Gjatë kësaj periudhe Guardiola ka fituar më shumë tituj se Junajtid, Çelsi dhe Liverpul së bashku. “Djajtë e kuq” mbajnë 14 trofe, londinezët 11 të tillë dhe “The reds” një të vetëm. Të tre ekipet bashkë gjatë kësaj periudhe regjistrojnë 26 trofe. Pep gjatë karrierës së tij ka qenë më i suksesshëm se 3 skuadra të një kampionati si Premier Liga. Shifra të çmendura. Të mendosh që akoma nuk ka arritur as mesin e karrierës si trajner.

Sezoni i gjatë dhe koha e shkurtër për të pushuar po i “shkatërron” lojtarët. Spanjolli jep një shembull me Riad Mahrez. Algjeriani fitoi Kupën e Afrikës me kombëtaren e tij para gjashtë ditësh, ndërsa me 9 gusht nis sezoni i ri i Premier Ligës.

“Ne po përgatitemi të nisim sezonin e ri, por nga ana tjetër kemi një lojtar si Mahrez, i cili sapo ka mbyllur sezonin e fundit. Ky kalendar është një çmenduri. Të vazhdosh në këtë formë është absurde dhe herët apo vonë do t’i vrasim futbollistët”, thekson Pep Guardiola.

Golfi është një ndër hobit e preferuara të trajneri katalanas dhe në Torino ai do të ketë mundësinë të marrë pjesë në një turne të organizuar në mënyrë të përvitshme nga ish-futbollistët italianë Xhanluka Viali dhe Masimo Muaro.

Gjatë turneut pjesëmarrësit “vip” do të bëjnë donacione mbi kërkimin shkencor për kancerin dhe sklerozën amitrofike laterale, kjo e fundit një sëmundje shumë e radhë, por që në Itali është çuditërisht e shpeshtë në komunitetin e ish-futbollistëve.

“Kemi një rivalitet të pastër me Liverpulin e Klopit, por jo vetëm me ta. Premier Liga ka pesë skuadra shumë të forta dhe rivaliteti është i ashpër. Sezonin e ardhshëm do ta nisim nga zero dhe do të shohim se çfarë do të ndodhë”, është shprehur spanjolli i stolit të kampionëve të Anglisë.

Një tjetër konfirmim që nuk ka shanse që 48-vjeçari të zbarkojë në Torinon bardhezi, aty ku pritet që ta bëjë një gjë të tillë Mauricio Sarri.

Një natë më parë, ekipi nga Lisbona triumfoi në finalen e Kupës ndaj Portos, duke ngritur trofeun pas triumfit nga “ruleta ruse” e 11-metërshave. Pas festës futbollistët folën për mediat, ku deklarata që ra më shumë në sy, ishte ajo e Kire Ristovskit, i cili foli pikërisht për largimin e mundshëm të Bruno Fernandes.

“Duhet të qëndrojë me ne edhe sezonin e ardhshëm, ndryshe jemi të mbaruar!”, deklaroi mbrojtësi, me Fernandes që e kaloi me të qeshura të gjithë situatën. Tashmë pritet me interes se si do të shkojnë bisedimet mes klubeve, teksa javën e shkuar ishte përfolur për një akord mes Sitit dhe Sportingut për gati 50 milionë euro.

Alberto Galasi, i cili mban rolin e anëtarit të Këshillit Administrativ të “Qytetarëve”, ka folur për “Sky Sport” në lidhje me këtë çështje, duke zëruar shpresat e tifozëve bardhezi.

“Guardiola është trajneri ynë dhe nuk dëshiron të largohet nga Siti. Pepi te Juventusi? Një budallallëk. Jam befasuar nga ato që kam lexuar. Lajmi është i pavërtetë dhe kjo është qesharake. E para: trajneri dëshiron të qëndrojë dhe ka edhe dy vite kontratë me ne. E dyta: Juventusi nuk duhet të kishte lejuar nxjerrjen e një lajmi të tillë. Duhet të na kishin kontaktuar neve më parë. Është e pabesueshme që do të ketë prezantim pas disa ditësh dhe Siti nuk ka fare dijeni”, përfundon Galasi.

Drejtuesit e kampionëve të Anglisë janë gati të rinovojnë edhe për tre sezone të tjera (ofertë 5-vjeçare në total duke filluar nga sezoni i ri) për trajnerin spanjoll. Ndryshime do të ketë edhe në rrogë sipas raportimeve të The Sun.

Katalanasi përfiton 15 milionë sterlina në sezon, ndërsa me rinovimin e ri rroga vjetore do të shkojë në 20 milionë sterlina. Guardiola dhe djemtë e tij zhvilluan një sezon fantastik, duke arritur të fitojnë tre trofe. Drejtuesit e “Citizens” janë shumë të lumtur me 48-vjeçarin dhe duan ta shohin për shumë kohë në krye të stolit të ekipit.

Objektivi i madh mbetet triumfi në Champions, nga finalja e së cilës i eliminoi vetëm ndërhyrja e teknologjisë VAR në sekondat e fundit të gjysmëfinales dramatike kundër Totenhemit.

Një gazetar i pranishëm ka kujtuar faktin që Roberto Mançini, ish-trajneri i Sitit, është zbuluar duke marrë pagesa të ndara që vinin nga Abu Dabi. “Të ka ndodhur edhe ty diçka e tillë”, pyet gazetari, ndërsa Guardiola i përgjigjet plot seriozitet.

“E di kuptimin e pyetjes që po më bën? Po më thua që kam marrë para nga një situatë tjetër? Sinqerisht mendon se duhet t’i përgjigjem kësaj pyetje? Sot e gjete kur po festoj trofeun e tretë sezonal? Nuk e di çfarë i ka ndodhur Robertos, por po më akuzon mua?”, përfundon trajneri spanjoll i zhgënjyer për atë që i kanë dëgjuar veshët.

“Are you accusing me?…” ??

Pep Guardiola’s incredible altercation with a reporter after @ManCity complete domestic treble at Wembley ?#MCFC ??

? https://t.co/vW6dUtJQnx pic.twitter.com/XgM3eufefq

— Hayters TV (@HaytersTV) May 18, 2019

Ëndrra e madhe quhet Pep Guardiola. Spanjolli ka folur për këtë mundësi, duke sqaruar situatën. Zërat e fundit të merkatos flasin për një interesim të “Qytetarëve” për Antuan Grizman. Francezi do të largohet nga Atletiko e Madridit në fund të sezonit, ndërsa për të interesohet prej kohësh Barcelona.

Guardiola qetëson tifozët katalanas dhe e mbyll me një koment për UEFA-n. Qeveria europiane e futbollit po heton kampionët e Anglisë, trajneri ka besim absolut te drejtuesit e klubit dhe mungesa e provave përkthehet… pafajësi.

“Unë nuk do të shkoj te Juventusi apo në Itali. Kam edhe dy vite kontratë me Sitin. Jam i lumtur këtu dhe nuk dua të ndryshoj ekip. Sezonin e ardhshëm do të jem trajneri i Mançester Sitit.

Grizman? Njerëzit në Barcelonë nuk duhet të shqetësohen. Nuk kemi para dhe nuk do e blejmë Grizmanin. Dënimi nga UEFA? Gjithmonë e kam përsëritur se i besoj klubit tim. Nëse UEFA vendos se kemi gabuar, atëherë do të dënohemi. E di se njerëzit duan të na gjejnë fajtor, por jemi të pafajshëm derisa të gjendet provat. Sot jemi të pafajshëm”, përfundoi Pep Guardiola.

Ndërkohë së fundmi Rahem Sterling ka dhënë një deklaratë për “Mirror” dhe ka zbuluar se si Guardiola i ndryshoi ata. Sulmuesi anglez e thotë hapur sekretin dhe ato janë gjobat.  “Sekreti ynë është mentaliteti. Guardiola u përpoq ta ndryshonte atë dhe vendosi shumë gjoba. Nuk dua të zbuloj shume detaje”, thotë fillimisht Sterling.

“Kishte gjoba për të mbajtur njerëzit nën kontrollon dhe për të qenë i sigurt që të gjitha janë seriozë dhe të gatshëm. Ndëshkime nëse kishte vonesa në takime, gjëra të vogla për t’u siguruar që mentaliteti ynë ishte i duhuri. Kur ne e demonstruam se mund ta bënim diçka të tillë, ai i hoqi gjobat. Ia vlejti, pasi paraqitjet tona u përmirësuan edhe më shumë këtë sezon”, përfundon sulmuesi anësor.

Bardhezintë duan të përsërisin të njëjtën gjë, por kësaj radhe për stolin. E ardhmja e Maks Alegrit në stolin e kampionëve të Italisë është në dyshim, ndërsa është rritur koeficienti i largimit të tij.

Ëndrra e madhe e Fabio Paratiçit quhet Pep Guardiola. Spanjolli shihet si emri i duhur për të rikthyer Juven te futbolli i bukur dhe triumfi në Europë. Sipas koeficienteve të “Sisal Matchpoint”, largimi i Alegrit ka shkuar nga 1.8 në 2, ndërsa ulja e trajnerit katalanas në stol ka zbritur nga 3 në 2.5 orët e fundit.

Rikthimi i Antonio Kontes nuk shihet më si opsion, me trajnerin leçez që duket pranë Interit, ndërsa qëndron sërish 6 koeficienti i Mauricio Poçetinos.

“Unë nuk do ta ndryshoj atë që kam thënë. Kemi bërë gjëra të mëdha këtë sezon dhe lojtarët meritojnë respektin maksimal. Jemi në finalen e Kupës FA, arritëm në çerekfinalet e Ligës së Kampionëve. Jemi sërish favoritë për titullin kampion dhe këto arritje nuk janë pak.

“Sigurisht nuk kemi fituar ende asgjë, por këto janë arritje që shpeshherë nuk vihen re. E mbaj mend mirë kur u eliminuam në Champions, shkatërruan lojtarët, trajnerin, klubin, na sulmuan pa fund dhe kjo gjë do të ndodhë edhe tani, nëse nuk fitojmë. Do të japim maksimumin në ndeshjet e mbetura, duhet të fitojmë dy trofetë që kemi në dispozicion. Me Uotfordin, shumë mendojnë se është ndeshje e fituar, por është një finale dhe në Kupën FA, ka pasur shpeshherë surpriza.

Duhet të fitojmë edhe në kampionat, të ruajmë statusin e kampionit. Nuk e mendoja kurrë se do të ishim në këto pozita, sidomos kur ishim 7 pikë larg Liverpulit. Tani jemi shumë pranë, lojtarët të bëjnë hapin e fundit për të fituar këto trofe”, përfundoi Guardiola.

Kapitenit belg i përfundon kontrata në fund të këtij sezoni, ndërsa Pep Guardiola flet për mundësinë e rinovimit. Spanjolli e vlerëson shumë qendërmbrojtësin, por gjithçka do të zgjidhet në fund të sezonit.

“Kemi biseduar me Vinsent dhe agjentin e tij para tre javësh. Në fund të sezonit do të bisedojmë qartësisht për të ardhmen, ndoshta me një gotë birrë përpara. Kompani është një qenie humane e mrekullueshme, i cili më ka ndihmuar jashtë mase. Gjithmonë jam trishtuar kur nuk e kam futur në lojë, por e kemi ditur që në çdo moment mund të mbështetemi te personaliteti i tij. Ky klub është bërë kush është sot prej njerëzve si Vinsent”, thekson trajneri spanjoll.

In case Liverpool fans missed Kompany’s goal #MCILEI #ManCity pic.twitter.com/iyqpYTo0U8

— #Team8Rakaat (@ddnainggolan) May 6, 2019

Tekniku katalanas nuk i kurseu batutat, ndërkohë që lëshoi dhe një “thumbin” për skuadrën e Jyrgen Klop, duke thënë se Liverpuli e ka pasur shumë më të lehtë se ata kampionatin për shkak të mungesës së presionit.

Si u ndjetë në momentin e golit të Kompani?
“Natyrisht u gëzova kur shënuam golin, por e dija që loja ishte e akoma e hapur. Leisteri u tërhoq mbrapa dhe nuk është e lehtë të kalosh mbrojtjen e tyre. Portieri, Shmajkëll, është lojtari i jashtëzakonshëm e lexon shumë mirë lojën e kundërshtarëve. Nuk e patëm të lehtë t’i sulmonim gjatë pjesës së parë. Na duhet dhe një fitore që të shpallemi kampion”.

Kur Kompani u çoi topin përpara, ishit i mendimit që ta gjuante?
“Jo jo. Në mendjen time s’duhet ta gjuante, por ai u tregua i zgjuar që nuk ndoqi mendimet e mija. Goli i pabesueshëm”.

Rëndësia e Vinsent Kompanisë?
“Ky klub ka lojtarë shumë të rëndësishëm. Ky klub ka krijuar histori me tituj. Këto trofe kanë ardhur si pasojë e lojtarëve që i kanë dhënë formë këtij klubi. Xho Hart, Pablo Zabaleta dhe Vinsent Kompani është një prej tyre. Fatkeqësisht dëmtohet shpesh, por kur është në formë është një mbrojtës i kompletuar, ka një personalitet lideri. E falënderojmë për golin, ishte shumë i rëndësishëm”.

“Na mbetet të shkojmë e të fitojmë kundër Brajtonit. Janë një ekip shumë i fortë, tani janë dhe më të lirshëm pasi kanë siguruar qëndrimin në Premier League. Barazuan në trasnfertë ndaj Arsenalit, ndërsa na hapën punë në në gjysmëfinalen e “FA Cup”. Gjithsesi e kemi në duart tona. Dikur ishim 7 pikë mbrapa, fituam 13 ndeshje radhazi dhe ja ku jemi”.

PRESIONI – “Në ndeshjet e fundit kemi fituar me vetëm një gol, por kemi kontrolluar krejtësisht lojën, nuk u kemi lënë skuadrave kundërshtare qoftë edhe një godijte këndi ose një gjuajtje në portë. Në tre muajt e fundit kemi qenë skuadra më e mirë. Nëse nuk fitonim një ndeshje, titulli do të na ikte, ndërsa Liverpuli luan pa presion, pasi ata e dinë që nuk e kanë në dorën e tyre, ata e kanë pasur të lehtë në ndeshjet e tyre, ndërsa ne jo. E meritojmë të ndodhemi këtu ku jemi”.

Kompani nuk shënonte nga jashtë zonës së rreptësisë prej pesë vitesh. A besoni se ishte shkruar ?

“Jo, jo aspak. Sa mbaroi pjesa e parë i thashë Kompanisë, shko përpara dhe gjuaj (qesh). Futbolli është një lojë e paparashikueshme, ka dhe gola të tillë”.

“Standarti ishte sezonin e shkuar. Ne ndihmuar Liverpulit të arrijë te standarti ynë dhe ata na kanë ndihmuar të ruajmë standartet e sezonit të shkuar. Falë Liverpulit, ne po luftojmë deri në fund. Të gjithë e dimë tani se të fitosh Premier Ligën, duhet të arrish 100 pikët.

Ne e vendosëm atë standart dhe do të vazhdojmë kështu, pasi vetëm në këtë mënyrë fitohet titulli. Sezonin e ardhshëm, Çelsi do të jetë më mirë, Mançester Junajtid po ashtu, Totenham. Të gjithë do të kuptojnë se duhen afro 100 pikë dhe do të japin maksimumin që të arrijnë në këtë nivel”, u shpreh Guardiola.

“Në këtë nivel fitoret janë gjithmonë të vështira. Në pjesën e parë e kishim në të vështirë, por është normale pasi po ndjenim presionin, në të dytën sulmuam më shumë. E dinim që duhet ta fitonim lojën”.

SANE – “Fernandinjo kishte disa probleme muskulore, prandaj futa Sanen më shpejt se sa e kisha parashikuar. Ishte i mahnitshëm,na e bëri lojën më të shpejtë. Sulmi në krah është specialiteti i tij. Shpesh jam shumë kritik me të, pasi e di potencialin e tij dhe duhet ta ndihmoj në zhvillimin e tij me lojën e top dhe pa të. Sot luajti në një nivel shumë të lartë”.

TITULLI – “Siç e kam thënë dhe në ndeshjet e fundit, titulli është në duart tona. Nuk mendoj se Liverpuli do të humbë. Kemi fituar 10 ndeshjet e fundit, është e mahnitshme çfarë kanë bërë djemtë. Po ta kishim fituar këtë ndeshje në nëntor ose dhjetor do të festonim më shumë, por nesër gjithçka ka mbaruar. Duhet të jemi shumë të përqendruar. Tani duhet të shkojmë te Bërnli, ku në dy sezonet e shkuara kam kaluar momente shumë të vështira”.

Fitorja e sotme në “Old Trafford” vendos dy rekorde historike. Siti bëhet i pari ekip që prej themelimit të formatit “Premier League” në vitin 1992 që mund Junajtid në “Old Trafford” me rezultatin 2 – 0. Një gjë e tillë nuk kishte ndodhur asnjëherë në 516 ndeshjet e mëparshme.

Rekordi tjetër i takon trajnerit Pep Guardiola, i cili bëhet trajneri i parë në histori që fiton tri ndeshje kampionati radhazi në “Old Trafford”. (1 – 2, 10 dhjetor 2017), (1 – 2, 10 shtator 2016).

Ky i fundit do të ketë një mungesë të madhe nesër. Kevin De Brujn u dëmtua në ndeshjen e Champions Ligës kundër Totenhemit. Problemet fizike nuk po marrin fund për fantazistin belg, i cili ka vuajtur shumë gjatë këtij sezoni.

“Kevin ka një problem muskulor. Do e shohim në ditët e ardhshme gjendjen e tij, por për nesër nuk është në gatishmëri”, konfirmon trajneri spanjoll gjatë ditës së sotme.

Ky është një lajm i mirë për Junajtid dhe… Liverpulin. Djemtë e Klop po luftojnë fort për të rikthyer titullin në qytet pas 29 vitesh. “The Reds” renditen një pikë poshtë Sitit dhe presin një dhuratë nga ekipi i Solskjaer.

Rud Gulit është një emër jo shumë i njohur për të rinjtë e sotëm, por një legjendë e Milanit dhe Holandës. Ish-mesfushori i madh ka folur për faktin që spanjolli nuk po arrin të korrë më sukses në Europë.

Mospasja e Leo Mesit në ekip ka ndikimin e vet, ndërsa Gulit thekson dhe faktin që Guardiola mori në duar një ekip të formuar nga Frenk Rajkard, një tjetër emër i madh i Milanit dhe Holandës.

Ky i fundit drejtoi ekipin katalanas në vitet 2003-2005, ku hodhi bazat e Barcelonës së frikshme, fitoi Champions Ligën në vitin 2006 dhe bëri që të debutojë Leo Mesin.

“E di që Guardiola dëshiron të fitojë Champions Ligën dhe se vuan që nuk po ia del. Ai nuk po ia del, sepse nuk ka Leo Mesin në ekip. Kjo përbën një diferencë të madhe. Tentoi me Bajernin, iu afrua çdo sezon, por nuk pati sukses. Fitimin e Bundesligës nuk e quaj të tillë, pasi ata e fitojnë çdo vit.

Sigurisht që ka patur një skuadër të madhe te Barcelona, por ishte trashëgimi e Rajkard. Mesi debutoi me Frenkin. Më vonë, Leo u bë shumë i rëndësishëm dhe ishte deçiziv në shumë ndeshje të Barcelonës së Guardiolës”, përfundon Rud Gulit.

“Po, është një goditje e fortë. Është mizore, por na duhet ta pranojmë. Ishte një ndeshje e këndshme për të gjithë. Në pjesën e dytë bëmë gjithçka, por na duhet t’i urojmë Totenhemin gjithë të mirat në gjysmëfinale”.

“Humbëm një penallti në ndeshjen e parë, krijuam shumë shanse ndaj një skuadre të fortë. Dy golat e parë erdhën si pasojë e gabimeve tona. Provuam gjithçka deri në fund. Çfarë kemi bërë në këto dy sezone është e mahnitëse”, përfundoi Guardiola.

“Jam shumë krenar, sidomos për reagimin e tifozëve tanë. Nuk e kam parë kurrë stadiumin si sot. Jemi të trishtuar për të gjithë ata, por ata e dinë që provuam gjithçka, futbolli është i paparashikueshëm dhe fatkeqësisht ne nuk jemi në fazën tjetër”.

“Na duhet të reagojmë të shtunën (ndeshen përsëri në kampionat me Totenhemin), por tani s’duhet ta kemi mendjen aty. Na duhet sa më shumë gjumë dhe më pas do të përgatitemi për atë ndeshje. Kemi luftuar për nëntë ose 10 muaj në kampionat. E kemi në duart tona. Sigurisht, do të jetë e vështirë, por duhet ta marrim kampionatin”.

Rreth kësaj çështje ka folur Pep Guardiola. Trajneri spanjoll ka gabuar me krahasimin e bërë në përgjigje e tij, duke zbuluar një detaj për një tjetër lojtar.

“Negociatat me klubin për rinovimin e kontratës nuk ndikojnë tek aktivizimi i tij. Po të ishte ashtu, i bie që Gyndogan të mos luajë fare, sepse ka edhe një vit kontratë dhe nuk pranon të rinovojë”, sqaron trajneri, duke zbuluar kështu situatën e gjermanit tjetër.”

Kontrata e Gyndogan me Sitin përfundon në fundin e sezonit të ardhshëm. Ka ende kohë për të gjetur akordin me 28-vjeçarin, por nëse palët nuk arrijnë marrëveshje, kampionët në fuqi të Anglisë do të detyrohen ta shesin atë, për të mos e humbur me parametra zero.

“Pep ka jetuar gjithë jetën në Barcelonë, por gjatë viteve që drejtoi Barcelonën ai nuk e kuptonte ekipin. Nuk jetonte jetën e grupit tonë. I thashë Guardiolës: ‘Do vish të më kërkosh falje, sepse jam unë ai që do e bëjë Barcelonën të fitojë, jo Mesi’. Realisht isha unë ai që e bëri Barcelonën fitimtare dhe Pep do duhej të më kërkonte falje”.

Kamerunasi shpjegon se shpërthimi i Mesit, i cili për Eto është futbollisti më i mirë i historisë, do të vinte pak më vonë, edhe pse argjentinasi nisi të shënonte rregullisht prej vitit 2006.

Sipas Eto, edhe Iniesta e Ksavi e mbështetin teorinë e tij: “E tillë ishte situata në atë moment. Mesi doli në pah më vonë, ajo ishte epoka ime, pyesni Ksavin, Iniestan dhe të tjerët”.

Në 2009 Eto iku nga Barcelona, për të shkuar tek Interi, ndërsa vendimin e largimit e mori Guardiola, sipas afrikanit: “Avokati më tha që Barça më kishte nxjerrë në shitje, me kërkesë të Guardiolës. Tani është e qartë që ajo lëvizje dhe mundësia që Pep më dha do të mbetet në histori, sepse më lejoi të bëhesha pjesë edhe më e madhe e historisë së futbollit, duke shkuar tek Interi. Pep i mundësoi Interit të bënte blerjen më të mirë në historinë e futbollit”.

“Qytetarët” kanë fituar kupën Carabao në këtë sezon. Trofeu i parë u sigurua pas triumfit kundër Çelsit në goditjet e penalltive. Siti është në garë edhe për tre trofetë e tjerë.

Në kampionat kryeson me një pikë më shumë se Liverpuli, në FA Cup do të luajë në finale përballë Uotfordit, ndërsa në Champions do të luftojë fort kundër Totenhemit për një vend në katërshen më të mirë.

Nëse ia del t’i fitojë këto tre kompeticione, Guardiola do të futej në histori. Ai do të bëhej trajneri i parë që fiton katër trofe brenda një sezoni dhe i pari që fiton një tripletë me dy skuadra të ndryshme.

Tripleta e parë u fitua me Barcelonën në sezonin 2008/2009. Leo Mesi me shokë ishin të papërmbajtshëm në atë sezon dhe dhuruan shifra të pabesueshme. Champions Liga u ngrit në qiell në Romë pas fitores 2-0 kundër “Djajve të Kuq” të Fergusonit.

Në qytetin e përjetshëm shënuan Samuel Eto dhe Leo Mesi. Kampionati u fitua me 9 pikë më shumë se Reali i Madridit dhe finalja e Kupës së Mbretit përballë Atletikos së Bilbaos. Atë sezon, Barcelona shënoi 158 gola në 62 ndeshje!

“Shpesh jam pyetur nëse ishte ekipi më i mirë i të gjitha kohërave, ose një ndër më të mirat. Kjo pyetje është diçka që nuk ka përgjigje. Është si një libër i ri që publikon, është i bukur apo jo? Si premiera e një filmi të ri, është i bukur apo jo? Do ta dimë përgjigjen brenda 25 viteve. Varet nëse njerëzit do të vazhdojnë të flasin për ne.

Nëse do të flasim edhe pas 25 viteve për atë libër, do të thotë që ka qenë libër i bukur. Nëse njerëzit flasin edhe pas 25 viteve për një film që kanë parë, do të thotë që ka qenë përsëri i bukur. E njëjta gjë do të ndodhë dhe me ekipin tonë.

Por, a ishim ne më të mirë se sa Milani i Sakit, Brazili i Pelesë apo Ajaksi i Krujfit? Çdokush do të ketë opinionin e tij dhe do ta mbrojë me pasion atë që mendon. Unë do të thoja që ekipi im ka qenë brilant, por Johan Krujf për shembull do të kundërshtonte, duke menduar për ekipin e tij, po ashtu si Saki, i cili do të mbronte Milanin e tij dhe të gjithe ne do të kishim të drejtë.

Në rast se pas 25 vitesh do të vazhdojnë të flasin për ne, nuk do të flasin për trofetë që fituam, por për lojën që bënim. Nëse do të na kujtojnë, do të thote që e kanë shijuar atë që kanë parë nga ne. Do të jetë një mister i madh. Do të na kujtojnë apo jo?”

Një figurë si presidenti i Bajernit Uli Hënes ka opinionin e tij rreth këtij fenomeni. Gjermani është i mendimit se nuk duhet të shpenzohen shifra të tilla për një futbollist. Gjithashtu, presidenti bavarez e kthen në shaka mënyrën se si vijnë paratë që sheikët investojnë për të përforcuar skuadrat e tyre.

“Miku im Pep më ka treguar çfarë ndodh kur ai dëshiron të blejë ndonjë lojtar që kushton 100 milionë euro. Merr disa video të lojtarit dhe shkon në Katar, të takojë Sheikun.

“Më pas konsumohet një vakt luksoz, shikohen videot dhe Sheiku transferon shumën e nevojshme për blerjen e lojtarit. Ditën tjetër Sheiku hap pak milimetra më shumë rubinetin e gazit dhe i rikuperon paratë menjëherë.

“Jam krenar që në raste të tilla Bajerni nuk vepron kështu, sepse bazohet te fitimet e veta për të blerë lojtarë, jo duke marrë borxh“.

Nga raportimet e fundit, duke se trajneri spanjoll e ka gjetur zëvendësuesin. Bëhet fjalë për Tomas Partejn, mesfushori i Atletikos së Madridit. Siç thuhet nga mediat angleze, Pep e admiron shumë ganezin, i cili po zhvillon një sezon të shëklqyer me ekipin e Simeones.
Në merkaton e verës pritet që Siti të bëjë një ofertë në drejtim të Atletikos për të siguruar shërbimet e 25-vjeçarit, i cili zor se mund të refuzojë një kalim në Angli, për t’u vënën nën urdhrat e Pep Guardiolës.

Problemi më i madh mbetet dëmtimi i tyre, sidomos në fazën më delikate të sezonit. Pep Guardiola dhe djemtë e tij po zhvillojnë një sezon të pabesueshëm.

Mançester Siti është në garë për titullin kampion me Liverpulin (ka dy pikë më pak, por edhe një ndeshje më pak), fitimin e Champions Ligës dhe FA Cup, ndërsa ka fituar Carabao Cup në finalen kundër Çelsit.

Gjithçka po shkon vaj, por trajneri spanjoll ka një shqetësim të madh sa i përket këtij pushimi. Në një prononcim për ”The Sun”, ai pranon se i lutet Zotit, që lojtarët e tij të kthehen në një gjendje të mirë pas kombëtareve dhe të mos dëmtohen.

“Lutem, po. Lutem që futbollistët e mi të kthehen në gjendje të mirë. Kjo është e vetmja gjë që dua. Ata duhet të largohen, të luajnë për vendin e tyre dhe ta bëjnë këtë gjë me kënaqësi. Është çmenduri se çfarë kalendari kemi në prill, ja pse kemi nevojë për të gjithë”, përfundon Pep Guardiola.

Pas ndeshjes, Guardiola foli për mediat dhe për sa i përket golit tha që i vjen keq që ekipi i tij fitoi me gol të tillë. Tekniku theksoi se duhet të përdoret sistemi VAR, ndërsa përgëzoi dhe Suonsin, për të cilët u shpreh se kishin bërë një ndeshje të pabesueshme.

“Në të gjithë Evropën përdoret sistemi VAR. Këtu nuk ndodh diçka e tillë. Nuk më pëlqen që të fitoj në mënyrë të tillë. Më vjen keq. Gjithsesi më duhet ta përgëzoj Suonsin, ishte e pabesueshme. Por ne nuk u dorëzuam. I rregulluam gjërat dhe kualiteti i lojtarëve tanë bëri diferencën.”

“Në fund, ne i gjykojmë lojtarët tanë në atë që japin në fushën e lojës dhe Bernardo, ka qenë lojtari më produktiv për ne. Ai është një djalë i mrekullueshëm, shokët e skuadrës e duan. Cilësitë e tij brenda fushës së lojës dihen, por ajo që më pëlqen më shumë është mënyra si sillet jashtë fushave. Një lojtar për t’u marrë shembull”, përfundoi strategu spanjoll.

Spanjolli, i cili tashmë është në krye të Mançester Sitit, pas ndeshjes së mbrëmeshme, ku shkatërroi Shalken, foli për mediat. Ndër të tjera, Guardiola u pyet edhe për sfidën mes Bajernit dhe Liverpulit dhe trajneri dha preferencën e tij, si dhe e arsyetoi përgjigjen e dhënë.

“Më vjen keq për anglezët, por dua të kalojë Bajerni. Jam pjesë e atij klubi. E dua Mynihun dhe e dua Bajernin. Kam shumë miq atje.”

Ndoshta është një përgjigje që nuk do të pritet mirë nga opinioni anglez, por duhet të kujtojmë që Guardiola ka qenë pjesë e Bajernit për disa vite si trajner dhe vijon të ruajë marrëdhënie të mira me drejtuesit nga Mynihu.

CHAMPIONS LEAGUE – “Njerëzit mendojnë se ngaqë u eleminua Reali, tani Championsi do të jetë  lehtë. Gjithsesi, fillimisht na duhet të shkojmë në çerekfinale, pasi asgjë nuk ka mbaruar. Të gjithë ekipet që do të jenë në vazhdim të kompeticionit do të jenë një nivel me Realin, pasi janë ekipe të mëdha.”

REZULTATI – “Të thëm të drejtën e preferoj më shumë këtë rezultat se sa ai që kisha ndaj Liverpulit sezonin e shkuar (3-0 në favor të “The Reds” në ndeshjen e parë). Sidoqoftë, janë edhe 90 minuta për t’u luajtur. Kemi punë për të bërëë.”

GYNDOGAN – “Nëse Ilkay nuk do të qëndrojë atëherë le të largohet. Ne do të dëshironim të qëndronte. E thash dhe më parë, nëse do të qëndrojë, atëherë do të flasim për të firmosur kontratën e re, nëse do të largohet mund të largohet.

Lidhur me këtë çështje, Guardiola ka folur pas takimit të luajtur pasditen e djeshme ndaj Uatfordit, ku ka hedhur poshtë çdo spekulim që e lidh me Italinë apo Juventusin. Sipas 48-vjeçarit, ai do të qëndrojë në krye të Sitit të paktën edhe për dy vite të tjera, por nuk përjashtohet dhe rinovimi për të vijuar akoma më shumë.

“Kam edhe dy vite kontratë me Mançester Sitin dhe të lëviz nga këtu është e pamundur, vetëm në rast se shkarkohem nga detyra. Do të qëndroj edhe për dy vite, ose ndoshta edhe më shumë. Nuk do të shkoj te Juventusi në dy sezonet e ardhshme”, përfundoi shkurt trajneri i Sitit.

Kritikat ndaj trajnerit livornez janë shtuar shumë dhe Alegri mund ta mbyllë me bardhezinjtë nga Torino në fund të sezonit. Disa emra kanë dalë në skenë si: Zinedin Zidan, i cili mbetet një preferencë e madhe e Juves, Antonio Konte dhe… Pep Guardiola!

Sipas “Sportmediaset”, drejtuesit e kampionëve të Italisë ëndërrojnë trajnerin spanjoll. Agjenti i spanjollit, i cili është dhe vëllai i Pepit, është parë në Torino, aty ku mund të kenë nisur kontaktet e para mes palëve. Në Angli janë të sigurt që trajneri i Mançester Sitit ka darkuar në një nga restorantët më të famshëm të Milanos.

48-vjeçarit i përfundon kontrata me “Qytetarët” në vitin 2021, me një rrogë prej 20 milionë sterlinash në sezon dhe ai e ka shprehur gjithmonë dëshirën për të drejtuar një ditë në kampionatin Italian. Ai ndodhet për mrekulli te Siti, por fitimi për të dytën herë rresht i titullit kampion dhe fitimi i Champions Ligës mund ta shtyjnë që të provojë si trajner emocionet e Serie A (si futbollist ka luajtur me Breshian dhe Romën)

Guardiola ka drejtuar më parë në Spanjë, Gjermani dhe Angli. Serie A është i vetmi kampionat i madh që i mungon, ndërsa Juventusi ka treguar se mund të arrijë gjëra të pabesueshme në merkato. Shumë skeptikë kishte për blerjen e CR7, por portugezi la Madridin dhe po lufton për të fituar me ngjyrat bardhezi mbi supe.

E njëjta gjë dhe për Guardiolën. Ai mund të jetë surpriza e madhe e fundit të sezonit dhe Juventusi do të hiqte dorë përfundimisht nga i njëjti stil lojë që bën gjithmonë, pasi me Pepin luhet futboll ndryshe, futboll spektakolar…

ZHOAO FELIKS – Përveç trajnerit spanjoll Juventusi është gati të sigurojë shërbimet e një prej lojtarëvë më të talentuar në Europë. Flasim për Zhoao Feliks, 19-vjeçarin e Benfikës. Ai ndiqet nga Reali i Madridit, Barcelona, Mançester Junajtid dhe Atletiko e Madridit, por bardhezinjtë janë në avantazh. Sulmuesi i talentuar ka shënuar gjatë këtij sezoni 11 gola, ndërsa numëron dhe 6 asiste.

Siç raporton “AS”, Fabio Paratiçi është takuar me presidentin e Benfikës gjatë javës së kaluar në Torino. Drejtori sportiv i klubit Italian i ka konfirmuar Luis Felipe Vieirës që Juventusi do të paguajë klauzolën e largimit të Feliks, që përkon me shifrën e 120 milionë eurove. Në takim ka qenë i pranishëm dhe Zhorzh Mendesh, agjenti i lojtarit të talentuar dhe Kristiano Ronaldos.

Ai ishte 29 vjeç kur trajneri aktual i Sitit mori drejtimin e Bajernit, por kjo nuk e pengoi që të përmirësohej akoma dhe më shumë si futbollist. Anësori ofensiv ka mbetur i magjepsur nga Guardiola, të cilin e cilëson si trajnerin më të mirë në botë.

SEZONI MË I MIRË – “Nëse kthej kokën pas dhe më pyesin se a ishte ajo periudha më e mirë në karrierën time, u përgjigjem ‘besoj se po’. Është gjithmonë e vështirë të zgjedhësh momentin më të mirë në karrierë, sepse zakonisht gjithçka lidhet me trofetë e fituar. Nëse fiton një trofe, fiton Champions Ligën dhe arrin në finalen e Kupës së Botës është normale që të tjerët do të vënë re më shumë. Megjithatë, ndonjëherë nuk është kështu. Unë mendoj se viti pas Botërorit, i pari me Pepin në pankinë, ka qenë sezoni më i mirë në karrierën time, edhe pse nuk e fituam Champions Ligën.”

GUARDIOLA – “Kur nisa punën me Pep Guardiolën, i cili është trajneri më i mirë në botë për momentin, isha 29 vjeç. Ajo është një moshë ku normalisht mendon se nuk mund të përmirësohesh më. Pepi ia doli ta bënte një gjë të tillë dhe më përmirësoi si futbollist. Më sistemoi shumë gjëra të vogla dhe më bëri të hedh hapa të vegjël përpara. Kjo ishte diçka interesante.

Guardiola është një trajner shumë i veçantë në aspektin e taktikës dhe mënyrës së përmirësimit të metodologjisë së lojës. Ai e adhuron futbollin dhe preferon më shumë që të qarkullojë topin, se sa ta ndjekë atë nëpër fushë. Është magjepsëse mënyra se si e përjeton futbollin. E përsëris, është tepër e vështirë për të përcaktuar se kush është sezoni im më i mirë, por Guardiola më ka magjepsur me të vërtetë.”

Drejtuesit e klubit nuk duan të mbeten të papërgatitur dhe kanë filluar të mendojnë për të ardhmen. Siç raporton “Manchester Evening News”, Mikel Arteta konsiderohet nga drejtuesit e Sitit si pasardhësi i duhur i Pepit, në momentin kur ky i fundit do të vendosë të provojë një aventurë tjetër.

Arteta punon si ndihmës i Guardiolës dhe po bën një punë shumë të mirë. Drejtuesit e Sitit i vlerësojnë shumë aftësitë e 36-vjeçarit dhe po mendojnë për një lëvizje me atë që bëri Reali i Madridit me Zinedin Zidan. Francezi punoi si ndihmës i Karlo Ançelotit dhe më pas u bë trajner i parë për të shkruar historinë me “Los Blancos”, duke fituar Champions Ligën tre herë rresht.

Aktualisht, spanjolli është në krye të Mançester Sitit, teksa këtë sezon ndodhet në vendin e dytë, katër pikë më pak se Liverpuli kryesues. Tekniku 48-vjeçar, njihet për deklaratat e tij të veçanta herë pas here dhe së fundmi në një intervistë të dhënë për mediat angleze ka marrë vëmendjen e të gjithëve, sidomos në Spanjë.

Guardiola u pyet për ekipet më të mira të kësaj dekade dhe spanjolli veçoi Bajernin, Barcelonën dhe Juventusin, duke snobuar totalisht Realin e Madridit, i cili ka fituar për tre vite radhazi Championsin.

“Ekipet më të forta të dekadës? Do të thoja Juventusi, Bajerni i Mynihut dhe Barcelona. Janë tre ekipet më të mira në Europë, për sa i përket 10 viteve të fundit. Sepse sezon pas sezoni kanë fituar kampionatin dhe kupën. Kur vjen fundi i sezoni ata janë gjithmonë në krye”, përfundoi Guardiola.

Frenki De Jong ishte një nga dëshirat e Pep Guardiolës, por Barcelona fitoi konkurrencën dhe siguroi akordin me mesfushorin e Ajaksit. Holandezi bisedoi me katalanasit, trajnerin Tuhel të PSG, Guardiolën dhe në fund zgjodhi La Ligën.

“De Jong nuk më ka zhgënjyer. Është pothuajse e pamundur të konkurrojmë me Barcelonën ose Realin për prestigjin që kanë, për kampionatin ku luajnë dhe për faktin që janë klube të pabesueshme. Duhet të tregohemi më të shpejtë herën tjetër. Duhet të jemi gati për t’i paraprirë konkurrencës për këta të rinj të talentuar”, përfundon trajneri i Mançester Sitit.

Trajneri i “Citizens” në fjalët e thënë për “Sky Sport” pas ndeshjes, i ka habitur të gjithë teksa ka deklaruar se nuk është asnjëherë i kënaqur me lojtarët dhe se i duhet shumë punë për të qëndruar afër Liverpulit.

“Kurrë nuk jam i kënaqur me lojtarët. Nëse do të luanim si në pjesën e parë, mund të kishte ndodhur gjithçka. Nuk jam i nervozuar me lojtarët, por dua të jem i sinqertë për atë që them edhe që ndjej.

Nuk duhet të humbasim pikë nëse duam të qëndrojmë afër Liverpulit. Nuk mund të them që lojtarëve i mungon intensiteti, por thjesht duhet të menaxhojmë më mirë disa koncepte të lojës”, ka përfunduar trajneri.

“Sezoni i parë i Guardiolës në Angli ishte shumë i vështirë. Ai kishte një ekip kampionësh me lojtarë si Kompani e Aguero dhe në fund u rendit në vendin e katërt. Megjithatë në atë sezon ai mori disa vendime shumë të rëndësishme, që u mbështetën plotësisht nga drejtuesit e klubit. Për shembull: Ai nuk donte Zabaletën, Sanjan, Kolarovin dhe Klishin. Në një merkato vere ai largoi katër mbrojtës krahu dhe mori katër të tjerë: Uallkër, Danilo, Mendi dhe dikë tjetër.”

“Përsa i përket Klop. Sa prej këtyre lojtarëve ishin te Liverpuli para se Klop të emërohej trajnert. Van Dijk, Robertson, Salah, Mane, Alison. Nëse je një menaxher që ke mundësi të zgjedhësh lojtarët që t’i beson se mund të marrësh lojtarë që mund të ndjekin idetë e tua, atëherë gjithçka ndryshon është shumë e thjeshtë”, përfundoi Portugezi.

Një prej tyre e pyeti Pepin nëse kishte organizuar ndonjë gjë të bukur për ditën e tij dhe përgjigja e trajnerit i befasoi të gjithë për një moment, për të shpërthyer më pas të qeshurat në sallë.

“Më fal? Jo nuk kam organizuar asgjë, thjeshtë një darkë me familjen time. Nuk kam miq”, përgjigjet Guardiola me humor.