Sipas asaj që kanë mësuar mediet angleze, Skols ka vendosur 140 baste për ndeshje të caktuara futbolli në një periudhë kohore nga gushti i 2015-ës në janar të 2019-ës. Bastet janë ndërprerë pak javë para se Skols të bëhej trajneri i skuadrës së Oldhemit.

Ish-futbollisti ka kohë deri më datë 26 prill për të dhënë shpjegime në lidhje me këtë shkelje të rregullores.

Rasti më i famshëm i kësaj shkelje është ai i mesfushorit Xhoi Barton, i cili u dënua me 13 muaj pezullim nga futbolli për shkak se kishte vendosur 1260 baste sportive.

Paul Scholes is set to be unveiled as the new Oldham Athletic manager at a press conference on Monday.

More ? https://t.co/XFpHdgW9Pq#bbcefl #bbcfootball #oafc pic.twitter.com/a592YiXrav

— BBC Sport (@BBCSport) February 10, 2019

44-vjeçari do të zëvendësoje Pit Uajlld, teksa ekipi i tij më i ri pozicionohet i 14-ti në renditjen e kampionatit. Tashmë, pas Stiven Xherard, Frenk Lampard, Patrik Vieira, apo Tierri Henri, një tjetër legjendë nis karrierën si trajner.

Paul Scholes is going into management, I hear.

The debates continue… pic.twitter.com/vNikJUp8Fq

— JK ?? (@joshkazz) February 10, 2019

Ai vlerëson trajnerin norvegjez, por dyshon shumë nëse Pogba do të trajtohej në të njëjtën mënyrë nga trajneri i Juventusit. “Kam qenë një nga kritikët e tij më të mëdhenj dhe e kam urryer një gjë të tillë, por e kam bërë një gjë të tillë sepse kam luajtur me të. E di mirë se çfarë lojtari është.

E ndjek prej vitesh ecurinë e tij dhe e di se çfarë talenti është. Ajo që ka bërë Solskjaer nuk është aspak e thjeshtë dhe i ka krijuar kushtet e duhura për të bërë mirë. Nuk jam i sigurt nëse Alegri do të kishte patur të njëjtin qëndrim kundrejt lojtarit”, përfundon ish-mesfushori i Junajtid.

Zëra të shumtë u folën disa kohë më parë, ku Zinedin Zidan shihej si pasardhësi kryesor i teknikut luzitan, por asgjë tjetër veçse spekulimeve. Lidhur me këtë çështje ka folur, Pol Skolls, një legjendë në “Old Traford” për atë që ka dhënë për Junajtid.

Ish-mesfushori duket se nuk është dakord me kandidaturën e teknikut francez, i cili bëri histori me Realin e Madridit, duke fituar tre Champions rradhazi, gjë që nuk kishte ndodhur kurrë më parë. Skolls e arsyeton mendimin e tij, me faktin se ish-tekniku i Realit, e kishte ekipin gati në Madrid, ndërsa te Junajtid do të jetë një histori komplet tjetër.

“A jemi të sigurt se do të ishte njeriu i duhur për të zënë vendin e Murinjos? Zidan arriti të fitonte shumë në Madrid, por duhet të pranojmë që ishte një grup i provuar, i përbërë me lojtarë fitues. Puna që duhet të bëjë te Mançester Junajtid është krejtësisht ndryshe. Unë nuk them se nuk ishte e vështirë për të për të fituar, por i duhet të bëjë një punë të ndryshme”, përfundoi fjalët e tij Skolls.

Tekniku portugez në fundin e ndeshjes u drejtua nga tifozët e bardhezinjve, duke bërë gjeste sikur nuk po i dëgjonte, pasi doli fitimtar nga ndeshja. Lidhur me këtë gjest ka folur një legjendë e Mançester Junajtid, siç është Pol Skolls. Mesfushori ka thënë në mediat angleze që gjesti i trajnerit portugez nuk është i hijshëm dhe nuk tregon klas.

“Duhet të fitosh dhe me klas. Nuk mendoj se ka nevojë të bësh gjeste të tilla. Shtrëngo duart me trajnerin kundërshtar dhe duartrokit tifozët, kjo është mënyra më e mirë. Ishte e panevojshme, por Murinjo i tillë është. Nuk tregoi klas me atë veprim”, përfundoi fjalët e tij ish-mesfushori.

Lidhur me këtë çështje kanë folur dy legjenda të Mançester Junajtid, siç janë Rio Ferdinand dhe Pol Skolls. Anglezët kanë reaguar ashpër ndaj faktit që Murinjo vazhdon të qëndrojë në krye të Junajtid edhe pse rezultatet janë momentalisht katastrofike. Sipas ish-lojtarëve të Junajtid, tekniku portugez duhet të shkarkohet sa më shpejt të jetë e mundur, pasi sezoni mund të mbyllet akoma dhe më keq.

“Shoh lojtarë të cilët nuk punojnë mjaftueshëm. Te Mançester duhet të punosh shumë dhe të dish vlerën e klubit. Gjithsesi, unë mendoj se nuk është problemi tek lojtarët. Ka disa vendime që duhet të merren një herë e më parë. Sa vjen e po bëhet akoma më e madhe, luftërat e vogla në dhomat e zhveshjes, polemikat me lojtarët apo dhe gjërat për të cilat flasin mediat. Po bëhen jashtëzakonisht shumë. Ky mund të jetë sezoni më i keq në historinë e klubit në qoftë se nuk ndryshojnë diçka shpejt. Duhet të marrin një vendim një herë e mirë”, përfundoi Ferdinand.

Ndërkohë, gjithashtu foli dhe Pol Skolls, i cili ishte më pak i ashpër se ish-shoku i tij i skuadrës.

“Ndoshta është periudha më e keqe që kemi parë te Junajtid prej shumë kohësh. Unë do të përqendrohesha te qëndrimi para ndeshjes. Urinë dhe dëshirën e lojtarëve për të luajtur dhe fituar nuk e shikoj në asnjë moment. Për këtë fakt nuk është faji vetëm i lojtarëve, ndaj dhe drejtuesit duhet të reagojnë dhe të ndryshojnë diçka”, deklaroi Skolls.

I pakënaqur nga situata e djajve të kuq është dhe legjenda e klubit anglez, Pol Skolls. Në rolin e analistit sportiv tashmë, ish-mesfushori është shprehur se Murinjo nuk është në lartësinë e duhur dhe se është shumë larg Pep Guardiolës me punën që po bën. Kjo referuar dhe faktit se ekipi i Murinjos e mbylli sezonin që lamë pas -19 pikë nga Siti.

Gjithashtu, Skolls është i pakënaqur edhe me situatën që ish-ekipi i tij po tregon në fazën përgatitore dhe në ndeshjet miqësore të zhvilluara së fundmi.

“Si një njeri i futbollit, nëse jeni trajner dhe e shihni ekipin tuaj duke luajtur, Mourinjo mund të jetë i lumtur me stilin e lojës”, – u shpreh fillimisht Skolls për “beIN Sports”.

Më tej ai shtoi: “Është një ekip që mezi i prodhon rezultatet, në vend që të të impresionojë. Ndoshta kjo është ajo që ai do, kështu ka qenë ndër më të mirët gjatë viteve. Nëse Guardiola do të ishte trajner i Mançester Junajtid, do ta urrente këtë që po sheh dhe do të bënte ndryshe. Gjëja më e rëndësishme për të janë rezultatet dhe ai do të gjykohet për to”.

Skolls mendon se do të ishte një katastrofë nëse në sezonin 2018/2019, Murinjo nuk fiton asnjë trofe. “Viti i kaluar ishte zhgënjyes. Ju nuk keni aftësi te mbinatyrshme për të fituar një trofe, e di këtë gjë, por mënyra si ata luajtën në kampionat, nuk ishte në nivelin e kërkuar. Ata u eliminuan nga Sevilja ne Ligën e Kampionëve, e cila është një skuadër e dobët. Është e vërtetë që ata shkuan në finalen e FA Cup, por çdo vit që Mançester Junajtid nuk fiton diçka është katastrofë dhe kjo gjë do të vazhdojë”,- përfundoi ish-lojtari i Junajtid.