Kutrone u largua nga ekipi të premten dhe u rikthye menjëherë në Milano në pritje të nisjes për në ishull. Dëshira e tij ishte qëndrimi tek ekipi i zemrës, por merkato të rezervon surpriza nga më të ndryshmet.

Aventura e tij me kuqezinjtë përfundon me 27 gola të shënuar në 90 ndeshje aktivizim mes titullarit dhe ardhjes si zëvendësues nga stoli.

Sky Sports raporton se Milani ka rënë dakord për shitjen e një tjetër sulmuesi. Drejtuesit e “djallit” kanë arritur marrëveshjen me anglezët e Ulvs për transferimin e Patrik Kutrones në Premier Ligë.

18 milionë euro + bonuset do të paguajnë “ujqërit” për kartonin e sulmuesit. Klubet kanë mbyllur gjithçka, ndërsa tani pritet përgjigja e 21-vjeçarit që nuk e ka marrë akoma vendimin përfundimtar.

Sot është programuar në Milano një takim i Maldinit dhe Masarës me Daniele Praden, drejtorin sportiv të Fiorentinës. Dyshja kuqezi kërkon të mbyllë këtë marrëveshje dhe janë gati t’i ofrojnë klubit viola Lukas Biljan dhe Patrik Kutronen.

Të dy pëlqehen shumë nga trajneri Montela. 26-vjeçari vlerësohet 30 milionë euro nga klubi nga Firence dhe takimi i sotëm do të zbardhë shumë të vërteta në lidhje me të ardhmen e tij, por edhe atë të Biljas dhe sulmuesit Kutrone.

Kutrone flet për karakteristikat e tij, “dashurinë” e madhe për golin, trajnerin Gatuzo dhe shpreson që Milani të mos ndërrojë stadium. “San Siro” është historia dhe nuk ka më bukur se të luash aty. Në fund idhujt, të gjithë sulmues dhe goleadorë, përveç njërit, i cili quhet Paolo Maldini…

STILI – “Kam dëshirë të depërtoj në zonë dhe nuk dua të dal nga fusha e blertë me mendimin: ‘sot nuk dhashë gjithçka’. Nuk është se të rinjtë italianë nuk janë të uritur. Jo të gjithë ia dalin, por ka dhe lojtarë që kënaqen me aq sa arrijnë.”

STADIUMI – “Shpresoj që Milani dhe Interi të mos lëvizin nga ‘San Siro’. Aty thithet historia, një ndjenjë e papërshkrueshme, që nga hera e parë që kam zbritur aty.”

GATUZO – “Trajneri di të na japë stimujt e duhur. Milani po luan mirë. Stërvitja për t’u përmirësuar është mënyra e vetme për ta bindur Xhenaron për të luajtur më shumë.”

GOLI – “Është gjithçka për mua. Por njësoj është dhe goli i shënuar nga një shok skuadre, ose një asist i dhuruar. Gjithmonë nëse arrihet fitorja. Unë kërkoj gjithmonë topin në zonë dhe ndonjëherë takohemi së bashku.”

IDHUJT – “Idhujt e mi janë ata që shënojnë gola. Morata, Inzagi, Van Basten, Suarez, por dhe Maldini. Një herë erdhi të marrë djalin e tij, Kristianin. I kërkova autograf dhe nuk arrija të flisja asnjë fjalë nga emocionet.”

Në një prononcim për “Gazzetta dello Sport”, ish-bomberi i “Djallit” vlerëson shumë dy sulmuesit e ekipit aktual, Piatek-Kutrone. Ai shpreson që kjo dyshe të arrijë të bëjë gjëra që kanë bërë më parë një dyshe e paharrueshme si ajo Inzagi-Shevçenko.

Inzagi ka një këshillë për Kutronen, ndërsa vlerëson dhe trajnerin Gatuzo. Shoku i qindrave betejave dhe fitoreve po bën një punë të mirë, ndërsa rikthimi i dyshes Leonardo-Maldini do të rikthejë Milanin në vendin ku i takon.

KRAHASIMI – “Shpresoj që Piatek dhe Kutrone mund të realizojnë me Milanin atë që kemi realizuar unë dhe Shevçenko. Jam i sigurt që do të jenë e ardhmja e klubit dhe skuadrës që po ndërton Gatuzo. Nevojitet kohë, por shkëndijat dallohen. Kam një këshillë për Kutronen: qëndro te Milani. Nuk ka asgjë më të mirë se kuqezinjtë.

GATUZO – “Rino ka grintë dhe kompetencë. Besoj se ai mund të realizojë te Milani, atë që bëri Konte me Juventusin. Sinjalet janë të dukshme. Leonardo dhe Maldini i kanë idetë e qarta. Tashmë ekziston gjithçka që nevojitet për rilindjen e Milanit.”

Gjithsesi, lidhur me këto lajme, ka reaguar së fundmi menaxheri i italianit. Xhovani Brankini, ka thënë për mediat, se të gjitha lajmet që e lidhur Kutronen me një largim nga Milani janë false dhe se klienti i tij shpreson që ta veshë përjetësisht fanellën kuqezi.

“Patrik është i fokusuar tërësisht te Milani. Ai shpreson që të japë kontributin maksimal, që kuqezinjtë të arrijnë të kualifikohen për Champions dhe të shkojnë sa më larg në Kupën e Italisë. I respekton zgjedhjet e trajnerit Gatuzo dhe kualitetin e shokëve të ekipit. Patrik është milanist dhe shpreson të luajë gjithmonë për këtë fanellë.”Kutrone e di shumë mirë që ky është një sezon, ku ka nevojë të rritet, kështu që askush nga ne nuk nuk ka bërë gati valixhet. Të gjitha lajmet për një largim janë false, sidomos ato në lidhje me Torinon. E përsëris, jo vetëm që nuk kemi folur me asnjë klub tjetër, por as nuk e kemi në plan diçka të tillë.”

Ekipet që dëshirojnë shërbimet e italianit të talentuar nuk mund ta kenë atë nëse nuk paguajnë të paktën 30 milionë euro. Qendërsulmuesi nuk ka arritur të ”ngrejë kokë” ndaj konkurencës së Higuain në pjesën e parë të sezonit.

Tani pengesa e tij është Piatek, të cilin vështirë se arrin ta konkurojë. Ai ka nisur si titullar vetëm 14 herë nga 31 paraqitjet që numëron me Milanin në këtë sezon. Kujtojmë që Kutrone ka shënuar 7 gola në të gjitha kompeticionet deri tani.

Një largim nga Milani i mundëson atij më shumë minuta, që janë të nevojshme për rritjen e tij si futbollsit. Kutrone i ka treguar cilësitë e tij, por për të mbajtur peshën e sulmit në një klub si Milani nuk është e lehtë.

Lënia krejtësisht në hije e Patrik Kutrones. 21-vjeçari, është aktivizuar pak që nga ardhja e Piatek dhe shumë klube kanë nisur të lëvizin për të, madje ofertat e para kanë mbërritur te drejtuesit e “djallit”. Siç raportohet nga mediat italiane, Torino ka shfaqur interes dhe oferta e tyre është huazim 2-vjeçar.

Gjithsesi, Milani duket se nuk është dakord me një ofertë të tillë dhe kërkon së paku 30 milionë euro për t’u futur në bisedime për sulmuesin e tyre. Gjithashtu, sipas mediave italiane, interes është raportuar dhe nga Atletiko Madrid, por ende nuk ka pasur diçka konkrete.

Piatek është kthyer në një lojtar vendimtar që ka besimin e Gatuzos përgjatë të gjithë 90 minutave. Duke qenë se Kutrone është vetëm 21 vjeç nuk do të ishte e paimagjinueshme që Kutrone të huazohej gjatë sezonit tjetër për të gjetur më shumë miuta, pasi sulmuesi ndodhet në një moment kyç të karrierës ku i duhet të zhvillohet sa më shumë.

Në një intervistë për “Radio Marte”, agjenti i lojtarit Donato Ornjani konfirmoi se ardhmja e lojtarit të tij do të vendoset gjatë merkatos së verës. Mbetet për t’u parë nëse kjo deklaratë është thjesht një presion taktik nga ana e agjentit ose diçka konkrete për një largim gjatë muajve të verës.

Sfida ishte thuajse e gjitha e ekuilibruar, me raste nga të dyja portat, por finalizimet nga të dyja kampet lanë për të dëshiruar. Lukas Paketa dha sinjale pozitive për Milanin, teksa debutoi me fanellën kuqezi, për 79 minuta dhe në tërësi bëri një ndeshje të mirë.

Për t’u kthyer te sfida, çdo gjë u mbyll me porta të paprekura dhe skuadrat iu drejtuan kohës shtesë për të vendosur se kush do të kalonte më tej. Shtesa e parë nisi me një Sampdoria mjaft këmbëngulëse, ku dorianët patën raste të shumta, teksa goditën dhe një herë traversën.

Ligji i pashkruar i futbollit, u vërtetua dhe një herë, kur në minutën e 102-të, Andrea Konti dhuroi një super asist për Patrik Kutronen, i cili shënoi golin e avantazhit për ekipin e tij, në të vetmen tentativë të kuqezinjve për shtesën e parë.

Ndërkohë në fraksionin e dytë të shtesës, Kutrone mendoi të dhuronte spektakël dhe të mbyllte gjithçka. Pas një pasimi preçiz të Calhanoglu, sulmuesi 21-vjeçar, me qetësinë e një bomberi shënon me klas, duke kaluar topin sipër portierit Rafael. Kështu, kuqezinjtë kalojnë më tej, ku presin një midis Napolit ose Sasuolos.
https://twitter.com/semo33x/status/1084167949945110534
https://twitter.com/semo33x/status/1084170314236510210

Patrik Kutrone u revoltua shumë për vendimin e trajnerit, për ta zëvendësuar dhe reagimi i tij ishte mjaft i ashpër. Lidhur me këtë fakt, sulmuesi italian duket se ka bërë prapakthehu, duke kërkuar falje për episodin. Gjithashtu 20-vjeçari foli për ndeshjen e radhës dhe për partnerin e tij në sulm, Gonzalo Higuain.

EPISODI – “Ishte e gjitha një moment. E kuptova se bëra gabim, kështu që ia shpjegova trajnerit dhe i thashë që ishte një keqkuptim. Kërkova falje tek ai edhe te e gjithë skuadra. Kisha një lëndim edhe ndodhi një keqkuptim, për faktin në qoftë se mund të vazhdoja apo jo. E marr fajin përsipër, por çdo lojtar ka dëshirë të jap sa më shumë dhe të kontribuojë për skuadrën”.

NDESHJA E RADHËS – “Ne vazhdojmë të jemi të bashkuar, këtë gjë duhet të bëjmë në momentet e vështira. Duhet të përgatitemi në mënyrën më të mirë të mundshme për sfidën ndaj Fiorentinës. Ata janë një kundërshtar me kualitet, por ne jemi të vetëdijshëm për kapacitetin dhe aftësitë tona”.

HIGUAIN – “E dëgjoj shumë Higuainin. Kam një marrëdhënie të shkëlqyer, në fushë dhe jashtë saj. Ai është një person i mrekullueshëm. E dimë se sa i mirë është, se sa shumë mund të japë për Milanin dhe besojmë tek ai”.

Bëhet fjalë pikërisht për Patrik Kutronen. Sot italiani është në moshën 20 vjeçare dhe numëron plot 21 gola në 52 ndeshje për fanellën e Milanit. Sezonin e kaluar ishte një pikë kyçe për sulmin kuqezi, duke lënë shpesh në stol edhe Andre Silvën e Kaliniç.

Pak më parë, siç bën me dije “calciomercato.com”, Kutrone ka rinovuar kontratën e tij me klubin e Milanit. Kjo kontratë e mban italianin deri në vitin 2023 si lojtar të kuqezinjve, ku në bazë të kontratës Kutrone do të përfitoj një rritje page, si dhe klauzolë nuk do të ekzistojë në këtë marrëveshje.