Apr 2019 18:07:13 +0000

Racizmi në Itali nuk ka të mbaruar. Shembulli i fundit janë koret e tifozëve të Lacios ndaj Bakajoko dhe Kesi. Kjo ndodhi në ndeshjen gjysmëfinale të kupës së Italisë, ku Lacio fitoi 0-1 dhe shkoi në finale, duke thelluar krizën, që ka kapluar Milanin. Përtej humbjes, një vëmendje të veçantë në San Siro e ka zënë edhe sjellja e tifozëve ndaj dy mesfushorëve të “Djallit”.

Pepe Reina ka reaguar ashpër ndaj tifozëve italianë. Ai i quan ata idiotë dhe shprehet se duhet të hapet një faqe e re ndaj këtij fenomeni. Ai përgëzon reagimin e dy lojtarëve dhe është i mendimit se lojtarët nuk duhet ta lënë fushën e lojës në të tilla raste sepse arbitri dhe asistentët e tij janë ata që vendosin.

“Gjatë gjithë ndeshjes dëgjuam kore raciste nga tifozët e Lacios. Kesi dhe Bakajoko meritojnë repsekt, pasi nuk reaguan dhe u përqëndruan vetëm në fushë. Gjyqtarët dhe zyrtarët e tjerë në ndeshje kanë fuqinë ta ndalojnë ndeshjen nëse e shohin të arsyeshme. Nuk mendoj se lojtarët duhet të braktisin fushën.”

“Dy djemtë janë njerëz me mend në kokë dhe ata e dinë se nuk janë të gjithë tifozët njësoj, nuk janë të gjithë idiotë. Duhet të hapim një faqe të re. Të japim një mesazh të fortë kundër racizmit, megjithëse fatkeqësisht duket e vështirë sepse idiotët janë kudo”, u shpreh ashpër portieri i Milanit.

Reina: Eleminimi për fajin tonë, tani reagojmë dhe kthejmë sezonin!

Sport Ekspres — Sat, 15 Dec 2018 19:44:03 +0000

Milani mori një eliminim tronditës nga Europa League mbrëmjen e së enjtes ndaj Olimpiakosit, në një ndeshje që u mund 3-1. Kur kanë kaluar gati dy ditë nga ajo sfidë, për mediat italiane ka folur Pepe Reina. Portieri spanjoll ka pranuar se Milani nuk duhet të ankohet te arbitri, por të ulë kokën dhe të punojë akoma më fort për t’u rikthyer te rezultatet pozitive.

HUMBJA – “Na duhet të reagojmë, të ulim kokën dhe të punojmë fort. Nuk ishte një humbje për shkak të arbitrit, pavarësisht se kishte disa episode, por gabimi më i madh u bë nga ne. Kishim në dispozicion dy nga tre rezultate dhe në fund nuk e merituam për t’u kualifikuar”.

POST ELIMINIMI – “Do të ulemi dhe do ta ndjekim ndeshjen, në mënyrë që të shohim se ku duhet të përmirësohemi. Çdokush nga ne duhet të jap të paktën 10% më shumë nga ajo që ka dhënë deri tani”.

TRAJNERI GATUZO – “Është kapiteni i anijes dhe gjithmonë është aty për të marrë përgjegjësitë. Të gjithë ne duam të reagojmë dhe ta kthejmë sezonin në shinat e duhura, që për hir të së vërtetës, përpara ditës së enjte nuk po shkonte dhe aq keq”.

NDESHJET E RADHËS – “Të martën, ne duhet të shkojmë në Bolonja me grushtin mes dhëmbëve dhe të mundohemi t’i fitojmë ndeshjet që do të kemi deri për pushimin e Krishtlindjeve, kështu që pjesën e dytë të sezonit ta nisim në një pozitë komode”.

Titulli dhe rivaliteti me Donarumën, Reina: Kampionati mbyllet në… prill!

Sport Ekspres — Sat, 01 Dec 2018 12:30:00 +0000

Pepe Reina është pjesë e Milanit, pavarësisht se titullar luan Donaruma. Portieri spanjoll ka folur për Sky Sport”, duke vlerësuar Juventusin. Ekipi i Alegrit është tepër i fortë dhe mund të fitojnë titullin shumë më shpejt se sa mendohet.

Në fund një koment për duelin për portierin titullar, por 36-vjeçari e pranon këtë situatë dhe nuk e ka problem të ndihmojë rivalin 19-vjeçar.

“Për fat të keq, në Serie A ka vetëm një skuadër kandidate për të fituar titullin, Juventusi. Nëse bardhezinjtë ruajnë këtë formë, ata do të shpallen kampionë përpara muajit prill. Donaruma? Është hera e parë që më ndodh të rivalizoj, pasi gjithmonë kam luajtur titullar gjatë karrierës time. Më duhet ta pranoj rolin e portierit të dytë. Jam profesionist dhe jap më të mirën time, madje po e ndihmoj Donarumën që të rritet”, përfundon gardiani i Milanit.

Bujaria e Reinës dhe Romës, tifozët turren të shpëtojnë… klubin spanjoll!

Sport Ekspres — Fri, 23 Nov 2018 15:05:38 +0000

Para pak ditësh klubi spanjoll mori një iniciativë interesante për të shpëtuar nga falimentimi. Flasim për Real Mursian, një nga klubet më të vjetra të futbollit iberik, që garon në divizionin e tretë.

Borxhi i klubit ka shkuar në 18 milionë euro dhe drejtuesit kanë vendosur të shesin 150 milionë aksione. Mjaftojnë 1 euro e 20 cent dhe çdokush mund të bëhet me 10 aksione. Regjistrimi mund të bëhet në faqen zyrtare të klubit, duke u bërë kështu aksioner i Mursias. Një gjë të tillë mund të bëjë çdokush dhe klubi kërkon ndihmën e tifozëve për të dalë nga kriza.

Blerja e të paktën 390 aksioneve të jep të drejtën për të marrë pjesë fizikisht në Asamblenë e Anëtarëve të klubit. Një gjë e tillë po jep fryt dhe tifozë të ndryshëm, por jo vetëm, kanë nisur të blejnë aksione të klubit.

Të gjithë po mundohen të shpëtojnë Mursian dhe mes tyre janë: Pepe Reina dhe klubi i Romës. Profili anglez i verdhekuqve ka bërë thirrje për të ndihmuar klubin spanjoll dhe tifozët janë përgjigjur. Blerje aksionesh me një vlerë rreth 10 mijë euro.

When we began #ASRoma’s Twitter Team of the Day series, our goal was to uplift others & bring the football community closer together. Today we highlight @realmurciacfsad, a team in a critical situation, struggling for their very survival. They need help ? https://t.co/VBAP52AftO pic.twitter.com/iG1FmzrNwJ

— AS Roma English (@ASRomaEN) November 19, 2018

Aksioner i Mursias është bërë dhe portieri i Milanit. Spanjolli ka lajmëruar në faqen e tij blerjen e disa aksioneve të klubit dhe nismës i janë bashkuar dhe tifozët e “Djallit”.

“Për një klub historik besoj se për ne që e duam këtë sport ia vlen të bashkojmë forcat dhe të dhurojmë një grimcë rëre”, shkruan Reina.

X un Histórico, creo q merece la pena q nos unamos todos los q amamos este deporte y aportemos un pequeñito grano de arena!!! ???? https://t.co/Ezx9xOgRdZ

— Pepe Reina (@PReina25) November 21, 2018

Grinta e Reinës: E mundim Juven me tifozët. Donaruma? Po e ndihmoj, është fenomen

Sport Ekspres — Fri, 09 Nov 2018 10:55:00 +0000

Milani arriti të siguronte një barazim përballë Betisit në transfertë, duke e mbajtur të hapur grupin F të Europa League. Kuqezinjtë renditen në vendin e dytë në kuotën e shtatë pikëve, njësoj me Olimpiakos, ndërsa Betis kryeson me tetë pikë.

Vëmendja e kuqezinjve është rikthyer në kampionat, aty ku e pret një sfidë shumë e fortë. Në “San Siro” vjen Juventusi dhe djemtë e Gatuzos janë gati për të zhvilluar një ndeshje të madhe. Pepe Reina u aktivizua në ndeshjen e Europës, ndërsa komenton për “Sky Sport”, mbi barazimin 1-1 dhe sfidën përballë bardhezinjve të Alegrit, të dielën në mbrëmje.

“Në çdo moment vështirësie dhe sakrificash, kur arrin t’i kapërcesh bëhesh më i fortë. Treguam shumë gjëra pas asaj që ndodhi në ndeshjen e parë me Betis, tani duhet të kemi vazhdimësi. Juventus? Do të përballemi me përulësi dhe respekt, duke e ditur që janë një skuadër e madhe, por pa frikë dhe me besim te vetja jonë. Do të kemi shtyrjen e një ‘San Siro’ të tejmbushur dhe tani duhet të mendojmë për tre pikët.”

Spanjolli flet dhe për kolegun e tij, Xhanluixhi Donaruma, duke treguar objektivin e tij dhe vlerësuar cilësitë e portierit të talentuar.

“Mes portierëve dhe trajnerëve ekziston një grup i madh pune, i shëndetshëm dhe argëtues. Duam të rrisim nivelin, ndërsa objektivi im është të ndihmoj Donarumën të rritet, sepse ai i ka cilësitë për t’u bërë një fenomen”, përfundon portieri 36-vjeçar.