Pedro

VIDEO | E pabesueshme, Pedro realizon golin e vitit

Sport Ekspres — Wed, 31 Jul 2019 20:43:02 +0000

Pedrito është gjithmonë i njëjti. I mbushur me klas e plot kreativitet si te Barcelona një herë e një kohë. Spanjolli ka shënuar një gol ta jashtëzakonshëm në miqësoren që Çelsi zhvilloi ndaj Salzburgut. Ros Barklej nisi një krosim të ëmbël në gjysëm lartësi me Pedron, që ben një prekje të artë me takë nga mbrapa për ta lënë portierin në vend.

Ndërkohë Çelsi arriti të triumfonte me rezultatin 3-5. Spikasin dy golat e të sapoardhurit Kristian Pulisiç, që duket se është “karikuar” mirë për të zëvendësuar Hazard këtë sezon. Ndeshje e dominuar nga skuadra e Lampard, që nuk e vuri në asnjë moment në diskutim fitoren. Dy gola të kundërshtarëve u shënuan në gjashtë minutat e fundit.

Miqësore

Salzburg-Çelsi 3-5

Pulisiç ’20, ’28, Barklej 23(p), Pedro ’57, Batshuai ‘88\ Onguene ’50, Takumi Minamino ’86(p), ‘90+2

Zotëria i finaleve, dy rekorde historike nga… Pedro

Sport Ekspres — Thu, 30 May 2019 12:52:00 +0000

Pedro Rodriges, ndryshe njeriu i finaleve. Pedrito është një njeri me emocione të akullta në momentet deçizive. E ka treguar këtë me Barcelonën dhe e tregoi mbrëmë me Çelsin. Spanjolli shënoi golin e dytë dhe të qetësisë për londinezët, që mundën bindshëm 4-1 Arsenalin dhe bënë të tyrin trofeun e dytë Evropian më të madh për nga rëndësia.

Me këtë triumf 31-vjeçari regjistron dy rekorde personale. Ai bëhet i pari lojtar që fiton Kupën e Botës, Kampionatin Evropian, Champions League, Europa League, Botërorin e Klubeve dhe Superkupën e Evropës. Askush nuk e ka arriturin suksesin e njeriut, që ka fituar çdo kompeticion që i ka dalë përpara.

Pedrito është gjithashtu lojtari i parë në histori që ka shënuar në tre finale Evropiane për klube. Sulmuesi ka arritur ta dërgojë topin në rrjetë në finalet e Champions League, Europa League dhe Superkupës së Evropës.

Ish-ylli i Barçës ka shënuar me Barcelonën në triumfin e “Wembley” ndaj Mançester Junajtid në kuadër të finales së kupës me veshë të gjata në vitin 2011. Në Superkupën evropiane të vitit 2015 Pedro i dha Barcelonës fitoren, duke shënuar për 5-4 në minutën e 115. Mbrëmë arriti ta dërgonte topin poshtë shpinës së Peter Çeh për të ngritur në qiell trofeun e Europa League.

VIDEO | Një fenomen 17-vjeçar shtang Brazilin, Liverpuli hidhet në sulm

Sport Ekspres — Sat, 25 May 2019 17:22:22 +0000

Brazili nuk ka resht së prodhuari talent të rrallë. “Diamanti” më i fundit që po përpunohet në vendin e Sambës është 17-vjeçari i Fluminenses, Zhoao Pedro. Në tri ndeshjet e fundit sulmuesi i talentuar ka shënuar gjashtë gola, ku spikat takimi i djeshëm ndaj Atletiko Nasional ku realizoi tripletën e parë si profesionist.

Ky “shpërthim” i papritur i 17-vjeçarit ka sjellë interesin e shumë klubeve të mëdha në Europë. Sipas medies së njohur braziliane “Globo”, Liverpuli është kthyer në favoritin kryesor për të siguruar shërbimet e sulmuesit.

https://www.youtube.com/watch?v=ZzmgupSFgA4

Megjithatë, ky transferim është tejet i komplikuar për shkak se në mes futet një palë e tretë. Bëhet fjalë për ekipin e Uotfordit. Skuadra nga qyteti në veri të Londrës ka arritur një marrëveshje paraprake për të blerë kartonin e Pedros, por Liverpuli mund të shfrytëzojë një klauzolë të kësaj marrëveshjeje për t’i rrëmbyer talentin Uotfordit.

Në këtë skenar, skuadra e Jurgen Klop duhet t’i paguajë një shumë parash të dyja klubeve, operacion ky që përflitet se mund të shkojë deri në 40 milionë euro, shumë e konsiderueshme për një 17-vjeçar.

VIDEO: Frankfurtit nuk i mjafton supertalenti Joviç, Çelsi hedh një hap të vogël

Sport Ekspres — Thu, 02 May 2019 20:55:46 +0000

Frankfurti e Çelsi janë ndarë në barazim 1-1 në vajtjen e gjysmëfinaleve të Europa League, me Blutë që kanë marrë një rezultat pozitiv, duke pasur parasysh se kthimin e luajnë në shtëpi dhe do u mjaftojë edhe barazimi 0-0.

Megjitatë, këtij Frankfurti nuk i duhet zënë besë, sepse gjermanët luajnë futboll të bukur, agresiv e shumë sulmues, ndërsa kanë një xhevahir si Luka Joviç, i cili edhe sot gjeti golin, pas 23 minutash, pas pasimit nga Filip Kostiç.

Çelsi u paraqit dobët në pjesën e parë, por në minutat e fundit të saj e rriti ritmin dhe Ruben Loftus Çik krikoi golin e barazimit nga Pedro.

Në pjesën e dytë, kur u fut edhe Eden Hazard, Çelsi ishte skuadra dominuese në fushë dhe rastet nuk munguan, edhe për Frankfurtin, ndërsa David Luiz goditi traversën me një predhë nga distanca.

Pa fitues në fushë, por me fitues të mëdhenj tifozët, sepse në tribuna spektakli ishte fantastik.

Eintracht Frankfurt are playing their first European semi-final since 1980.

Their fans have created an incredible atmosphere for it. ?

? @btsportfootball pic.twitter.com/x5H5mWK9tl

— Squawka Live (@Squawka_Live) May 2, 2019

Derbi edhe jashtë fushës, Milani dhe Interi në garë për sulmuesin spanjoll

Sport Ekspres — Wed, 03 Apr 2019 18:51:07 +0000

Çelsi do të hasë probleme në merkato. “Bluve të Londrës” u është bllokuar merkato nga UEFA për dy vite dhe nuk mund të përforcojnë ekipin gjatë kësaj kohe. Eden Hazard është emri më i lakuar për t’u larguar. Destinacioni i ardhshëm i belgut shihet Reali i Madridit, por klubi anglez ka refuzuar çdo ofertë deri më tani.

Një tjetër lojtar ofensiv mund të largohet në fund të sezonit. Ai është spanjolli Pedro. 31-vjeçarit i përfundon kontrata me Çelsin në fund të sezonit të ardhshëm, por ai mund të largohet më shpejt.

Sipas raportimeve nga Anglia, ka një garë të fortë për shërbimet e tij, më saktë një derbi. Milani dhe Interi pëlqejnë lojtarin dhe janë gati ta transferojnë atë në qytetin e modës. Klubet po përgatisin ofertat e tyre, ndërsa në fund do të zgjedhë Pedro.

VIDEO | Çelsi bën detyrën, kundër Kristal Palas vendosin spanjollët

Sport Ekspres — Sun, 04 Nov 2018 17:51:33 +0000

Çelsi ka triumfuar në shtëpi ndaj Kristal Palas, duke u bashkuar me Liverpulin e vendit të dytë në kuotën e 27 pikëve. Ekipi i Sarrit bëri detyrën me fitoren 3-1, ku shënoi dy herë Morata dhe një herë Pedro Rodrigez.

Pjesa e parë ishte një dominim i bluve, të cilët arritën të konkretizonin vetëm një herë rastet që krijuan. Në minutën e 32-të ishte Alvaro Morata, i cili shënoi golin e avantazhit për Çelsin, pas një pasimi nga Pedro Rodrigez. Me rezultatin 1-0 skuadrat u drejtuan në dhomat e zhveshjes.

Në fraksionin e dytë miqtë e Kristal Palas duket se u futën më me besim në fushë dhe vetëm pas tetë minutash lojë, arritën të gjenin golin e barazimit me anë të Tousend. Goli duket se e shkundi Çelsin dhe blutë e Londrës filluan të rrisnin përsëri presionin tek porta e Kristal Palas. Në minutën e 65-të ishte përsëri Morata, i cili tashmë duket i rilindur pasi shënon golin e tretë në dy ndeshjet e fundit.

Vetëm pesë minuta më pas, Çelsi shënoi përsëri, këtë rradhë me Pedron. Një gol, që ishte i gjithi spanjoll, ku dalja e Markos Alonsos nga krahu i majtë gjeti Pedron, i cili nuk gaboi, duke shënuar dhe golin e tretë. Kështu, blutë e shoin veten në vendin e dytë tashmë, dy pikë prapa Mançester Sitit.

Video | “Sytë e tu nuk na shohin”, Pedro dhe Alba festojnë me ironi pas shpërfilljes nga kombëtarja

Sport Ekspres — Mon, 03 Sep 2018 18:33:08 +0000

Lista e parë e Luis Enrikes si trajneri i përfaqësueses spanjolle shkaktoi jo pak surpriza. Tekniku asturian la jashtë përfaqësueses shumë lojtarë me emër të kombëtares “La Roja”, si Alba, Koke dhe Pedro. Përgjigja e lojtarëve ka ardhur, madje nga fusha e lojës.

Pedro dhe Alba gjetën të dy rrugën e rrjetës në takimet me skuadrat e tyre respektive dhe detaji më interesant i golave ishte festimi i tyre identik. Të dy spanjollët mbuluan sytë me duar, duke “thumbuar” kështu drejtpërdrejtë trajnerin e përfaqësueses spanjolle, që me ardhjen e tij në krye të bankinës spanjolle i cilëson lojtarët si pjesë e së shkuarës.

https://www.youtube.com/watch?v=AB42eKULGS0

https://www.youtube.com/watch?v=svWvKbONZzA