Bylis zyrtarizon afrimin e radhës, përforcohet mesfusha

Sport Ekspres — Wed, 31 Jul 2019 19:42:13 +0000

Bylisi ka zyrtarizuar firmën me mesfushorin Majkëll Peçi. 22-vjeçari ishte pjesë e Kamzës sezonin e shkuar në Superiore, skuadër me të cilën luajtir 9 takime. Tani si lojtar i lirë, Peçi ka firmosur për ekipin mallakastriot.

Bylisi u rikthye në Superiore si skuadra kampione e Kategorisë së Parë dhe synon të mbijetojë në elitën e futbollit shqiptar. Peçi është një lojtar me cilësi të mira dhe ka luajtur për disa skuadra.

22-vjeçari ka dalë nga akademia e Tiranës, skuadër me të cilën ka luajtur në dy sezone (2015/16 dhe 2016/17). Por gjatë sezonit 2016/17, Peçi ka pasur dhe një aventurë me skuadrën e Sopotit, si i huazuar. Në sezonin 2017/18, Peçi ka luajtur për dy skuadra, Korabin e Peshkopisë dhe me Burrelin.

Korabi bën goditjen e parë, merr Majkëll Pecin

Sport Ekspres — Wed, 23 Aug 2017 15:14:40 +0000

Mesfushori i talentuar Majkëll Peçi ka gjetur marrëveshjen me Korabin, mëson “Sport Ekspres”, duke u bërë përforcimi i parë i klubit dibran pas emërimit të trajnerit të ri, Julian Ahmatajt.

Ndonëse shumë vonë, Korabi ka nisur të lëvizë me shpejtësi dhe Peçi është një lojtar premtues, sepse është rritur te Tirana, duke luajtur edhe 14 ndeshje në Superiore, ndërsa ka fituar eksperiencë edhe në Kategorinë e Parë, ku këtë vit prej shkurtit luajti me Sopotin, duke shënuar edhe një gol, në 8 ndeshjet që zbriti në fushë.

Javët e fundit Peçi ishte në bisedime me disa klube, por synimi i Peçit është të luajë rregullisht, ndaj ka zgjedhur Korabin.