Shangai kështu, prish hegjemoninë e Guangzhu Evergrandes, të cilët triumfonin dhe dominonin futbollin kinez prej 7 vitesh. Ekipi i drejtuar nga portugezi Viktor Pereira, mori një triumf mjaft të rëndësishëm javën e shkuar në fushën e Guangzhus, duke fituar 4-5, ndërkohë ditën e sotme triumfuan 2-1, duke ia lënë vendin festës.

Guangzhu nga ana tjetër, e cila drejtohet nga legjenda italiane Fabio Kanavaro, ka në ekip mjaft lojtarë me emër si, Paulinjo, Anderson Taliska, po ashtu dhe braziliani Alan, i cili dikur ka luajtur për Salcburg. Ndërkohë, situata duket e keqe për dy ish-lojtarët e Atletiko Madrid, Nikolas Gaitan dhe Ferreira Karrasko, të cilët rrezikojnë të shkojnë një kategori më poshtë me ekipin e tyre Dailan. Javën e fundit do të luajnë ndeshjen e jetës për ekipin e tyre, pasi i duhet të fitojnë patjetër ndaj rivalit të tyre kryesor për të shpëtuar.

Dy muaj pas transferimit të 30-vjeçarit në Kinë, shifrat janë të pabesueshme, po të marrim parasysh faktin që Paulinjo mbetet një mesfushor, i cili ndihmon ekipin e tij dhe gjatë fazës mbrojtëse. Në tetë ndeshje Paulinjo ka regjistruar tetë gola dhe pesë asiste, statistika këto që deri diku justifikojnë 50 milionë eurot e shpenzuara për të.

https://youtu.be/Lwq4HUvj_6o

Sot në Getafe pikërisht braziliani shënoi golin e fitores 2-1, në fundin e takimit, duke i dhënë 3 pikë të arta skuadrën blaugrana dhe duke arritur edhe një hakmarrje të vogël personale.

Vuajti tmerrësisht Barça, pësoi gol në minutën e 39-të dhe e gjeti barazimin në të 61-tën me Denis Suarez, ndërsa nuk shënoi asnjë nga sulmuesit. E zgjidhën mesfushorët, që thyen një Getafe të shkëlqyer, që meritonte pikë për paraqitjen më të mirë në Primera ndaj Barcelonës.

Dembélé, i postuar në të djathtë të sulmit, vuajti gjatë gjithë ndeshjes, ndërsa pësoi edhe një dëmtim të lehtë, duke paguar ndoshta edhe presionin e madh mbi vete.

Tani Barcelona po blen mesfushorin Paulinjo nga Guangzhu Evergrande. 40 milionë euro për një mesfushor 29-vjeçar, që duhet të zëvendësojë Iniestën? Nuk ka mundësi, diçka nuk shkon.

Nga Spanja dalin në dritë akuza të forta, që nëse vërtetohen, mund të largojnë turpshëm Bartomeun nga Barça.

Kompania e tij ADELTE Group, që merret me dizenjime, ndërtime e mirëmbajtje portesh, aeroportesh e rrugësh, ka aplikuar në një tender miliarder në Kinë, për të marrë përsipër projektin e Ishullit të Lules së Oqeanit (superprojekt, me një arqipelag artificial me luks të paparë për bosët e botës) ndërtuar nga grupi Evergrande. Po, ai që zotëron Guangzhu FC, klubin e Paulinjos.

Flitet se në tender merr pjesë edhe grupi ACS, president i të cilit është Florentino Perez. Nëse Barça merr Paulinjon, duket qartë lidhja e pistë e historisë dhe skandali do të ishte i madh nëse grupi i Bartomeut fiton tenderin. Për momentin është thjesht spekulim mediatik, por mjafton për të tërbuar tifozët dhe aksionerët e Barcelonës, ndaj nuk është çud që blerja e Paulinjos të anulohet fare.

Braziliani, prej vitit 2015 te Guangzhu Evergrande në Kinë, ka qenë një objektiv i Barcelonës gjithë verën dhe tashmë klubi katalan ka kompletuar transferimin, ndoshta duke nuhatur rrezikun e mbetjes pa mesfushor, pasi Liverpuli është gati për betejë, kundër shitjes së Kutinjos.

Paulinjo, 29 vjeç, ka luajtur për një sezon e gjysmë në Angli, te Totenhemi, ndërsa më parë ka luajtur për shumë vite te Korintiansi dhe është pjesëtar i rregullt i kombëtares braziliane.  Një biznes i shkëlqyer për Gunagzhunë, që e bleu për rreth 13 milionë euro, ndërsa befason Barcelona, sepse realisht Paulinjo nuk duket profili i futbollistit që ka nevojë Barça, aq më shumë që nuk është një talent që garanton edhe 10 vite karrierë.