Gjithsesi, bardhezinjtë nga Torino kanë ofruar tre lojtarë për shërbimet e mesfushorit francez: Paulo Dibala, Blez Matuidi dhe Mario Manxhukiç! Një ofertë tunduese për “djajtë e kuq” të Solskjaer, ndërsa drejt ishullit kanë udhëtuar dyshja Paratiçi-Nedved.

Drejtuesit e “Zonjës së vjetër” kanë qenë në shoqërinë e agjentit Mino Raiola dhe kanë takuar Pogba. Qëllimi është gjetja e një akordi me lojtarin dhe pritja e përgjigjes pozitive nga Mançester Junajtid.

Sipas tyre kjo ofertë është qesharake sepse Pogba vlen 150 milionë euro. Mjaft i vështirë ky operacion edhe nëse shtohet oferta, pasi merkato në Angli mbyllet më pas vetëm katër ditësh dhe është gati e pamundur që “Djajtë” të gjejnë një zëvendësues për francezin brenda kësaj periudhe.

Merkato në ishull mbyllet me datë 8 gusht dhe “djajtë e kuq” nuk kanë kohë në dispozicion për të gjetur pasardhësin e mesfushorit francez. Aq më tepër që Junajtid e vlerëson 160 milionë euro kartonin e Pogba.

Oferta e fundit e Realit nuk mjafton dhe është larg kërkesës së Junajtid. Trajneri Solskjaer e ka bërë të qartë që Pogba do të qëndrojë edhe sezonin e ardhshëm në ekip, pavarësisht se dëshira e madhe e lojtarit është transferimi te ”gjiganti” spanjoll.

Daily Mail raporton se kjo nuk është e vërtetë. Pogba po e bën gjithë këtë lojë për të detyruar klubin ta shesë te Real Madrid. Mino Raiola po merret me këtë çështje, por Reali është pranë akordit me Van De Bek të Ajaksit.

Problem është fakti që merkato në Angli me datë 8 gusht dhe Pogba mund të mbesë edhe një sezon në Old Trafford. Edhe përfshirja e Juventusit në momentet e fundit duket tepër e vështirë, edhe pse bardhezinjtë kanë treguar se mund t’i surprizojnë të gjithë atëherë kur nuk pritet.

Junajtid pritet të dorëzohet përballë këtij “lumi” parash. Milionat e përfituara nga shitja e tij, Solskjaer do i përdorte për të sjellë Sergej Milinkoviç-Saviç dhe Bruno Fernandes. Nëse ky operacion do kryhet, Pogba do ishte blerja më e shtrenjtë e La Ligas, shitja më e shtenjtë e Premier Ligës dhe transferimi e tretë më i madh në histori.

“Ka shumë fjalë rreth së ardhmes së tij, por ne nuk mund të bëjmë asgjë. Zidan është një mjeshtër futbolli. Është një idhull i imi që në fëmijëri. Punon shumë mirë dhe është një shembull për çdo futbollist. Futbolli spanjoll është më i miri.

Çdokush e pëlqen atë. Unë, vëllai im, të gjithë futbollistët. Ne vazhdojmë jetën tonë. Nëse diçka është e shkruar që të vijë, le të vijë. Mendoj se Pol do të ndihmonte çdo ekip. Nëse shkon në Madrid do ndihmojë Realin”, u shpreh Matias.

Reali ka nevojë urgjente për një mesfushor të madh. Pas humbjeve të njëpasnjëshme dhe dëmtimeve të shumta, me shumë mundësi Perez do të bindet të hapë thesin përsëri për një yll. Do të hasen vështirësi për të bindur Junajtid. Anglezët nuk e kanë aspak me ngut dhe nuk ulen në bisedime nëse nuk vjen një ofertë, që i afrohet 150 milionë eurove.

“Agjentët flasin gjatë gjithë kohës. Nuk kemi marrë asnjë ofertë nga asnjë klub. Nuk kemi nevojë të shesim. Pol ka shumë oferta sepse është ndër më të mirët. Më i miri. Ai është profesionist i vërtetë. Kurrë nuk kemi pasur çështje me të. Pol ka një zemër të madhe”, u shpreh Ole.

Mançester Junajtid nuk pranon më pak se 150 milionë euro për kartonin e 26-vjeçarit. Drejtuesit e “djajve të kuq” e dinë shumë mirë që do e kenë të vështirë të mbajnë Pogba në ekip, por dikush nuk është dorëzuar ende.

Ai është Ole Gunar Solskjaer. Trajneri norvegjez i Junajtid e sheh kampionin e botës si pikë fikse të skemave të tij dhe po tenton ta bindë për të qëndruar. Ole është i bindur që do të bëjë Pogbanë të ndryshojë mendje dhe të refuzojë ofertat. Të paktën do të provojë…

Së fundmi mediet franceze kishin paralajmëruar se lojtari kishte ndërmend të mos i bindej urdhrit të klubit për t’iu bashkangjitur skuadrës në fillimet e fazës përgatitore në Australi. Taktikë kjo që fatkeqësisht përdoret shpesh nga futbollistët për të detyruar klubet t’i shesin.

Megjithatë, Pogba nuk ka zgjedhur këtë rrugë. Media britanike “The Times” raporton se francezi i ka dhënë fund pushimeve në SHBA dhe ka marrë avionin për Australi ku do do t’i vihet nën urdhrat e Ole Gunar Solskjaer.

“Të gjithë e dinë dëshirën e Pogba për të ecur përpara. Çdokush e di dëshirën e tij dhe ne po punojmë rreth kësaj. Në Mançester e dinë të gjithë, nga trajneri e deri te pronari. Nuk mund t’ju them asgjë përfundimtare. Jam person që jetoj ditë pas dite”, u shpreh Raiola.

Për Pogba janë në garë të hapur Real Madrid dhe Juventus. Junajtid ka caktuar një çmim prej 150 milionë eurosh për mesfushorin. Real përtej intersimit të madh nuk ka dalë me një ofertë zyrtare, ndërkohë që nga Italia raportojnë se Juve ka gati 130 milionë euro.

80 milionë euro dhe kartonët e Garet Bejl dhe Toni Kros. Kjo është oferta e çmendur e Realit për Mançester Junajtid! Eduardo Inda ka zbuluar këtë propozim për “El Chiringuito” dhe është i bindur që “Djajtë e kuq” do ta pranojnë.

Gazetari i njohur iberik jep një koment edhe për interesimin e Juventusit. “Vetëm një skemë e Mino Rajolës për të rritur çmimin e francezit, asgjë tjetër”, thekson Inda.

Lajmet e fundit që vijnë nga Spanja flasin për një akord me Realin. Emisioni i njohur “El Chiringuito” raporton se “Djajtë e Kuq” kanë pranuar ofertën e Florentino Perez.

80 milionë dhe kartonin e Garet Bejl kanë ofruar “Los Blancos” për kampionin e botës. Uellsiani vlerësohet 90 milionë euro dhe tratativa totale shkon në 170 milionë euro.

“Pogba do të jetë një lojtar i Real Madrid javën e ardhshme. Tratativa është në fazën finale dhe Junajtid do të pranojë ofertën prej 80 milionë eurosh dhe kartonin e Bejl”, raporton “El Chiringuito”.

Reali kërkon të përfshijë në marrëveshje Garet Bejl, i panevojshëm në Madrid, por Juve ka një ofertë edhe më joshëse sipas Gazzetta dello Sport, përveçse duket se edhe vetë Pogba kërkon të kthehet në Torino.

Kampionët e Italisë, që shpresojnë shumë tek aleanca me agjentin Mino Raiola, janë gati të përfshijnë në marrëveshje emra që në Mançester i ëndërrojnë: Paulo Dibala, Aleks Sandro dhe Blaise Matuidi.

Nëse Pogba vlerësohet 150 milionë euro, ai çmim mund të ulet ndjeshëm nëse në marrëveshje përfshihet të paktën një nga lojtarët e mësipërm, me Dybala që vlerësohet të paktën 80 milionë euro dhe Aleks Sandro 60 milionë.

Një goditje e madhe e kampionëve të Italisë, të cilët përforcojnë repartin e mbrojtjes me 19-vjeçarin e talentuar. Megjithatë, drejtuesit e “Zonjës” kanë një tjetër mision: Pol Pogba.

Mesfushori e ka bërë të qartë dëshirën e tij për t’u larguar nga Mançester Junajtid dhe e ardhmja është mes Juventusit dhe Real Madrid. Sipas raportimeve të “AS”, francezi ka ish-klubin e tij si zgjedhje të parë.

Katër sezone (2012-2016) qëndroi Pol Pogba në Torinon bardhezi, aty ku po insiston të rikthehet përsëri. Pogba ka biseduar në telefon me Mauricio Sarrin dhe ia ka bërë të qartë trajnerit të ri dëshirën për të luajtur nën urdhrat e tij. Junajtid kërkon 150 milionë euro për kartonin e 26-vjeçarit dhe klubi anglez as që ka ndërmend të zbusë sadopak kërkesat e saj.

Gjithsesi, ëndrra e madhe e “Zonjës së Vjetër”, është padyshim rikthimi i Pol Pogba. Ky i fundit nuk duket i lumtur në Mançester dhe kërkon largimin me çdo kusht, ku së bashku me Juventusin, në garë për shërbimet e tij është edhe Reali i Madridit.

Sidoqoftë, ditën e sotme “Corriere dello Sport”, ka raportuar se Pogba mund të jetë më pranë Juves dhe shkak është sponsori Adidas. Sipas gazetës prestigjioze, drejtuesit bardhezinj i kanë kërkuar ndihmë sponsorit të tyre, pasi nëse transferimi i De Ligt mbyllet me sukses, atëherë një tjetër shpenzim kolosal për Pogban do të ishte i tepruar.

Junajtid kërkon 150 milionë euro për të liruar francezin, me Anjeli & Co që mund të gjejnë mbështetje tek Adidas. Tashmë dhe skenari i rikthimit të Pogbas në Torino mund të bëhet realitet

Real Madrid dhe Juventusi janë dy klubet e interesuara për Pogba, i cili njëherë “flirton” me spanjollët dhe të njëjtën gjë e bën edhe me bardhezinjtë, aty ku kaloi katër vite të bukura.

Merkato e Junajtid ka mbetur peng i 26-vjeçarit. Nëse largohet, drejtuesit e klubit anglez e kanë gati zëvendësuesin, sipas raportimeve të The Sun. Ai është Xhejdon Sanço, anglezi i Borusia Dortmund.

19-vjeçari nuk luan në të njëjtin rol me Pogba. Sanço aktivizohet në të dy krahët e sulmit dhe është i preferuari i trajnerit Solskjaer. Çmimi i kartonit të tij është  100 milionë euro dhe do të jetë e vështirë për të bindur Dortmundin që ta lërë të lirë.

Megjithatë, “djajtë e kuq” janë gati ta provojnë, gjithmonë nëse shesin Pol Pogba te Real Madrid apo Juventusi.

Çuditërisht kjo ofertë është refuzuar menjëherë nga “Djajtë e Kuq”. Ata kanë rezerva për pagën e madhe që Nejmar merr në Paris, që është rreth 900 mijë euro në javë. Gjithashtu, Ed Uduard nuk e dëshiron kurrsesi largimin e nje ylli si Pol Pogba këtë verë. Ai e sheh francezin si figura kryesore e skuadrës për sezonin e ardhshëm.

Kur një lojtar nuk ndihet më mirë dhe insiston për t’u larguar, mirë është ta shesësh dhe të tentosh të përfitosh sa më shumë para nga ai. Megjithatë, Mançester Junajtid mendon ndryshe.

Trajneri Solskjaer ka dhënë miratimin e tij për shitjen e kampionit të botës, por drejtuesit e klubit mendojnë ndryshe. Sipas spanjolles “Marca”, drejtuesit e “Djajve të Kuq” kanë ndërprerë bisedimet me Realin dhe Juventusin.

Vera e Pogba parashikohet e gjatë, ndërsa dy klubet e interesuara kanë dalë “ofsajt” për momentin. Gjithçka varet nga sjellja e 26-vjeçarit. Vetëm ai mund të arrijë t’i mbushë mendjen klubit të tij që ta lërë të lirë, sigurisht në këmbim të shumë milionë eurove që pritet të vijnë nga Reali ose Juventusi.

Projekti i ri Juventusit duket se e ka tunduar francezin. Prania e yjeve si Kristiano Ronaldo dhe ardhja e një trajneri, që ka një stil loje sulmues e bën Juventusin të jetë destinacioni i preferuar i Pogba. Paratiçi ka muaj që po e ndjek situatën e tij dhe ka bërë gati 130 milionë euro për të rikthyer mesfushorin në “Allianz Stadium”.

“Mirror” bën të ditur se drejtuesit e Juventusit janë të gatshëm të dërgojnë ofertën e parë për klubin e Junajtid. Vlera e kësaj tentative fillestare do të jetë plot 140 milionë euro. Një shifër edhe më e çmendur se ajo, që paguan anglezët në vitin 2015, për ta shkëputur nga “Zonja”.

100 milionë eurot e derdhura në arkat e Juventusit përbënin një rekord në tregun e atëhershëm. Junajtid nuk është i gatshëm ta lërë të lirë. Ata kanë pregatitur një kontratë të re me pagë prej 27 milionë euorsh. Mbetet për t’u parë se cila është dëshira e vërtetë e yllit francez.

Destinacioni i mundshëm është Reali i Madridit, por duket se “Djajtë e Kuq” nuk duan të heqin dorë nga ylli i tyre. Sipas asaj që raporton “Daily Mail”, drejtuesit e Junajtid kanë përgatitur një ofertë faraonike për francezin, në mënyrë që ta bindin për qëndrimin në Mançester.

Plot 500 mijë paundë në javë për Kampionin e Botës, shifër që do ta bënte një ndër futbollistët më të paguar në planet. Shifra dhe oferta duken faraonike, tashmë topi kalon në krahun e Pol Pogbas.

Gara do të zgjasë shumë, por Reali është në avantazh. Kështu raporton “AS”, që citon një burim pranë lojtarit francez. Pogba dëshiron Realin dhe Zidan. Trajneri është ai që e ka kërkuar më shumë se të gjithë dhe diçka e tillë vlerësohet shumë nga mesfushori.

Por, Juventusi nuk dorëzohet. Bardhezinjtë kanë në anën e tyre agjentin. Perez nuk e pëlqen Rajolën, i cili ka një raport perfekt me familjen bardhezi. Mos harrojmë Mançester Junajtid. Mund të bllokojë gjithçka ose duhen derdhur 160 milionë euro. Asnjë cent më pak. Gara për Pogba vazhdon. Për momentin kryeson Reali…

Lidhur me këto zëra nuk ka pasur reagim as nga lojtari dhe as nga klubet respektive, Mançester Junajtid apo Reali. Aktualisht, mesfushori i “Djajve të Kuq” ndodhet në Azi për një tur dhe së fundmi duket se ka folur për një gazetar në Tokio.

Pogba to reporters in Tokyo. “I have in Manchester 3 years; some good moments and some bad moments, like everybody. I think for me it could be a good time to have a new challenge somewhere else.”

— Simon Stone (@sistoney67) 16 juin 2019

Sipas raportimeve, thuhet se Pogba e ka thënë hapur se kërkon sfida të reja, duke nënkuptuar se koha e tij te Junajtid ka përfunduar.

? La táctica Pogba: vea como sale de su boca la misma frase que usó Hazard antes de fichar
? “Quiero tener nuevos retos en otro lugar” pic.twitter.com/i5tPOGjGNd

— AS (@diarioas) 16 juin 2019

“Kam tri vite në Mançester dhe kam kaluar disa momente të këqija dhe disa momente të mira, si çdokush kudo. Mendoj se tashmë, për mua ka ardhur koha e duhur për sfida të reja.”

Klubi spanjoll po përgatitet të bëjë të tjera afrime dhe emri më i bujshëm është ai i Pol Pogba. Trajneri Zinedin Zidan e do, por jo vetëm ai. Tashmë raportohet se edhe Hazard i ka kërkuar kampionit të botës t’i bashkohet te Reali i Madridit.

Gjithsesi ende nuk dihet se çfarë do të ndodhë, pasi drejtuesit e Realit kanë sugjeruar që të marrin Eriksen nga Totenhemi për mesfushën. Zidan nga ana tjetër e ka bërë të qartë kërkesën e tij. Nga ana tjetër, Hazard në prezantim u ngacmua se si do të ishte të ndante dhomat e zhveshjes me Pol Pogba dhe Kilian Mbape.

Sulmuesi ishte i sinqertë në përgjigjen e tij: “Dua të luaj me më të mirët dhe atë që përmendët ju janë më të mirët. Gjithsesi nuk më takon mua të flas për merkaton”. Në Mançester ende nuk kanë vendosur se çfarë do të bëjnë me Pogba.

Mendimet janë të ndryshme, kurse Reali nga ana tjetër duhet të bëjë llogaritë edhe me konkurrencën e Juventusit. Bardhezinjtë po mendojnë ta kthejnë francezin në Torino dhe drejtori Paratiçi po lëviz gjithë “gurët” për të bërë një marrëveshje me mesfushorin.

“Unë luaj njësoj sikur luaja i vogël dhe nuk e kam ndryshuar stilin tim. Kur nuk fitoj dhe zhvilloj ndeshje poshtë nivelit tim bëhet problem i madh. E dini pse? Prej çmimit të kartonit. Jam shndërruar në një tjetër lojtar prej shumës që pagoi Junajtid për mua. Ishte shifra më e madhe në historinë e futbollit deri në atë moment. Njerëzit presin shumë prej meje. Kur luaj një ndeshje të mirë, thonë që bëra detyrën. Kur zhvilloj një ndeshje të nivelit të lartë, thonë që luajta mirë”, komenton mesfushori për “Times”.

26-vjeçari ndalet edhe te një temë tepër e ndjeshme. Racizmi po luftohet fort, por është e vështirë të zhduket nga futbolli. Pogba sqaron idenë e tij dhe tregon një prapaskenë të së kaluar. Ishte pjesë e Juventusit dhe e provoi racizmin në një ndeshje kundër Fiorentinës në Firence.

“E kam provuar në lëkurën time dhe është e trishtueshme ta shohësh këtë fenomen në futboll. Nuk e di nëse janë racistë apo injorantë. Dëgjoj shumë fjalë, por nuk reagoj, thjesht buzëqesh. Në një ndeshje kundër Fiorentinës disa tifozë filluan të imitonin majmunin sapo dola nga pankina. Fillova t’i pyesja se pse po silleshin ashtu. Ju dhashë bluzën time dhe u lumturuan. Filluan të më duartrokisnin. Racizmi është diçka e rrënjosur me kohën. Mendoj se ka të bëjë me shumë me injorancën e personave të caktuar”, përfundon kampioni i botës.

Siç raporton “AS”, Florentino Perez ka pyetur direkt drejtuesit e klubit anglez sesa kushton Pol Pogba dhe përgjigja ka qenë e prerë: Është i pashitshëm. Anglezët nuk dëshirojnë kurrsesi ta largojnë francezin nga “Old Trafford”.

? El Madrid ha contactado con los ingleses para conocer el precio de salida del francés
? Se ha encontrado con un muro: es intransferiblehttps://t.co/bE5s7ZQ7ii

— AS (@diarioas) June 11, 2019

Ata e shohin atë si aktorin kryesor të projektit të ri për ringritjen e klubit. E vetmja zgjidhje, që i ka mbetur në dorë Realit është të bindë vetë lojtarin dhe ky i fundit të kërkojë largimin nga “Djajtë e Kuq”. Opsion që shihet i vështirë dhe ka përpara shumë pengesa.

Gjatë ndeshjes së eliminatoreve të Euro 2020 të zhvilluar në Turqi midis vendasve dhe Francës, Fabio Paratiçi është takuar me kampionin e botës.

26-vjeçari i ka konfirmuar drejtorit sportiv të Juves dëshirën e tij të madhe për t’u rikthyer. Për ta realizuar një transferim të tillë duhet bërë një shitje më parë, në mënyrë që të mos ketë probleme me FPF (fair-play financiar).

Tre janë kandidatët për t’u larguar: Kanselo, Dagllas Kosta dhe Dibala. I pari mund të përfundojë te Mançester Siti për shumën e 60 milionë eurove, ndërsa braziliani kërkohet nga klubi tjeter i Mançesterit.

Edhe Dibala është pranë largimit, por ardhja e Sarrit në stol mund të ndryshojë gjithçka. Trajneri e pëlqen shumë argjentinasin dhe mund t’i kërkojë klubit që ta heqë nga merkato dhe ta mbajë në ekip.

Vetë mesfushori dëshiron të largohet nga Mançester Junajtid. Në garë për të është edhe Reali i Madridit, por spanjollët duan të shesin Garet Bejl në fillim.

Sipas raportimeve të mediave angleze, Juventusi i ka ofruar “Djajve të Kuq” Paulo Dibala dhe Aleks Sandro për Pogbanë. Një ofertë tepër interesante për klubin nga Mançesteri, ndërsa bardhezinjtë konfirmojnë dëshirën e madhe për të rikthyer në ekip kampionin e botës.

“Agjenti i Pogbasë është Mino Raiola. Kam bashkëpunuar me të për 10 vite. Ai e di se çfarë bën, më besoni. Raiola e di se është koha e duhur që Pogba të largohet. Mino po sheh për një klub të ri për të. Polin nuk e shoh te Junajtid në sezonin e ardhshëm. Zidan e pëlqen shumë atë. E njeh personalitetin e tij dhe do të kuptoheshin shumë mirë”, përfundoi Mido.

Gjithsesi, për merkaton duhet pritur. Momentalisht janë publikuar fotot e fanellave të reja të Junajtid dhe në setin e fotografive kanë marrë pjesë Pol Pogba dhe David De Gea. Francezi është një nga më të përfolurit për t’u larguar nga “Djajtë e kuq”, ashtu sikurse edhe portieri spanjoll.

Me shumë mundësi është një strategji e klubit dhe e ADIDAS për të “joshur” tifozët, të cilët janë të shumtë me Mançesterin. Vetë ADIDAS, përmes faqes zyrtare të saj në Instagram, ka publikuar fotot e fanellave të reja të Junajtid.

https://www.instagram.com/p/BxhBPGjoFkS/?utm_source=ig_web_copy_link

I pyetur për një kalim te PSG shprehet se duhet të respektohet trajneri që ata kanë në krye. Në lidhje më një zënkë të vjetër me Benzema kur drejtonte në Madrid e mohon këtë fakt. Synimi i tij ka qenë që Benzema të bëhej një vrasës para portës. Gazetarët e krahasojnë këtë zënkë me Martial në Mançester. Nuk komenton shumë mbi këtë veçse uron më të mirat për të riun francez.

PROBLEMET TEK JUNAJTID- “Nuk mund të them ‘po’ kur më pyesni që përgjegjësi i vetëm është Pol. Problemet janë në tërësi, tek organizimi, tek ambiciet e klubit. Te Junajtid problemet qëndrojnë akoma aty, nuk u larguan me ikjen time.”

LAJMET PËR TË DREJTUAR PSG- “Parisi është një klub me një trajner të aftë dhe duhet ta respektoni. Sigurisht ata nuk po arrijnë të fitojnë në Evropë, por e kanë një drejtues. Mund të më pyesni për një klub që janë dyert e hapura.”

ZËNKAT ME BENZEMA DHE MARTIAL- “Me Karim nuk pasur asnjë zënkë. Thjesht jam munduar ta përmirësoj atë psikologjikisht dhe ta bëj një vrasës para portës. Të bëhej një lojtar shumë vendimtar. Ndiej kënaqësi që kam punuar me Benzema. Ndërsa Martial është një djalosh me personalitet tjetër. E vetmja gjë që mund të them është se shpresoj që ai të arrijë maturinë e duhur dhe të kapë maksimumin e tij”, përfundoi Murinjo.

Pol Pogba shënoi 13 gola dhe dhuroi 9 asiste, por kjo nuk ka mjaftuar që në drejtim të francezit të vërshojnë kritikat. Pas humbjes në ndeshjen e fundit kundër Kardifit, mesfushori u bë protagonist i një grindje me tifozë të acaruar dhe zhgënjyer nga ironia e lojtarit.

E ardhmja e tij mund të jetë La Liga spanjolle. Reali i Madridit po e ndjek prej kohësh, pasi Pogba është dëshira e madhe e trajneri Zidan për repartin e mesit të fushës.

Patrik Evra është një nga miqtë e tij më të mirë. Ish-mbrojtësi i majtë ka luajtur 8 sezone në “Old Trafford”, por nuk i pëlqen aspak trajtimi që tifozët i bëjnë Pogbasë. Kur mungon dashuria është e vështirë të japësh maksimumin tënd dhe Evra ka një këshillë për patriotin e tij.

“Tifozët po e masakrojnë Polin dhe nuk e them këtë për t’i dalë në mbrojtje. Ai ka shënuar dhe dhuruar asiste më shumë se të gjithë në ekip. E kuptoj që vihet në dyshim lidershipi i tij dhe në disa ndeshje duhet të japë më shumë, por ai ka qenë futbollisti më i mirë i Junajtid në përgjithësi. Të gjithë merren me të, me jetën e tij dhe harrojnë atë që prodhon në fushë.

Mos të harrojmë se nga ky ekip, vetëm Pogba dhe De Gea mund të luajnë në çdo ekip të madh. Unë mendoj se do të largohet në fund të sezonit, sepse është e nevojshme të ndjesh dashuri aty ku luan. Tifozët e Junajtid të duartrokisnin edhe kur luaje keq në kohën time, ndërsa tani befasohem nga ofendimet e tyre”, përfundon Patris Evra.

Sipas “EduPidal”, një media pranë “Los Blancos”, është e kryer se Eden Hazard do të jetë lojtar i Realit vitin e ardhshëm. Së shpejti priten të dalin edhe shifrat e transferimit. Pogba është i preferuari i trajnerit Zidan dhe shihet si synimi kryesor pas ardhjes së Hazard.

Ndërkohë Luka Joviç i Ajntrahtit të Fraknfurtit është shumë pranë arritjes së marrëveshjes. Perez pritet të hidhet në sulm edhe për një anësor të djathtë, pasi Bejl është në ditët e fundit të tij në “Santiago Bernabeu”. Në kë pozicion mbetet vetëm Lukas Vazkes, i cili nuk shihet si një lojtar, që arrin të mbajë gjithë presionin e një sezoni të tërë.

Fundi i ndeshjes nuk kaloi pa incidente, teksa në krye të vëmendjes ishte pikërisht Pol Pogba. Francezi është përplasur me disa nga tifozët, të cilët i kanë kërkuar atij që të largohet një herë e më parë.

@paulpogba verbal altercation with fan at the end of the #MUFC game. pic.twitter.com/HyrluedlMA

— colcournioni (@colcournioni) May 12, 2019

Mesfushori përflitet shumë për një kalim te Reali i Madridit dhe në Mançester duket se askush nuk e do. Episodet e ndodhura një ditë më parë i shtojnë akoma më shumë shanset që Pogba të bëhet pjesë e Realit sezonin e ardhshëm, me Zinedin Zidan që e pret me krahët hapur.

Holandezi nuk ka arritur të mundë konkurencën e Ter Shtegen dhe ka kërkuar largimin nga “Camp Nou”. Kështu Ronaldo mendon se do të afrohej një portier që nuk kushton shumë, i cili do të shtojë cilësinë e munguar në katërkëndëshin bardhezi.

Dëshira të tjera të portugezit janë Ndombele, Pol Pogba, Adrien Rabiot dhe Matijs De Ligt. Ky i fundit kërkohet edhe nga katalanasit dhe Kristiano do të ishte shumë i lumtur nëse ai do vinte në Torino dhe do i ikte nga duart Barcelonës.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Ndërkohë që Junajtid humbte shansin e vetëm që i mbante në garë, francezi gjatë 90 minutave e humbi plot 24 herë topin. Shifër kjo, që nuk është aspak normale për kampionin e Botës dhe një prej mesfushorëve më të mirë në qarkullim. Pasime të gabuara, driblime të dështuara, vjedhje topi nga kundërshtari e të tjera si kto i pamë dje teksa i ndodhnin të gjitha26-vjeçarit. Me shumë mundësi e ka pasur mendjen diku tjetër larg Mançesterit.

24 times Pogba lost the ball against Huddersfield from r/soccer

Në dhomat e zhveshjes së Real Madridit nuk e duan francezin. Lojtarët kryesorë në “Santiago Bernabeu”, thuhet të kenë shprehur pakënaqësinë e tyre në lidhje me ardhjen e Pol Pogba.

Ata i tremben sjelljes së 26-vjeçarit te Junajtid dhe arsyetojnë se veprimet e tij ka shumë mundësi të prishin ekuilibrat në skuadër. Për këtë, ditët e fundit ka qarkulluar emri i Doni van de Bek si një afrim i mundshëm.

Reali i Madridit dëshiron të sjellë fytyra të reja në skuadër me një revolucion që është çdo ditë e më pranë. Me shumë mundësi një mes Modriç dhe Kros do të hapë krahun në mesfushën madrilene. Pol Pogba është një alternativë potenciale, gjithsesi jo çdo gjë po shkon mirë në operacionin për francezin.

Në Madrid ka një mospërputhje dëshirash mes Zidan dhe zyrtarëve të klubit. Këto të fundit nuk e shohin si një ide shumë të mirë transferimin e 26-vjeçarit. Van de Bek pritet të fitojë terren ndaj francezit në ditët në vijim.