MESI – “Është lojtari më i mirë në botë, pa asnjë dyshim. Është një mjeshtës në pasim, finalizim, driblim, është tërësisht i kompletuar. Kristiano Ronaldo është më i kompletuar në aspektin e finalizimit, ndërsa Mesi ka shumë pika të forta si futbollist në tërësi. Ai është aq i zoti, sa që besoj se një pjesë e tifozëve brazilian duan që ai ta fitojë trofeun e “Copa America”. Duan më shumë atë se kombëtaren e Brazilit”.

KRAHASIMI ME MARADONËN DHE PELEN – “Në aspektin teknik ai është më i mirë se Maradona. Ka treguar shumë vazhdueshmëri në karrierën e tij. Luan prej më shumë se 10 vitesh në nivele shumë të larta. Pason më shumë se ai. Diego (Maradona) ishte një lojtar që binte në sy, do e krahasoje me Ronaldinjon, por pak më i mirë se ai.

“Pele ka pasur diçka që Mesi nuk e ka: Forcën fizike. Ishte si një dem. Shtynte mbrojtësit me forcë dhe i godiste. Kishte aftësi teknike të mëdha, dinte të driblonte mirë dhe ishte po aq kreativ se Mesi, por shumë herë më i fortë. Kur gjërat nuk po shkoni mirë, Pelja kthehej në një bishë, nuk mund ta them të njëjtën gjë për Mesin. Peleje nuk ishte një lider, por në aspektin psikologjik ishte shumë i fortë. Sa më e vështirë bëhej loja, aq më agresiv bëhej ai. Mendoj se kjo e diferencon me Mesin”.

Braziliani shprehet se 31-vjeçari është një futbollist i jashtëzakonshëm dhe është i mrekulluar nga ajo çka Leo bën, por kjo nuk mjafton për të qenë më i miri i historisë. Për Malkom, futbollisti më i mirë i të gjitha kohërave është Pele. Ai shprehet se Leo është më lart se të gjithë, përveç legjendës braziliane.

“Mesi më befason çdo ditë. Është shumë i paparashikueshëm. Mund ta dish se do të godasë, por nuk mund ta ndalosh. Mesi e di se kur është momenti ideal për të vepruar. Ndjen diçka unike kur luan me një lojtar të tillë. Them se Mesi është më i miri i të gjithëve, pas Pele. Nuk e kisha menduar këtë më parë, por tani që e kam çdo ditë në stërvitje po e shoh se sa i mahnitshëm është”, u shpreh braziliani.

Shkak për këtë gjendje të rënduar të ish-futbollistit u bë një infeksion i fshikëzës urinare. Gjatë qëndrimit në spital, Pele pati një vizitor si special si bashkëkombësi i tij Nejmar, ky i fundit postoi një foto me legjendën në llogarinë e tij në Instagram.

“Mbreti” falënderoi fansat e tij për vëmendjen dhe lutjet e bëra për për të me anë të një postimi në rrjetet sociale: “Dua t’u falënderoj thellë nga zemra për mendimet pozitive dhe lutjet për shërimin tim. Kur isha në Paris pësova një infeksion të rëndë që kërkoi ndërhyrje emergjente mjekësore dhe kirurgji. Falë përkushtimit të madh të stafit mjekësor të spitalit amerikan të Parisit, jam gati për t’u rikthyer në shtëpi. Falënderoj nga zemra doktorët Zherard Khajat, Tiri Geta dhe Zhil Bokara. Franca nuk ka vetëm lojtarë të mëdhenj, por edhe doktorë”.

“Ai po kalon teste të njëpasnjëshme për t’u bërë mbret, por nuk është akoma i tillë. Nëse do t’i jepja një këshillë, është që të kujdeset për trupin e tij. Ana fizike është thelbësore për një futbollist dhe ai e ka këtë. Nuk i mungon shumë.

Mendoj se duhet të jetë më shumë lider. Duhet të ketë më shumë impuls në lojë dhe të kërcejë më shumë. Kjo është ajo që bën ndryshimin me të tjerët, sepse unë për shembull kam pasur shumë vrull. Mendoj se nuk ka nevojë të largohet nga Franca për t’u bërë një nga më të mirët në histori”, thotë legjenda braziliane.

Pele fitoi një kupë Bote kur ishte 17-vjeç dhe Mbape e bëri këtë me Francën në moshën 19-vjeçare. Braziliani e fitoi edhe dy herë të tjera. Mbape është në rrugën e duhur për të kapur rekordet e tij, pasi është shumë i ri.

Talenti francez është pengu më i madh i Vengerit, i cili tha: “Gjithmonë e kam dashur Mbapen në skuadër. Kur e pashë për herë të parë, thashë me vete: Uau, kam gjetur Pelen e ri. Ai është 20-vjeç dhe është në majën e botës. Pyetja e vetme që ka mbetur tani është se sa larg do të shkojë Kilian. Një talent i rrallë dhe që premton shumë”,- tha ish-trajneri i Arsenalit.

Është folur shumë që Arsen Venger do të jetë trajner i PSG-së, por deri më tani, nuk ka asgjë konkrete. Ndoshta, trajneri francez do të ketë nën urdhrat e tij Mbapen një ditë.

Ishte tregolëshi i 50-të në karrierë për yllin argjentinas, 44 herë me Barcelonën e 6 me kombëtaren, një shifër e çmendur, që mjafton për ta konsideruar Mesin më të madhin në histori.

50 – Messi has scored his 50 hat-trick in his career, 44 for Barcelona, six for @Argentina. Legend. pic.twitter.com/MeupYPPCds

— OptaJose (@OptaJose) February 23, 2019

Plot 650 gola në 797 ndeshje, duke shktuar edhe 266 asiste, ndërsa trofetë janë 33, me 5 Topa të Artë e 5 Këpucë të Arta. Deri tani…

Pak kohë më parë i madhi Pele deklaroi se Mesi luan vetëm me njërën këmbë, nuk shënon me kokë dhe nuk është i kompletuar.

Braziliani vazhdon të krenohet me 1000 golat e tij, edhe pse është e qartë që shifrat e viteve 60-70 janë paksa të vështira për t’u verifikuar dhe golat në kampionatet krahinore në Brazil nuk mund të krahasohen me golat në La Liga e Champions League.

Megjithatë, secili ka mendimin e vet dhe Mesi nuk komenton kurrë për deklaratat e një legjende. Ndërkohë, Mesi pa dashje ka imituar festimin historik të Pelesë në Kupën e Botës 1970.

Pele shënoi golin e parë në finalen kundër Italisë dhe festoi duke i hipur në shpinë Zhairzinjos, ashtu si bëri dje Mesi me Dembelenë.

Kush është më i madhi, pak rëndësi ka, sepse ky festim ndoshta mjafton për të thënë që kemi përpara dy ndër më të mëdhenjtë, perënditë e futbollit.

#Messi scored his 50th career hat-trick in the game against Sevilla on Saturday February 23, 2019. pic.twitter.com/TUjqEhIh5l

— Bichoy Gabra, R.Ph., Ph.D. (@bichoy_g) February 24, 2019

Ai është Kilian Mbape, i cili fitoi Botërorin në moshën 19-vjeçare si protagonist. Pele beson fort se francezi do të arrijë në nivelin e tij dhe diçka të tillë nuk e thotë kot. Nejmari është si djali i tij, të dy kanë dalë nga ekipi i Santosit, por Pele nuk i kurseu “thumbimet” ndaj sulmuesit e PSG për simulimet e shumta, në një prononcim të mëparshëm.

Këtë gjë e bën për të mirën e tij dhe të kombëtares së Brazilit, ndërsa premton se nuk do reshtë kurrë së ndihmuari Nejmarin për ta përmirësuar si futbollist.

MBAPE – “Mendoj se Mbape mund të bëhet Pele i ri. Kilian fitoi kupën e botës në moshën 19-vjeçare, ndërsa unë e fitova 17 vjeç… Iu ofrova dhe i thashë se për pak mund të më barazonte. Mendoj se realisht mund të bëhet Pele i ri. Shumë njerëz mendojnë se e them këtë gjë për t’u treguar xhentil, por nuk po bëj shaka.”

NEJMAR – “Njerëzit mendojnë se unë e “kap prej veshi” Nejmarin, por një baba nuk e kritikon kurrë djalin e tij, e edukon. Kur them se është një krijesë e jona, është për faktin sepse e konsiderojmë si një djalë të Santosit. Gjithçka e bëj për të mirën e tij, i dua të mirën atij dhe kombëtares tonë. Do të bëj maksimumin për ta ndihmuar të përmirësohet.”

Jyrgen Klop ka arritur të përmirësojë fazën defensive të ekipit, ndërsa faza ofensive është një spektakël më vete. Trajneri i “The Reds” ka folur për “El Mundo Deportivo”, duke zbuluar se kë preferon midis Leo Mesit dhe Kristiano Ronaldos.

“Kam vetëm një selfie në telefonin tim dhe e kam me Mesin. Edhe Kristiano ishte në dhomë kur e bëmë foton…” Përgjigje në stil dhe gjithçka është e thjeshtë për t’u kuptuar se kush është më i miri në botë sipas trajnerit gjerman.

Por, futbollisti më i mirë i historisë së futbollit është një tjetër. Ai është Pele dhe Klop nis e tregon adhurimin për legjendën braziliane. “Babai im më ka thënë gjithmonë se, pavarësisht nga ajo që njerëzit do të thonë në të ardhmen, Pele ka qenë më i miri. E kam takuar brazilianin në Botërorin e vitit 2006. Nuk jam tipi që nervozohem, por në atë moment po djersija si një i çmendur”, përfundon Jyrgen Klop, si gjithmonë i sinqertë dhe origjinal.

“I have one selfie on my smartphone. That’s with Messi. Cristiano was in the room, as well…” ?

Jürgen Klopp’s special Q&A at the @LFCFoundation Gala dinner premieres tonight. ??

? 21:30 GMT on LFCTV & LFCTV GO: https://t.co/DAxFjfdrlB pic.twitter.com/6aKseUcsE9

— LFCTV (@LFCTV) December 22, 2018

Dashuri e madhe për patriotin e tij, por ai tregon se nuk i ka pëlqyer transformimi i Nejmarit në vitet e fundit. Të dy janë shumë të lidhur me njëri-tjetrin, Pele kërkon gjithmonë më të mirën nga “djali” i tij, por Nejmar nuk është më ai që të gjithë kemi njohur.

Legjenda nuk i kursen vlerësimet për Kilian Mbape. 19-vjeçari francez po i mahnit të gjithë dhe Pele e sheh atë si pasardhësin e tij.

NEJMAR – “Gjithmonë e kam thënë që Nejmar do të bëhet një futbollist i madh. Por çfarë ka ndodhur në dy vitet e fundit? Ka filluar t’i pëlqejë të duket ndryshe. Jo duke shënuar gola, jo duke bërë gjeste të bukura teknike, jo. Ai është bërë i famshëm për faktin që simulon në faulle që nuk ekzistojnë, gjë që ia nxin jetën arbitrave. Ky është shkaku se pse imazhi i tij është bërë negativ. Kemi diskutuar shumë herë së bashku. Pavarësisht gjithçkaje, Nejmar është padyshim një nga lojtarët më të mirë në botë. Një baba nuk e kritikon djalin e tij, e edukon. Njerëzit mendojnë se unë ia ‘tërheq veshin’ pak si shpesh, por e bëj për të mirën e tij. Dua më të mirën për të dhe kombëtaren e Brazilit. Do të bëj gjithçka për ta ndihmuar të përmirësohet.”

MBAPE  – “Ai e fitoi kupën e botës 19 vjeç, ndërsa unë isha 17 vjeç kur e fitova. Iu ofrova dhe i thashë se për fare pak mund të ma thyente rekordin. Besoj se ai do të jetë Pele i ri. Shumica mendojnë se e them kështu kot, por nuk po bëj shaka. Për të më bërë akoma më të lumtur, Mbape duhet të fitojë dhe një tjetër kupë bote.”

Ndoshta, 78-vjeçari ka të drejtë… Pele s’ka si të krahasohet me Mesin, pasi ky i fundit e dëshmon dita ditës që është i pakrahasueshëm më këdo. Sot sapo e dha një dëshmi të tillë. “Pleshti” zhbllokoi rezultatin në derbin katanalas me Espanjolin.

“Pleshti” regjistroi golin e 43 me goditje dënimi dhe të mendosh që në vitet e parë të karrierës së tij, argjentinasi nuk shquhej si specialist i goditjeve të dënimit. Goli natyrisht ishte me “armën” e preferuar dhe sipas Pelesë “armën” e vetme: Këmbën e majtë.

Saktësisht 566 ndeshje ka zhvilluar Leo Mesi me Barcelonën, duke qenë lojtari i dytë me më shumë ndeshje me një skuadër të vetme në historinë e futbollit. 31-vjeçari kaloi Gerd Mylerin në ndeshjen e  fundit me Betis dhe para tij është vetëm braziliani Pele.

Pele ka luajtur 643 ndeshje me Santosin dhe Mesit i duhen dhe 77 ndeshje me fanellën e Barçës që të kalojë edhe legjendën braziliane. Duket një shifër e arritshme, nëse Mesi vijon që të qëndrojë besnik për kampionët e Spanjës deri në fund të karrierës. Nëse do të ndodhë, me shumë gjasa Mesi do të jetë “mbreti” i kësaj statistike për shumë kohë, pasi vështirë se dikush tjetër do e cenonte këtë statistikë të veçantë dhe jo që çdokush mund ta tentojë për ta arritur.

https://www.instagram.com/p/BqILfhMFFQs/?utm_source=ig_web_copy_link

“Urime Luka Modriç dhe marta për çmimet e marra. Ka qenë një privilegj të ju shoh ju të dyve këtë sezon që të luani”.

Congratulations to Luka and Marta on winning the #TheBest awards tonight. It's been a privilege to see you both play this season. // Parabéns, @lukamodric10 e Marta, por vencerem o prêmio de Melhores Jogadores da FIFA. Foi um privilégio ver vocês dois jogarem nesta temporada. https://t.co/xJNS5AMh9b

— Pelé (@Pele) September 24, 2018

Po ashtu legjenda braziliane kishte rezervuar një surprizë dhe për Kilian Mbape, të cilit i kishte dërguar një fanellë të firmosur nga ai. Ka qenë vetë Braziliani që e ka bërë publike dhuratën e marrë.

Thanks for this amazing gift, King ? @Pele pic.twitter.com/W1sNkXRbym

— Kylian Mbappé (@KMbappe) September 23, 2018

Juventus kërkoi shërbimet e tij në vitin 1961, por Santos refuzoi ofertën dhe legjenda e Brazilit nuk ia doli të luante kurrë në futbollin europian.

“Të uroj fat Kristiano për ndeshjen e parë me Juventusin. Në vitin 61’, presidenti i Fiat-it tentoi të më blinte, por shiritat që sheh në foto janë të vetmet për Pele”, shkruan 77 vjeçari brazilian. Pele u aktivizua për 18 sezone me Santosin, ku në 638 ndeshje, ai arriti të shënonte 619 gola.

Good luck, Cristiano, for your first game with @juventusfc. In ’61, Fiat’s owner offered to buy me but these are the only stripes for Pelé ! / Boa sorte, @Cristiano, no seu primeiro jogo na Juventus. Em 61, o dono da Fiat tentou me levar, mas essas são as únicas listras pro Pelé! pic.twitter.com/W81OPW5RyM

— Pelé (@Pele) August 18, 2018

Sigurisht duhet vazhdimësi, por emri i tij do të jetë krah të madhit Pele. Sulmuesi francez bëhet i dyti lojtar që shënon në një finale dhe që nuk i ka mbushur 20 vjeç. Rekordi absolut i takon legjendës së Brazilit, pasi në finalen e vitit 1958 shënoi dy herë në fitoren 5-1 të regjistruar me Suedinë. Pele të dytin e shënonte në minutën e 90-të dhe e ka mirëpritur francezin në “klub”.

Only the second teenager to have scored a goal in a #WorldCupFinal! Welcome to the club, @KMbappe – it's great to have some company! // O segundo adolescente a marcar um gol em uma final de #CopaDoMundo! Bem-vindo ao clube, Kylian – é ótimo ter a sua companhia! https://t.co/g8b2gLTy7B

— Pelé (@Pele) July 15, 2018

Mbape shënoi golin e katërt (65’) në fitoren 4-2 që Franca regjistroi me Kroacinë. Sulmuesi është kampion bote dhe i duhet që edhe në futbollin e klubeve të fitojë. Me PSG dështoi vjet, por mund t’ia dalë në të ardhmen. Ka edhe zgjidhje tjetër: të transferohet te Real Madrid dhe të bëhet “mbret” duke fituar Ligën e Kampioneve.

Tani sulmuesi kthehet në një kandidat serioz për të fituar “Topin e Artë”. Nëse kthehemi pas në kohë, Majkëll Ouen e ka marrë atë çmim në vitin 2001 me 24 gola të shënuar, ndërkohë që fitonte Kupën UEFA, FA Cup dhe Fotball League Cup. Mbape ka shënuar më shumë se “djaloshi i artë”, pasi numëron 25 gola këtë sezon, ndërkohë që është kampion bote. Duhet më shumë?