Pellegrini

Trajnerët më të paguar: Simeone “mbytet në ar”, befasi në Angli

Sport Ekspres — Sun, 17 Mar 2019 09:54:22 +0000

Futbolli njihet si një ndër sportet më të paguar dhe më fitimprurës. Lojtarët janë më të paguarit, por edhe trajnerët nuk mbeten prapa. Pikërisht për këta të fundit është bërë një renditje e pagave që përfitohen në katër kampionatet më të fortë evropian.

E nisim nga Spanja, ku është edhe më i paguari. Diego Simeone mban fronin, me argjentinasin që përfiton plot 3 milionë euro në muaj. Pas tij vjen Ernesto Valverde, i cili përfiton 2 milionë euro në muaj, ndërsa plotëson podiumin tekniku i Valencias, Garsia Toral me 500 mijë euro në muaj.

Për t’u përmendur është që Zinedin Zidan nuk është përfshirë në këtë renditje. Në Angli fronin e mban Pep Guardiola me 1.9 milionë euro në muaj, ndërsa befasia është vendi i dytë. As më shumë e as më pak se Mauricio Pelegrini. Trajneri i Uest Hemit përfiton 950 mijë euro në muaj.

Podiumin e plotëson Mauricio Poçetino me 800 mijë euro, ndërsa jashtë mbeten emra si Jurgen Klop, Sarri apo dhe Emeri. Në Itali në krye është Alegri me 1.14 milionë euro në muaj, ndërsa ndjek Ançeloti me 980 mijë euro dhe më pas Spaleti me 680 mijë.

Bundesliga është kampionati me pagat më të ulëta, teksa në krahasim me La Ligën ka një ndryshim drastik. Më i paguari është Niko Kovaç, me vetëm 580 mijë euro në muaj, ndërsa pas tij vijnë Lysien Favre me 500 mijë dhe Ralf Ragnik i Lajpcig me 400 mijë euro në muaj.

Interesimi nga PSG, ylli i Romës: Më kanë detyruar të fik televizorin!

Sport Ekspres — Fri, 18 Jan 2019 08:32:00 +0000

Prej vitesh tashmë gjigantët francezë të PSG-së synojnë të marrin futbollistët më të mirë në Evropë, edhe nëse do t’iu duhej të paguanin shifra faranike. Gjithsesi, kjo mënyrë veprimi në merkato nga ana e skuadrës franceze nuk pëlqehet nga disa futbollistë dhe një nga ta është ylli i Romës, Pelegrini.

Për mesfushorin, ka interesim edhe nga Spanja e Anglia, me Real Betis dhe Arsenalin që kërkojnë shërbimet e tij, por PSG-ja shihet si ekipi favorit. Gjithsesi, me deklaratën e dhënë sot, duket se Pelegrini i ka “mbyllur derën” PSG-së, pasi tha:

“Kur dëgjoj se PSG-ja më kërkon, është një nder për mua, por boll më! Ka më shumë se 2 javë që dëgjoj për këtë gjë dhe të jem i sinqertë, më kanë detyruar të fik televizorin.

Për momentin jam i fokusuar te Roma dhe do të bëj maksimumin që të rikthehemi në zonën Champions. Do të ishte një tragjedi nëse Roma nuk luan në Ligën e Kampionëve sezonin e ardhshëm”,- u shpreh Pelegrini.

Juventusi dhe Milani “përplasen” në merkato, synojnë lojtarin e Romës

Sport Ekspres — Mon, 07 Jan 2019 08:51:15 +0000

Kjo merkato janari shihet si një mundësi shumë e mirë për skuadrat italiane që të përforcohen sa me shumë, e sidomos ato ekipe që nuk kanë bërë mirë në gjysmën e parë të kampionatit.

Një nga ato skuadra, është Milani, me kuqezinjtë që kanë shumë emra në listën e dëshirave. Emri më i fundit është ai i Lorenzo Pelegrinit, mesfushori që nuk preferohet shpesh në formacionin titullar nga tekniku Di Françesko.

22-vjeçari shihet si një lojtar me të ardhme dhe një aset i shtuar i futbollit italian, por që të arrijë potencialin e tij, duhet të lërë Romën. Milani kërkon të përfitojë nga kjo situatë, por duhet të mposhtë rivalitetin e Juventusit.

Kampionët kanë financat e duhura për ta bindur Pelegrinin, por me kontratën e këtij të fundit që skadon në 2022, transferimi i tij shihet si shumë i vështirë për të dyja skuadrat italiane.

Klauzolë e përballueshme, Junajtid “peshkon” te Roma

Sport Ekspres — Sat, 17 Nov 2018 10:21:14 +0000

Zhose Murinjo kërkon lojtarë te Mançester Junajtid. Portugezi që në verë priti afrime cilësore në skuadrën e tij, pot klubi nuk ia plotësoi kërkesat. Janari shihet si shpëtimi i këtij sezoni dhe nj ënga lojtarët që kërkohet është mesfushori i Romës, Lorenco Pelegrini.

“Corriere dello Sport” raporton se Xhampiero Poçeta, menaxheri i mesfushorit ka qenë në Angli. Gjithsesi nuk është se ka ndonjë premtim ndaj Junajtid. Momentalisht po dëgjohet oferta dhe sa më shumë të ketë, aq më i lartë do të jetë çmimi për mesfushorin. Gjithashtu edhe përfitimet në aspektin personal do të ishin më të mëdha.

Në aspektin financiar Mançester Junajtid është i shëndoshë dhe klauzolën prej 30 milionë eurosh që Pelegrini ka mund ta paguajë në çdo moment. Roma ende nuk i bërë një ofertë mesfushorit për të rinovuar kontratën, ndaj edhe duhet të nxitojë.

Pelegrini ka kontratë deri në vitin 2022 me Romën, që aktivizoi klauzolën e riblerjes në verën e vitit 2017 kur e ktheu në kryeqytetet pas paraqitjeve të mira te Sasuolo. Për mesfushorin një ofertë e mirë dhe ku i jepet një rol protagonisti do të jetë vendimtare. Blerja e kartonit të tij, nuk është aspak problem. Murinjo e do në ekip.

Roma zyrtarizon blerjen e fundit me… PlayStation

Sport Ekspres — Fri, 30 Jun 2017 18:09:46 +0000

Zyrtarizimi ishte në ajër dhe ka ardhur sot: Lorenco Pelegrini është zyrtarisht një futbollist i Romës. Klubi verdhekuq ka publikuar një komunikatë në faqen e vet online: “Lorenco Pelegrini kthehet verdhekuq. Roma ka blerë nga Sasuolo mesfushorin për 10 milionë euro. Me lojtarin është nënshkruar një kontratë 5-vjeçare, me përfundim në vitin 2022. Për 21-vjeçarin është një kthim te klubi ku është rritur dhe ku debutoi në Serinë A, në 22 mars të vitit 2015”.

Në dy sezonet e fundit Pelegrini ka luajtur me Sasuolon, duke totalizuar 54 ndeshje, ndërsa në sezonin e fundit shkëlqeu, me 6 gola e 7 asiste në 28 ndeshje kampionati, që i vlejtën edhe grumbullimin me Italinë U-21 për Kampionatit Europian, ku realizoi një gol fantastik me roveshatë kundër Danimarkës.

Apunten el nombre de Lorenzo Pellegrini y miren el golazo que anotó en el Italia vs Dinamarca

? ? ?pic.twitter.com/KdsVbDJHot

— BesGam (@BesgamCom) June 19, 2017

Ndërkohë, ka qenë një risi absolute mënyra e prezantimit të Pelegrinit nga Roma, që ka postuar online një video, ku shkruan JU PREZANTOJMË ME NUMRIN 7…