Gjithsesi, bardhezinjtë nga Torino kanë ofruar tre lojtarë për shërbimet e mesfushorit francez: Paulo Dibala, Blez Matuidi dhe Mario Manxhukiç! Një ofertë tunduese për “djajtë e kuq” të Solskjaer, ndërsa drejt ishullit kanë udhëtuar dyshja Paratiçi-Nedved.

Drejtuesit e “Zonjës së vjetër” kanë qenë në shoqërinë e agjentit Mino Raiola dhe kanë takuar Pogba. Qëllimi është gjetja e një akordi me lojtarin dhe pritja e përgjigjes pozitive nga Mançester Junajtid.

Negociatat vazhdojnë dhe palët po tentojnë akordin përfundimtar. Gjithsesi, Sky Sport raporton se argjentinasi nuk i vetmi juventin që pëlqehet nga Junajtid.

Drejtuesit e klubit anglez pëlqejnë shumë edhe Mario Manxhukiç. Me largimin e Alegrit 33-vjeçari nuk shihet më aq i rëndësishëm dhe aventurës së tij në Torino mund t’i ketë ardhur fundi.

Solskjaer e pëlqen shumë “luftëtarin” kroat dhe beson se ai do të vazhdojë të paraqitet në nivele të larta edhe për disa vite. Trajneri norvegjez e dëshiron Manxhukiç në Old Trafford dhe tratativat midis dy klubeve vazhdojnë.

Nga ana tjetër është edhe fantazisti argjentinas. Dibala rikthehet sot nga pushimet dhe mund të fluturojë menjëherë drejt Anglisë. Agjenti i tij po negocion me drejtuesit e “djajve të kuq”.

Alfredo Pedulla raporton se Dibala ka kërkuar një rrogë më të lartë sesa ajo që përfiton. Te Juventusi rroga e tij sezonale prej shifrën 7.5 milionë euro, ndërsa Junajtid i ka kërkuar 30% më shumë.

Shkëmbimi pritet të ndodhë shpejt, palët janë shumë afër marrëveshjes finale dhe diçka e tillë do i kënaqte të gjithë, sidomos dy trajnerët Sarri dhe Solskjaer.

Paulo Dibala nuk do të përfshihet në këtë operacion. Argjentinasi nuk e sheh me sy të mirë transferimin në Old Traffod, ndërsa edhe vetë Junajtid kërkon një juventin tjetër.

Daily Mail raporton se “Djajtë e kuq” kërkojnë Dagllas Kostën dhe “Zonja e vjetër” është dakord që braziliani të largohet drejt Premier Ligës. Edhe Interi nuk qëndron duarkryq.

Oferta e fundit për sulmuesin belg shkon në 75 milionë sterlina, 70 në dorë dhe 5 në formë bonusesh. Zikaltrit janë gati të përfshijnë edhe Ivan Perishiç në këtë tratativë, por Junajtid preferon më shumë Dagllas Kostën e Juves.

Pavarësisht kësaj klubi anglez arriti për herë të parë në histori në finalen e Champions Ligës, duke “flirtuar” me kupën me veshë të mëdhenj.

Ndryshon situata këtë verë. Drejtuesit e Spurs janë tepër aktivë dhe po synojnë t’i plotësojnë çdo dëshirë Mauricio Poçetinos. Fiksimi i fundit i trajnerit quhet Paulo Dibala.

E ardhmja e argjentinasit me Juventusin është në dyshim dhe anglezët janë gati të përfitojnë. Daily Mail raporton se Totenhemi ka përgatitur një ofertë prej 90 milionë eurosh për shërbimet e 25-vjeçarit.

Një shumë që i tundon bardhezinjtë. Dibala do të takohet me trajnerin Sarri pasi të kthehet nga pushimet për të kuptuar më mirë nëse është në planet e tij, por oferta e fundit mund ta transferojë atë menjëherë drejt Londrës.

Bavarezët ofrojnë 84 milionë euro për të afruar “La Joya”. Kjo ofertë me shumë mundësi do të refuzohet nga Juventusi. Italianët e vlerësojnë kartonin e Dibalës 105 milionë euro. Shifër kjo, që është disi larg ofertës fillestare të kampionëve të Gjermanisë. Me shumë mundësi ky nuk do të jetë propozimi i fundit, por do të pasohet nga një ofertë e dytë ndjeshëm më e lartë.

Mbrojtja është sistemuar me ardhjen e Pavard dhe Hernandez. Tani po punohet me pjesën ofensive. Emri i tij ka qarkulluar gjithmonë, por Bajerni është gati për një ofertë zyrtare.

Flasim për Paulo Dibala, i cili është me valixhe gati dhe shihet si zëvendësuesi i Hames Rodrigez. Ofertat për argjentinasin e Juventusit janë të shumta, por bavarezët duan të fitojnë rivalitetin. Bajern e vlerëson shumë 25-vjeçarin dhe do t’i ofrojë bardhezinjve 80 milionë euro për kartonin e tij.

Kampionët e Italisë kërkojnë më shumë, duan të paktën 100 milionë euro, pavarësisht se Dibala sapo ka mbyllur një sezon aspak pozitiv krahasuar me kualitetin dhe potencialin që zotëron.

Gjithsesi, diferenca mes ofertës dhe kërkesës është e rikuperueshme dhe klubi gjerman do bëjë të pamundurën për të transferuar fantazistin në Bavari sa më shpejt të jetë e mundur.

Qëndrimi i shpeshtë në stol dhe mos përshtatja me stilin e Ronaldos ndikon drejtpërdrejt. Kështu, vendimi i drejtuesve mund të jetë që i sakrifikuari të jetë “La Joya”. Është lojtari që ka zhgënjyer më shumë me lojën e tij dhe ai nga i cili mund të nxjerrësh më shumë para.

Pas Mançester Junajtid dhe Atletiko Madrid, në skenë del Interi. Drejtori i përgjithshëm, Bepe Marota e njeh shumë mirë argjentinasin. Për të ai do të ishte transferimi i duhur për të filluar projektin e Interit të madh. Një shkëmbim me Ikardin është mundësi reale, por edhe paratë në dorë nuk përjashtohet si ide.

KIEZA – “Sot nuk është një ditë për të folur për të ardhmen, kemi kohë për të folur për të. Kieza? Është lojtar i mirë dhe një objektiv, por nuk kisha nevojë ta shihje atë sot pasi i dimë cilësitë e tij.”

DIBALA – “Është një lojtar i Juventusit dhe do të mbetet i tillë.”

Shumica e tyre i ruajnë me fanatizëm dhe një prej tyre është Paulo Dibala. Argjentinasi i Juventusit ka një koleksion prej 270 bluzash. Ai ka postuar një foto me to në rrjetet sociale. Të gjitha janë të rëndësishme për 25-vjeçarin, sidomos ato të Institutos (ekipi i parë i lojtarit ofensiv), Palermos, ajo e titullit të parë me Juven, por jo vetëm.

Aty gjendet dhe bluza e Pol Pogba, një prej miqve më të ngushtë të Dibalasë dhe ato të dyshes Mesi-Ronaldo. Dibala shpjegon rëndësinë e tyre në një prononcim për “OTRO”.

“Këto që po shihni këtu janë 270 bluza të grumbulluara dhe nuk janë një numër i rastësishëm. Këtu janë të gjitha bluzat që kam shkëmbyer me shokët e mi dhe kundërshtarët me të cilët jam përballur. Më kujtohet kur isha në Argjentinë. Ëndërroja të kisha një koleksion personal dhe jam i lumtur që ia kam dalë. Një nga më të rëndësishmit për mua është bluza me numër 9 e Institutos, sepse ka qenë klubi im i parë si profesionist dhe ai që më ndryshoi jetën”, shprehet Dibala.

Më pas argjentinasi shton: “Më pas është ajo e Palermos, klubit që më bleu dhe më solli në Itali, duke më bërë pjesë të futbollit të madh. Nuk ishte një moment shumë i bukur, sepse luanim në Serie B, por arritëm ta rikthenim ekipin në elitë.”

“Një tjetër bluzë që dua të kujtoj është ajo e Pol Pogba, ish-shokut tim te Juventusi. Flas përditë me të dhe jemi shumë miq. Kam përfituar shumë prej tij. Nga bluzat e Juves mbaj mend mirë atë të sezonit 2015/2016, sepse ishte viti i titullit të parë në Itali. Bëra që të firmosej nga të gjithë shokët e ekipit, isha shumë i lumtur dhe kam kujtime të bukura”, tregon Dibala.

“Unë mbaj numrin 21, që kur isha 6 vjeç. Te Juventusi kam gjetur njerëz si Kedira, Kielini dhe Manxhukiç, të cilët janë si familje për mua. I ruaj me xhelozi dhe bluzat e Ronaldos dhe Mesit. I kam vendosur bashkë uniformat e tyre dhe jam me fat që kam patur mundësinë për të luajtur me këta lojtarë. Mëson shumë gjëra prej tyre çdo ditë. Të dy janë fenomenalë dhe nuk mund t’i krahasosh me njëri-tjetrin, sepse secili prej tyre është unik në llojin e tij.”

 

View this post on Instagram

 

Took me a long time to get through my shirt collection with @OTRO ? Full episode on http://otro.co/dybala. #OurOtherClub

A post shared by Paulo Dybala (@paulodybala) on Feb 25, 2019 at 9:25am PST

Siç raporton “Daily Express”, drejtuesit e klubit anglez kanë nisur tratativat me Interin dhe Juventusin. Sipas klubeve italiane, lojtarët nuk janë të pashitshëm. Junajtid po tenton të përfshijë Lukakun në tratativa, me këtë të fundit që ka shprehur prej kohësh dëshirën për t’u bashkuar me bardhezinjtë nga Torino e për të luajtur në një ekip me Kristiano Ronaldon.

Për të dy lojtarët argjentinas janë të mëdha mundësitë për t’u larguar në fund të sezonit nga ekipet respektive. Gjendja e Ikardit është më serioze, pasi problemet me Interin janë të mëdha dhe pajtimi është shumë larg.

Më ndryshe gjendja e Dibala, por dhe për të nuk përjashtohet largimi nga Torino në fund të sezonit, për shkak të minutave të pakta që po merr nga Alegri.

Junajtid është gati të përfitojë nga situata dhe t’i dhurojë trajnerit Solskjaer një përforcim cilësor për repartin ofensiv.

Paulo Dibala nuk po kalon një periudhë të mirë në kampionat, ku ka arritur të shënojë vetëm dy gola, por ai mund të thyejë një rekord në finalen e së mërkurës. Argjentinasi ka shënuar tre gola në finalet e Superkupës së Italisë dhe ndodhet në të njëjtën shifër me emra si: Andrij Shevçenko (i vetmi që ka realizuar trigolësh në finale), Aleksandro Del Piero, Samuel Eto dhe Karlos Tevez.

Një gol kundër Milanit do e ngjiste 24-vjeçarin në kuotën e katër golave, duke u bërë kështu golashënuesi më i mirë në histori i finaleve të Superkupës. Dibala shënoi golin e parë në finale në fitoren 2-0 kundër Lacios në vitin 2015 në duelin e zhvilluar në Kinë, ndërsa edicionin e kaluar shënoi një dygolësh në humbjen kundër Lacios me rezultatin 3-2.

Ardhja e Kristiano Ronaldos ka rritur entuziazmin në ekip dhe siguron gola e fitore. Paulo Dibala e konfirmon objektivin kryesor të ekipit të tij në prononcimin për “Telefoot”, ndërsa fton Pol Pogba të rikthehet në Torino.

Kualiteti i francezit nuk vihet në dyshim dhe te Juventusi do e prisnin me krahë hapur. Dibala vlerëson dhe dyshen Nejmar-Mbape, por askush nuk krahasohet ende me një tjetër dyshe të frikshme si Leo Mesi dhe Kristiano Ronaldo.

“Të gjithë do të donin në skuadër një lojtar me cilësitë e Pogba. Çfarëdo vendimi të marrë, i uroj më të mirën e mundshme. Objektivi ynë kryesor është fitimi i Champions Ligës. Do të tentojmë ta fitojmë, por pa harruar kompeticionet e tjera. Atletiko e Madridit bashkë me Liverpulin ishin kundërshtarët më të vështirë që mund të na binin, por ne jemi gati. Më të mirët? Ronaldo dhe Mesi janë në një nivel. Nejmar dhe Mbape janë lojtarë shumë të mirë, por argjentinasi dhe portugezi mbeten numrat një”, përfundon Paulo Dibala.

Gjithsesi, ardhja e Kristiano Ronaldos, duket se e ka lënë në hije argjentinasin, i cili është zhdukur totalisht për sa i përket çështjes së golit. Kur është mbyllur gjysma e parë e sezonit, Dibala numëron vetëm dy gola, që është një shifër katastrofikë për një lojtar kalibri si 25-vjeçari.

Pas 19 javësh, sulmuesi bardhezi numëron gola të shënuar më pak se dhe mbrojtësit Françesko Açerbi, apo Federiko Fazio, të cilët kanë tundur rrjetën nga tre herë secili. Regresi i argjentinasit krahasuar me sezonin e shkuar është i madh, gjithsesi mbetet për t’u parë se si do të shkojë pjesa e dytë e sezonit për të.

Mançester Siti është një nga klubet e interesuara për shërbimet e 25-vjeçarit dhe “Daily Express” raporton se marrëveshja mund të arrihet në merkaton e verës. Juventusi nuk e mohon shitjen e lojtarit ofensiv, por për të nevojiten të paktën 100 milionë euro.

Guardiola e pëlqen Dibalanë dhe drejtuesit e Sitit janë gati t’i plotësojnë dëshirën për të transferuar lojtarin në Premier Ligë. Nga ana tjetër, Dibala do e mirëpriste me kënaqësi një kalim te kampionët në fuqi të Anglisë për të nisur një tjetër aventurë në karrierën e tij.