Për Kutronen nuk është interesuar asnjë klub. Torino kishte shfaqur kureshtjen e saj, por kërkesat e klubit kuqezi mbi çmimin e lojtarit e kanë ndalur klubin “Granata”. Kështu, Milani duhet të gjejë një zgjidhje për ta shitur Kutronen. Ulja e çmimit është e para që të vjen në mendje.

Kutrone nga ana e tij ka treguar cilësi mjaft të mira, por mungesa e besimit nga Gatuzo ka sjellë probleme me ritmin e 21-vjeçarit. Sezonin e fundit në 12 ndeshje si titullar e dërgoi tre herë topin në rrjetë dhe regjistroi dy asiste.

Në një prononcim për “DAZN”, sulmues i kuqezinjve tregon objektivat e tij, idhullin, këshillat dhe sfidën me Inzagin dhe e mbyll me kombëtaren e madhe të Italisë.

URIA – “Urinë time në fushë ma ka transmetuar babai im. Dua të përmirësohem vazhdimisht, dua të jem protagonist. Gjithashtu për këtë arsye, unë nuk kënaqem asnjëherë dhe nuk e shijoj momentin. Nëse shënoj, filloj e mendoj për gabimet që kam bërë, ose rastet që mund t’i zgjidhja më mirë dhe mendoj t’i rregulloj për ndeshjen e radhës.”

IDHULLI – “Morata ka karakteristika që më pëlqejnë shumë. Ai është i shpejtë dhe është i ‘keq’ para portës. Ka bërë gjithmonë mirë dhe e admiroj. Higuain? Nder për mua të luaj me të. E vështroj dhe studioj gjithmonë në stërvitje dhe mësoj gjëra të reja nga ai.”

INZAGI – “Në shtëpi kam videot e golave të Pipos. I shikoja të gjitha golat e tij që i vogël. Kur e takova si trajner të ekipit të rinjve, më dha menjëherë këshilla mbi lëvizjet q duhet të bëja. Një ditë bëmë një sfidë brenda zonës së rreptësisë. Dolëm në barazim… ”

SEKRETI – “I vogël bëra një provë tek Interi, por më pas erdhi Milani dhe nuk u mendova dy herë. Të luash për ekipin tënd të zemrës është akoma më bukur. Jam i qetë dhe dëshiroj të bie në sy me Milanin. Nëse kombëtarja më thërret mirë, nëse jo, do të vazhdoj të luaj me Italinë U21. Për mua është gjithmonë nder të luaj me U21.”

Drejtuesit po mendojnë të ndërhyjnë në merkato dhe Mauricio Sarri ka dy preferenca. Bëhet fjalë për Mauro Ikardin dhe Patrik Kutronen. Italiani i “Bluve të Londrës” i pëlqen shumë të dy lojtarët dhe i ka kërkuar drejtuesve të nisin tratativat.

Kapiteni i Interit është i pari në listë, por do të jetë shumë e vështirë, ose pothuajse e pamundur, të arrihet blerja e tij në janar. Një situatë e ngjashme dhe për talentin e Milanit, i cili sapo ka rinovuar kontratën e tij me kuqezinjtë. Situata e 19-vjeçarit të Milanit është më e thjeshtë sa i përket aspektit financiar, por të dy tratativat do të jenë të komplikuara.

Çelsi është gati të nisë ofensivën e tij, ndërsa të dy sulmuesit do të tentojnë të lënë shenjën e tyre në ndeshjen e qytetit, me Sarrin që shpreson që njëri prej tyre të transferohet në Londër.

Trajneri Roberto Mançini ka bërë largimet e para nga kombëtarja. Alesio Romanjoli, Patrik Kutrone dhe Danilo D’Ambrozio janë rikthyer në shtëpi, si pasojë e dëmtimeve të tyre. Trajneri nuk ka dashur t’i rrezikojë dhe ka zgjedhur t’i largojë nga grumbullimi i kombëtares.

Mbrojtësi Romanjoli nuk luajti në përballjen me Kievon dhe vazhdon të ketë probleme me muskujt, ndërsa sulmuesi Kutrone luajti disa minuta të dielën, por nuk është rikuperuar akoma nga dëmtimi i tij. Mançini nuk ka dashur të rrezikojë as mbrojtësin e Interit, Danilo D’Ambrozio, i cili nuk luajti përballë Spalit dhe tashmë do përgatitet i qetë për të kaluar dëmtimin.

Problem ka patur dhe Çiro Imobile. Sulmuesi i Lacios ka thyer një gisht, por ai do të jetë i pranishëm në dy sfidat e kombëtares. Mançini ka gati zëvendësuesit e treshes së larguar dhe siç citon “Gazzetta dello Sport”, trajneri do të ftojë dy mbrojtës: Lorenco Tonelin e Sampdorias dhe Kristiano Piçinin e Valencias.

Patrik Kutrone është i preferuari i Lopeteguit siç citon spanjollja “Don Balon”, dhe Reali do të tentojë të nisë tratativat në janar me Milanin dhe lojtarin. Diçka e tillë do të jetë e vështirë dhe pothuajse e pamundur, sepse Gatuzo as që ka ndërmend të heqë dorë nga shërbimet e sulmuesit.

20-vjeçari është e ardhmja e klubit dhe vështirë se Milani do të pranojë të nisë tratativat me Realin, por Lopetegui e preferon Kutronen që kur ishte pjesë e Portos dhe Florentino Perez do të bëjë maksimumin për të kënaqur kreun e stolit.

Nga ana tjetër, Milani po shfrytëzon periudhën e pushimit si pasojë e ndeshjeve të kombëtareve dhe po punon për të harmonizuar skuadrën dhe afrimet e reja. Pesë janë emrat ku do të bazohet puna e Gatuzos: Kastihejo, Bakajoko, Konti, Laksalt dhe Kaldara. Spanjolli dha impresione të mira në ndeshjen me Romën dhe shihet si një lojtar, i cili mund t’i japë shumë Milanit në repartin ofensiv.

Bakajoko po punon fort për t’u përshtatur me skemën me tre mesfushorë, ndërsa Konti është në fazën e fundit të rikuperimit dhe rikthimi i tij është afër. Kaldara është një mbrojtës i fortë dhe me kualitet, por siç e pohoi dhe trajneri para sfidës me Romën, atij i duhet të përshtatet me metodat e reja, sepse vjen nga një stil tjetër mënyrë të luajturi. Laksalt është një tip xholi, i cili bën mirë disa pozicione dhe Gatuzo po punon për t’i gjetur rolin e duhur në skuadër.

Ata nuk kishin luajtur kurrë bashkë, por ishin takuar më parë. Higuain ishte pjesë e Napolit dhe po përgatitej për transfertën me Empolin, ndërsa Kutrone pjesë e Italisë U17. Takoheshin në Koverçiano dhe Patrik nuk hezitonte t’i kërkonte një foto sulmuesit argjentinas, të cilin e quante fenomen në komentin e fotos së publikuar në rrjetet sociale. Sot ata luajnë bashkë dhe janë gati për t’iu dhuruar mbrëmje të tjera magjike tifozëve të “Djallit”, me golat e tyre.

Dikur Kutrone i kërkonte foto Gonzalos, ndërsa mbrëmë ky i dhuroi pasimin e golit të fitores. Tifozët ëndërrojnë dhe janë të lumtur me harmoninë midis dy sulmuesve: i madhi, klas, efikasitet dhe nga më të fortët në botë në rolin e tij, ndërsa i vogli më një të ardhme të ndritur, pasion, sakrificë dhe sens goli, që të kujton një tjetër sulmues të madh, i cili sot ndodhet në pankinën e Bolonjës.

Milani kishte vite pa një sulmues të fortë në ekip, ndërsa sot ka dy të tillë. I takon Gatuzos të bëjë zgjedhjet, por tifozët do të preferonin t’i shihnin gjithmonë bashkë në fushë duke luftuar, shënuar gola dhe rikthyer Milanin aty ku i takon.

https://www.instagram.com/p/2EeNsYCiu0/?utm_source=ig_embed